Prezantim talentesh te reja

Titulli: Re: Prezantim talentesh te reja Sun Aug 10, 2008 1:43 pm

Albiona Naçollari

1... Dua të jem një pikë uji që rrjedh nga zemra e tokës

e me dete dhe oqeane anë e mbanë

gjithë Botës.

Dua të jem një pikë uji të bije me vesën e mëngjesit ,

mbi petalet e luleve të qëndroj e të më përkëdhelin rrezet e Diellit.

Dua të jem një pikëz uji, të bije kur bie shi,

nga qielli poshtë

të bie e të qëndroj aty poshtë mbi ty...

Titulli: Re: Prezantim talentesh te reja Sun Aug 10, 2008 1:44 pm

2. ....Të thashë të dua dhe zemrën ta dhashë,

më prit

se do të vij do të kthehem prapë.

Më kot priti zemra se dielli lindte e perëndonte prapë

e zogjtë shtegëtonin e vinte

vera e thatë.

Dhe gjethet shtronin rrugët, mbulonin

gjurmat tona

dhe prapë pemët çelnin, por t’i

s’erdhe akoma.

3. Një brengë kisha në zemër, s’dija

me kë të qaj,

ia dhashë shiut të natës, por s’mundi

dot ta lajë.

I thashë erës merre,por dhe era

s’ma pranoi,

m ë rëndon në zemër, më bën të vajtoj.

Ja dhashë detit, e mori, ma solli përsëri,

me dallgët mbi det,

më të kripur tani...

Titulli: Re: Prezantim talentesh te reja Sun Aug 10, 2008 2:11 pm

Nje talente, e cila eshte quajtur nga kritika si "nje zhbiruese e botes se feminilitetit". Ajo jo vetem eshte anetare e Lidhjes se Krijuesve "PEGASI" ALBANIA, por edhe Anetare eLidhjes se Poeteve Bashkohore W.P.S. N eprofesion gazetare ne Tv Gjirokastra. Shijoni poezite e saj nga libri i botuar ne Shtepine botuese "Marin Barleti" Tirane.

Yllka Ponde

VËSHTIRË

TË

MBETESH

NË

SHPIRTIN TIM

Poezi

LIBRI U PERGATIT NEN KUJDESIN E
LIDHJES SE KRIJUESVE “PEGASI”
GJIROKASTER, ALBANIA

Shtëpia botuese “Marin Barleti”, Tiranë, 2003

Titulli: Re: Prezantim talentesh te reja Sun Aug 10, 2008 2:11 pm

Yllka Ponde

“Vështirë të futesh në shpirtin tim”
poezi

Redaktor letrar: Kristaq F. Shabani

Art grafik: Erlinda Mustafaraj

Kopertina ideuar nga Autorja

Copyright Ó Yllka Ponde, 2003

Titulli: Re: Prezantim talentesh te reja Sun Aug 10, 2008 2:12 pm

“Duke më ngjasuar rrugicat e qytetit tim me “rrugicat që kërkonin diell” mendova të mbledh çiltërsinë e shpirtit tim për t’ua dhënë atyre për t’u shuar pak “urinë”. Kjo “gjë” prej letre dhe shkronjash që t’i mban në duar është krijesë e lindur prej meje. Unë jam banore e këtij qyteti ku femrat lindin me “?…” në grykë.”

Autorja

I.

VAJZA KAÇURRELE

ME

SY JESHIL

Titulli: Re: Prezantim talentesh te reja Sun Aug 10, 2008 2:13 pm

PERKUFIZIM
“Liri” do të thotë:
“Të qeshësh kur të vjen për të qeshur.
Madje dhe
Kur është për të qeshur, të qash.
“Liri” do të thotë:
“Të bëhesh skllav me dëshirë…”
“Liri”do të thotë:
“Të jetosh në çdo trajtë!”

10 Mars 1996

Titulli: Re: Prezantim talentesh te reja Sun Aug 10, 2008 2:14 pm

***

Anije e vetmuar

në detin plot dallgë…

Shpirtra të gjallë e të vdekur

brenda saj…

16 Korrik 1993

Titulli: Re: Prezantim talentesh te reja Sun Aug 10, 2008 2:14 pm

UNE?

Dehëse – aroma e dashurisë.

Sfilitës – mendimi i tradhëtisë.

Unë – qëndroj midis…

15 Korrik 1993

Titulli: Re: Prezantim talentesh te reja Sun Aug 10, 2008 2:14 pm

***

M’u shpla kjo jetë hipokrizi.

