"Edhe kur Ti ke harruar fjalët" NGA ELEFTERIA KALLOJERI

14. Gjak, mushkonjë, piramidë
Kreditë, o ti, ujk, dhelpër,
kunadh, ari, luan
apo çfarë dreqin je, mos i ha,
jepja varfërisë të mjerë
të ndërtojë këtë vend…
Në zinxhirë pesëdhjetë vjet,
“Të kulluarën” e fitoi me hak
dhe për shpresën
derdhi aq shumë gjak…
Por prapë natë, prapë natë!
15.
Ah, Mushkonjë,
insekt i keq
Ç’m’u shtove
në këtë “planet”
Na merr gjak
me thithje e terr…

16.
Të meroi
kënga e mjerimit,
vallja e bukur
e piramidës,
s’vajte të pish
në ujë të burimit,
mbete
në trup të koritës!

17.
Ca në luks,
shumë në mjerim,
ca dëfrejnë me politikim,
prishin keqas
taksat
fryhen e trashën
jetojnë parajsat…
Oh, sa qejf në pushtet,
s’lënë pa privatizuar asnjë “send”! …
* * *
Oh, ç’jetojnë
vipat e këtij vendi!
Bëjnë jetë përrallore,
muhabet kuvendi…
Ngrënë dollinë
për Shqipërinë,
për anën e saj
virgjërore…
Këndojnë këngën :
“Eja, eja, Lule bore…”

18.Mister në udhëkryq

Oh, të shkretët shqiptarë
emigrantë nëpër botë!
Oh, moj skllavëri e bardhë,
s’të del njeri për zot!
O të shkretët “robotë”
nën zinxhirët e lirisë…
O Zot, të lutem,
pak mëshirë!
Pse ky fat,
pse kjo mynxyrë?
Jete thriller e pështirë…
Mister në Udhëkryq,
çdo përpjekje po shkon huq…

19.
Themi: “Ja drejtësia!”,
themi: “Ja liria!”
Themi e ç’nuk themi,
çdo gjë e mburrim
me lulëzim,
por ç’mbretëroka padrejtësia,
varfërohet xhepi
shitet në treg të jashtëm
mishi i bardhë,
“e bardha” bredh
në infrastruktura të fshehta
është zhvlerësuar
në kulm nderi…
Çdo ditë merr jetë njeriu,
çdo ditë ka kronikë të zezë

dhe dita e nata
mbetet në errësim,
si s’bënë kaq vjet
një hidrocentral ndriçimi,
kilovatorët elektrikë
i blejmë në kurris varfëror,
sikur jemi më të pasurit në Glob
dhe zinxhiri shtrëngon gjithçka ,
zinxhiri i lirisë…
Pse bëni të paditurin,
o ju të karriges,
ku i keni premtimet
në fushata, në metingje
apo mbani ca fjalime
me tone të larta
dhe prisni të hidhni
prapë kandidatura
që të thellohet
më tej mynxyra…

20. “Do të kemi ende
zinxhirë të zbukuruar?!…

Jeta është një thriler
apo një mister…
hidhe në filxhane e letra ,
“Fallxhore e Fatit”,
apo ti, “ Parashikues Yjesh”:
“Do të kemi ende
zinxhirë të zbukuruar,
që jetën të na e marrin
pak e nga pak
duke na shtrënguar?!”…

Udhëtimi refugjat

Ecën dhe fshihet,
rrëzohet dhe ngrihet
Varfërisë t’i fshihet
Nata e mbron…
I lëngon shpirti,
i kullon barku…
Oh, si vepron haku!
Urrejtja, sëmundje e zmadhuar
Pasqyrat e qiellit
e nxjerrin krejt lakuriq
me fytyrë të verdhë,…
S’e njeh veten e tij,…
ky refugjat meit…
Oh, ç’frikë!…
Ulet në gurë
i duken poltrone dielli
dhe i lutet Zotit të Qiellit,
i lutet dy herë,
e prapë e prap’
t’i japë fund
udhëtimit refugjat…
* * *
I lutet
dhe Qielli i dërgon
përgjigje vetëtimën
t’i ndriçojë mendjen ,
t’i ndriçojë fytyrën!

Nuk shtiresh, je me besë
ndaj të dua dhe nuk vdes!

