Maqedoni, policia bastisje dhe terror psikologjik në familje

Maqedoni, policia bastisje dhe terror psikologjik në familje shqiptare

[img(320,200):1018]http://lajme.dervina.com/foto/f753c0644cc9f4154e64747c49e3b152/Tetovo_Brodec2[1].jpg[/img:1018] Në Maqedoni, njësitë policore të njohura ndryshe si Alfa, kanë kryer bastisje dhe arrestime në shumë familje shqiptare, duke terror psikologjik tek fëmijët, gratë dhe të moshuarit. Bastisjet e policisë, u kryen në Haraçinë, Çair të Shkupit dhe në fshatin Opajë të Kumanovës. Gjatë aksionit në fshatin Haraçinë janë arrestuar tre persona, në Çair tre persona si dhe në fshatin Opajë të Kumanovës katër persona të familjes Qerimi. Ministria e Brendshme nuk ka dhënë detaje për kryerjen e këtyre bastisjeve, ndërkohë bëhet e ditur jozyrtarisht se nesër do të ketë informacione plotësuese lidhur me këtë aksion të gjerë policor. Bastisjet pasuan pas vrasjes së pjesëtarit të njësitit “Alfa” Afrim Arifi në afërsi të Fakultetit Matematiko- Natyror në Shkup. Në orët e hershme të mëngjesit të djeshëm është bastisur shtëpia e botuesit dhe drejtorit të së përditshmes shqiptare “Koha” në Shkup, Arben Ratkoceri. "Në mëngjes rreth orës katër deri në 06;30 minuta njësitet speciale mbi 30 të armatosur dhe me maska u futën në shtëpinë time dhe familjes time ku bënë një kontroll të detajuar dhe në të cilën kontroll shkaktuan një tmerr dhe një terror të paparë ndaj dy fëmijëve të mi të mitur si dhe prindërve dhe kuptohet bashkëshortes. Arsyeja, me insistimin tim për të kërkuar dokumentin e gjykatësit hetues për bastisje, ata nuk ma jepnin duke u arsyetuar se nuk guxon ta shohësh emrin e gjykatësit hetues se mund të marësh ndonjë masë më të dhunshme në ditët e ardhme", deklaroi botuesi i gazetës, Arben Ratkoceri, cituat nga agjencia e lajmeve shqiptare në Maqedoni, Ina. Ministria e Punëve të Brendshme disa orë pas akcionit deklaroi se bëhet fjalë për koincidencë, sepse kanë kërkuar një person që ka njëjtë dy adresa banimi sikurse botuesi i gazetës KOHA. Forca speciale të policisë së Maqedonisë në orët e hershme të mëngjesit të sotëm kanë kryer kontrolle edhe në mbi 20 familje shqiptarë në Çair të Shkupit, në Haraçinë dhe në Opajë të Kumanovës, me ç'rast janë arrestuar 18 persona. Sipas MPB-së aksioni është zhvilluar për të kapur të dyshuarit për vrasjen e policit të njësiti ALFA.

www.dervina.com

Shaqiri: Nëse vazhdojnë bastisjet ish-UÇK do të riorganizohet

22/12/2008 13:44:23


Ish-komandanti i Ushtrisë Çlirimtare Kombëtare (UÇK), Xhezair Shaqiri-Hoxha deklaroi për agjencinë INA që faktori politik shqiptar në Qeveri të ngrejë zërin për të ndërprerë aksionet e policisë ose të përkrahë ato hapur.

“Kërkojmë nga subjekti politik shqiptar në Qeveri BDI dhe personalisht Ali Ahmeti që të distancohet ose ti përkrahë publikisht aksionet e tilla. Nëse vazhdojnë kështu ne do të urdhërojmë riorganizimin e UÇK-së për të mbrojtur popullin shqiptar”, theksoi për agjencinë INA, Xhezair Shaqiri.

