"INTELEKT 2001..." Nr. 10

Editorial



Që në vitin 2004 dhamë një sinjal për një ndryshesë





Dhe kjo ndodh disi e vonuar në vitin 2010, kur së fundi bëhen zgjedhje të reja për Shoqatën Atdhetare Kulturore “Çajupi” dhe në krye dalin disa zagoritë që, siç thonë, i kanë mundësitë nga ana finaciare për t’i dhënë shtysë ecurisë. E gjetur është krijimi i konsulencës për mbarëvajtjen e veprimtarisë së shoqatës… Por a do të jetë në gjendje ky grup të bashkëveprojë me Kryesinë financiare? Ç’është e drejta në këtë konsulencë ka anëtarë ( të Këshillit të Mirë, një ide e hedhur shume kohe me parë nga ana ime) që mund edhe të japin, pavarësisht se shumë prej syresh edhe po “plaken”, dhe që ndoshta s’kanë se ç’të japin më, pasi u janë prerë “gjynjët”e inteligjencës.(Nuk është fjala për plakje moshore, por plakje intelektuale se koha bën punën e vet. Në pamjen e parë duken sikur janë “gjigandët” e mendimit, por e meta e tyre është se janë të konsumuar nga rregjimi i mëparshëm, të cilit i kanë shërbyer me zellësi dhe disiplinë të lartë.

Kryesorja është se ende në këshill konsultence ka njerëz që s’thanë gjë në vitet e demokracisë veçse përdorën vetëmburrjen dhe lëvdatën personale duke thurur ” rrjeta të “florinjta “ për shkëlqimin e vetvetes, për të përdoruar më shumë “kallaj: për ndriçimin e kësaj “VETVETE” të vogëlth…

2.

Në editorialin e gazetës “Zagoria”, ku reabilitohet z. Kleanth Zoto, në një titull “Mesazhe dha Mbledhja e Majit” (Një titull butaforik) përmenden, midis të mirëve dhe evidentimeve të ecurisë dhe shkrimtarët dhe poetët (ka prej syresh që s’mund t’i quash dot kështu, përarsye se disa nuk i njeh as fshati i tyre, pale mandej “gjeografia shkrimore dhe poetike , të cilët analizohen nga ata që nuk dinë se ku “bien “ këta përfaqësues dhe s’janë në gjendje të nxjerrin deduksione logjike, pale mandej të klasifikojnë.



Pa patur t’i qasem profesionit të shkrimtarit, …. e tjera, por me një çalim buze dhe ngathtësi me dashje mendjeje zoti Andon Pango në “fjalesën” ndoshta të përgatitur nga kalemxhinj pa përvojë thotë shprehimisht: “ Pa mohur punën e lavdërueshme (për të nxjerrë në dritë jetën e veprimtarinë e fshatrave të tyre dhe të Zagorisë në tërësi) të Apostol Pangos, Evjen Perit, Mari Ristanit, Stefan Bulos, Llukan Saqellarit, vëllezërve Tingo, Akile Vasit, Lame Çapit, Anastas Çarkës, Trifon Nikës, Jorgo Telos e të ndonjë tjetri që i kërkoj falje për harresën, (Çuditërisht disa harrohen me dashje) mendoj që shoqata edhe në këtë drejtim duhet ta thellojë punën më tej…

Shkëputur nga Intervista



Poetët, shkrimtarët, gjithë krijuesit, s’e ndiejnë kurrsesi dallimin, racën, shtetësinë, kombësinë e tyre, …

Ata kanë një vëllazërim dhe një motërzim të paparë dhe një respekt të ndërsjelltë me njëri - tjetrin. Ky është një modul, të cilin duhet të arrijë shoqëria njerëzore dhe që tregohet me pararojën inteligjente të njerëzve të aftë e plot talent.



Intervistë me Presidentin e Lidhjes Internacionale të Poetëve, Shkrimtarëve dhe Artistëve “PEGASI” Albania, poetin, shkrimtarin dhe studiuesin Kristaq F. Shabani

Dhënë gazetares dhe poetes Yllka Ponde WP.S, TVSH “Gjirokastra”

Botuar ne gazeten e Athines (Shqip) prill 2010

KRISTAQ F. SHABANI (ALBANIA)



3. THE GODS are wounded badly



THE AFFLICTION OF THE GODS

Kreatura zagorite



Ndër shkëlqesat e para, por sa e sa të tjera mbeten enigma për t’u zbuluar e zhbiruar



Kostandini dhe Dhoqina

Botuar së pari në “Bashkimi”, 5 dhjetor 1924, Nr. 34. Tiranë

Paraqitur nga Sokrat Dervishi, botuar nga Kostaq Cipo.



Varianti zagorit



Thuhet varianti zagorit në motivim. Variante krijese përpunon vetëm mençuria. Në një krahinë etnikisht të pastër, mund të dallosh, të gjesh dhe të zbulosh puritantizmin e një shoqërie, e një Kombi… (Përcaktimi im KFSH).

Kur më shkon sokakut



Kur më shkon sokakut

ombrellën në dorë,

derdhur leshrat prapa,

vetullën kurorë.

Në penxheren tënde,

po këndon bilbili,

nga sevdaja jote

çeli trëndafili.

Në penxheren tënde

po këndonte zogu,

nga sevdaja jote

çeli borziloku.

Në shkallë më dolle

surratin ta pashë,

me gojë s’më fole,

dorën ta dhashë,

me nojma të zemrës

dy fjalë të thashë.

Vetullat e tua,

si akrep sahati,

pse me gojëmbyllur,

pse s’të del inati.

K. Th. Spiri- Nga poetët më i miri…



Shënime nga Hyskë Borobojka

Si gazetar i humorit dhe i satirës, sa herë shkoja me shërbim në rrethin e Gjirokastrës, ku bënte pjesë dhe kazaja e Zagories, mësoja nga një vjershë të re, që “krente” K.TH. Spiri, që, siç thotë vetë, “nga poetët më i miri”. Vjershat e tij, që përhapeshin gojë më gojë, jo vetëm në Zagorien e tij, por edhe më tej akoma, shquhen për një humor e satirë të veçantë, me një varg të thjeshtë e të kuptueshëm që kërkon t’i ngjajë A.Z. Çajupit, prandaj i drejtohet poetit: “Andon Zako fli i qetë, se vendin ta zura vetë!”

Tematika e vjershave të tij është e larmishme. Ai i ndiqte problemet e kohës me humor e me satirë. Kur dikush e qortonte se nuk i bënte vjershat me politikë e nuk shkruante për luftën e klasave”, ai menjëherë recitonte vjershën plot sarkazëm: “O kular, o hundllastik, Rroftë Bashkimi Sovjetik!” Hapej fushata e elektrifikimit të vendit. Këtë aksion të madh K.Th. Spiri e përmblidhte në dy vargje: “Hidrocentral, sa ma ka enda, sikur është Lenini brenda!”

Vazhdonte slogani: “Bujqësia, çështje e të gjithëve” dhe Kiçoja do t’i përgjigjej: “Lipsur kapitali, lanet dhe dollari, të na rrojë kau, ai na përkrahu!”