"Pegasi", subrastrat: Arti i gdhendjes

Titulli: Re: "Pegasi", subrastrat: Arti i gdhendjes Mon Jan 11, 2010 4:16 pm

Një takim me shkrimtarin Dino Kubatis

nga Isuf Çela

Më datën 22.4. 2009 bëri një vizitë shkrimtari i njohu grek zoti Dino Kubatis i shoqëruar nga disa shkrimtarë të tjerë. Në takim mori pjesë Kryetari i Lidhjes Internacionale të Poetëve, Shkrimtarëve dhe Artistëve “PEGASI” ALBANIA poeti dhe shkrimtari Kristaq F. Shabani,I.Ë.A, zëvendëspresidenti i Lidhjes së Krijuesve “PEGASI” poeti dhe fabulisti i njohur gjirokastrit z. Dino Çiço W.P.S, Poetja Elefteri Kallojeri Ë.P. S, poetja Alketa Ponde si dhe Sekretari i Përgjithshëm i Lidhjes Internacionale “Pegasi” Albania, poeti Agron Shele. Për të pritur poetin Dino Kubatis, President i Lidhjes së Shkrimtarëve “Kafeja e Ideve” Salaminë, Greqi kishin dalë poetët tepelenas me kryetarin e Degës së Lidhjes “Pegasi” për Tepelenën, poeti dhe fabulisti Islam Kalemi si dhe poetë e shkrimtarë të tjerë tepelenas…

Titulli: Re: "Pegasi", subrastrat: Arti i gdhendjes Mon Jan 11, 2010 4:17 pm

Vizita e parë e programuar u bë te shtatorja e Ali Pashë Tepelenës dhe mandej vijuan vizitat te bazorelievi i Lordit Bajron. Po kështu u vizitua edhe Biblioteka e Lidhjes së Pegasit, dega Tepelenë, ku poeti u njoh me botimet e reja si dhe me gazetat periodike të trevës së Tepelenës dhe gjithë jugut të Shqipërisë. Një ekspoze për punën që zhvillon dega e Lidhjes së Krijuesve Tepelenas bëri kryetari i degës së Lidhjes”Pegasi”.
Mandej auditori ndoqi kumtime për Letërsinë bashkëkohore mbajtur nga Poeti Kristaq F. Shabani, për lëvrimin e fabulës nga fabulisti Dino Çiço. U lexuan edhe kumtet e Nadia Cella Pop (Rumani) nga Agron Shele dhe Patrich Sammut (Maltë) për letërsinë dhe diversitetin e mendimit letrar të sotëm si dhe një kumt nga poeti grek Dino Kubatis. Këto kumte shërbyen për njohje të letërsisë së sotme në Shqipëri, Greqi, Rumani dhe Maltë dhe u realizua kështu dhe një shkëmbim përvoje. Mandej u diskutua nga pjesëmarrësit, ku mendime të vlefshme dhanë poeti Luan Meta, Sulo Gërbi, Alketa Ponde, Shezai Koko e të tjerë. U diskutua edhe për

Titulli: Re: "Pegasi", subrastrat: Arti i gdhendjes Mon Jan 11, 2010 4:18 pm

veprimtaritë e ardhme letrare. Midis të tjerash u bë dhe një ekspoze e shkurtër e Simpoziumit Ndërkombëetar “MUZA POETIKE PEGASI 2009” i zhvilluar më 2-5.04.2009 në Gjirokastër, Përmet, Sarandë dhe Tepelenë nga Lidhja e Krijuesve “Pegasi” Albania dhe Lidhja “Kafgeja e Ideve “ Greqi.

Titulli: Re: "Pegasi", subrastrat: Arti i gdhendjes Mon Jan 11, 2010 4:18 pm

Dino Kubatis falënderoi për pritjen e organizuar dhe theksoi që takime të tilla janë me mjaft interes për shkëmbim universal vlerash. Po kështu përmendi punën e mirëfilltë që ka bërë Lidhja “PEGASI” dhe dega e Tepelenës për impulset e dhëna për talentet e reja si dhe për veprimtaritë që zhvillohen me shkollat e rrethit të Tepelenës.

Gjatë drekës, e cila ishte një drekë pune, poetët dhe shkrimtarët recituan krijimet e tyre.

