"Jetari" vepër e shkrimtarit Kristaq F. Shabani

Të dy atë ditë ishim të ftuar në promovimin e librit “Veçoritë e narracionit dhe e përshkrimit në prozën rrëfimtare të Bilal Xhaferit” të Dr. Roland Zisit, në bazë të veprimtarive promovuese të Panairit të Librit. Në këtë panair mori pjesë me një stendë ekspozuese edhe Lidhja Krijuese “PEGASI”, ku u ekspozuan të gjitha librat e botuara të anëtarëve të Lidhjes si dhe të gjithë shkrimtarëve të trevës së Jugut, madje edhe të krijuesve emigrantë, e cila u vizitua edhe nga Prof. Rexhep Qosja. Po kështu u ekspozuan edhe botimet e Shtëpisë botuese “Thamiris” Athinë.

“Alternativa në edukimin parashkollor (kurs ligjiratësh)

Botim i shtëpisë botuese “Albin”, redaktor prof. Dr. Viktor Terpo, recensues Prof. As. Dr. Ilir Bozgo, Mr. Gerda Sula dhe Mr. Rebeka Pali. Libri i botuar me mbështetjen e fondacioneve zviceriane IPA (Internacional Project Aid, Zurih (Schëeiz) dhe Strunten Rat (Fachhochschule Solothurn Nordëestschëeiz technik- Ëirtschaft- Soziales).

Ky libër shoqërohet me një parathënie të shkurtër të autorit.

Në edukimin parashkollor nuk ka një teori, një filozofi a një alternativë të vetme mbizotëruese. Ato janë të shumta e të ndryshme, po aq sa janë të ngjajshme në synimin e tyre përfundimtar. Në këtë tekst (kurs ligjëratash, që zhvillohet si lëndë mësimore në Degën e Prashkollorit të Universitetit të Gjirokastrës), paraqiten disa prej alternativave më të njohura sot në Botë në edukimin parashkollor, që janë pilotuar edhe në Shqipëri, në disa nga qytetet kryesore. Ky pilotim është shoqëruar nga një trainim intesiv i stafeve pedagogjike të kopshteve, i cili pret të shtrihet dhe të zgjerojë veprimin në të gjitha kopshtet e vendit. Botimi ynë i ndihmon këtij synimi, krahas atij të formimit profesional të studentëve, që po përgatiten si mësues të ardhshëm të parashkollorëve.

Në kuadër të Projektit “Nisma e arsimit të lartë”, që fondacioni AEDP zhvilloi në shërbim të formësimit cilësor të kurrikulës parashkollore në Universitet tona, bashkë me trainimin e pedagogëve, u botua edhe një bllok materialesh kualifikuese, të cilat janë shfrytëzuar racionalisht në ligjëratat tona dhe kanë zënë vend në modulet përkatëse të këtij teksti. Gjithashtu, ndihmesa e vyer e studiuesve të njohura të arsimit parashkollor E. Mato dhe P. Kamani është e pranishme në disa prej modeleve edukative, kryesisht në Rexho Emilias. Libri destinohet për studentët e parashkollorit, por ai mund të shërbejë edhe si Manual i edukatores, jo vetëm për edukatoret reja, por edhe për ato që s’kanë njohuri për përvojat e ndryshme edukative. Në libër i është lënë pak vend Programit zyrtar të punës edukative në kopshte, nisur nga fakti që me këtë Program (të botuar) punohet direkt, në një sasi të konsiderueshme orësh, sa ndihet e nevojshme nga lektorët që planifikojnë lëndën. Gjithashtu, ai është objekt i punës së didaktikave të veçanta që zhvilohen në Degën e Prashkollorit.

Autori mirëpret sugjerime që do ta ndihmojnë për një botim të plotë e më ambicioz në të ardhmen.

Publicitet për “Pulsin e Dhimbjes” në Maqedoni

Sapo kishte ardhur nga një referencë a kumtim në Maqedoni. Si për çudi para se të ikte Vasili më tha: “Më jep disa libra “Pulsi i Dhimbjes” për Maqedoninë. Unë s’përtova. “Më duhen, - më tha, - Do të jap dhurata dhe do të realizoj publikimin dhe reklamimin e tij.”

