Shumë të lënduar nga eksplodimet në Shqipëri

me dhembje te thell ne zemer i ngushelloi familjaret qe humben te dashurit e tyre,me dhimbje per te gjith vellezerit e motrat dhe dhasht zoti qe kurr mos te ndodh me nje gje e till

i pershendes te gjith vellezerit e motrat qe dhuruan gjak per vellezerit e motrat tona dhe i falenderoi te gjith ata qe i ndihmuan vellezerit e motrat tona te nenes shqipe

Anëtar aktiv Numri i postimeve : 760 Registration date : 06/09/2007

Eshtë një gjest shumë i mire nga njerzit që po e trgojnë humanitetin e tyre ,ju lumtë fundja miku i mire njihet ne dite te veshtira .

Nese dyçka eshte e drejte,duhet kryer pa mare parasysh arsyet e shumta e mos te heqim dore nga kryrja e saj.

I pershendes te gjithe ata qe dhuruan gjake, pa mare parasysh arsyet.

RESPEKT.

Prishtine, 17 mars 2007 - Dje Levizja Vetevendosje! organizuan bashke me disa organizata stundentore homazhe dhe ndezje qirinjsh te Teatri Kombetar. Marshi per tu solidarizuar me kete tragjedi te dhemmbshme te popullit shqiptar filloi nga konviktet e studenteve ku aktiviste te rinj mbanin ne duar nga nje qiri. Ky marsh vazhdoi deri te teatri kombetar ku u vendosen qirinjte dhe u mbajt nje minute heshtje. Me pas aktivistet dhe qytetaret e grumbulluar (qindra sosh) vazhduan marshin deri te Ambasada e Shqiperise ku poashtu vendosen qirinj dhe lule.

Lajmi për tragjedinë e sotme të shkaktuar nga shpërthimi i municionit në
Vorë, na ka tronditur pa masë, ashtu siç ka prekur thellë gjithë
shqiptarët kudo që ndodhen. Le të punojmë të gjithë që kjo ngjarje e rëndë
për kombin të përballohet kombëtarisht. Vërtet që tragjedia na ka shokuar,
por ajo gjithashtu ka ngjallur në mesin tonë një solidaritet të paparë
prej vitesh në Kosovë. Njerëzit e këtushëm po bëjnë çmos që ta japin
pjesën e tyre të ndihmës. Radhët e shqiptarëve të Kosovës e sidomos rinisë
shqiptare, që po presin të dhurojnë gjak për më nevojtarët e tragjedisë së
Vorës, janë të gjata.

Atyre që humbën më të afërmit e tyre u shprehim ngushëllime, kurse shtetit
shqiptar gatishmërinë tonë si popull për ofrimin e çdo mundësie për
ndihmë, në mënyrë që kjo ngjarje të na gjejë sa më të bashkuar si
shqiptarë.

Lëvizja VETËVENDOSJE!

Anëtar Numri i postimeve : 410 Registration date : 08/02/2008

Beton shkruajti:: Nuk kuptoj nje gje ne kete ngjarje,thuhet se ka qene nje kompai private, nese komapania e ç'motimit te aremeve ka patur kontrata private,a do te mere pergjigjesi per kete ngjarje tashe kjo kompani.???????

Pergjegjesia eshte i injorantit te pandreqshem Enver Hoxha.
Pergjegjesia eshte i te pakuptueshmit Ramiz Alia.
Pergjegjesia eshte i diktatorit kokederr Sali Sadam Berisha.
Pergjegjesia eshte i adoleshentit Kryeminister Majko.
Pergjegjesia eshte i peshengritesit Kryeminister Meta.
Pergjegjesia eshte i pijanecit Kryeminister Nano.
Pergjegjesia eshte perseri i diktatorit kokegomar Kryeminister Sali Berisha.

Po mire fundja, po u larguan keta qe jane akoma ne kete jete, perseri do vine te tjere qe nuk bejne dicka me te mire. Per kete shkak, fundi i ketyre tragjedive eshte formimi i nje shoqate te forte jo-qeveritare qe te kete ndikim te madh me sinqeritetin e saj ne popull. Per ndryshe kjo tragjedi, nuk eshte e para dhe as qe do jete e fundit, sepse tragjedite qe ndodhin ne Maqedoni, Shqiperi dhe Kosove luftohen ne momentin qe perhapen dhe jo ne momentin qe shfaqen. Ani,

Ani.!
Mos ja fut kote o lal po te jesh ti nje kompani ,te lidhishe nje kontrat me keta ç'montime te armeve (do te thote eshte profesioni yte) ç'faj ka Enveri,Berisha,Alia etj etj

Fajtor je ti me profesionin tende qe ke dhe pergjithesin qe mere.

Anëtar Numri i postimeve : 410 Registration date : 08/02/2008

Beton,

Udheheqesit e shteteve jane sherbetoret e popullit dhe cdo tragjedi qe ndodhen pergjegjesia kalon direkt te udheheqesit. Mua nuk me intereson fare kompania amerikane, por me intereson se cilet shqiptare testuan dhe ja dhane lejen kesaj kompanie?

Cili shqiptar ndertoj gjithe ato depo armesh ne nje vend te rendesishem mes Durresit dhe Tiranes qe nje shperthim sporadik dhe nje gabim i vogel mund te sjelle termete te pa parashikueshme per vendin?
Pse udheheqesit me vite te tera nuk larguan nga ai vend keto arme, per t'i cbllokuar tjeter kund? Dhe ne fund, ne nje vend aq serioz pse te punesohen femije?

Po tregoj dy raste te udheheqesve te mirefillte ne bote, qe me bemat e tyre cuan vendin atij ku duheshte.

-Omer Ibn Hattabi(591-644) ishte duke pritur me qiri perfaqesuesit e tij per problemet ne vend. Pasi hynin dhe dilnin, ne fund futet edhe nje shok i tij dhe Omeri e pyeti:"Ke ardhur per problemet e shtetit, apo per ndonje
problem personal"-"kam ardhur per nje problem personal" i pergjigjet shoku i tij. Menjehere Omeri shuan qiririn dhe shoku ja kthen:"O Omer do flasim pa drite", udheheqesi i pergjigjet:"Une nuk harxhoj qiririn dhe nuk jap pergjegjesi perpara Zotit dhe popullit per humbjen e qiririt per shkaqe te problemeve personale".

Cdo koment do e zbeht kete shembull!

