PËR TY DARDANË-RUBRIKA IME E POEZISË

ETIKETA MIRËSJELLJEJE
Atyre u dridhej buza
e u kruhej zuza
tek flisnin me romuza
për luftën e madhe.

Urrenin njëri-tjetrin
tek i lanin faqet ndërsjellë
me pështymen e puthjeve.

Biografitë plotakuza
kandidat për biruca
që kur lindën nga lluca.

Trima para pasqyrës
para kufomave dhe dhomave
që kundërmojnë ligësi.

JEHONA E SHEKUJVE
Aty pranë trotuarit
rrokaqielli përgëdhel yjet
më poshtë
nën hije purgatori
tenda e fshehur e mallkimit.

Shpresa-ylber amshimi
ngrihet hark në qiell
nën të cilën rrjedh
lumi i amshimit.

Kush është ai trim
që mund të kapërcejë
harkun e fatit të vet
që poemën e vet
ta dëgjojë për së gjalli???

E BUKURA MORE
Moj e bukura More
si të lash,e më s´të pash
si të lash,si të lash
si të lash,e më s´të pash(Popullore)


Ec nëpër të kaluarën
për të gjetur të ardhmen
ëndrro shqip
frymo shqip
O Arvanit.

Hy kalabrisht
i dehur mendimeve
arbërisht
e jetën vazhdo prore
e dasmën bëje pleqërisht
e varrin hape
me E bukura More.

Rro sa malet
me dhëmbjen shkëmbore
buzë detit
me shikim tëhumbur
nga E bukura More.

PA DIAGNOZË
NE shtroja te buta te Evropes
i mjekojme eshtrat
te lenduar qysh kur na rrezoi
era e jugut
po barra sé lane qerane
eshtrat mjekojme
e zemrat na semuren.

Muzgu Evropes kur i bie
bejme gjume te pa rehatshem
eflasim jerm
nuk ka nate
te mos bredhim peisazheve te vendlindjes
e dita na nxe megjithate ne mergim.

me nje respekt te posacem te uroj suksese te metejme,
vertet keni krijuar nje mori poezishë te cilat eshte mkat t'mos i botoni shaban cakolli.

muzgu, agimi
per ne
te dy jane terr!
shkruaj poet
kendo bilbil
ta mundim kete
tmerr!!

me nje respekt t'posacem
besa - bese

Flm,besa-bese,perkraheja juaj me nxise te punoj me teper,po do te them se disa nga keto poezi qe gjinden ne kete forum i kam botuar ne keto permbledhje poetike"TOKË DARDANE","LOTI I ATDHEUT","DETI I QIELLIT",neper disa antologji gjermane,shqiptare,etj......
Megjithate perkraheja qe ju beni ne punen e krijueseve ,eshte emire per qdo krijues dheper kete ju jemi mirenjohes.

ZEMËR E NDARË

O Zemër e ndarë
ku la nënën dhe babanë?
Ku le motrën,vëllaun?
Ku le tokën e të parëve tanë?
Ike shkove aq larg
bredh në portat ku nuk gjenë fat!
Të vdisje për tokë shqiptare
do të ngriheshin lapidare
nëse vdes në tokë Evrope
do të humbas varreza jote.

NËNË O NËNË
Kur u ndava nga ti o nene
qava naten e tere
se kisha mall
per nje fjale tenden.

Kur mi kendoje ninullat
o nene
ne gjoksin tend
fluturoja ne qiell.

Me ty per dore
haperoja neper oborre
edhe sot
me ka marre malli
te me marrish perdore
o nene.

Rrudhat e pleqerise
sa te hijshme i kishe

si vija te drites se yjeve ne qiell

Sa me ka marre malli
per nje buke
nga dora jote
o nene
per nje buke misri
me shije femijerie.

Si zgaver lisi
zemra me eshte bere
ke era e fsheh boren
per floket e mia.

Edhe zogjet e malit
nese me therrasin
ti lot mos lesho
qendro dhe me prit
se do te kthehem nje dite.