Krenaria e penës time
je ti, o Jeta ime;
Jeta ime
plot mundime,
Ti je
refugjatja ime…
Ah, ky fati! Ah ç’fat!
Bashkë në një rrugë,
në një shtrat…
Mos është ky veç fati im?
* * *
Ky është fati
i çdo shqiptari,
i çdo minoritari!
* * *
Oh, sa të drejta
të shumta kam, o Jeta ime!
Eh, Të drejtat e Helsinkit
Erdhën pas etikës
të Marksizmit…
Ah, aty ku ndizen polemikat
fillojnë përplasen “epikat”!
Nuk besoj me të thënë,
vetëm duke parë me “dritat”,
se tani s’besoj më unë…
Pak mend kam vënë…

E vërteta e vërtetë:
“Aleluja dhe Perëndia”
janë mëngjesi i jetës time!
Prej tyre buron fuqia…

Për çdo gjë kureshtare
dhe shpreh urrejtjen time…
Jam e s’jam nazemadhe,
jam thëllëzë në burime.

Si s’ke besë për Perëndi
mbart me vete tradhtinë;
shprehu, moj lanete
me pak ëmbëlsi,
ti e di dhe e di mirë
unë të dua si fëmijë.
Të përulem, moj xanxare,
je e sertë, por krenare…
Nuk shtiresh, je me besë
ndaj të dua dhe nuk vdes!
Jeta s’është vetëm vërejtje
është thonë dhe pasuri,
Jeta është liri, jo kornizë
Jeta është “gabimi”,
por ti, mos kij frikë,
Ne na mbron Krishti
Bekimi -” Ati ynë”

Në vend të mbylljes me buqetë dhurimi

Mbetem gjithnjë e hapur dhe e lirë…
E mbylla në këtë libër faqen e fundit,
për ta hapur shumë shpejt sërish,
jam me fat, o njerëz, jam e lumtur
vargu i fundit për Zotin e Madh, Jezu Krisht!

Elefteria I. Kallojeri (Hoxha) sprinton me librin e saj të titulluar bindshëm: “Edhe kur Ti ke harruar fjalët….” . U lind në Sarandë, Me origjinë është nga fshati i bukur Mesopotam i Sarandës, ndërsa me origjinë të hershme nga Dropulli i Sipërm i Gjirokastrës.
Fillimisht ndoqi studimet e mesme në ish Teknikumin Bujqësor të Delvinës, një teknikum ky emërmadh, ku u diplomua agronome e mesme, në vitin 1984. Mandej vijoi studimet e larta në Universitetin Bujqësor të Kamzës, Tiranë, Fakulteti Ekonomik, dega Plan, të cilin e përfundoi në vitin 1988, duke u diplomuar ekonomiste.
Pavarësisht se ëndrra e Elefterisë ishte të bëhej aktore ose shkrimtare, kjo falë të dhënave dhe të talentit të saj të shfaqur dukshëm në këtë fushë, ajo filloi ushtrimin e profesionit të saj si ekonomiste në Bistricë, në degën e librit, Gjirokastër, në NB ”Muzo Asqeri”, si Kryetare e degës së Planit në Spitalin Civil “Omer Nishani” Gjirokastër, ekonomiste në Departamentin Ekonomik të shoqërisë “Glina”; për një farë kohe ushtron detyrën e Sekretares në Prefekturën e Qarkut Gjirokastër, ekonomiste në Universitetin “Eqrem Çabej” dhe në vitin 2007 kryen detyrën e Kryetares së degës Ekonomike në Universitetin “Eqrem Çabej”. Ajo kurrë nuk e ndërpreu pasionin e madh për letërsinë.
Që kur ishte në shkollë të mesme shquhej për krijimet e saj letrare me sens, për trajtesën, për vizionin dhe kapjen e temave të vështira.
Ka marrë pjesë në shumë konkurse dhe ka botuar gjatë kësaj periudhe në organet e shtypit lokal dhe qendror.
Është anëtare e Lidhjes së Krijuesve “PEGASI”, me qendër në Gjirokastër, me degë në të gjithë Trevën e Jugut të Shqipërisë si dhe jashtë vendit.
Elefteria ka botuar një cikël me vjersha nga vëllimi i saj i parë në revistën letrare “PEGASI”.
Është njohëse e gjuhës angleze si dhe e gjuhës greke, të cilën e zotëron mjaft mirë. Ka në proces botimi librin në gjuhën greke: “Emigrimi i Hënës”.
Po përgatit një libër publicistik me temë nga ndjesitë, që pati gjatë vizitave të kryera në SHBA si dhe një novelë me temë nga jeta shoqërore e femrës.