T'i njohim krijuesit tanë.

Titulli: Re: T'i njohim krijuesit tanë. Sat Oct 18, 2008 9:29 am

LETËR NGA LARG

Po ta shkruaj këtë letër

Xhaxha

Unë mbesa jote

Jepja Artës

Që dorën e vizatuar

Të ma shtrëngojë…

Po ta shkruaj letrën

Nuk di t`i vë pikë

A thua a ka pikë stacioni i mallit

Arta në Kosovë

Unë në Amerikë.

Titulli: Re: T'i njohim krijuesit tanë. Sat Oct 18, 2008 9:29 am

GJYSH SI DUKET KOSOVA

E pyesin mbesat e vogla

Vjollca e Brikena

Që kanë sytë shkëndijë:

-Gjysh si duket Kosova,

Që ka gjithë atë nam,

Që ka gjithë atë bardhësi?

-Kosova, vendi më i dashur,

I shenjtë për jetë e mot,

Kosova, jeta dhe dashuria jonë

Është gjaku që s`falet dot!

Titulli: Re: T'i njohim krijuesit tanë. Sat Oct 18, 2008 9:34 am

T'i njohim krijuesit tanë. - Faqe 7 U1_ism10

Ismet Tahiraj u lind më 15.3.1956 në Klinë të Epërme të Skenderajt, ku kreu shkollën fillore, ndërsa të mesmen në Mitrovicë.

Shkollën e lartë të gazetarisë e mbaroi në Beograd.

Botoi në periodikun e kohës, prozë e poezi për të rritur e për fëmijë.

Kjo është përmbledhja e parë e tij.

Ka në dorëshkrim edhe shumë e shumë shkrime të tjera , të cilat për shkak të mungesës së mjeteve financiare, ende nuk dolën në dritë si libra.

Jeton e vepron në vendlindje.ERË E VENDLINDJES

Libri i parë (1995)

Titulli: Ali D. Jasiqi Sat Oct 18, 2008 9:41 am

Ali D. Jasiqi

Ali D. Jasiqi

Ali D. Jasiqi lindi në Jasiqi të Junikut më 1937. Shkrollën fillore e kreu në Junik e Deçan, të mesmen e filloi në Gjakovë dhe e kreu në Prishtinë, ku i kreu edhe studimet për gjuhë e letërsi shqip

Titulli: Ali D. Jasiqi Sat Oct 18, 2008 9:41 am

SHPRESOJ

Galuc në kujtime paluar
E pafuqi, e dashur,me te pa
Ditët ikën e s’kthehen më
E di mirë – dhe filloi me qa

Përmallshëm shikoj hënën pas kodre fshihet
I heshtur fshati kotet në qetësi
Si fytyra e çupëzës pikaloshe
Më mbetesh si ëndërr edhe ti.

Gjumi me mashtron, ëndrrat m’ kaplojnë
Ti pranë e etshme diç je duke kërkuar
E duart e mia shtrihen të të pushtojnë
Por moshëbardha më ka mashtruar.

Titulli: Re: T'i njohim krijuesit tanë. Sat Oct 18, 2008 9:42 am

MË LËNI NË QETËSI

Nëse me gjeni në fushën e pikëllimit
E lehtë për ata
Që në zinxhirin e jetës i ka tërhequr zvarg
Pa u ngatërruar askund
Dhe kurrë s’kanë ditur çka është errësira
Ju lutem me lëni në qetësi.

Nëse me gjeni në udhëkryq
Në përleshje me dyshimin
Lehtë për ata
Që gjithmonë
Dikush u ka prirë
O njerëz të dashur në punën tuaj duke shkuar
- Ju lutem, prapë, më lëni në qetësi.

Titulli: Re: T'i njohim krijuesit tanë. Sat Oct 18, 2008 9:42 am

PORTRET I MALËSORIT

- Kushtuar babait

Fytyrë e përvuajtur ku shndrit mustaku
Gëzimet si thermi nderoheshin rrallë
Në duar të plasaritura dukej vetëm gjaku
Kujtime të ikura të mbjella në ballë.