Titulli: Re: "Pegasi", subrastrat: Arti i gdhendjes Mon Jan 11, 2010 4:18 pm

Kush është Skënder Zenuni Baçi

Titulli: Re: "Pegasi", subrastrat: Arti i gdhendjes Mon Jan 11, 2010 4:19 pm

Në numrin e ardhshëm do të kemi njw shkrim portret për Skënder Zenuni Baçin

Portrete

Njeriu që i përballoi kohës

Muharrem Zeneli lindi dhe në Katundishtë më 12.07.1939. Mbaroi shkollën fillore në Katundishtë dhe të mesmen në rrethin e Tepelenës. Familja e tij në rregjimin monist u cilësua kulake. Të cilësoheshe kulake në atë kohë duhet të përballoje të gjitha vështirësitë, ekonomike, politike, morale dhe shoqërore. Muharremi me sakrifica mori profesionin e nderuar të mekanikut. Kudo punoi ai, në Durrës, Tiranë e tjerë, por erdhi një ditë për të që të dënohej për propagandë e agjitacion, ku mori dënimin prej 10 vjet burg. Në burg Muharremi kishte dhe vëllain e tij, Xhemal Lile, që ishte dënuar 25 vjet burg dhe ky për politikë. Muharremi i bëri ballë veç burgut dhe internimit nga Durrësi në fshatin e vet Katundishtë. Por, siç tregon vetë Muharremi:”Në fshatin tim të lindjes më mbajtën afër. Shumë bashkëfshatarë dhe miq më hiqnin streset dhe më ndihmonin. Dikur më thoshnin që do të vijë një ditë që ne të kemi lirinë

Titulli: Re: "Pegasi", subrastrat: Arti i gdhendjes Mon Jan 11, 2010 4:19 pm

e fjalës dhe të gjitha të drejtat që i takojnë njeriut. Kur më mbanin njerëzit katundishtarë afër, unë e harroja Spaçin, Burrelin, Rubikun e tjerë që në këto kalova jetën e mjerueshme të burgut”. Muharrem Lile ka qenë një sportist i mirë, boksier me emër dhe mundës dhe sot banon në Durrës dhe është në pension. Muharremi premton të ndihmojë shumë gazetën “Katundishta” dhe së afërmi është propozuar për t’ju dhënë titulli “Nderi i komunës Dëshnicë” vëlllai të tij, Xhemal Lile, dhe që me gjithë familjen do të kontribuojë në ceremonin e dorëzimit të titullit nga komuna Dëshnicë.

Për Muharrem Lilen ka shumë për të shkruar, por le t’i urojmë atij pleqëri të mbarë.

Titulli: Re: "Pegasi", subrastrat: Arti i gdhendjes Mon Jan 11, 2010 4:20 pm

Evidentim i atyre që u kujdesën me humanizëm për jetën njerëzore

Është një nga detyrat tona që të evidentojmë personelin mjekësor, i cili ka shërbyer me devocion në Këlcyrë. Këta njerëz i kanë shërbyer komunitetit, kanë qenë të papërtur dhe gjithë dijenitë e tyre në aspektin profesional i kanë venë në shërbesë të tij. Sa sakrifica, ç’vullnet, çfarë humanizëm kanë pasë këta profesionistë, të cilët kanë mirëadministyruar shëndetin e njerëzve tanë. A nuk duhet që për ta të kemi respekt, t’i njohim dhe të përcjellim punën e tyre në breza? Natyrisht që po. Ndaj këtë herë në këtë gazetë po fokusojmë këta. Disa prej tyre janë ndarë nga jeta, disa të tjerë ende jetojnë.

Titulli: Re: "Pegasi", subrastrat: Arti i gdhendjes Mon Jan 11, 2010 4:20 pm

Personeli mjekësor që ka shërbyer në vite në Këlcyrë

Dr. Hamanda Fanko (kombësi gjermane), Hindu Skënduli, Sotir Velo (babai i Maksi Velos). Dhimitër Gorozhani, Mihal Milo, Vangjel Masho, Janul Baxho, Vasil Komino, Liriu Tyto, Jonuz Hoxha, Zogo Tani, Hysen Karati, Vasil Çarka e tjerë.

Titulli: Re: "Pegasi", subrastrat: Arti i gdhendjes Mon Jan 11, 2010 4:20 pm

Personeli Nd/mjek

Jani Domi, Mehmet Brahollari, Teki Mehmeti, Nuredin Mehmeti, Shuaip Mehmeti, Samit Spahia, Jaup Serani, Koço Dhimuli, Laver Xhakollari, Sefedin Myrtezai, Vanthi Ceka, Karafile Dosti, Olimbi Dhimuli, Violeta Sevo.

Titulli: Re: "Pegasi", subrastrat: Arti i gdhendjes Mon Jan 11, 2010 4:21 pm

Radiologe (radioskopi)

Stefan Fështi, Jonuz Hoxha

Mami

Hirikli Beçi, Yllka Kaçimbro, Hirikli Dorri, Ruze Zeqillari, Eli Nikolla, Fahrie Muraj, Jeta Elezi, Yllka Premto

Titulli: Re: "Pegasi", subrastrat: Arti i gdhendjes Mon Jan 11, 2010 4:21 pm

Dentistë

Petraq Popli, Petraq Havaleja, Pirro Dede, Maksi Culli, Sotira Daka, Fiqiri Bajolli, Natasha Vaka (laborante dentiste)

Laborante klinike

Liri Fejza, Ëngjëllueshe Pashollari.

