Lirie - Silke BLUMBACH - GJERMANJA QË SHKRUAN SHQIP

V.I.P Numri i postimeve : 2101 Registration date : 26/03/2008

Silke BUMBACH

Born in 1970 in Gotingen (Germany). Poetess and prose writer. Nevertheless she is born German, she is devoted totally to the Albanian language and literature. She has published poetry collections in Albanian, such as Forty deaths in Saranda; The Sunk Carvel, etc. she lives and works in Saranda

V.I.P Numri i postimeve : 2101 Registration date : 26/03/2008

Silke BUMBACH

E lindur më 1970 në Gotingen (Gjermani). Merret me poezi dhe prozë. Ndonëse me përkatësi etnike gjermane, ajo tërësisht i është përkushtuar gjuhës dhe letërsisë shqiptare. Është autore e disa librave si: Dyzet vdekje në Sarandë, Karavela e fundosur etj. Jeton dhe punon në Sarandë.

V.I.P Numri i postimeve : 2101 Registration date : 26/03/2008

albtranslation@albtranslation.com has invited you to join the vizione group!



		Pershendetje! Deshiroj te te ftoj ne listen time "Vizione", ne listen me vizionare e-mail-i ne gjuhen shqipe! Ne kete liste dergoj perkthimet e mia te teksteve (qe une konsideroj si) te bukura dhe interesante nga fusha e psikologjise dhe spiritualitetit, duke perfshire tani shenimet e mia nga ligjeratat qe ndjek ne Universitetin e Heidelbergut. Te gjithe jane te ftuar te marrin pjese ne dialog ose te dergojne shkrime, ndersa une e moderoj listen per te siguruar qe te kete vetem mesazhe te pershtatshme dhe jo reklame ose sharje politike. Disa nga anetaret dergojne vazhdimisht poezite e tyre. Lista ose grupi u themelua ne vitin 2002 dhe ka mbi 130 anetare ne gjithe boten. Kam themeluar disa grupe ne shqip, vecanerisht "saranda" - nje nga grupet me te medha ne shqip - dhe "perkthim", por kete grup "vizione" e kam me shume ne zemer. Per t'u anetarizuar dhe per t'i marre mesazhet (ka edhe opsionin per t'i lexuar vetem ne internet), duhet te klikosh ne butonin "Join This Group!" dhe pastaj t'i pergjigjesh e-mail-it qe do te marresh duke klikuar butonin e pergjigjes pa shtuar gje. Mirulexofshim! Silke Liria Blumbach

V.I.P Numri i postimeve : 2101 Registration date : 26/03/2008

Gjermanja që shkruan shqip

Ferit RAMADANI:

Krijuesja Silvie Blumbach - Liria, që shkruan shqip.
E lindur dhe e rritur në Gjermani, e shkolluar atje, për hirë të bukurive të Shqiprisë ,të fushave dhe maleve, të detit dhe natyrës, dhe të veçorive specifike të shqiptarëve, mikpritjes, besës dhe trimrisë, veçmas, gjuhës që e përvetsoj shpejt , u deklarua mes fisit dhe racës gjermane se :

Jam e vetmja shqiptare që kam lind në fisin tim gjerman !

Jeton e vepron në Gjermani, duke menduar shqip, duke vepruar shqip!

Do të përpiqem në këtë kënd t'ua sjell poezitë Dyzet vdekje në Sarandë, gjithsesi dhe tregimet e saj që lexuesve shqiptarë dhe studiuesve pastaj, vetë krijimet e saj, ua bëjnë me dije se sa e fuqishme , dhe e këndshme, e dashur, dhe e pasur, qenka shqiptaria!

Kjo , është edhe theksimi domethënës i Silvie Blumbaach - Liries, që shpejt e kuptoj se mbi tokën Arbrore shkuan vërdallë stuhitë goditëse që ta shfarojnë.

Edhe shpërndarja e shqiptarëve nëpër udhëkryqet e botës, u godit deri në shfarosje!

E Silvia me krenari del si jehonë urtie me thënien që do ta shtoj unë, e ajo do të mburret se:

Ju shqiptarë , s'keni përse të bëheni të tjerë, sepse unë gjermania u them se s'ka ma bukur dhe krenari se sa të jesh shqiptar !

V.I.P Numri i postimeve : 2101 Registration date : 26/03/2008

SILVIE BLUMBACH - LIRIA

DYZET VDEKJE NË SARANDË

poezi

V.I.P Numri i postimeve : 2101 Registration date : 26/03/2008

DYZET VDEKJE NË SARANDË

1878

Nga Korfuzi erdhën. Më dhanë
një nxehtësi mijëra herë më të nxehtë
se dielli i largët.
Kokën dhe trupin ma humbën
duke më lënë prapë vetëm
hi dhe këngë. Këngë dhe hi.