KUR DOLA PREJ SHTËPISË

Kur dola prej shtepise
ia dhash flaken rinise
si qen i terbuar
lehte uria e skamnorit
ne dheun e huaj
erdhi koha per t´u nise
dhe i thash nenes
te mavare ate bazybe
ne qafe
qe te me ruaj
nga syri i keq i mergimit.
Zemra e nenes u vyshk per nje minut
siç vyshket lulja nen bryme
dhe zemra e mergimtarit
nga malli.
Nje vaj i padukshem
ma dridhi buzen
dhe s´mund te them
asnje fjale malli.
Jete e nemur
sot per neser
me rinine e humbur viteve
te njomura me lot
vitet shenohen
me hijeroglifet
per historine fatkeqe
te brezave qe po vijne.

Përshëndetje për poetët Adem Berisha dhe Shaban Cakolli të cilën në forum me poezitë e tyre janë avangardë.... suksese

Falemnderit Urata, gjithashtu prano përshendetjet edhe nga unë me të cilin rast të uroj shëndet, lumturi dhe gjithë të mirat me rastin e Vitit të Ri 2008.

TOKA IME

Me zemër të plagosur
i rashë botës rreth dhe çark
lëshoj kushtrim tokë e gjakosur
i gjallë,o i vdekur,do të kthehem prap.

DIELL
Këmbëzbathur
shtigjeve me gurë
prej teje
su s´mbrapsa kurrë.

TOKA IME
e mbërthyer
ty të duhen
dritë dhe diell
E dielli,nuk vjen
këmbëkryq në zyrë
as në gishtin me myhyrë
te ne dielli lind nga malet
për te shqiptari
vdes dhe ringjallet.

TOKA E SHQIPEVE

Kosova e plagosur rëndë
dhëmbjet i shtërngon me dhëmbë
korbat ëndërronin-ëndërronin
Thonin:Të e marrim lindoren
e ndajmë në dysh
e kryqëzojmë në kryq
kështu ja u marrim orën
e bëjmë për vete Kosovën
mendonin,kudo Tetovë dhe Ulqin
të luajnë me gjakun tim
sikur nuk e kuptonin horrat
se gjakrat janë tonat
ngado ku sillen shqiponjat.

Kosova ime e dritës

Tankset bënin tribunë
pas tyre korbat e zi
po trimat tanë
sú m´poshtën kurrë
synonin liri.
Nishanet në shënjestër
KOSOVA nuk vritej kurrë
synonte të nesërmën
të ngritej flamur
Kosova e jona
e korbave kurrë.

KTHIMI

Vijnë trimat
prej mërgimi
nëpër gurë
të larë në gjak
tok me Xhevën Fehmitrimi
n´Dardani me mbrojtë qdo prag.

Unë jam vet Fehmi Lladrovci
pushka top,ju bëftë o bisha
digjem në zjarr e bëhem prush
veq Atdheut ti kthehet drita.

KËNGËN QË E PRITA

Nis këngën e ndaluar
në shkrumbin e shtëpisë sime
o zog i mirë
Nesër do të ndërtoj kullat
e ti mbi pullazin tim
këndo i lirë
dhimbje në palcë
e dhimbje në asht
i shërojmë
kur këndojmë bashk.

Te lumt z.Shaban cakolli se na kane munguar qe sa kohe poezit e juaja.

Urime vitin e Ri.

Flm,z:Deli,përshëndetje dhe Gëzuar Vitin e Ri,shëndet fat dhe gjithë të mirat.

NDËRRIM KOHËSH

Kohët shkojnë
kohët vijnë
sa keq vlerën
që nuk ja u dijmë
kohët enden,kohët ikin
ato ndajnë natën me ditën
ditën me natë
rrëpatu,mos pusho asnjë çast
jeta është e shkurtër,nuk është e gjatë
dita që po shkon,një ditë e jetës më pak.

E URREJ NJËSHIN

Një bënë vetëm një
aj nuk mund të quhet dashuri
Njëshi që gënjen jetën
dashurohet me vetvetën.
Ç´kërkon shqierti
shohin sytë
dashuria duhet jetë vet e dytë
dashuri shumë lloje ka mbi dhe
dashuria kur kënaq epshet
një i ri me një të re
është një tjetër që kall veshkët
dashuria për Atdhe.
Dashuri që të ndezë mallin
shpirt e zemër të përvëlon
gembin hapur nga perendimi
rrënjët ngulitur n´Kosovë.