Lajme nga Shqiptaret ne Maqedoni

Konfiskohet armatim në afërsi të Bllacës




Në brezin kufitar mes Maqedonisë dhe Kosovës, në afërsi të Bllacës. policia e Maqedonisë ka sekuestruar një sasi e madhe armatimi të fshehur në katër bunkerë. Policia kishte zbuluar armatimin pasi kishte shkëmbyer zjarr me një grup të armatosur 12 anëtarësh i cili po ruante armatimin. Jozyrtarisht mësohet se nga përleshja është plagosur një person nga grupi i armatosur i cili është larguar në drejtim të Kosovës. “Bëhet fjalë për një sasi të madhe të armëve duke përfshirë armë të rënda, që do të thotë mina anti-tank, granata-hedhës, raketa, mitralozë të rëndë si dhe armë që mund të përdoren për veprime terroriste, apo TNT, lloje te ndryshme të eksplozivëve, eksploziv plastik, detonatorë, dhe kështu me radhë. Pas kthimit të zjarrit, personat që kanë ruajtur armatimin dhe bunkerët kanë ikur”, deklaroi zëdhënësi i Ministrisë së Punëve të Brendshme.
Nuk dihet nëse grupi që po ruante armatimin është larguar në drejtim të Kosovës apo në territorin e Maqedonisë. Zëdhënësi i policisë Ivo Kotevski tha se policia është vënë në kërkim të tyre.

Po leviz dicka.....

Hoxha : Gjendja në rajonin e Tanushës është normale	29/04/2010 10:32:33
Ish-komandanti i UÇK-së dhe ish-deputeti i PDK-së, Xhezair Shaqiri-Hoxha ka mirëkuptim për mesazhet e bashkësisë ndërkombëtare për zhvillimet aktuale në Maqedoni. Ai ka vlerësuar se në Tanushë është qetësi dhe se sipas tij, qarkullojnë dezinformata të ndryshme. “Unë jam në kontakte të vazhdueshme me bashkësinë ndërkombëtare dhe i kam siguruar se gjendja në rajonin e Tanushës është normale, por sidomos gjatë ditës së djeshme ka pasur një keqinformime dhe keqinterpretime të ndryshme”, ka theksuar për agjencinë e lajmeve INA, Xhezair Shaqiri. Shqetësimet e ndërkombëtarëve dje janë shprehur ndaj Shaqiri, me rastin e një informacioni lidhur me praninë e një numri të veturave në brendi të Tanushës, të cilët kishin ardhur mysafirë për vizitë private familjare. Ish-deputeti Xhezair Shaqiri ka kërkuar që partitë politike të marrin parasysh mesazhet e bashkësisë ndërkombëtare dhe përfundimisht të implementojnë Marrëveshjen e Ohrit. (S.Saqipi/INA)

http://www.ina-online.net/Default.aspx?news=b77eb9ec-f63f-4866-80b3-8998274a8b6c&ln=3

Ushtria
Clirimtare Kombetare, per incidentin ne afersi te Bllaces, njofton
publikun ...

Quote:

Në postën elektronike të TV Alsat sot ka arritur një komunikatë, e cila
thuhet se është nisur nga Sektori për informim i Ushtrisë Çlirimtare
Kombëtare. Komunikata me numër 1 mban datën 1 maj 2010 dhe është
firmosur nga Arben Selimi.
“Njoftohet opinioni mbarë shqiptarë në
IRJM se me datë 28.04.10. në vendin e quajtur Studenë në Karadakun e
Shkupit, ku dhe ndodhej një pikë e furnizimit të Ushtrisë Çlirimtare
Kombëtare, ushtarët tanë hasën në një pritë nga forcat e armatosura
sllavo-maqedonase”, thuhet në komunikatë. Në Komunikatën Nr. 1 të
UÇK-së, thuhet se epilogu i këtij aksioni ka qenë “një i vrarë nga pala
armike si dhe një i plagosur lehtën nga ushtarët e njësitit për
mbështetje logjistike të Ushtrisë Çlirimtare Kombëtare”. Më tej thuhet
se ‘ia bëjmë me dije gjithë opinionit shqiptarë se Ushtria Çlirimtare
Kombëtare vazhdon me aktivitetin e saj në hapësirën shqiptare në, siç
theksohet IRJM, përfundon Komunikata Nr 1 e UÇK-së. Kjo letër ka ardhur
vetëm 4 ditë pas zbulimit të disa bunkerëve nga forcat speciale të
Ministrisë së Punëve të Brendshme të Maqedonisë në afërsi të fshatit
Bllacë të Shkupit ku u konfiskua një sasi e madhe armatimi. Pas këtij
aksioni, edhe policia e Kosovës njoftoi se ka vënë në pranga 7 persona
në rrethinën e Kaçanikut, të cilët dyshohen se kanë lidhje me incidentin
ndërkufitar të datës 28 prill. Alsat-M
Ushtria
Clirimtare Kombetare, per incidentin ne afersi te Bllaces, njofton
publikun ...