E leckosur do të rilind,
fukara fshatare, zvarrë në dhe,
e braktisur.
Thjesht do të më thonë
Porti, sikur në Portugali të isha.
Do të rilind e vogël. Do të rilind

dhe nuk do të mungojë dita
kur të jem prapë bukuroshja e detit
me emrin e ri plot shkëlqim dhe kuptim.

E di. E di unë. Megjithatë
zgalemet e shpresës ende mbështillen në tym,
që nuk e lë diellin ta depërtojë
për t'u shpëtuar. Terri vazhdon.

V.I.P Numri i postimeve : 2101 Registration date : 26/03/2008

Asgjë më Asgjë më. Horizonti zbardhet prej harrimi. Lahem shpërlahem në këtë asgjësirë si një e përdhunuar që frymëmarrjen e ardhshme e blen me harrim. Ashtu duhet të lahet edhe jeta nga jetizmi.

V.I.P Numri i postimeve : 2101 Registration date : 26/03/2008

Çdo kryeqytet
ka greminën e vet

Në një qytet, tregohet, natën vallëzojnë yjet bashkë me
llambat nëpër lumë
dhe nga mëngjesi deri vonë këndohet dashuri
në gjuhën që askush nuk e kupton aq mirë sa unë
atje, ku ende nuk u ngrita lart, aq lart sa mundem
për t'u trembur pranë greminës poshtë që kurrë nuk do ta
shoh

Një kryeqytet e shkela dhe ai më shkeli mua
se malli më griste për një qytet të largët
të cilin nuk e gjeta lehtë, sikur këndohej,
më griste malli si qytetin ky tërmet i hershëm
përreth greminës ku zilet e tramvajeve na tingëllojnë akoma

Një kryeqytet e njoha pasi lexova për një qytet tjetër
ku emri i banorëve është sinonim me muratorë
ndërsa në atë kryeqytet dyert e kurorëzuara me tela me
gjemba
vetëm një orë në shekull hapen
për të rënë prapë në greminën e tyre.

Në mbrëmjen e mijëvjeçarit e arrita dhe Tiranën
e mbështjellur në fije të arta nga fundi i Lanës,
atje i mbusha mushkëritë me pluhur gojën me baltë e thashë
e lumtur lumtur lumtur jam
mbulomëni këtu në lagjen e Alliasit përgjithmonë
mbulomëni
se nënën e greminave të tërë botës këtu e paskam gjetur, më
thellë se thellësia, midis brinjëve të mia.

V.I.P Numri i postimeve : 2101 Registration date : 26/03/2008

Dielli

Çdo mëngjes ti lind i dashur
diell, dhe çdo lindje e jotja është festë
për ne, se sytë e zemrën e kemi të zbrazët
pa ty. Prandaj të presim çdo mëngjes,
të këndojmë e kërcejmë, lozim e lusim
të lehtësuar.

Po çdo mbrëmje përhapet ankthi në zemrat tona
se ti na ikën duke mos na lënë hiç përveç
një çikë ngrohtësi në vijat e një dore, ndoshta.
Por i besojmë premtimit të kohës rreth e qark
që nesër do të kthehesh. Prandaj këndojmë e lusim
për t'u lehtësuar.

Kështu ka qenë në kohën e stërgjyshërve,
kur koha shkonte për t'u kthyer
sikur dielli.
Por unë, tani, unë gjendem
në erën e hapave të rëndë
në zemër me një mal pa emër.

Prandaj kur perëndon dielli, unë
dëshpërohem gjer në çmenduri të zezë
sepse për kthimin e diellit jetëdhënës
nuk ekziston më asnjë fije sigurie:
vetëm errësirë e ftohtë
dhe amulli.

V.I.P Numri i postimeve : 2101 Registration date : 26/03/2008

Fëmijët

Një fëmijë e pashë të cilit i mungonte goja,
saqë fliste me sytë dhe me hundën hante,
dhe kur nisesha të luaja me të,
bënte një hap prapa dhe fshihej në veten e tij.

Fëmijë shumë i pashë të cilëve u mungonin vitaminat,
ata bënin gërmime arkeologjike nëpër mbeturinat.
Në monopatet e kafeve shtronin kot tym dhe
ëmbëlsira
me vetullat aq serioze sa më vinte keq që unë nuk pi
duhan.

Pashë ca fëmijë të ulur mbi një shtrat modest,
që e rrethonin qetë t'ëmën, e cila, siç dukej,
për ndonjë gjë ishte mërzitur. Mbretër në ekzil.
Fëmijët vazhdonin me buzë në gaz, të klasifikuar.