I qëndrueshëm për fjalën e dhënë
Të parët ta kanë lanë të vetmin trashëgim
I gatshëm ta mbrosh mikun
Koprrac të bësh krim.

Çdo gjë të vuajturit ia falë
E të drejtin e mbron si trim
I pathyeshëm furtunave të moteve
Ky është portreti i malësorit tim.

Titulli: Re: T'i njohim krijuesit tanë. Sat Oct 18, 2008 9:42 am

NDËRHYN POETI

Dielli që rrallëherë gjen hapësirë në mes reve i dredh rrezet e veta mbi tokën e mbuluar më të bardh. Veriu fryn furishëm dhe duke bërë borën guzhmë i përplas udhëtarit leshskuqur fytyrës. Kur veriu pushon shikimi i udhëtarit ndeshet në tymin e oxhakut të një shtëpie ,ndërsa brenda dikush ulur pranë stufës së ndezur këndon.
-Ftohtë! – thotë udhëtari.
- Jo ! – përgjigjet ai i dhomës
- Dimër – ndërhyn poeti.
Veriu si për çudi pushon. Retë dendësohen dhe fillojnë të derdhin shi. Strehët e shtëpive pikojnë. Bora shkrihet. Tani era i ndjek retë dhe qielli pastrohet. Dielli rezon çdokënd.
- Sa bukur – thotë përsëri udhëtari.
- Jo ! – prapë thotë ai i dhomës.
- Pranvera – ndërhyn poeti.

Titulli: Re: T'i njohim krijuesit tanë. Sat Oct 18, 2008 9:43 am

LOT GËZIMI

Me pyet pse s’qesh
Të përgjigjem
Me pyet pse s’këndoj
E unë të tregoj
Pse nuk më thërret
Eja të ngushëlloj
Që vaji yt dhe imi
Të derdhen në një lot
- Lot gëzimi.
(1957)

Titulli: Re: T'i njohim krijuesit tanë. Sat Oct 18, 2008 9:43 am

ATA – JEMI NE

Të parën lule në kopsht që biri, ty ta fala
“A mi ep sytë e zi?”
Bareshë në mal me dele kur të gjeta
“E re jam ende, me le në qetësi!”
Një trëndafil të bukur ta dërgova peshqesh
Falmi, vetullat gajtan!
Pranë gardhit kur në mes nate jemi ndeshur
E skuqur gjegjje:” Moti ti kam dhenë!”
Për vëllezërit tu e babë plakun mëshirë
Me na nda u munduan
Duke thënë: “Është prej shtëpisë së mirë!”
Për një të panjohur të fejuan.

Tash ndër stane verojnë dy të ri
E në qetësi kanë ra
Dy tufa kanë ruajte në mal e vërri
Ata – jemi ne.

Titulli: Re: T'i njohim krijuesit tanë. Sat Oct 18, 2008 9:44 am

MBRËMJE

Tretet dielli pas krepave të maleve
Së shpejti edhe sot në kupë e bëri një hark
E unë dëshpërueshëm s’ngopen duke e shikuar
- Hej, nesër jam për një ditë më plak.

Titulli: Re: T'i njohim krijuesit tanë. Sat Oct 18, 2008 9:44 am

LETRA

Më ka mbuluar mjegulla që e sjell terri
E lotët kanë mbushur sytë e mi
Si udhëtar i tretur që i është shuar feneri
Në pyllin e dendur i mbetur në vetmi.

Dikund një vocërrak po e ndiej duke qarë
Si lypsar këmbëzbathur kërkon mëshirë
- Më ndihmo, të lutem i dashuri vëlla,
Në rrugë të qytetit kam mbet pa dëshirë
E ti e din se unë dje erdha nga mali
Dhe nuk di ku do ta kalojë natën!