Të qesh unë,

se të pëlqen ty!

Jo! Kurrsesi!

8 Janar 1997

KAÇ…

Kaçurrel flokët e mi.

Kaçurrel vetulla mbi sy.

Kaçurrel m’u bënë mendimet për ty.

………………………………

Një tufë kaçurrelash:

Kjo ditë!

16 Janar 1996

Titulli: Re: Prezantim talentesh te reja Sun Aug 10, 2008 2:15 pm

“LUMTURI”

E tradhëtuar
prej lumturisë,
Po “laj”
mëkatet e vajzërisë.
…………….

9 Shkurt 1996

A MUND?

Heshtni ju kujtimet e mia,
aty ku jini.
Rininë shpirtblertë
ju s’mund të ma sillni!

20 Mars 1996

Titulli: Re: Prezantim talentesh te reja Sun Aug 10, 2008 2:15 pm

***

Në sytë e mi
të larë me të verdhë e jeshil…
Jeton:
Bota e trazuar
e shpirtit tim…

19 Korrik 1993

KONTRAST E GJELBERIM

Gjethe vjeshte – në Vetmi.
Sythit të pranverës i përngjaj,
kur jam me Ty!

1995

Titulli: Re: Prezantim talentesh te reja Sun Aug 10, 2008 2:15 pm

DUF

Koka po më plas nga mendimet.
Zemra po më çahet nga ndjenjat.
E gjitha po çmendem nga dhimbjet.
***
Dua ta shfryj dufin që kam
mbi fletën e bardhë.
Një fjalë,
një lot pikon pastaj…

10 Korrik 1995

DY

Jam pranverë dhe vjeshtë.
Pranverë: Gëzoj dhe qesh.
Vjeshtë: Mërzitem dhe hesht.
Në s’besoni…
Më shihni në sy.
Trishtim dhe gjelbërim
do të gjeni aty!

2 Korrik 1993

Titulli: Re: Prezantim talentesh te reja Sun Aug 10, 2008 2:16 pm

***

Si manushaqja ndër ferra
Syri im jeshil,
Poshtë vetullës kaçurrel.

Ndaj njerëzit

ma ngatërrojnë ngjyrën e tij!

16 Janar 1996

***

Ç’m’i trazon mendimet
o kohë me shi!
Si binjake
me shpirtin tim!

Titulli: Re: Prezantim talentesh te reja Sun Aug 10, 2008 2:16 pm

MBETJE

Vitet e bukura ikën.

Ato skandalozet po vijnë.

Vajza me shpirtin e lirë

është bërë grua

fëmijë do lindë…

Vitet e bukura ikën.
Ato skllavëruese po vijnë.
Nga vetja ime…
E vërtetë ka mbetur:
“Kufoma e vajzërisë”

8 Janar 1997

Titulli: Re: Prezantim talentesh te reja Sun Aug 10, 2008 2:17 pm

VERE

Kur më teket për të pirë verë,
trullosem prej mendimit se do pi.
Kur filloj të pi verë
dehem prej mendimit se po pi.
Kur dehem duke pirë verë,
më pëlqen!
S’jetoj më në tokë…
Më kërkoni në qiell!

28 Shkurt 1996

DO TE THOTE

Të lindësh në këtë jetë
do të thotë: “Të rrosh për të vuajtur!”
Të rrosh në këtë jetë
do të thotë t’i lutesh vdekjes:
“Eja sa më shpejt!”

17 Mars 1996

Titulli: Re: Prezantim talentesh te reja Sun Aug 10, 2008 2:17 pm

“SHKELJE”

Ca “ligje” të vendosura
prej plakjes së kohës,
i urrej!
Dua t’ia zhduk atë forcën që
mendojnë se kanë…
“Ligje” që nisin me atë “duhet”
të vjetëruar, të dalë mode.
“Ligje” të pashkruara
që dhe po t’i shkelësh
s’dëmton njeri.
Veçse veten respekton,
i plotëson një dëshirë!

4 Nëntor 1996

Titulli: Re: Prezantim talentesh te reja Sun Aug 10, 2008 2:18 pm

PERDERISA

Gjithçka e bukur
që kam kaluar në jetë:
Çapkënllëqët e vajzërisë,
O dashuri, që s’ju përshëndeta as “Mirëmëngjes!”

Ejani, në ëndrrën time
të ma ktheni në parajsë.
Përderisa jeta është
një ferr.