Kur erdhi nga Maqedonia, më mori në telefon dhe më tha që të takoheshin të nesërmen se e kishte reklamuar “Pulsin”…

E pyeta si kishte kaluar në Maqedoni dhe si ishin pritur kontaktimet dhe kumtimet e tij. Buzëqeshi si zakonisht dhe më u shpreh: “ Bëre mirë që më dhe “Pulsin e dhimbjes”. Ia dhashë Drejtorit të Bibliotekës së Tetovës, njëkohësisht dhe drejtor e botues i Shtëpisë “Album” në Maqedoni, z. Enver Neziri, i cili jo vetëm që e lexoi, por dhe e paraqiti në mediat vendase me një përgatitje serioze. Bashkë me urimet e tij më të mira më dha adresën e tij dhe këtë libër të botuar në Shtëpinë e tij botuese “Album”.

E falënderova për këtë veprim reklamues dhe për dashurinë që ushqente ndaj meje dhe veprimtarisë sime shkrimore. Kjo formë publiciteti e reklamimi vijoi prej tij edhe në shtetet e tjera si në: Itali, Angli e gjetkë me libra e mi. Të njëjtën proces ndiqja dhe unë me disa prej librave të tij. Kjo u bë natyrë e punës sonë.

“Thellimi i mendjes gjen të vërtetën, se diamantet gjenden në thellësi të tokës”

E mençuruar

Çdo krahinë ka simbolet e veta dhe emblemat ë saj

Jeta dhe veprimtaria e avokatit Kleanth Koçi

Kjo veprimtari me titull: “Kleanth Koçi, figurë e madhe intelektuale, jurist i talentuar” ishte nismë direkte e Dr. Vasil Bicit. Kjo veprimtari e madhe kishte për objekt të nxirrej në pah me admirim njerëzor, historik dhe profesional jeta e një intelektuali me përmasa, që gjatë jetës së tij iu përkushtua drejtësisë, kësaj fushe të madhe të gjërë për t’u lëvruar. U zhvilllua në amfiteatrin e Universitetit “Eqrem Çabej”, më datën 25.02. 2000, ditën e premte, ora 16.00. Në këtë veprimtari masive morën pjesë intelektualë, shokë e miq, juristë, personalitete të ndryshme të shkencës

juridike, të kulturës, artit, të shkencës, bashkëpunëtorë, zagoritët e Gjirokastrës, pjesëtarë të familjes si dhe të ftuar nga OSBE Gjirokastër, përfaqësues të pushtetit vendor, të medias elektronike dhe të shkruar dhe studentë. Fjalën e rastit e mbajti mësuesi veteran Mihal Vlashi, ndërsa juristi Tahir Novi mbajti kumtimin “Kleanth Koçi një nga figurat më të mëdha të Drejtësisë shqiptare.” Interesante ishte fjala e auditorit “Kleanth Koçi në kujtesën intelektuale, të njerëzve, të së drejtës” ku morën pjesë lirshëm pjesëmarrësit. Në këtë veprimtari u realizua një recital nga studentët zagoritë të Universitetit “Eqrem Çabej” nga krijime të krijuesve zagoritë. Nga ky tubim i madh iu dërgua një letër familjes së Kleanth Koçit si dhe u përcollën falenderimet e familjes për këtë vlerësim të bërë nga vëllai i Kleanthit, z. Dhiogjen Koçi. Materiali filmik u transmetua në kanalet televizive të Gjirokastrës. Edhe media e shkruar i bëri jehonë kësaj veprimtarie, ndërsa nuk e pasqyroi gazeta “Zagoria”, duke i dhënë hapësirë veprimtarisë së Shoqatës Atdhetare - Kulturore “Çajupi”, të organizuar në Tiranë.

Dy përmasa të mëdha të personelitetit publik

Fjala hyrëse e mbajtur nga Dr. Vasil Bici në përvjetorin e vdekjes së Kleanth Koçit

Çdo krahinë ka simbolet e veta dhe emblemat e saj e që e individualizojnë dhe e bëjnë të dallueshëm nga të tjerat.