Faramacistë

Thoma Spileri, Petro Rako, Llambi Curri, Janko Andoni, Dhora Manxhari, Leonora Sevo, Foto Premto.

Titulli: Re: "Pegasi", subrastrat: Arti i gdhendjes Mon Jan 11, 2010 4:22 pm

RUBRIKA

NJERËZIT E DRITËS

Z. XHEMAL ZENEL LILE

Z. Xhemal Lile ka lindur në fshatin Katundishtë, rrethi Përmet, në vitin 1918, me përbërje familjare të mesme. Babai dhe nëna, Zenel dhe Shaze, lindën dhe rritën 4 djem dhe një vajzë.

Xhemali, që në rininë e tij kishte pikëpamje liberale dhe demokratike për zhvillimin e pronës private dhe mendimit të lirë.

Titulli: Re: "Pegasi", subrastrat: Arti i gdhendjes Mon Jan 11, 2010 4:22 pm

Liria e individit për Xhemalin ishte e shenjtë. Edhe pas çlirimit nuk u pajtua asnjëherë me regjimin komunist, nuk ra dakort me reformat e kolektivizimit dhe të shtetëzimit të pronës private, në ndrydhjen e mendimit të lirë, izolimit dhe drejtimit monopartiak.

Për këtë familja e tij mori ndëshkim të rëndë duke e cilësuar kulak dhe më pas pasojat për Xhemalin ishin të rënda. Ai u fut në burg për agjitacion dhe propagandë më 22.09.1950 dhe u lirua nga burgu më 02.07.1958, gjithsej 8 vjet burg.

Titulli: Re: "Pegasi", subrastrat: Arti i gdhendjes Mon Jan 11, 2010 4:22 pm

Por, edhe pas lirimit nga burgu, veprimtaria e tij ndaj regjimit komunist nuk reshti, fjala e hapur dhe mendimet e tij për sistemin komunist nuk tingëllonin mirë ndaj kësaj klase dhe diktature çnjerëzore.

Titulli: Re: "Pegasi", subrastrat: Arti i gdhendjes Mon Jan 11, 2010 4:23 pm

Pak nga pak Xhemalit po i përgatisnin terrenin për arrestim të dytë dhe pikërisht më 07.06.1972 ai u arestua përsëri, po me të njëjtën akuzë “Agjitacion dhe propagandë” për veprimtari kundër pushtetit popullor” duke u dënuar me 10 vjet e 3muaj heqje lirie dhe u lirua nga burgu më datën 22.09.1982. Pra Xhemali bëri 18 vjet burg.

Titulli: Re: "Pegasi", subrastrat: Arti i gdhendjes Mon Jan 11, 2010 4:23 pm

Pas vitit 1990 me ardhjen e demokracisë Xhemali ishte nga të parët që kontriboi për konsolidimin dhe forcimin e saj në të gjithë vendin dhe pikëpamjet e tij për liri mendimi e veprimi, liri të pronës, lëvizjes së lirë dhe hapjes me botën deri sa më 20.04.1994 ai ndërroi jetë.

Xhemalin, jo vetëm bashkëfshatarët e tij, por në të gjithë rrethin njihet si disident dhe kundërshtar i hapur i regjimit komunist.

Titulli: Re: "Pegasi", subrastrat: Arti i gdhendjes Mon Jan 11, 2010 4:23 pm

Për këtë Komuna e nderon Xhemalin me titullin:

“Nder i Komunës Dishnica”

Titulli: Re: "Pegasi", subrastrat: Arti i gdhendjes Mon Jan 11, 2010 4:24 pm

Biografi Z. Qamil Mule

Z. Qamil Mule lindur dhe banues në fshatin Kodrishtë, më 20.11.1920, rrjedh nga një familje e varfër dhe patriotike. Qamili, pas mbarimit të shkollës fillore, në vitet 1938-1940, u mor me bujqësi e blektori deri në fillimin e lëvizjes kundër pushtuesve italianë dhe gjermanë, duke u aktivizuar në këtë lëvizje që në moshë të re.

Titulli: Re: "Pegasi", subrastrat: Arti i gdhendjes Mon Jan 11, 2010 4:24 pm

Më vonë, me fillimin e luftës, ai u radhit në Brigatën e 8 Sulmuese duke marrë pjesë në luftimet dhe betejat e zhvilluara në qarkun e e Beratit, Lushnjës, Tiranës, Shkodrës dhe me çlirimin e vendit në Kosovë dhe Maqedoni dhe u dallua si trim dhe guximtar në luftë kundër pushtuesve fashisto-nazistë deri në çlirimin e gjithë trojeve shqiptare.