-E din pse kryeministri ne Korene e Jugut ka dhene doreheqje? Vetem pse gjate te rreshurave eshte rrezuar nje ure e ndertuar ne kohen e tij. Mirpo pikerisht ne udheheqjen e ketij burreshteti Koreja e Jugut kishte rritje ekonomike prej 10% per dhjete vjet rresht, ku ne anen tjeter Koreja e Veriut kishte nje rritje vjetore negative per shkak te rregjimit stalinist qe kerkonte ta kishte poashtu nje udheheqes shqiptar.

tschussss!

Ani.!

Kush eshte i mire per ne.!?

C'fare me te vertet dojme,Enver jo,Ramiz jo,Sali jo,Majko jo,do te thote eshte e mundur te jete edhe vete populli ka njher fajtor e jo udheqsit kete pytje ja ke shtru vetes.?

Anëtar Numri i postimeve : 410 Registration date : 08/02/2008

I dashur Beton:

Une thash se cka duhet te behet, nje organizate e fuqishme jo-qeveritare mund ta ndihmoj shume Shqiperine. Pastaj pse cuditesh se krejt udheheqesit i kemi pasur per "lesh", a e shikon se Shqiperia eshte shteti nder me te varferit ne Europe? Cka te duhet me teper!?

Ministri i mbrojtjes Fatmir Mediu dha doreheqje te shohim ca do te behet me tutje .
Nje administrator i nje firme private per cmontimin e municoneve u prangos dmth shum shpejte do te dihet dhe fajtori mos u ngutni me akuza te pabaza se mekat eshte te perdoren situata te tilla per ta hjek mllefin ndaj dikujt .

a e shikon se Shqiperia eshte shteti nder me te varferit ne Europe? Cka te duhet me teper!?

Ani .!

Kurre thue shqipri do te thote shqipri je edhe ti,prandaj nuk duhet te bere fajtor veq qeverin.

Pajtohem me Rikin nuk duhet te ngutemi.

Anëtar Numri i postimeve : 410 Registration date : 08/02/2008

Une shikoj te gjitha problemet dhe jap gjykim dhe jo vetem kete te fundit!

Allahu ualem, na ndihmofte Zoti!

Mediu jep dorheqjen te te shpetoje klika e serbo-grekerve qe po renon Shqiperine.

Ky eshte motivi.

Nuk ka asgje per tu ngutur. Gjerat dihen.

Admin Numri i postimeve : 7564 Registration date : 13/08/2007

Gërdeci, tregtia me jetët tona

Die, 16 Mars 2008
Nga Arben Rrozhani

Politika shqiptare prej muajsh është kapluar nga ethet e NATO-manisë, duke kërkuar me ngulm një ftesë për anëtarësimin e vendit në Aleancë. Por ndërsa ftesa është bërë promotori i paqes politike dhe shpejtimit të kursit të reformave demokratike, vendi nuk është as një vend i sigurt në kufijtë minimalë. Masakra e djeshme në zemër të zonës më të banuar dhe më të industrializuar të vendit, segmentit Tiranë-Durrës tregoi se ky vend po ngrihet me mund dhe sakrifica mbi një tokë të minuar. Fshatit Gërdec, afër Vorës, do t’i duhet shumë kohë dhe mund për t’u ringritur, qindra të mbijetuarve do t’u duhet shumë kohë t’i rikthehen jetës normale dhe siguria në vend tani nuk mund të quhet se ekziston. Shqipëria është një tokë që mund të kthehet në një varr masiv, qoftë edhe nga një gabim i thjeshtë njerëzor apo teknik. Po shteti?
Pak orë para se të ndodhte masakra e mesditës së 15 marsit, qeveria e Shqipërisë, nëpërmjet ministrit që ka në axhendë fushatën lobiste për anëtarësimin e vendit në NATO, deklaronte se vendi ka mbi 100 mijë tonë municione dhe eksplozivë që rrezikojnë jetën e shqiptarëve në mbarë territorin. Është kjo qeveri që ka detyrën dhe ekskluzivitetin, për të përdorur qindra-milionë dollarët e dhënë nga donatorët e huaj, për të çminuar këtë tokë të mbarsur me depo-bomba që mund të shpërthejnë nga çasti në çast. Është kjo qeveri, që ka në varësi edhe shoqërinë tregtare të armatimeve dhe municioneve që ka trashëguar vendi nga koha komuniste. Kjo ndërmarrje shtetërore (MEICO), është ajo që menaxhon dhjetëra-milionë dollarët e fituar nga tregtia me armët dhe municionet në vend.
Baza e Gërdecit, ku ndodhi dje masakra, ishte njëra prej atyre dhjetërave ku kjo ndërmarrje shtetërore bën llogaritë e biznesit qindra-milionë dollarësh. E ndërtuar në zemër të një qendre të mbipopulluar, pranë qindra bizneseve që i japin fytyrën kapitalizmit shqiptar, shumë afër Aeroportit të vetëm Ndërkombëtar të vendit. Qeveria e Shqipërisë, Ministria e Mbrojtjes, dhe ata që punojnë për ta, dje, në vend të mesazheve ngushëlluese dhe solidarizuese, duhet të kishin dalë publikisht për të kërkuar falje për këtë masakër njerëzore dhe materiale, dhe pastaj të jepnin dorëheqje kolektive. Sepse, në mënyrë të qëllimshme, ashtu si në shumë aspekte të tjera të menaxhimit të vendit, ligjet dhe vendimet janë shkelur me të dyja këmbët, qëllimisht, duke kërcënuar rëndë sigurinë në vend.
Baza e demilitarizimit në Gërdec, parë në aspektin ligjor dhe procedural, ka shkelur shumë prej pikave të Vendimit Nr.138, datë 14.03.2007, “Për Procedurën e Trajtimit të armëve, teknikës dhe pajisjeve të Forcave të Armatosura, të hequra nga armatimi dhe përdorimi”.
Në pikën 3, të këtij vendimi, thuhet tekstualisht se: “Procedurat e shitjes së municionit për çmontim dhe çmilitarizim, kryhen nga ndërmarrja MEICO, në bazë të kontratave. Në lidhjen e kontratave me subjekte të ndryshme, të mbahen parasysh: përvoja e ofertuesit në fushën e armatim-municioneve, kapacitetet teknike, lloji i teknologjisë së përdorur në procesin e çmilitarizimit e çmontimit, afatet, ndikimi në mjedis, respektimi i masave të sigurisë gjatë procesit të çmilitarizimit e të çmontimit”. Dje, vetëm 6 orë pas tragjedisë, në ekranet televizivë, për të shfajësuar shkeljen e ligjeve, doli një biznesmen që para disa viteve ishte dënuar për evazion fiskal dhe që nuk dihet se si ka hyrë sërish në lojën e tregtisë ushtarake. Doli edhe një drejtor, që thoshte se firma e tij ishte themeluar vetëm një vit më parë. Pak pas masakrës dëshmuan edhe punëtorë që ishin të pa specializuar.
Qeveria mund të vihet në bankën e të akuzuarve për mosveprim, sepse ka patur dijeni për
masakrat që mund të ndodhin në dhjetëra Gërdecë të tjerë, aty ku armatimet janë mbi kokat e mijëra banorëve dhe ministria që ai drejton, nuk ka marrë mundimin t’i largojë.
Avokatët cinikët të qeverisjes mund të fajësojnë sot, ata qindra shqiptarë që ndërtuan strehën e tyre pranë bazës së Gërdecit, duke fshehur qëllimisht krimin e bërjes së parave me jetët e njerëzve.
Kjo qeveri, nëpërmjet dikastereve përkatëse, duhet të kishte vënë në rresht gjithë logjistikën ushtarake për t’i larguar këto bomba masakruese në uzinat që janë të specializuara për këtë mision, si në Mjekës, Poliçan apo në Gramsh. Por në mënyrë paradoksale, kriminale dhe të qëllimshme, fabrika e demontimit në Gërdec vijonte të punonte, duke u shndërruar në një bazë të mbledhjes së arsenalit të armatimit dhe municionit të trashëguar nga koha komuniste.
Arsyeja? Të paktën njëra prej tyre (të tjera do ketë me siguri në ditët që vijnë) është shumë e thjeshtë. Municionet e riambalazhuara, të destinuara për t’u shitur për eksport, prej aty e kishin shumë të shkurtër rrugën për t’u imbarkuar në avionët që nisen nga aeroporti ndërkombëtar “Nënë Tereza”. Porta ku bëhet tregtia me jetët e shqiptarëve...

