Prezantim talentesh te reja

Titulli: Re: Prezantim talentesh te reja Tue Dec 08, 2009 2:25 pm

Era

Fryjti erë e madhe mbrëmë,

fryu tërë natën,…

dhe pushoi në mengjes.

Të gjorat pemë u gdhinë të
zhveshura,

në mes të vjeshtës Gjethet e verdha…

Rrëzuar mullarët e barit,

rrëzuar dërrasat e çatisë,

hequr gjembat e gardhit

dhe filloi Lufta kundër Erës:

Gjethet u shndërruan në të
gjelbra,

pemët u veshën,

lulet ju çelën avllisë!…

U harrua Era që fryu mbrëmë…

Tetor 1997

Titulli: Re: Prezantim talentesh te reja Tue Dec 08, 2009 2:25 pm

E bukura e jetës

Natë në shpirt,

natë në natyrë,

në këto raste

Njeriu ka qejf të soditë Hënën.

Pak dritë bën vetëm Hëna

në qiellin e Shpresës;

E bukura e Jetës,

Ëndrra,

Unë, nga Nata erdha për t’i shkuar “Natës”…

I zoti është Ai

që ditën e bën shekull

Shekull…

Jeta

herë ka ditë më shumë dhe natë më pak,

herë ka ditë më pak dhe natë më shumë,

kjo varet në ç’stinë jetoj,

të lulëzimit apo të Gjetheve të rëna?…

E bukura e jetës mbetet

vetëm:

“Ëndrra!”

Çdo ditë dikush më flet nga përbrenda:

“O ti, Njeri,

ndriçohu,

bë dritë,

mos u errëso!”…

1996

Titulli: Re: Prezantim talentesh te reja Tue Dec 08, 2009 2:25 pm

E mërzitshme

Në çati ka lëvizur një dërrasë,

sa herë bie shi në tavan pikon:

pikë, pikë, pikë…

Ç’muzikë,

kur në çati lëviz një dërrasë!

06.07. 1997

Titulli: Re: Prezantim talentesh te reja Tue Dec 08, 2009 2:26 pm

Për ku?…

Mbi xhame të lotueshëm ecën dita…

Dal në rrugë…,

për ku jam nisur?

Këmbët më përplasen pas gurëve,

lulet ndjejnë të ftohtë

dhe qajnë lulishteve,

Qielli i mban në lotim:

Lulet dhe xhamat!…

Unë hesht,

kam diçka brenda meje.

Një lot për ditët e dimrit.

Sytë e mi i mundon qielli

si xhamet,

ndaj dal në rrugë…

Për ku jam nisur?

Sigurisht drejt teje,

në shekullin tjetër

për një takim

në ditë pranvere

Dimër 1997

Titulli: Re: Prezantim talentesh te reja Tue Dec 08, 2009 2:26 pm

… I jashtëm

Atje

hyjmë dhe dalim të gjithë,

pa përjashtim.

Rrimë me orë, me ditë, me javë, me muaj…,

me vite…

Ka që mbeten edhe një jetë,

kjo si të jetë, fat…

Burg:

pa mure guri, tulla e beton,

pa gardian, pa dyer, pa çelësa: burg…

BURGU TMERR:

“BURGU SHTETËROR…”

Tiroida e trishtimit pret doktorë;

ATJE…

1995

Titulli: Re: Prezantim talentesh te reja Tue Dec 08, 2009 2:26 pm

E shkurtra

Ajo

lindi dhe jetoi e vogël,

orë, ditë, javë…

Në muajin e dytë vdiq:

“Lumturia ime!”

Shpirti, zog që humbi hapësirën,

krahëprerë mbeti në një degë të thatë…

Syri, lotoi gjatë,

si për ata që i mbyti

Otrantua…

Nuk desha të vija këtë “mbiemër”,

kurrë kështu nuk desha.

Por e tillë më erdhe nga Jeta!…

Maj 1998

Titulli: Re: Prezantim talentesh te reja Tue Dec 08, 2009 2:26 pm

Gjurma ime

“Enkelejdit, Gazmendit, Ermelindit”

Jam erë,

jam imazh,

jam natyrë!