Quote:

Komunikata Nr.1 e UÇK-së u dërgua nga Zvicra

Komunikata e UÇK-së dhe përgjegjësi i saj i nënshkruar si
Avni Selimi, ku është marrë përgjegjësia për incidentin në Bllacë është
dërguar nga Zvicra.


Kjo është kumtuar nga Ministria e Brendshme e Maqedonisë, e cila ka
hetuar se komunikata në disa media ishte dërguar nëpërmjet një serveri
nga Zvicra.

Zbulimi i saj është bërë nëpërmjet IP-adresave, ku
është zbuluar se letra është dërguar nga Zvicra, ndërsa MPB ka theksuar
se do të kërkojë hollësi nëpërmjet Interpolit dhe policisë zvicerane.

Sipas
MPB-së, deri tani nuk dihet identiteti i saktë i Selimit, nënshkrimi i
të cilit është i pranishëm në komunikatë.

Ky emër nuk është i
njohur gjithashtu edhe nga drejtues të lartë të ish-UÇK-së, tanimë të
përfaqësuar në radhët e BDI-së dhe partive tjera. MPB nuk sqaron se nga
ka ardhur deri tek adresat e internetit ku është dërguar kjo komunikatë
në disa media. (INA)

Thjeshte :

Jam kureshtar te di se kush qenka Arben Selimi

Me vjen keq por nuk paskam lexuar apo ndegjuar per Avni Selimin ?
Per her te par e ndegjoi kete emer ?

Flm

09/05/2010



Përkundër të gjitha pohimeve se situata e sigurisë në Maqedoni është e qetë dhe nën kontroll, policia maqedonase vazhdon të stacionohet në vendet e konsideruara si të rrezikshme.

Nga rajoni i Karadakut të Shkupit, në malet që ndajnë Shkupin me Kumanovën dhe Kosovën, policia e Maqedonisë ka dërguar forca shtesë. Banorë të këtyre vendbanimeve kanë rrëfyer për “Lajm” se policia i ka urdhëruar që ta zvogëlojnë intensitetin e qarkullimit në këtë rajon. Në vendin e quajtur “Bashinec”, ku banorët e fshatit Lubeten të Shkupit i mbajnë bagëtitë, policia ka dhënë urdhër që terreni të pastrohet dhe barinjtë të tërhiqen. “Para rreth dhjetë ditëve policia na tha që t’i largojmë dhentë nga bjeshka. Ne nuk u tërhoqëm, por para dy ditëve erdhën sërish dhe na urdhëruan që të largohemi. Tani s’dimë ku të shkojmë”, tha një banor i Lubetenit që deshi të mbetet anonim.

Gjithashtu, banorët kanë pohuar se ditëve të fundit janë shtuar dukshëm forcat e policisë që janë stacionuar në këtë rajon.