Po dy goca i pashë dhe i kapa për dore,
binjake ishin dhe binjakë më bënë
gërsheta duke ngrënë misër të pjekur.
Trinjake qenkemi bërë
se me to kisha ndarë natën e lindjes.

V.I.P Numri i postimeve : 2101 Registration date : 26/03/2008

Gradualisht

Gradualisht
e kalon dielli rrugën e qiellit
gradualisht
mbushen rrugët me pluhur dhe plehra

gradualisht
zhduket jeta në Kosovë
gradualisht
do ta pregatitësh divorcën.

V.I.P Numri i postimeve : 2101 Registration date : 26/03/2008

Ikari 98

Bie
bie
bie

jo sikur i bie ziles
ose fyellit të bareshës

bie
se pendë nuk kam
as sekretin e fluturimit

bie
se diellin e doja çmendurisht
dhe detin dhe shkëmbin por diellin më shumë
zogjtë që e fluturojnë si mund të gabohen

po unë bie
bie bie
bie sa do të bie shi.

V.I.P Numri i postimeve : 2101 Registration date : 26/03/2008

Jon

Nga lotë është bërë deti ynë deti Jon
pa dyshim dhe pa diskutim nga lotë
dhe, si të jetë ndryshe, nga gjak.

Kështu thonë e kështu mendoj edhe unë
ndonëse i urrej imazhet e vjetra
si peshqit e kalbur të Jonit që më sjellin
trazirat e Sarandës në stomak
dhe të kalbur dalin jashtë prapë në sheshin Skënderbej
për të fundosur në rrebeshe, sikur unë.

Po deti ynë deti Jon nga lotë dhe gjak qenka bërë
saqë po rrjedhin lotë në damarët e mi
dhe gjak kuqërron syrin e kaltër.

Dikur pinim dallgët e verës duke notuar në verë
deheshim notonim derisa vera u kthye në vaj
dimër u bë dhe vajgur dhe jo vetëm noti u bë i vështirë
por edhe fluturimi me pendë të ngjitura
të bashkangjitura deri në vdekje.

Mos më pyet kur i hapa sytë përsëri
i hapa damarët dhe lumenjtë
qenkam njeri i bërë nga gjak dhe lotë
që detin Jon e pija dhe vazhdoj ta përpij kot.

V.I.P Numri i postimeve : 2101 Registration date : 26/03/2008

Komiteti

U mblodhën kuvenduan pleqëruan
kryeplaku me mjekër syza dhe cigare
bashkë me nipin e fshehur nën kalash
erdhën shumë pushkë me gishta supe dhe ca klithma

komitetin e formuan se kjo ishte fjalë moderne
shpresën nuk e mbytën dot prandaj
në komitet vendosën ta ekzekutonin
besën.

V.I.P Numri i postimeve : 2101 Registration date : 26/03/2008

Mos

Mos

mos u beso
as politikanëve as filxhanëve
as yjeve në qiell ose në revista
asnjë shenje lumturie mos i beso

se rrënjët janë rrënjët sepse rrejnë
dhe përtej detit s'gjen dot gjë përveç Greqisë dhe Italisë
dhe përtej kohës bile ato s'i gjen dot më
as veten tënde
as kuptim

pra edhe fluturës mos i beso as ylbereve
veç i beso mjekut kur të thotë
se vdiq një djalë i vogël diku larg
me emrin e të dashurit.

V.I.P Numri i postimeve : 2101 Registration date : 26/03/2008

Mumia në bibliotekë

Nëpër dyzet libra sytë i shëtiti.
Nëpër dyzet libra brodhi në kërkim
të ndonjë gjurme jete.

Librat i mbylli. Dyzet herë psherëtiu,
kur pa çelësin e dollapit
që kishte numrin e Sarandës.

S'ka rëndësi a fliste greqisht apo jo.
Nëpër të gjitha piramidat dihet
misteri i Sarandës

që nuk gjendet në asnjë përrallë
që nuk e di më asnjë mend i gjallë

V.I.P Numri i postimeve : 2101 Registration date : 26/03/2008

Pa

Kafe pa kokrra,
rrugë pa kalldrëm.

Qartësi pa dyshim,
ditë pa shi.

Vera pa ujë,
dimri pa dritë.

Qiell pa re,
besim pa hije.

Tualete pa karrige,
pula pa kokë.

V.I.P Numri i postimeve : 2101 Registration date : 26/03/2008

Rrotat e trenit

Më të besueshme se burrat
qenkan rrotat e trenit.
Edhe ato të thërrasin, tërheqin:
"eja këtu, le të të marrim me vete!
Së tepërmi paske vuajtur,
sa keq na vjen,
tani e tutje s'do të vuash më!"

Janë ato rrotat të vetmet që mbajnë
besën e mprehtë të teknologjisë.
Mirë e mbajnë premtimin. Shumë mirë:
këtë e dëshmojnë copat e përgjakura
që i derdhen në xham lokomotivistit.