Ushtarak Numri i postimeve : 2974 Registration date : 07/03/2008

Ka i ra pergjegjsia Enverit mi kry vlla,kur ai ka dek para 30 vjetve.

Admin Numri i postimeve : 7564 Registration date : 13/08/2007

O Ago Muji, po kujt t'i mbetet tjetërkujt ! Si të gjitha marrëzirat që i bëjnë të sotimit ia mveshin Enverit. Ashtu ia mveshën edhe trazirat tragjike të 97-tës edhe këte do të mundohen t'ia mveshin.

Ae dine Shqiptaret se Mihal Delijorgji eshte miku i Majkos dhe i implikuar ne skandalin e tankeve ? Eshte miku personal i Edi rames pasi i eshte dhene komplet leja e ndertimit per 10 pallate perballe uzines Enver ? Dhe se fundi ai eshte dhe miku i Mehdiut i cili kishte biznes te perbashket me Delijorgjin dhe djalin e Berishes. Kjo eshte politika e re e rrahjes se supeve, e korruptuar dhe e papergjegjeshme. Rama- Berisha dhe ne kete rast jane bashke ne nje stan.

"korieri"

Berisha, organizatori i tragjedisë së Gërdecit

I varferI mire

Tuesday, 18 March 2008

Shumë të lënduar nga eksplodimet në Shqipëri - Faqe 2 Berisha_km

Edhe përballë tragjedisë së rëndë njerëzore, të ndodhur në Gërdec, kryeministri Berisha dëshmoi dy planet e qëndrimit të tij: Si organizator dhe si mbulues i kësaj tragjedie. Këtë “portret”, Berisha e publikoi në të dy konferencat e tij për shtyp, në të cilat edhe pse me sy të mullosur nga sikleti dhe përgjegjësia e plotë dhe direkte që ka në këtë krim ekonomiko-njerëzor, mundohej të shpëtonte nga kjo përgjegjësi, duke bërë të “paditurin”. Përballë një fakti të tillë, kjo është anormale edhe për një kapter xhenjoje e jo më për një kryeministër, ministrisë së mbrojtjes së të cilit, i plasi “bomba” në dorë, veçse jo mbi zyrat dhe kokat e tyre,por mbi 130 punonjës fatkeqë, mbi një zonë të banuar dhe mbi një shtet që më së fundi, me këtë ngjarje, dëshmoi se është krejt i shkrehur. Dhe në këtë gjendje këtë vend e ka katandisur në mënyrë sistematike së pari, kryeministri i vendit, i cili po dëshmon, se qeveris me skandale dhe tragjedi. Rasti i fundit i shpërthimit të bazës ushtarake të Gërdecit, sado i rëndë me përmasa skandali ekonomik dhe jetë njerëzish, nuk e “detyroi” Berishën të pranonte më së fundi, se është pikërisht qëndrimi i tij pajtues dhe pronësor me këtë skandal ekonomik, që shkaktoi këtë krim që tronditi edhe botën. Ne e dëgjuam edhe dje Berishën dhe dëgjuam me trishtim dhe neveri, se ai, në mënyrë të papërgjegjshme, vazhdoi të shmangte përgjegjësinë, të mbulonte skandalin dhe krimin e ndodhur në Gërdec, që e ka startin pikërisht dhe vetëm tek drejtimi i tij, tek qeveria e drejtuar prej tij. Madje mund dhe duhet thënë pa asnjë mëdyshje, se Berisha është organizatori që i ka hequr “siguresën” kësaj “bombe” që shkuli nga themelet një zonë të tërë, që copëtoi trupa njerëzish, mes tyre edhe fëmijë. Pse e themi këtë? Sepse kryeministri shqiptar, ndërsa Gërdeci vazhdon të jetë në flakë, ndërsa nën gërmadhat e bazës ushtarake gjenden trupa njerëzish të djegur e të copëtuar, ndërsa dihet se cila është firma që ka krijuar këtë tragjedi dhe pse e ka krijuar dhe ç’lidhje ka me kryeministrin dhe klanin e tij, Berisha vazhdon me të gjithë mënyrat, të mohoj përgjegjësinë, të mbulojë me “gjethe fiku” të vërtetën edhe pse gjendet përballë një (auto)skandali dhe (auto)krimi njerëzor e pronësor, që e ka pikënisjen vetëm tek kabineti dhe rrethi i tij familjar e shoqëror. Madje çmenduria e këtij individi që fatkeqësisht ndodhet në krye të vendit si kryeministër, shkon deri atje, sa përgjegjësinë e tij dhe të klanit të tij që shkaktoi tragjedinë prej aferave të pista, tenton ta përcjellë deri në qeverinë dhe firmat amerikane. Dhe këtë e përcjellje, këtë shmangie, Berisha e bënë edhe pasi SHBA ka deklaruar disa herë hapur dhe me argumente, se nuk ka asnjë lidhje me tragjedinë shqiptare të Gërdecit. Berisha ia faturon përgjegjësinë dhe aferën korruptive firmës amerikane edhe pse SHBA deklaron, se nuk ka asnjë lidhje, me skandalin ekonomik-financiar të fabrikës “kioskë” të “kompanisë Berisha-Mediu-Delijorgji shpk”, duke e kthyer në biznes fitimprurës asgjësimi municionesh, një bazë ushtarake. Vetëm një fakt: Biznesi i skrapit të predhave ka qenë ekskluzivitet i ish-ministrit Majko në Mjekës të Elbasanit, në