Në Ministrinë e Punëve të Brendshme (MPB) nuk mohojnë se ka pasur lëvizje të policisë, por thonë se kjo mund të bëhet për shkak të stërvitjeve.
“Ndoshta kanë pasur stërvitje, ndaj dhe u kanë thënë barinjve që t’i largojnë delet, pasi nëse rastësisht ndodh ndonjë incident, përgjegjësia bie mbi MPB-në”, tha Ivo Kotevski, zëdhënësi i policisë. Ai sqaroi se policia nuk e ka për obligim t’iu tregojë banorëve se kur ka stërvitje. “Situata atje është e qetë dhe nuk ka asnjë informatë se mund të ketë ndodhur ndonjë incident”, tha Kotevski.
Jozyrtarisht banorë e fshatrave të Karadakut të Shkupit theksojnë se policia po pozicionohet në pikat që në vitin 2001 i kontrollonte UÇK-ja.

Rikujtojmë se në gusht të vitit 2001 te stanet e Lubetenit në vendin e quajtur “Bashinec” ishin vrarë tetë polic maqedonas, të cilët me kamionin e tyre kishin rënë në një minë për të cilën akuzohej UÇK-ja.

http://lajmpress.com/lajme/maqedoni/4437.html

Organizatorët e marshit të nesërm ftojnë për maturi

Këshilli organizatave shqiptare në marshin e nesërm me
moton “Për drejtësi” pret mbi 20.000 njerëz. Organizatorët e kësaj
proteste, u bënë thirrje sot pjesëmarrësve të mundshëm, që në protestën e
10 majit, të ruajnë gjakftohtësinë dhe mos të bien preh e provokimeve
nga persona të papërgjegjshëm. Qëllimi i protestës është ngritjen e
zërit kundër diskriminimit etnik, projekteve mono-etnike të Qeverisë,
politikave diskriminuese dhe ndërprerjen e proceseve të montuara
politike gjyqësore, siç janë rasti i Sopotit dhe i Brodecit. Qoftë një
lëshim i vogël në këtë marshim protestues, sipas organizatorëve, do ta
dëmtonte rëndë imazhin e popullit shqiptar.
“Kërkojmë nga
pjesëmarrësit në marsh, që në asnjë mënyrë dhe asesi të mos përdorin
fjalor, i cili nxit urrejtje në baza të ndryshme. Ndalohet rreptësisht
fjalori i urrejtjes dhe fyerjes së tjetrit. Çdo lloj fyerje në baza
etnike, shkon në mënyrë direkte kundër qëllimeve të protestës”, deklaroi
Valon Kurtish, përfaqësues i Këshillit të organizatave shqiptare.
Nga
Këshilli i organizatave shqiptare, thonë se distancohen nga çdo
manipulim politik apo partiak të protestës.
“I lusim të gjithë
politikanët dhe subjektet politike që të paktën nesër gjatë zhvillimit
të protestës të përmbahen nga deklaratat që kanë të bëjnë me protestën”,
kërkoi Ibrahim Koça, përfaqësues i Këshillit të organizatave shqiptare.
Protesta
e nesërme fillon në orën 13.00 para gjykatave, vazhdon para Kuvendit
dhe përfundon para Qeverisë. Protesta deri tani ka gjetur mbështetjen e
DR-së dhe partive më të vogla shqiptare BDK e BDSH, ndërsa është
kundërshtuar vetëm nga BDI.