Titulli: Re: T'i njohim krijuesit tanë. Sat Oct 18, 2008 9:44 am

YLLI

Në terrin e jetës një yll e gjeta
Që ndriçon rrugën time plot pengesa
Yll me shumë rremba, Në ëndërr mu duk
Si tinëzisht iku e në terr me la.

Kjo kishte qenë ëndërr mashtrimi
Sepse ylli ndriçues me krah të shqipes
Gjithmonë përpara e kam në udhëkryq
Dhe rrugën e drejtë ma tregon
Se si duhet në dritë të arrijë
E unë pas tij shkoj

Titulli: Re: T'i njohim krijuesit tanë. Sat Oct 18, 2008 9:45 am

KËNDOVA KËNGËN

Këndova këngën e zemrës
Me plot dëshira e gëzime
Këndova këngën e dëshirës së zjarrtë
Me tonin e saj të thekshëm
Shprehej nga zemra e prekshme.

Titulli: Re: T'i njohim krijuesit tanë. Sat Oct 18, 2008 6:48 pm

Suzana Kuqi

Mall…

Të erdha pranë

një urim për ditëlindje

të marr

o im atë

me hapa të lehtë

e të mendueshëm

që trishtëm masin trishtimin

e këtij vendi

ku të njëjtat fytyra

me të njëjtën mënyrë

të shohin

Ballin mbështes

mbi gurin e ftohtë

si dikur mbi ballin tënd,

e në shpirt

diçka

shumë, shumë,

më dhëmb.

Mendimi mundimshëm

kërkon të çajë kufijtë,

të hyjë thellë në tokë,

të fluturojë lart në qiell,

e të kridhet në pafundësi

prej nga kthehet

kujtimi yt

që trishtëm, dhimbshëm

por ëmbël

mbështet buzët në ballin tim

duke më dhënë

si dikur

të ëmblin urim.

Titulli: Re: T'i njohim krijuesit tanë. Sat Oct 18, 2008 9:19 pm

Sevdije Rexhepi

Dy poezi

Diell i dashurisë

Do fluturoj
Me krahë engjëllushe
Që të jem
Pranë frymës tënde

Do jem gjaku yt
Atje
Krenaria do qaj
Me lot gëzimi
Se ti…gjithmonë
Përqafove fytyrat e harruara
Njome me ujë bekimi
Buzët e shkrumuara
Sytë shëndrite
Me dritë meteori
Edhe…
Atje ku derdhej gjaku
Aty ku humbej shpresa
Me fjalët më të thjeshta
Fitoje TI
E madhja Nënë Tereza

Ti DIELL I DASHURISË
Që ngrohe zemrat
E njerëzimit mbarë.

Valle shqiponjash

Kur vallja hidhet
Me fluturim shqiponjash
Zemrën ushqejnë me krenari

Plis i bardhë
E shami e kuqe
Syve u japin dritë

Me shpirtin
Që kurrë nuk treti
Edhe në motet me stuhi
Brez pas brezi
Vallja shqiptare
Me shekuj mbeti
E shtrenjtë
Sa vetë ky dhe
Rritur nëpër kohë
Me tupane
E tela qiftelie
Ruajtur me dashuri
Në kështjella trimërie.