V.I.P Numri i postimeve : 2101 Registration date : 26/03/2008

Saranda Saranda këndohet në det këndohet në mal jehohet në gjoks jehohet në krahë Saranda Saranda lirinë e duam lirinë e kërkojmë lirinë e kapim lirinë s'e largojmë Saranda Saranda në Veri pregatiten në Veri armatosen lirinë të na marrin vdekjen të na japin Saranda Saranda vdektë ligji që është robërim vdektë besa që është zvetënim Saranda Saranda

V.I.P Numri i postimeve : 2101 Registration date : 26/03/2008

Shigjeta Jo. S'do të jem si ata që hakmerren me shigjeta të rrumbullakëta mineralesh. Jo. Shigjetat e mia janë herë blu, herë të zeza, rrallë të kuqe. Mjerë ata që e plagosin shigjetaren që qëllon me vjersha. Mjerë. Nga ato shigjeta nuk shpëtohesh se në furrnaltë metaforash janë farkuar. Në fluturim aq bukur tingëllojnë në vesh sa fjalët e tua.

V.I.P Numri i postimeve : 2101 Registration date : 26/03/2008

Shtojzovalle Dridhu dridhu shtojzovalle me sytë si puset e mbrëmjes me flokët si përrenjtë e natës! Me flokët si lumenjtë e natës me emrin si lulet e errit dridhu dridhu shtojzovalle! Malet gjëmojnë nga hapat e tu, u është arratisur deti këngëve të tua. Ngrihu moj shtrigë me buzet si hëna: lart të pret dielli i zjarrtë për eklipsin.

V.I.P Numri i postimeve : 2101 Registration date : 26/03/2008

Sirena

Dallgët e zbritën në port
sikur mbeturinat nga turistët dhe tragetet
në portin tonë e zbritën dallgët.

U ngrit dhe filloi së ecuri
sirena e vërshuar në portin tonë:
për në qytet! në vatër! në bardhësi!

Në portin tonë nënqeshën minat
në shtegtimin e saj të bardhë, të lehtë
në portin tonë minat e grisën

në mijëra copë
si shkëndija deti
gazetarët i filmuan
tregtarët i shitën

dhe unë
fët-fët ia kapa syrin dhe
e futa në xhep.

V.I.P Numri i postimeve : 2101 Registration date : 26/03/2008

Toka

Më e rrumbullakët jam se koka jote.
Vallen time e hedh ditë e natë
së bashku me hënën, e cila bën
që detet rreth meje të rrotullojnë.

Po më kanë prerë ata që veç prej miqësie
i shëtisja nëpër asgjësinë e gjithësisë.
Më kanë lakmuar. Më kanë prerë. Më kanë plagosur
duke më zbrazur nën lëkurë.

Po jam dhe mbetem Toka, dhe ata
kurrë s’do të më njohin zjarrin më të thellë.
Do ta ruaj dhe me mllef e vrer do ta ushqej

derisa një ditë të qetë do te kërcas poshtë tyre,
t’i përvëloj me lavë në vorbullin e kiametit,
dhe kockat e vockla do t’ua tres.

Pastaj dielli do të më marrë ne orbitën e tij,
do të më ngushëllojë, lotët do të m’i ngurosë –

por kot së koti, se kurrën e kurrës
as dielli i dashur s’më bën të harroj.

V.I.P Numri i postimeve : 2101 Registration date : 26/03/2008

Varrezat më në fund ja varrezat me pisha shqiptare dhe bredha gjermanë varrezat e valleve dhe fluturimeve varrezat e miqve dhe miqësive të buzëqeshjes dhe shkëlqimit pa hije Të gjitha i kam varrosur unë. Por unë nuk jam shtrirë. Po eci me një kokë të vdekur, tjetrën të gjallë. Me duart pa gishta do t'i varros dhe dyzet vdekjet e Sarandës.

V.I.P Numri i postimeve : 2101 Registration date : 26/03/2008

Veç një gjë Sa i gjerë është horizonti i pandarë! Sa shkëlqen rruga pa njeri – veç një gje është për t'u penduar: çasti i fundit pa asnjë emër që të shkon ndër mend pa asnjë emër fare për ta klithur për t'i dhënë çastit të fundit njerëzisht dhe me pasion edhe një nuancë melodramatike.

» KËNGË KRISMASH LIRIE
» ILIRET TEK AUTORET ANTIKE
» DREJTSHKRIMI LUMTURI NDJEN KUR E SHKRUAN BUKUR GJUHEN
» AUTORET ANTIK QE SHKRUAN PER ILIRET, VAZHDIM
» HISTORIANET MODERN QE SHKRUAN PER ANTIKEN DHE ILIRET