Poliçan, në Gramsh dhe në Tiranë me shitjen e tankeve, të cilët u shitën si skrap për “një copë bukë”. Ky skrap shitej me 60 dollarë 1 ton, kur çmimi i tij në bursën ndërkombëtare ishte 200 dollarë. Me ardhjen në pushtet të qeverisë së “duarve të (pa)pastra” të Berishës dhe “djemve të tij të KOP”, ky biznes u bë ekskluvizitet i klanit të afërt korruptiv të Berishës. Pikërisht pas këtij pushteti, Berisha vuri nën kontroll edhe këtë biznes tepër fitimprurës, duke shpërfillur çdo ligj dhe siguri për jetën e shqiptarëve. Ndërsa tani del në ekranet e TV dhe bënë sikur qan, bënë sikur ngushëllon, premton se do të ndërtojë shtëpitë, se do të paguajë varrimin e të vdekurve... ai është aktor dhe ka 17 vjet që i bënë këto “lojëra aktoriale”, duke derdhur edhe “lot” për tragjedinë. Lotët e tij false, janë hipokrizi tradicionale e këtij individi të veshur me pushtet të lartë politikë e qeveritar. Ndërsa përpjekjet për të fshehur realitetin e hidhur korruptiv deri në pasoja kriminale, janë një qëndrim i njohur i tij në shumë raste tragjedish të ndodhura me jetën e shqiptarëve, nën qeverisjet e tij. Ne pamë dje për së dyti në konferencën e shtypit të kryeministrit Berisha, përpjekjet për të mos deklaruar emrat e firmës reale (Mediu-Delijorgji-Berisha i ri,) që ishte lejuar të bënte biznes “gjaku” me jetët e njerëzve. Dje, ai vazhdoi lojën e tij mashtruese, duke deklaruar se “nuk e dinte, që në Gërdec asgjësoheshin predha”. Tha kështu edhe pse sipas burimeve, gjatë vizitës së presidentit Bush, në operacionin investigues paraprak për sigurinë e presidentit të SHBA, helikopterët kishin konstatuar këtë aktivitet tepër të rrezikshëm e të pasigurt dhe i kishin kërkuar personalisht kryeministrit, ministrit të Brendshëm, ministrit të Mbrojtjes dhe kreut të SHISH, që aktiviteti i kësaj baze të pasigurt, të pezullohej deri në përfundimin e vizitës së presidentit Bush. Po sipas burimeve, kryeministri Berisha i garantuar SHBA, se në fabrikën e “vdekjes”, nuk do të kishte punë gjatë kësaj vizite dhe për këtë kishte dhënë edhe urdhër të formës së prerë(deklaratë e Fatmir Mediut pas dorëheqjes). Po atëherë, përse gënjen ky kryeministër, kur thotë “nuk di gjë”?! Kuptohet. Berisha nuk mund të deklarojë, që ka informacion mbi këtë aktivitet të paligjshëm e të pasigurt, sepse duhet të deklarojë që ka një aferë korruptive të skrapit. Duhet të deklarojë, se cilët zyrtarë dhe klane rreth tij, fshihen pas këtij biznesi të pistë. Duhet të deklarojë se fundi edhe dorëheqjen e tij, të cilën edhe thjeshtë për qëndrimin që po mbanë në lidhje me këtë tragjedi, duhet ta jap menjëherë.

< Para Tjetri >

Leter e Gary Kokalarit mbi kontrabanden e armeve - 10/10/2007

Albanian translation of my 10/10/07 letter, forwarded to Sollaku on 10/22/07

Te Nderuarit Theodori Sollaku
Prokuror i Pergjithshem
Republika e Shqiperise
Tirana, Shqiperi

Shkelqesia juaj:

Une kam komunikuar me Z. Kosta Trebicka, President i Xhoi, SHPK, per disa akuza qe lidhen me nje kontrate te qeverise Amerikane per te blere municione qe dergohen ne Afganistan dhe per pjesen e kesaj kontrate qe po plotesohet me municione nga tepricat e municioneve ushtarake te Shqiperise. Z. Trebicka me ka informuar se ai ka qene nje nenkontraktues ne kete transaksion; si rrjedhim, kjo i ka dhene atij mundesine qe te kontaktoje me pale te ndryshme te perfshira, perfshi Presidentin e AEY, kontraktori Amerikan. Megjithese nuk jam ne pozicion qe te verifikoj te gjitha akuzat e zotit Trebicka, informacioni qe ai me ka dhene duket mjaftueshem i rendesishem per ta sjelle kete ceshtje ne vemendjen tuaj per hetim te metejshem. Informacioni dhe akuzat ne lidhje me kete ceshtje jane si me poshte.

AEY Inc., eshte nje kompani e bazuar ne Miami qe merret me biznesin e metalit dhe reciklimit te tij po gjithashtu ka nje license per te bere transaksione ne lidhje me arme qitje dhe municione. Presidenti i AEY eshte Efraim Diveroli, i cili besoj se eshte qytetar amerikan. Kohet e fundit AEY ftoi nje kontrate $300 milion me qeverine Amerikane per te furnizuar me arme ushtrine Afgane ($298M to AEY for Ammo in Afghanistan ). Bashkangjitur eshte nje kopje e nje pjese te urdherit te blerjes qe kam marre nga zoti Trebicka.