Dallohem nga fjala

që them dhe shkruaj.

Ato kanë qenë,

janë e do të jenë gjurma
ime,

identiteti im për ju.

Jam Erë,

jam Imazh,

jam Natyrë,

ndaj s’dua

të më vdesë

GJURMA…

06.07.1998

Titulli: Re: Prezantim talentesh te reja Tue Dec 08, 2009 2:27 pm

Zgjoj

Zgjoj librat,

zgjoj fantazitë,

jetën,

misteret,

vras kohën!

Zgjoj tokën,

zgjoj grurin,

misrin, pjeshkën,

mollën, ftoin, fikun,

ullirin, hardhinë, jonxhën,

lulet e tjera.

Vras barin!

Zgjoj gurin,

rërën, zhavorrin, ujin…

Zgjoj urat,

rrugët, fshatrat, qytetet,

fabrikat, pijetoret,
sheshet,

bustet, shatërvanet…

Vras gërmadhat!

Zgjoj në këtë botë zemrën
dhe zjarrin,

zgjoj të ngrohtit…

Vras të ftohtit!

Zgjoj vetëm zgjoj…Dhe
jetoj!

Paradite 17.10.1998

Titulli: Re: Prezantim talentesh te reja Tue Dec 08, 2009 2:27 pm

Ditët

Iku një ditë për barin e
njomë,

iku një ditë për lulet në
avlli,

iku një ditë për gjethet në
pemë,

iku një ditë , një ditë
përsëri…

Iku një ditë nga ditët e
mia,

iku dhe la këtë poezi.

Iku një ditë nga burrëria,

një ditë si shoqet…

Një ditë “GRI”…

01.08.1998

Titulli: Re: Prezantim talentesh te reja Tue Dec 08, 2009 2:27 pm

Zogu

Ia hapa dritaren zogut,

Zogut që qante dhe
përplasej

pas xhamit për shpëtim,

Zogu i erdhi rrotull
dhomës,

u fsheh mes librave në
etazherin tim.

Atje e gjeti nata,

atje e gjeti dita,

i dhashë thërrime buke dhe
i pranoi,

të qetë e lashë,

s’e mërzita,

sa prapë u ngrit, iku dhe
shkoi…

Tani mes librave ruaj një
kujtim,

ca ditë dimri me acar,

Dielli bëhet zot i shpirtit
tim,

ngrohu zogun, dikur në
janar!

25.07.1998

Titulli: Re: Prezantim talentesh te reja Tue Dec 08, 2009 2:28 pm

Zënka

U zura me qenin tim,

dhe larg qëndruam ca ditë,

por ai bëri lëshim

dhe prapë m’i hodhi sytë.

Ngadalë ma uli inatin,

para tij u ndjeva fajtor.

E hodhi lehtë, lehtë çapin

dhe ma zgjati këmbën -
dorë.

Dhe lotoi besniku im,

kur dorën time i dhashë

dhe ramë në përqafim

dhe zënkë… jo prapë!

12.06.1998

Titulli: Re: Prezantim talentesh te reja Tue Dec 08, 2009 2:28 pm

Kush?

Kush e ndërton të bukurën?

“Zemra”.

Kush e ndërton të shëmtuarën?

“zemra”

“Kush….?”

“Zemra”!…

Titulli: Re: Prezantim talentesh te reja Tue Dec 08, 2009 2:28 pm

Globi

Rrotulloi globin para meje…

Pesë kontinente si pllanga
- pllanga reje!…

Rrotulloj globin

dhe kuptoj vetveten…

Titulli: Re: Prezantim talentesh te reja Tue Dec 08, 2009 2:28 pm

Ullinjtë

Kush pret një ulli:

Mallkohet…

Kush mbjell një ulli:

Martohet…

Kush rrit një ulli:

S’harrohet.

Korrik 1998

Titulli: Re: Prezantim talentesh te reja Tue Dec 08, 2009 2:29 pm

Puthja

Të puth ai që të do,

dhe ai që të dashuron,

ndoshta

dhe ai që të lakmon.