Simbolet janë përmbajtja shpirtërore e materializuar në shëmbëlltyra të figurave të spikatura të krahinës që me Botën e personalitetit të tyre, ndërtojnë Botën e madhe të krahinës dhe i japin asaj emra – emblema. Zagoria është e begatë në emblema të tilla, ndaj me krenari i mban në gjoksin e saj, të ndriçuara nga një dashamirësi e përkujdesje e veçantë që zagoritëve s’u kanë munguar.

Në yllësinë e të mençurve zagoritë, Kleanth Koçi, edhe pse një meteor i shkëputur para kohe, ndriçon mbi një qiell të gjerë e hapësirë të madhe, duke na lënë pas një kujtimi të ndritur, një dhimbje të madhe, por edhe një krenari më shumë.

Tek Kleanthi harmonizoheshin në mënyrë më eksplicide dy përmasa të mëdha të personelitetit të tij publik: ajo njerëzore, ku ai shfaqej me atë botën e madhe shpirtërore e me aftësitë e jashtëzakonshme komunikuese, si me bariun e thjeshtë dhe me burrin e shtetit; dhe ajo profesionale, ku zotësitë e tij ngritën dhe e mbajtën për dekada në majat e Drejtësisë shqiptare me reputacion e madhështi.

I mëkuar që në fëmijërinë zagoriti me virtytet e mirësisë, të drejtësisë, parimësisë e dashamirësisë, Kleanthi, nisi karrierën e gjykatësit dhe e ka praktikuar atë në Shkodër, Tepelenë, Përmet e Gjirokastër për të fituar atë ç’i duhej për t’u burrëruar në zanat e për t’u ngjitur në panteonin e njëshit të Drejtësisë Shqiptare. Edhe kur s’qe në këtë majë zyrtare, ai mbeti në majën profesionale të avokatisë, duke u kthyer në shkollë e model të mbrojtësit të zotë e të karakterit të fortë. Kleanthi u bë ndërlidhësi midis një tradite të vjetër zagorite në lëmin e drejtësisë të përfaqësuar nga avokatë të njohur si dhe asaj të re me Ngjelën, Kondin, Peçin e tjerë. Dhe në këtë vazhdë s’është e panjohur që edhe Çajupi ynë i madh qe në profesion avokat.

Kleanthi është nga ata djemtë mirë të Zagories, nga ata burra të mençur të Gjirokastrës, që do të kujtohet nga gjithë Shqipëria për shumë kohë, se ai nuk e lartësoi emrin në analet e politikës, por në bukuritë dhe vështirësitë e profesionit.

Duke ju falenderuar dhe mirseardhur në këtë takim zagoritësh dhe miqsh, ku përkujtohet 1- vjetori i humbjes së Kleanthit tonë, më lejoni t’ju ftoj për një minutë heshtje në nderim të kujtimit të tij. Qoftë i paharruar!

Duke hapur këtë veprimtari, ju ftoj të meditojmë së bashku disa çaste për jetën, kontributin dhe kujtimin e Kleanth Koçit.

Ju faleminderit!

“Edhe njëqind vjet…”

Më datën 25. 04. 2001, ditën e mërkurë, ora 15.00 në Parkun e Palmave” festohet ditëlindja e Dr. Mitro Vllahut, veprimtari kjo e titulluar: “Edhe 100…” Ishte një ceremoni madhështore, që u zhvillua në Parkun e Palmave” Kordhocë me pjesëmarrje të gjerë intelektuale, zagoritë dhe kryesisht punonjës të shëndetësisë. Vlen të përmendet këtu fjala e mbajtur nga Thimio Peçi, Nënkryetar i Shoqatës, Dega Gjirokastër: “Njeriu human midis shpirtrave njerëzorë”. Në këtë ceremoni të madhe Vasil Bici ka shprehur entuziazmin e tij me një ligjiratë të bukur.

Ishte kjo një veprimtari lidhëse midis Degës së Shoqatës Atdhetare- Kulturore “Çajupi” dhe Drejtorisë së Kujdesit Shëndetësor Parësor, Gjirokastër. Duhet theksuar se ideja e hedhur në vitin 2000 për të realizuar traditën u materializua në këtë eveniment të veçantë për Dr. Mitro Vllahun, familjen, të afërmit, zagoritët dhe të gjithë miqtë , shokët, kolegët e tij.