Sa per informacion plotesues, ne saje te perfshirjes Ruse ne Afganistan, ushtria Afgane eshte akoma shume e varur nga armet e prodhuara apo projektuara ne Rusi. Pershembull, ushtria Afgane perdor AK-47 qe sigurisht kerkon municion Rus. Nje pjese e kontrates se AEY eshte duke u permbushur nga municionet e teperta te magazinuara ne Shqiperi. Me c’di une, keto municione jane prodhuar ne Kine sipas specifikimeve Ruse , jane te ambalazhuara me etiketa kineze dhe ju dhane Shqiperise gjate periudhes kur Kina kishte marredhenie te ngushta me Shqiperine komuniste. Per kete arsye, Ephraim Diveroli, Presidenti i AEY, kontaktoi Meico ( http://www.mod.gov.al/eng/industria/meico.asp ), departamentin e Ministrise se Mbrojtjes qe eshte i pergjegjshem per exportimin e armeve, qe te siguroje nje pjese apo te gjithe sasine e armeve per pjesen e nenkontrates me Shqiperine.

Sipas z. Trebicka, pasi kontaktoi me Ylli Pinarin, drejtorin e Meicos, Diveroli u informua qe municionet duhet te blihen nga agjenti i Meicos, Edvin, nje kompany qipriote qe me c’di une eshte ne pronesi te nje biznesmeni zviceran te cilin z. Trebicka e ka identifikuar si z. Henri Tomei (qe ka mundesi te jete i njohur nga Interpoli-sidoqofte, kete informacion nuk e kam te verifikuar). Me c’kuptoj une, roli i vetem i kompanise Edvin ne kete transaksion ishte qe te faturonte AEY dhe pastaj te paguante Meicon per municionet. Sipas zotit Trebicka, Edvin nuk u morr me transportin apo me ndonje aspekt tjeter te transaksionit - gjithsesi, faturat e Edvinit ishin 100% me shtrenjte se cmimet e Meicos. Pinari eshte ne vartesi te Fatmir Meidiut, ministrit te mbrojtjes, dhe mbase raporti midis Edvinit dhe Meicos eshte brenda rregullave dhe i eshte bere transparent qeverise Shqiptare. Ne se jo, atehere eshte e mundur qe ky ndermjetes po perdoret si vegel ne menyre qe diferenca e cmimit te perdoret per te kompensuar qeveritare te cilet, bazuar ne diskutimet midis Diverolit dhe Trebickes, mund te perfshijne Mejdiun dhe kryeministrin Sali Berisha. Duhet permendur qe Trebicka beson qe e gjithe kontrata $300 milionesh mund te permbushet ne Shqiperi, qe do te thote se po te perdorim te njejtat perqindje si me lart, ky transaksion mund te rezultoje ne me shume se $100 milione ne perfitim te paster qe mund te ndahet midis Edvinit dhe paleve te tjera.

Nje artikull nga The Telegraph ( US sets up £215m deal for Afghan arms - from Russia - Telegraph ) shkruante qe Shtetet e Bashkuara po ndihmojne ushtrine Afgane te magazinoje sa me shume arme Ruse ne rast se administrata e re Amerikaneve a pas zgjedhjeve vendos qe Shtetet e Bashkuara duhet te terhiqen nga Afganistani. Me kane thene qe transaksioni me Rusine nuk u be asnjehere sepse Amerika nuk donte te shihesh sikur po blinte arme nga Ruset. Sidoqofte, bazuar ne sasine pothuaj identike te kontrates se AEY, duket sikur kjo kontrate sherbeu si zevendesuesja e asaj qe mund te behej ne Rusi.

Duke qene se ambalazhimi ishte ne gjuhen kineze dhe shume i rende (gje qe do te shtonte shume koston e transportit ne Afganistan), AEY kontraktoi me nje kompany qe te bente riambalazhimin. Per kete arsye AEY beri nje kontrate me Xhoi, SHPK ( kontrata eshte e bashkangjitur), nje kompani shqiptare qe merret me ambalazhime dhe qe eshte prone e Kosta Trebickes. Pasi Xhoi filloi pune me kete projekt, Trebicka mesoi nga faturat qe ai merrte te Banka Amerikane e Shqiperise, municioni po blihej nga Edvini per $22 per 1000 fisheke dhe pastaj i shtesh AEY per $40 per 1000 fisheke. Pasi morri vesh kete, Diveroli u shqetesua shume sepse Edvini, nje kompani qe qeveria shqiptare i kishte kerkuar qe te bashkepunonte si ndermjetes, po i shtonte kostot e transaksionit.

Trebicka thote qe Diveroli protestoi te Pinari per ndermjetesimin e detyruar te Edvinit ne transaksion dhe per cmimin e fryre si dhe kerkoi nje takim me Ministrin Meidiu. Sipas Trebickes, kerkesa e Diverolit u hodh poshte. Me vone Diverolin e cuan ne nje takim me Pinarin, Mihal Delijorgjin dhe nje burre tjeter te paidentifikuar, dhe ne kete takim ju sugjerua qe nese Diveroli nuk do te bashkepunonte me Edvinin, kontrata e tij ishte ne rrezik. Me c’kuptoj une Delijorgji pershkruhet nga disa si nje biznesmen me lidhje me Meico, po disa te tjere kane thene qe ai ka nje histori kriminale, gje qe ju mund ta verifikoni kollaj. Me vone, mbase ne nje perpjekje per ta frikesuar, Trebicka me tha qe Pinari i tha Trebickes qe ai duhet ta mbante gojen e mbyllur sepse njeriu i trete i paidentifikuar ishte Shkelzen Berisha, djali i kryeministrit Sali Berisha.

Sipas Trebickes, kjo ngjarje beri qe Diveroli te kontaktoje ambasaden Amerikane ne Tirane, dhe si rezultat, u organizuar nje takim ne Sheraton Tirana qe perfshinte Diverolin, Trebicken, Robert Newsome, nje diplomat ne Ambasade, Mr. Meyer, i cili me duket se eshte attasheu ushtarak, dhe nje grua shqiptare qe eshte punonjese e ambasades. Kur Diveroli i tha atyre ngjarjen, Newsome i tha Diverolit qe ai nuk ka pse te shqetesohet sepse ambasada ka marredhenie te shkelqyera me qeverine shqiptare dhe premtoi qe do ta diskutonte kete me ministrin e mbrojtjes. Trebicka me tha qe pas ketij takimi, Diveroli dhe Trebicka folen me Newsome ne telefon, dhe Newsome i tha atyre qe ai nuk donte te krijonte ndonje problem me qeverine shqiptare dhe se ambasada nuk do te nderhynte. Pavaresisht ne se kjo eshte shfaqje indiferentizmi nga ana e ketyre zyrtareve te ambasades, ne se keto akuza jane te verteta, keta zyrtare kane detyrim qe te raportojne kete informacion autoriteteve perkatese amerikane, dhe ne se nuk e kane bere apo ne se jane munduar ta fshehin informacionin mund te kene shkelur ligje te ndryshme te Amerikes.