9 Tetor 1997

Titulli: Re: Prezantim talentesh te reja Sun Aug 10, 2008 2:18 pm

***

Ç’fshihet brenda shpirtit tim,
askush s’e di.
Një mot krejt i trazuar:
mjegull, shi,
s’mungon edhe ti.

18 Gusht 1999

ÇELJE

E njoh dëshirën e pianecëve
për të pirë.
Princeshë e bukur,
banore në shpirt!
E besoj dëshirën e pianecëve
për të pirë.
Brenda meje:
Pirja çel një syth!

12 Mars 1996

Titulli: Re: Prezantim talentesh te reja Sun Aug 10, 2008 2:20 pm

***

Më pëlqen dhe ndonjëherë vetmia.
Të fundosem në të
e të bëj ç’të dua!
Më pëlqen vetmia!
Kur jam me të,
fshehtas rri me atë që dua.

25 Prill 2001

***

S’munda të jem një herë

Yllka e vërtetë, në këtë jetë.

(S’munda të jem!)

Dhe as kam për të qenë!

Kjo është më e keqja.

Titulli: Re: Prezantim talentesh te reja Sun Aug 10, 2008 2:20 pm

II.

ULUR

NE

FRONIN E DRITES

GENJESHTER

Kur nata në fronin e ditës ulet,

pranë njëri – tjetrit

gjendemi ne.

Bredhim cep më cep të ëndrrës

si të marrë.

Mallkojmë agimin e ditës së re

kur hapim sytë gënjeshtarë…

Verë 1993

Titulli: Re: Prezantim talentesh te reja Sun Aug 10, 2008 2:21 pm

MBRET

Asnjëherë s’më ke ardhur
në gjumin tim.
Kam kohë që të pres.
Eja! Pa ndrojtje, pa frikë!
Vetëm ti mund
të ma largosh
Vetminë.

Prill 1993

PYES

O sy,

të jetë kaq i mistershëm

sa dhe ty,

ai që të ka lind?

Titulli: Re: Prezantim talentesh te reja Sun Aug 10, 2008 2:21 pm

***

Një psherëtimë

lëshon shpirti,

kur s’gjen ngushëllim…

Një psherëtimë e fshehur

zgjat deri në agim!

18 Gusht 1999

***

Të vështrova gjatë në sy

dhe brenda vetes thirra:

“Të lutem, më njih!”

S’i njohe kaçurrelat e mia,

Sse kuptove as dëshirën xixëlluese,

që përcillnin sytë e mi.

Por, përsëri me zërin e zemrës

do të të lutem:

“Më njih!”

2 Korrik 1996

Titulli: Re: Prezantim talentesh te reja Sun Aug 10, 2008 2:22 pm

Jam e qetë.

Përfundimisht, s’e njoh më

njerëzinë gojëshqyer

tek lëshon vrer…

S’dua të njoh më,

ata që s’më duhen.

Stacionohem, jam e qetë…

Indiferente eci para botës kokëshkretë.

Jeta – E imja.

Sa qejf!

25 Qershor 1996

Titulli: Re: Prezantim talentesh te reja Sun Aug 10, 2008 2:22 pm

S’di në duhet të hesht.

Të flas, të qaj a të qesh.

Të mërzitem a të urrej?!

Kur njerëzit heshtin…

Pse dhe unë duhet të hesht?

Kur sytë e mi qajnë,

kur zemra ime

mërzitet dhe urren!

21 Shtator 1998

***

Sot

u gjendëm ballë për ballë.

“Ç’kemi?!”- mërmëritëm.

S’gjetëm tjetër fjalë.

Korridoreve vinim vërdallë.

Sa dëshironim

të gjendeshim përsëri ballë për ballë.

Kishim për të thënë…

Oh! Sa fjalë!

9 Shkurt 1996

Titulli: Re: Prezantim talentesh te reja Sun Aug 10, 2008 2:22 pm

MIMOZE

Para teje

ndihem e pavlerë.

Kaçurrelat sikur më zvargen.

E blerta brenda syve,

s’më duket më e blertë!

Para meje…

E heshtur bukuria jote qëndron!

M’i merr mend aroma jote.

Më tërbon!

Kur në duar gjithë përkujdesje të mbaj,

s’dua t’ia di për njeri…

Një e dehur e papirë jam

prej dashurisë së marrë për ty!

28 Shkurt 1996

» "PEGASI" IDE TË REJA , RRUGË TË REJA ,VEPRIME TË REJA
» Drejtë luftërave të reja
» Botime të reja: Revista ”URA”
» Biznesi ankohet per ide te reja !
» Botime të reja: "Buzëqeshje miqsh"