Mat dashurinë

dhe mallin

dhe urrejtjen :

“PUTHJA”…

Titulli: Re: Prezantim talentesh te reja Tue Dec 08, 2009 2:29 pm

Njeriu

Njeriu e pëlqen ëmbëlsirën,

e pëlqen, por jo gjithmonë.

Njeriu e do dhe thartirën,

ndaj mbjell dhe limonë.

Titulli: Re: Prezantim talentesh te reja Tue Dec 08, 2009 2:29 pm

Qentë

Tërë natën lehin…

Flenë tërë ditën.

“Lehja dhe fjetja e tyre

të çuditin…”

Ah, qentë!…

Titulli: Re: Prezantim talentesh te reja Tue Dec 08, 2009 2:29 pm

Epitaf

Lindim…

Mbi dru tundemi.

I presim, i gdhëndim, i
ndërtojmë.

Mes drurëve jetojmë.

Në fund druri na merr

dhe shkojmë…

Gjethoni ju, o pemë,

o PEMË GJETHONI!

1998

Titulli: Re: Prezantim talentesh te reja Tue Dec 08, 2009 2:30 pm

Drino

Është një lumë në luginën
time,

një lumë, Drino.

Fle në verë,

zgjohet në dimër midis plepave.

Është një lumë me shtrat
zhavori dhe rërë…

( më të bukur se të tjerët)

Fshatrave, qyteteve,
rrugëve të luginës e gjen!

Një lumë në luginën time

domosdoshmëri e natyrës
dimërore,

e njerëzve në verë…

Gusht 1996

Titulli: Re: Prezantim talentesh te reja Tue Dec 08, 2009 2:30 pm

Pole

Jug,

“veri”,

“Veri’,

Jug,

Veri,

“jug”,

“jug”,

jug,

jug,

veri

Dy pole!…

Titulli: Re: Prezantim talentesh te reja Tue Dec 08, 2009 2:30 pm

Avioni im…

U hipi mbi shpinë maleve
kryelartë,

Majëmaleve Botën e shoh nga
lart,

Fushën… fshatrat rrotull në
luginë…

Malet më lidhin me detin
Jon,

Malet e mia mbetën “AVIONI IM”!

Malet…

Korrik 1998

Titulli: Re: Prezantim talentesh te reja Tue Dec 08, 2009 2:30 pm

Yjet

Qiellin e pushtojnë vetëm
yjet,

të tjerët i përpin vetëm
nata…

Yjet: Orientimi për rrugët
e gjata”…

Korrik 1998

Titulli: Re: Prezantim talentesh te reja Tue Dec 08, 2009 2:31 pm

Pikturim

Dardha hodhi lulet…

hodhi edhe gjethet,

ju dorëzua vetmisë.

Tani një kalë larushan

kruhet në trungun e saj.

Ajo në portën

e një ylberi dimëror

Statujë e Lëndinës

në stinën e gjumit.

Tetor 1997

Titulli: Re: Prezantim talentesh te reja Tue Dec 08, 2009 2:31 pm

Macja

Fle në kolltukun e dhomës

i shkoj pranë dhe ia hap
sytë,

ajo shtriqet, nxjerr
thonjtë

dhe i pëlqejnë
përkëdhelitë…

S’është si qeni i shtëpisë,

po e rrahe s’të afrohet më
kurrë,

i pëlqejnë përkëdhelitë,

macja s’pranon diktaturë.

Titulli: Re: Prezantim talentesh te reja Tue Dec 08, 2009 2:31 pm

Vrapi i reve

Shtritur në lëndinë rrija
një ditë,

në qiell lart endeshin re,

ato Diellin si gomë e
fshinë

e bubullima gjëmoi mbi
dhe’…

I lagur u ktheva në shtëpi
atë ditë,

le të qe stina e verës,

retë po të zunë në pritë

të lagin dhe “pragun” e derës!

» "PEGASI" IDE TË REJA , RRUGË TË REJA ,VEPRIME TË REJA
» Drejtë luftërave të reja
» Botime të reja: Revista ”URA”
» Biznesi ankohet per ide te reja !
» Projekte tè reja kinematografike