Une mund t’ju them nga pervoja ime ne marredheniet me Departamentin e Shteti dhe ambasaden amerikane ne Shqiperi (si dhe zyrtare te tjere te shtetit amerikan), se ne saje te bashkepunimit te Shqiperise per ceshtje me te medhaja si lufta kunder terrorizmit apo stabiliteti rajonal, qeveria amerikane ka qene me se e predispozuar te beje syrin qorr persa I perket korrupsionit te qeveritareve shqiptare. Nje shembull perfekt per kete eshte rasti I Fatos Nanos i cili gjithashtu bashkepunoi me Ameriken duke derguar trupa ne Irak dhe ne Afganistan. Pervec informacionit shume specifik qe une i dhashe qeverise amerikane per llogari bankare qe une besoj jane ilegale me Credit Suisse - gje qe mua mu tha nga nje punonjes i Credit Suisse - qeveria amerikane nuk beri gje me kete informacion. Sidoqofte, situata e tanishme ndryshon ne ate qe, pervec mundesise per korrupsion midis zyrtareve shqiptare ky transaksion mund te shihet gjithashtu si nje skeme per te vjedhur nga taksapaguesit amerikane sepse me sa duket pagesa e nje shume te madhe e te panevojshme - e cila kerkohet si rezultat I perfshirjes se Edvinit si ndermjetes nga Meico - po behet nga qeveria Amerikane.

Me poshte eshte nje kopje e nje e-mail nga Kosta Trebicka qe i pergjigjiet pyetjeve te mia dhe mund te paraqese nje permbledhje te ngjarjeve qe lidhen me kete ceshtje. Gjithashtu ka kopje te emailave ne mes Trebickes dhe Diverolit si dhe ka kopje te nje email datuar 9 Maj nga Pinari per AEU ne lidhje me nje marrjen e nje sasie municioni ne aeroportin e Rinasit, ne te cilen eshte cc- dhe Edvin dhe Trebicka, gje qe verteton lidhjen midis tyre dhe kompanise Edvin. Gjithashtu bashkangjitur ka kopje te dokumentave qe kam marre nga Trebicka, pefshi nje kontrate mids AEY dhe Xhoi. nje urdher blerje nga AEY dhe nje transkript te nje telefonate midis Trebickes dhe Diverolit, sipas Trebickes. Gjithashtu bashkangjitur jane bashkebisedimet ne audio te incizuara nga Trebicka. Jam I sigurte qe aty eshte zeri I Trebickes, po nuk mund te garantoj qe zeri tjeter eshte I Diverolit sepse nuk kam folur ndonje here me te. Midis deklaratave te thena nga Diveroli (paramendoj qe ky eshte Diveroli ne baze te asaj qe me thote Trebicka) jane keto: “Pinari eshte ose mafioz ose punon per mafian”; “Pinarit I duhet nje njeri si Henri (Tomei/Edvin) si ndermjetes ne menyre qe te rregulloje punet e tij dhe te shokeve te tij”; “kjo ceshtje po shkonte lart e me lart deri te kryeministri dhe djali I tij”.

Ju duhet ta dini qe une e njoh Fatmir Mediun, kemi pasur marredheni te ndryshme ne vite, dhe ne vjeshte te 2006 une e akuzova publishkisht per perfshirje ne afera korruptive. Kopja e nje letre te hapur qe I dergova Fatmir Mediut ne lidhje me keto akuza mund te shihet ketu: ACLIS - Albanian Canadian League Information Service - A logistic office of Albanian Canadian League -
Fatmir Mediu - Minister of Defense Watches

. Ky informacion eshte shperndare gjitashtu me zyrtare te rendesishem amerikan qe merren me Shqiperine, perfshi Departamentin e Shtetit, FBI, CIA dhe disa anetare te Kongresit. Mediu beri nje “show” publik kur doli ne nje televizion shqiptar dhe ne vija te trasha tha “une nuk jam I korruptuar”. Pavaresisht nga deklaratat e Mediut qe “dhuratat” e permenduar kane vlere te vogel dhe se ai ja dhuroi ato medias, me aq sa di une, ato asnjehere nuk jane vleresuar nga nje profesionist i pavarur.

Me sa di une qe nga ngarkesa e pare qe u plotesua nga AEY me Xhoin si ambalazhues, jane bere dhe disa ngarkesa te tjera. GJithashtu, me c’di une, pas ngarkeses se pare, Xhoin e kane larguar nga transaksioni dhe Meico e ka zevendesuar ate me nje kompani qe kontrollohet nga Z. Delijorgji.

You gjithashtu duhet te dini se Z. Trebicka me vuri ne dijeni te kesaj ceshtje sepse, pervec qe jemi takuar ne te shkuaren, sic mund ta dini, une kam qene perfshire ne shume perpjekje per te ekspozuar korrupsionin e qeveritareve ne kete qeveri apo te shkuren. Une gjithashtu kam ekspozuar parregullsi ne sektorin e telekomit ne Shqiperi.

Per mendimin tim, nder pikat qe duhet te hetohen ne lidhje me kete ceshtje jane:

1. A po paguan qeveria Amerikane shume me teper se sa duhet per municionet e blera ne Shqiperi? Duke pasur parasysh mbeshtjetjen financiare qe qeveria Amerikane ka dhene per Shqiperine, qeveria Shqiptare e ka per detyre te sigurohet qe nuk po abuzon me taksapaguesit amerikan. Sipas nje burimi, momentalisht cmimi per municion ne Europen Lindore dhe ne Rusi per AK47 eshte $22 per 1000 fisheke. Ne se zyra juaj gjen abuzime, me gjetjet duaja duhet te informohen gjithashtu Departamenti I Drejtesise ne Amerike, Inspektori I Pergjithshem I Departamentit te Mbrojtjes ne Amerike, dhe Kryetari I Komisionit te Mbikqyrjes ne Kongres.

2. A e ka vene Meico kompanine Edvin apo ndonje kompani tjeter si ndermjetese? Ne se po, perse? A di ndonje nga Presidenti, Kryeministri, Ministri i Mbrojtjes apo parlamentaret per kete marredhenie dhe a e kane approvuar ata ate? A ka Edvin ndonje lidhje me Fatmir Mediun, Ylli Pinarin, Mihal Delijorgjin, Sali Berishen ose Shkelzen Berishen? Ne menyre qe te percaktohet nese ka ndonje lidhje mes tyre, zyra juaj duhet te kontrolloje transfertat elektronike ose transferta te tejra qe kane ndodhur midis Ministrise se Mbrojtjes, Edvin, AEY dhe mbase disa nga individeve qe thuhet se jane perfshire ne kete ceshtje.