Sipas tij, bastisjet dhe arrestimet e ish-ushtarëve të UÇK-së kanë indinjuar të gjithë ish-ushtarët dhe popullin shqiptar. “Prandaj reagojmë ashpër ndaj Qeverisë dhe tandemit Gruevski-Mijalkov, që të ndërpresin sulmet të tilla sepse kanë tejkaluar vijën e kuqe të durimit. Për herë të fundit kërkojmë nga faktori ndërkombëtarë që të ndërhyjë me të vetmin qëllim ruajtjen e paqes”, thekson ish-deputeti i Partisë Demokratike Kombëtare, i cili vazhdon të qëndrojë në Tanushë, për shkak të fletëarrestit të autoriteteve maqedonase për një vepër të kryer penale pas konfliktit të vitit 2001, për të cilën ai deklarohet se është i pafajshëm.(INA)

keto qe po ndodhin ne Maçedoni
jan provokime
dhe per ti futur friken poipullit Shqipetare
sikur tek ne ne Kosove qe veprojshin qetniket me disa hafij shqipetare

Shaqiri kërcënohet me rikthimin e UÇK-së



Nëse nuk ndërpriten bastisjet dhe arrestimet do ta riortganizojë UÇK-në për ta mbrojtur populllin thotë ish komandanti Xhezair Shaqiri.
Ish-komandanti i Ushtrisë Çlirimtare Kombëtare, Xhezair Shaqiri-Hoxha ka deklaruar sot për ALSAT se nëse faktori politik shqiptar në Qeveri Bashkimi Demokratik për Integrim nuk e ngre zërin për të ndërprerë aksionet e policisë, do të urdhërojë riorganizimin e UÇK-së për të mbrojtur popullin shqiptar, I cili gjatë periudhës së fundit është bërë cak I bastisjeve dhe arrestimeve të njëpasnjëshme.

"Përgjegjësia më e madhe bjen tek subjekti politik shqiptarë, te njena apo tjetra apo sot tek BDI-ja sot që është në Qeveri, më së paku duhet të bëje atë, ose le ti përkrah këto aksione të sllavo-maqedonëve ndaj shqiptarëve ose le të distancohet le të thoje mirë, ne nuk jemi të pzetur për këtë aksion edhe distancohemi nga kjo dhe nuk mund të lejohen këto gjëra. Nga partneri I koalicioni shqiptarë heshtin shuajnë dhe ruajn kolltuqet. Nuk e dij se cka presin kur për një natë 200 e disa familje në Shkup e Kumanovë, malltretohen fizikisht, gra, fëmijë dhe pleq", thotë ish komandati I UCK-së, Xhezair Shaqiri-Hoxha.
Sipas Xhezair Shqirit, bastisjet dhe arrestimet e ish-ushtarëve të UÇK-së kanë indinjuar të gjithë ish-ushtarët dhe mbarë popullin shqiptar. Prandaj ne kemi reaguar ashpër ndaj Qeverisë dhe dyshes Nikolla Gruevski dhe Sashi Mijallkov-drejtorit të drejtorisë për zbulim dhe kundër zbulim. Kërkojmë që të ndërpresin sulmet e këtillala, meqë kanë tejkaluar vijën e kuqe të durimit të popullit shqiptarë.
"Ka disa intelektual disa parti që ngrisin një gjysmë zëri në këtë drejtim,komiteti ndërkombëtar besoj se e bënë atë të veten për tu jë thënë Gruevskit dhe Sasho Mijalkovit drejtorit të DBK-së mos se nuk bënë kështu. Ne kemi metodat e mbrojtjes tona dhe padyshim dhe pa hezitim mund të them lirisht se kemi aq kapacitet q ëish UCK-ja të riorganizohet dhe të vetëmbrohet dhe këtu nuk na jetë faji ne, fajin do ta ketë VMRO-DPMNE-ja, Nikolla Gruevski, Jankullovska dhe Sasho Mijallkovi drejtor I DBK-së", shton Shaqiri.
Ish-komandanti i Ushtrisë Çlirimtare Kombëtare, Xhezair Shaqiri-Hoxha tre vite me radhë po qëndron në Tanushë për shkak të një fletëarresti të gjykatës për vepër të kryer penale pas konfliktit të vitit 2001, për të cilën ai deklarohet se është i pafajshëm.
Valmir Kuçi

me mendimin tim nuk eshte provokimi i maqedonase ,,eshte,,por edhe eshte provokimi nderkombetare qe te hyjn konflikt prap shqiptaret ne maqedoni dhe ta fortesojn shpalljen e terrorizmit shqipetareve.. siq e kane shpallur ne vitin 2001.vetem me mbet ende ne maqedoni dhe ne kosove se kajmaku i ballkanit eshte ketu,neper vendet shqiptare...