Titulli: Re: "Pegasi", subrastrat: Arti i gdhendjes Mon Jan 11, 2010 4:24 pm

Pas çlirimit Qamili punoi dhe kontriboi për demokratizimin e gjithë jetës së vendit. Ai kreu disa kurse dhe shkolla të specializuara dhe figura, pjekuria, autoriteti i tij në fshat dhe në rreth po rritej dhe piqej, fjala dhe mendimi i tij si intelektual dëgjohej dhe përkrahej nga të gjithë fshatarët. Kushtet familjare të vështira si djalë i vetëm dhe me prindër në moshë të thyer, pas kryerjes së disa detyrave të caktuara në rrethin e Korçës dhe të Leskovikut, e detyruan Qamilin të kërkojë vetë të kthehej në fshat, tashmë më i pjekur dhe më i formuar me të gjithë cilësitë e virtytet e njeriut të rrahur me jetën dhe vështirësitë e asaj kohe.

Titulli: Re: "Pegasi", subrastrat: Arti i gdhendjes Mon Jan 11, 2010 4:25 pm

Fjalat, mendimet, kontributi dhe aktiviteti i tij përkraheshin nga të gjithë bashkëfshatarët, duke e zgjedhur si kryetar të Kooperativës, detyrë të cilën e kreu me sukses dhe dashuri, duke rritur nivelin ekonomik e atë social – kulturor të fshatit në emancipimin e zhvillimin e jetës dhe veprimtarisë në të gjithë fushat e jetës shoqërore.

Titulli: Re: "Pegasi", subrastrat: Arti i gdhendjes Mon Jan 11, 2010 4:25 pm

Qamili, gjatë gjithë jetës dhe veprimtarisë së tij, ka qenë korrekt me ligjin dhe ka gëzuar respekt e dashuri të të gjithë bashkëfashatarëve të tij, deri në daljen në pension, në vitin 1990.

Me veprimtarinë dhe kontributin e tij ai është bërë i njohur në të gjithë krahinën e Dëshnicës dhe të Përmetit.

Për këtë këshilli i Komunës e nderon me titullin “ Nder i Komunës Dëshnica”

Titulli: Re: "Pegasi", subrastrat: Arti i gdhendjes Mon Jan 11, 2010 4:25 pm

Letër

Redaksisë së gazetës” Katundishta”

Uroj: “ Gëzuar festën e Katundishtës, 10 tetor 2009, Takim brezash. Uroj që të jeni të bashkuar gjithmonë se në këtë mënyrë i jepni emër fshatit Katundishtë. Katundishta është vendi i lindjes së prindërve të mi. Ajo është e shtrenjtë për mua, mbasi babagjyshi e gjithë fisi Qamo kanë kaluar një pjesë të jetës. Shumë herë me nostalgji babai ynë, Hasan Qamo, na shpjegon e na njeh me historikun e vendlindjes, prandaj edhe ne, si fëmijët e tij, e mbështesim atë dhe i qëndrojmë afër. Sa herë që të botohet gazeta unë do të jap kontributin tim. Përshëndes me mall gjithë katundishtarët.

Gëzuar edhe një herë festën e Katundishtës!

Me respekt

ADRIATIK HASAN QENDRO

Titulli: Re: "Pegasi", subrastrat: Arti i gdhendjes Mon Jan 11, 2010 4:26 pm

Njeriu me ideale demokratike

Homazh

për të riun Muhamet Zenel Muçaj

nga Pëllumb Muçenji

Muhameti lindi në fshatin Katundishtë të krahinës Dëshnicë, në vitin 1930.

Si bir i familjes së Muçenjve ai trashëgoi nga i ati, Zeneli, dhe e ëma, Karafilja, traditat më të mira dhe me këtë ndjenjë do të jetonte dhe do të punonte gjer në fund të jetës. Shkollën fillore do ta kryente në fshatin e lindjes dhe për të kryer më pas shkollën e mesme. Vijoi dhe studimet e larta të cilat i përfundoi me rezultate të larta, duke u diplomuar Inxhinier Ndërtimi.

Që kur ishte në moshë të re në karakterine tij spikatën cilësitë më të larta dhe këto u vërejtën dhe gjatë zhvillimit të kurseve ndaj analfabetizmit, ku ai u shqua me qëllim që njerëzit të përfitonin sa më shumë dije dhe dituri.

» SIMPOZIUM NDËRKOMBËTAR "PEGASI" ALBANIA
» LNPSHA PEGASI ALBANIA, PEGASI KOSOVA , BIALL MALIQI
» GJIROKASTRA PEGASI VEPRIMTARI "PEGASI DHE TALENTET E RINJ"
» PEGASI Nr 33 organ i LNPSHA "PEGASI" ALBANIA
» Arti i Kinos