3. A eshte zeri ne incizimet e bear nga Kosta Trebicka I Efraim Devirolit? Ne se po, akuzat e bear ne kete incizim duhet te hetohen plotesisht dhe Diveroli duhet te thirret per pyetje.

4. Dikush nga zyra juaj duhet te takohet me Kosta Trebicken per te diskutuar akuzat.

Me duhet t’ju them se ky informacion qe po ju dergoj I eshte derguar gjithashtu dhe Departamentit te Drejtesise, zyres se Inspektorit te Pergjithshem te Departamentit te Mbrojtjes dhe disa anetareve te Kongresit Amerikan. Gjithashtu duhet te dini se XXXXXXXXX (dhe mbase dhe ndonje kompani mediatike e madhe) eshte duke hetuar shitjen e armeve nga Europa Lindore (perfshi dhe Shqiperine) per ne Lindjen e Mesme. Artikulli I pare ne lidhje me keto hetime u botua ne XXXXXXXXXXX. You gjithashtu duhet te dini se pavaresisht nga qellimet e Departamentit te Shtetit, nese akuzat e ketushme jane te bazuara ne fakte, pa asnje dyshim si publiku shqiptar ashtu dhe ai amerikan desherojne transparence te plote, dhe c’do zyrtar shqiptar apo amerikan qe do merret me hetimin e kesaj ceshtje duhet ta mbaje kete ne mendje.

Ju lutem me kontaktoni nese keni ndonje pyetje apo mund te ofroj ndonje ndihme.

Ju faleminderit,

Mbetem me respekt,

Gary Q. Kokalari

Anëtar Numri i postimeve : 410 Registration date : 08/02/2008

Pasi gjithe qielli ishte me re te zeza per Shqiperine, vjen nje rreze dielli per Kosoven. Sot Bullgaria, Hungaria dhe Kroacia njohin shtetin e ri te Kosoves.

Shpresoj ky lajm sherben pak per uljen e dhimbjes!

Sot Bullgaria, Hungaria dhe Kroacia njohin shtetin e ri te Kosoves.

Shpresoj ky lajm sherben pak per uljen e dhimbjes!

Ani:!

Edhe pse nuk ka te beje me temen,ulje dhimbje do te jete dita kure edhe Mali i Zi do e njohe Republiken e Kosoves,do te jete dite Zie per Serbin.

Gjithsesi te falemenderoi per kete lajm.

Ju bej thyrje popullates te Gerdecit dhe rrethyne qe mos te protestoin per shkak ç'eshtjes qe ndodhi atje,se partite tjera shfitzoin rastin per rezimin e qeveris,dhe per te ja lene fajin Sali Berishes,si te z'gjidhet parti e re do ta harojen krejt GERDECIN e keqja eshte se do te jesin edhe pa shtepia.

Ngushllime te gjithve atyre qe i humben me te dashurit e vet.

Vizitor

Rastësi apo ngrehinë e organizuar???

Ndoshta jam thellësisht i gabuar dhe do të dëshiroja të isha ashtu, nëse nuk do të ishin disa rastësi ose jo rastësi, të cilat, të përsëritura herë pas here, fillojnë dhe bëhen pjesë e një shqetësimi të natyrshëm, të cilën, edhe pse dëshiroj të mbetet vetëm i tillë, mendova se do të ishte i natyrshëm edhe po të shtrohej.

- Cilat janë rastësitë, të cilat, janë shfaqur jo si të tilla, në disa nga momentet më vendimtare të kombit tonë...?

Nuk do të doja të shkoja larg në kohë, por 18 vite më parë, pikërisht kur në Kosovë do të bëhej shpallja e Pavarësisë, (megjithëse ishte krejtësisht formale), në Tiranë ndodh vërshimi nëpër ambasadat e huaja, çka bëri që i gjithë interesimi që mund të ishte në Prishtinë, të shkonte direkt në Tiranë. Gjithçka që ndodhi në Kosovë u harrua shpejt dhe nuk besoj se do të ketë pasur ndonjë lloj jehone, sado të paktë në shtypin dhe median perëndimore.

Në vitin 1997, kur Kosova po bëhej gati të fillonte luftën e përgjithshme për të patur shtetin e saj, të lirë dhe sovran dhe kishte filluar të dëgjohej gjithnjë e më shpesh emëri i Ushtrisë Çlirimtare të Kosovës, në viset jugore të Shqipërisë e më pas në tërë vendin, shpërthyen ngjarjet e njohura, të cilat me egërsinë, absurditetin, dhunën, dëshirën për pushtet deri në shkatrrim, mashtrimin dhe gjithë atë mori sensibiliteti që u ngrit, e bënë të pamundur që të mund të merreshe me ngritjen e një fenomeni të ri ndërshqiptar.

Tani, në këtë fillim marsi, thuajse në të njëjtën kohë, në tri pjesët , ku ndodhen në shumësinë e tyre shqiptarët, në Kosovë, në Tiranë dhe në Tetovë, ndodhin ngjarje të tilla, të cilat të bëjnë të mendosh se të gjitha, ose thuajse të gjitha, janë të renditura me njera tjetrën, i kanë paraprirë ose e kanë ndjekur njëra tjetrën, sipas një projekti të menduar mirë dhe të zbatuar edhe më mirë.

Në Shkup, pas luhatjeve, marrive dhe përfitimeve të munguara, lojës me politikën në dëm të bashkëkombasve të tyre, të mundur, aty ku mendonin se do të ishin më të fuqishëm, nën petkun e atdhetarisë, kur nuk kishte asgjë të tillë, Menduh Thaçi dhe partia e tij, dalin nga koalicioni qeverisës. Nuk mendoj se ka patur shqiptar të arsyeshëm që ka ndjerë dhimbje nga kjo dalje, jo sepse ka ndjerë respekt për Menduh Thaçin apo lëvizjet e tij politike, por, mbi të gjitha, se në këtë periudhë bashkëqeverisëse, të drejtat e shqiptarëve në atë truall u nëpërkëmbën si kurrënjëherë në vitet e fundit, revanshi i kryeministrit maqedonas ndaj fituesve të betejave u bë më i egër se kurrë, llogaritë e tij të prapshta u bënë edhe më mizore. Ndaj nuk pati dhimbje dhe besoj se do të ketë pasur një ndjenjë lehtësimi.
Por sidoqoftë, edhe pse është e dhimbshme ta pranojmë, e gjithë kjo lojë politike e "të padinve dhe të paimamëve" në Tetovë e spostuan, qoftë edhe për pak kohë, vemendjen e ndërkombëtarëve nga ajo që po ndodhte në Kosovë, bëri që për disa ditë, ngutshëm, vemendja dhe trazimi i tyre të jenë ngjarjet e Shkupit. Vetë momenti kur ndodhi një gjë e tillë, para ftesës së pritshme për në NATO apo çështja e emërit të këtij shteti xhuxh, bënin më të ngutshëm trazimin europerëndimor.