Sevdije Rexhepi
Gjilan / KOSOVË

Titulli: Bilall Maliqi Sat Oct 18, 2008 9:28 pm

Nga përmbledhja me poezi “Vula e kohëzezës”
PËR DITË TË BARDHË

Dhembjet kur ruhen

Këngët e mallit

Shoqërojnë

Gjurmët e humbura

S’dinë rrugë kthimi

Nga sekret i kohës

Figurat e kanë radhën

Le të thonë ç’munden

Kur gjoksi vlon nga dhembja

Kur ëndrrat shtegtojnë

Për ditë të bardhë

Titulli: Re: T'i njohim krijuesit tanë. Sat Oct 18, 2008 9:28 pm

KORBIT

Ti korb, kobzi

Në sqepin tënd

Tmerr, urrejtje,

Errësirën ngjyrose

Flatrat tua erëzezë formojnë

Zezëre mbi ne

Me ty zi e më zi

Titulli: Re: T'i njohim krijuesit tanë. Sat Oct 18, 2008 9:28 pm

DJEPI I KOHËS

Kulmet e varreve

Eshtrat i mbajnë

Në djepin e kohës

Përkundet historia

Në trupa e skelete

Shumë herë u betuam

Trimëritë e tyre

Shumëzuan emra

Pas çdo himni

Eshtrat lëshojnë varret

Me kurora karafilash

Emrat qëndrojnë në këmbë

Titulli: Re: T'i njohim krijuesit tanë. Sat Oct 18, 2008 9:29 pm

NDËRRIM VENDESH

Hijezeza u var

Në rrapin mijëvjeçar

Shtrëngata edhe kësaj radhe

E shoqëroi

Kushtrimi shembi durimin

Liria mundi robërinë

Dramë e vërtetë

Korbi e shqiponjë ndërruan vendet

Kodrat maten me qiellin

Ç’mrekulli shekulli

Titulli: Re: T'i njohim krijuesit tanë. Sat Oct 18, 2008 9:29 pm

MJAFT

Dheun nën këmbë ma morët

Gjunjët m’i kërkuat dëshmi

Durimi im i vdekur

Erërave ua fali gjoksin

Duke u bërë pre

E gurit në tokën time

Shndërruar në kala

Për t’i bërë çerdhe lirisë

Titulli: Re: T'i njohim krijuesit tanë. Sat Oct 18, 2008 9:29 pm

REZOLUTA

Nën çfarë ombrelle

Qëndron Rezoluta

Kohë e krisur
Në breg rendojnë numra

Mes dy teheve

Vizaton varr të thellë

Emra të vrarë

E skelete të ndarë

Pikturë gjeografike

Rragatë me shumë ngjyra

Me thonj të mprehtë

Shqyen pëlhurën e kohës

Titulli: Re: T'i njohim krijuesit tanë. Sat Oct 18, 2008 9:30 pm

MOLLËKUQES

Hapë e mbyllë sytë

Peizazh

Hapë sytë s’dyti

Territor i ronitur

Mbyllë sytë

Ëndërron Mollëkuqen-

Nën dhe janë mbyllë

Shpatat mijëvjeçare

Titulli: Re: T'i njohim krijuesit tanë. Sat Oct 18, 2008 9:30 pm

KËRKOVA EMRIN

Tërë jetën emrin kërkova

Në ritualin magjik,

Shpjegim kërkova

Pse rrufetë gjuajnë fjalën time

Me zjarr pse lufton akullin

Vetëm pse kërkoj emrin

Emrin tim të sulmuar

Kur trungu i lashtë ndahet nga rrënja

Dhe ofshama lëkundë dhembjet.

Kërkoj emrin tim

Përball sojit të qenit në njeri

Që i rri shpatë emrit tim

Dhe dielli ftohet

S’falë puthje për agimin

Njëqind herë thërras emrin tim

Njëqind herë veç trishtim

Titulli: Re: T'i njohim krijuesit tanë. Sat Oct 18, 2008 9:30 pm

FANITJE E VDEKJES

Eu ëndrra ma vodhi jetën

Më mbështolli fort

Si lypsarë në përqafim

Më skanoi jetën

Pashë mollë në një degë

Nuk këputet e ndaluar

Cirk i vdekjes në jetë

Mjerim midis dy botësh

Varrim varfanjaku

Në pushtet gjumi më njomi

Nënkresën me djersë

» Përmbledhje nga krijues të ndryshëm
» NJE PERSHENDETJE PER KRIJUESIT NE MERGIM
» PADUKSHMERIA E QENIES SË KRIJUESIT, ...
» TE NJOHIM HISTORINE
» NGA KRIJUESIT E LIDHJES SË SHKRIMTARËVE NË GJERMANI