Këshilli i organizatave shqiptare të dielën edhe njëherë ka
përsëritur se Protesta për Drejtësi do të mbahet më 10 maj 2010, pa as
një lloj shtyrje apo anulimi. Marshi do të fillojë në ora 13.00 para
Gjykatave themelore në Shkup duke vazhduar rrugës për te Kuvendi
republikan, qeveria dhe përfundon në vendin e nisjes ku filloi, para
Gjykatave.
Këshilli i organizatave shqiptare u bën thirrje gjithë pjesëmarrësve
në protestë që të jenë të qetë, ta matur, dinjitozë dhe evropianë
në paraqitjen e tyre, duke vlerësuar se edhe një lëshim i vetëm në këtë
protestë e dëmton rëndë imazhin e shqiptarëve dhe shkon kundër
interesit kombëtar të popullit shqiptar.
“Kërkojmë nga pjesëmarrësit në marsh që në asnjë mënyrë dhe assesi të
mos përdorin fjalor i cili nxit urrejtje në baza të ndryshme. Ndalohet
rreptësisht fjalori i urrejtjes dhe fyerjes së tjetrit. Çdo lloj fyerje
në baza etnike shkon në mënyrë direkte kundër qëllimeve të protestës.
Ata që përdorin fjalor të tillë janë kundër arritjes së synimeve të
protestës së nesërme. Lusim qytetarët që ta ruajnë gjakftohtësinë dhe të
mos bien pre e provokimeve që mund të ndodhin nga persona të
pa përgjegjshëm të nacionaliteteve tjera. Rënia në provokime është
kundër interesit të shqiptarëve”, deklaroi përfaqësuesi i Këshillit,
Valon Bela. Njëkohësisht Këshilli i organizatave shqiptare distancohet
plotësisht nga çdo lloj manipulimi politik apo partiak i protestës. “E
përsërisim edhe njëherë se protesta organizohet nga shoqëria civile
shqiptare dhe është krejtësisht apartiake. Apelojmë te protestuesit që
tu përmbahen në mënyrë të prerë rregullave të një proteste paqësore në
mënyrë që të tregojmë se dimë të organizohemi në forma të tilla të të
shprehjes së revoltës qytetare”, theksoi Bela duke apeluar te qytetarët
që në numër të madh ti bashkëngjiten këtij marshi “për të arritur
qëllimin e deklaruar, pra të lirohen të burgosurit e pafajshëm shqipta

Populli po por ku jan ata që e mashtruan kët Popull dhe tash han e pin bashk me ata që deri dje i vran i gjykuan pa faj dhe prap po vazhdojn lojën e njejt , me përkrahjen e disa kishe i thon veti Shqiptarë .

Mbahet protesta “Për drejtësi”

Video këtu : http://alsat-m.tv/lajme/vendi/40326.html







Protesta me moton “Për drejtësi” filloi sot në orën 13.00
para gjykatave, vazhdoi para Kuvendit dhe para Qeverisë. Protesta ka
gjetur mbështetjen e DR-së, PDSH-së, BDK-së e BDSH-së, ndërsa është
kundërshtuar vetëm nga BDI. Protesta kaloi nën masa të forta të
sigurisë, qetë dhe pa incidente. Paraprakisht organizatorët e kësaj
proteste, u bënë thirrje pjesëmarrësve të mundshëm, që në protestë, të
ruajnë gjakftohtësinë dhe mos të bien pre e provokimeve nga persona të
papërgjegjshëm. Qëllimi i protestës ishte ngritja e zërit kundër
diskriminimit etnik, projekteve mono-etnike të Qeverisë, politikave
diskriminuese dhe ndërprerjen e proceseve të montuara politike
gjyqësore, siç janë rasti i Sopotit dhe i Brodecit. /alsat-m/

po pergaditet nje lufte e rrepte--
se qka do te dal pas lufte veq zoti e di...

Policia shton kontrollin në Karadak











Policia e Maqedonisë ka intensifikuar kontrollin në rajonin e
Karadakut të Shkupit. Gjatë ditës së diel, helikopterë të policisë kanë
patrulluar gjatë gjithë ditës mbi fshatrat malorë, Brezë, Malinë,
Goshincë dhe në kufirin me Kosovën. Gjithashtu, banorë të këtyre viseve
kanë pohuar se janë dëgjuar krisma, por policia mohon të ketë ndonjë
incident. “Fluturimet e helikopterëve janë të rregullta, pasi ata duhet
të përmbushin një normë të caktuar të orëve që duhet t’i fluturojnë
brenda një kohe të caktuar. Sa i përket krismave, nuk kemi të
regjistruar ndonjë incident të ndodhur, por mund të jetë ndonjë krismë e
zakonshme që shpeshherë ndodhë në këtë rajon”, tha zëdhënësi i MPB-së,
Ivo Kotevski.
Ditëve të fundit është vërejtur prani më e madhe e forcave të
policisë edhe në rajonin e Tetovës.

Nuk të lejmë keq ty Drinii

http://kanal5.com.mk/Default.aspx?mId=120