Në intervistën e dhënë, me këtë rast, Vasili tregoi se organizimi i veprimtarive të tilla janë shumë domethënëse dhe i ngjajnë një “rubrike të bukur të traditës sonë zagorite burimore, dhe pjesëmarrja kaq e gjallë, aktive me intelektualë, zagoritë dhe dashamirës nga të gjitha trevat shpalosin humanizmin dhe entuziazmin. Midis të tjerash ai më përgëzoi për ideimin dhe realizimin e një veprimtarie kaq të madhe.

75 vjetori i botimit të “Gramatikës” së Ilia Dilo Sheperit

Komuna e Zagories dhe Shoqata Atdhetare – Kulturore “Çajupi” së toku me Universitetin “Eqrem Çabej” Gjirokastër, më 16.11. 2002 organizuan në vendlindjen e autorit, Sheper, një veprimtari përkujtimore me rastin e 75 vjetorit të botimit të Gramatikës së Ilia Dilo Sheperit. Ishte programuar veprimtaria shkencore në të cilën u referuan këto kumtesa:

Dr. Vasil Bici: “Gramatika e Ilia Dilo Sheperit në vlerësimet e Joklit”.

Evjen Peri: “Ilia Dilo Sheperi, mësuesi i shquar i gjuhës shqipe”.

Roland Zisi : “Ligjërimi oratorik në disa prej fjalimeve të Ilia Dilo Sheperit”.

Prof. Dr. Viktor Terpo, Eli Vito: “Vlera didaktike e veprës së Ilia Dilo Sheperit”.

Në këtë sesion shkencor përshëndeti edhe Kryetarja e Komunës, Anastasia Dushi. Për përvjetorin e 55 të shkollës 8 vjeçare foli z. Mitro Vaiti. Në këtë veprimtari, me shumë vlera gjuhesore, morën pjesë përfaqësues nga Këshilli i Qarkut. Këshilli i Komunës me vendim të veçantë i ka dhënë titullin e lartë “Nderi i Zagories” Ilia Dilo Sheperit dhe Aristidh Rucit.

Studiuesit e huaj dhe shqiptarë për gramatikën

e Ilia Dilo Sheperit

“Ky libër i vlefshëm paraqet dhe analizon thelbin gjuhësor të toskërishtes duke e krahasuar me gegërishten, pikësynon njëhsimin gjuhësor, një gjuhë të përbashkët letrare, shërben si tekst në shkollat eprore, në lëmin e hulumtimeve gjuhësore, paraqet të dhëna të reja, interesante, të panjohura më parë, rreth përdorimesh të zakonshme gjuhësore”.

Norbert Jokël 1929

Përpjekjet e Tiranës për njësimin e ortografisë së shqipes pajtohen me parimet e Dilos. Shqipëria ka krijuar sot gjuhën letrare në themel të toskërishtes dhe “Gramatika” e Dilos është bazuar në toskërishten, por pa e neveritur gegërishten.

Stavro Skëndi
Universiteti i New Yorkut 1972.

“Asnjëherë më përpara nuk ishte parashtruar, në një gramatikë të gjuhës sonë, të shkruar në shqip, një material i tillë i analizuar në mënyrë kaq të qartë”.

Aleksandër Xhuvani

“Ilia Dilo Sheperi zë një vend të veçantë dhe me rëndësi në historinë e gjuhës shqipe”.

Androkli Kostallari 1990

“Vepra është një perlë e gramatologjisë sonë, një minierë e pasur”.

R. Pernaska 1990

“ “Gramatika” e Ilia Dilo Sheperit shërben edhe për sot në punën e gramaticienëve si një vepër me vlerë të madhe për idetë dhe mendimet e reja, për zgjidhjet shkencore që ka dhënë”.

E. Hysa 1998

» Në fron “Jetari” : Ali Podrimja... Nga Kristaq F. Shabani
» Interviste e poetit Kristaq F. Shabani
» GJIROKASTRA : KRISTAQ F. SHABANI, BASHKEPUNETOR ABI, USA
» Metafora e “luleve” nga Kristaq F. Shabani
» "Kur lind Nënta" nga KRISTAQ F. SHABANI