Kur mendohej se do të ishte jë ndalesë e shkurtër, thuajse në të njëjtën kohë, në Mitrovicë dhe në rrethinat e Tiranës, ndodhën dy ngjarje, të cilat,megjithëse të ndryshme, kishin tragjizmin e tyre.

Në Mitrovicë, ultranacionalistët serbë, të drejtuar direkt nga shërbimi i fshehtë serb, nga strukturat e tij, të ngritura prej kohe anëembanë Kosovës, krijuan rrethin e dhunës politike, fizike, bënë aktet terroriste çka e kishin dhe e kanë në natyrën e tyre, sulmuan objektet, policët, ushtarakët, qëlluan, i plagosën dhe i vranë. Është ndër rastet e rradha kur sulmohet kështu, kaq dhunshëm, drejtpërdrejtë, me qëllime mortore ushtria e paktit më të madh dhe më të fuqishëm të botës. Sulmohet nga huliganë politikë, vritet nga banditë politikë dhe dhunohet nga çetnikë të gjithëfarllojshëm.

Ky akt i paparë, i cili nuk kishte deri më tash shoq në llojin e vet në këtë fillim shekulli, do të kishte pasur jehonën e tij, tepër të ndjeshme, shumë domethënëse, në të gjitha strukturat ku ishte goditur. Banditizmi dhe terrorizmi i rrugës është bashkuar me terrorizmin shtetëror serb, i cili, edhe kur paraqitet si i moderuar, edhe kur paraqitet ashtu si është, në të vërtetë, është vetëm terror politik e njerëzor.

Në kohën kur gjithçka do të vihej edhe një herë në peshoren e së drejtës ndërkombëtare, në Tiranë ndodh ngjarja më tragjike e viteve të fundit. E gjithë Shqipëria, por edhe jashtë saj, tronditet. Të vrarë të shumtë, të plagosur pa numër, fshatra të zhdukura, jetë njerëzish të humbur. Në të gjitha TV e botës jepet lajmi për këtë shpërthim të pashoq, i cili, nuk ndodh dhjetra ose qindra kilometra larg njerëzve, por në mes të tyre. Nuk ndodh në strukturat e posaçme të ngritura prej vitesh, por buzë aeroportit, rrugës kombëtare, fabrikave, fshatrave. Nuk ndodh në një uzinë të përgatitur, por në disa baraka të shëmtuara, ku është vënë në lojë jeta e njerëzve. Pamjet që vazhdojnë të afrohen dëshmojnë për rikthimin e skllavërisë, për lojëjetën me vdekjen, për një shtet që nuk është i zoti të çojë as poturet e veta, për një kryeministër, i cili ndërsa thërret gjithë ditën për korrupsionin, e ka atë në familjen e tij, në qeverinë e tij, në veten e tij. Dhe e mbron me gjithë budallallëkun më të madh. Me forcën e atij që e di se kjo është loja e tij, ndoshta e fundme.

Mitrovica ndërkohë është harruar ose është larguar. Për Mitrovicën ka vetëm deklarata të dorës së dytë ose të tretë, bile edhe ato do të ishin harruar, nëse, mjerisht, nuk do të kishte humbur një ushtar i huaj. Por Vora dhe vendi i tragjedisë ia kaloi Mitrovicës, e lë në heshtje urën e saj, lë në heshtje dhunën serbe, pushtimin serb të pjesës veriore, lë në heshtje bandat çetnike, pasi shpërthimi në afërsi të Tiranës, si një bombë atomike, është dëgjuar më fort.

- Të jetë kjo një rastësi?

Dikush edhe e beson, dikush edhe jo. Unë hyj tek njerëzit që dyshoj dhe kam të drejtë të dyshoj.

Pse kam të drejtë të dyshoj ?

Jo vetëm që nuk më bindin të gjitha këto "rastësi", por edhe nga fakti se unë vij nga një qytet verior, Shkodra dhe kam parë mjaft.

Çfarë kam parë : Kam parë që e gjithë demonstrata e parë antikomuniste, zhvilluar në Shkodër, me 13 dhjetor 1990, është filmuar vetëm nga një ekip TV i Malit të Zi, dhe nga askush prej TVSH. Të jetë rastësi? TV i Malit të Zi vinte në Shkodër, kohët e fundit, një herë në vit, sepse nuk e lejonte askush, si erdhi pikërisht asaj dite?

Kam parë që demonstratën e 2 prillit 1991, përsëri në Shkodër e filmoi vetëm TV i Malit të Zi dhe i Beogradit dhe askush tjetër. Të jetë rastësi? Vështirë. Kam parë se si ish agjentë të UDB-së në Shqipëri, të dënuar si të tillë, dhe të faktuar si të tillë, u bënë deputetë të Partisë Demokratike, kam parë se si në 17 vitet e fundit, në Shqipëri nuk është askush i dënuar për veprimtari armiqsore, në shërbim të shtetit serb.

Unë dua të besoj në rastësi, por qeveritë serbe kanë financuar dhjetra milionë dollarë për të destabilizuar Shqipërinë. Dhe ia kanë arritur, mjerisht, herë pas here. Vështirë se padronët e Beogradit mund të vepronin kështu nëse nuk do të kishin çirakët e tyre në Tiranë.

Kush janë çirakët e tyre...

Një herë tjetër do të bëjmë më tej lidhjen e fakteve.

Tani është e rëndësishme të mos mendohet krejt me naivitet se gjithçka është rastësi. Kur ke përballë, nganjëherë edhe pas, ustallarët udbashë, gjithçka është e mundur.

Bedri Islami.

» Një ëndërr më shumë është sot,Shqipëri e Re , ngaYllka XERXA
» Shqiperi Etnike..
» Përmbledhje poezishë nga Poet të ndryshëm.
» Me cilin anetar te forumit keni deshirë të takoheni?
» Shqiperi apo Albani?