Pavarsia e Kosoves

E GEZPFSHIM VDHEZER SE TASHTI KOSOVA ESHTE E JONA DHE .

Martina shkruajti:

[b][color=red]E GEZPFSHIM VDHEZER SE TASHTI KOSOVA ESHTE E JONA DHE

Druaj se kjo 'pavaresia' e falur nuk na e jep Kosoven neve po ua jep inxhiniereve eksperimentues nderkombetar dhe pakices serbe ne Kosove. Kosova nuk eshte pavaresuar as formalisht as konkretisht.

Dua prova prej jush ose prej dikujt tjeter qe te me bind se Kosova eshte e pavarur?

Termi Pavaresi e Mbikeqyrur nuk ekziston ne te drejten nderkombetare, kjo eshte aplikuar per here te pare per Kosoven duke bere eksprimente me te.
Si mund te jete Kosova e pavarur kur nuk dihet ku i fillojne kufijte e ku i mbarojne.

kosova asht e pavarur po jo plotcish

Une ende dyshoj se ne, vet termin pavaresi nuk jemi duke e kuptuar sic duhet. Pikerisht termi pavaresi, neve na bene te ditur se ne nuk jemi te pavarur, pikerisht pse jemi te varur.

Fatkeqesisht Kosova eshte shnderruar ne objekt eksperimentimi nga nderkombetaret dhe servilet "shqipetar".
Sikurse ne psikologji qe behen eksperimente te ndryshme, per te vertetuar nje fenomen te caktuar, ashtu edhe me ne jane duke bere eksperimente, madje madje ne jemi edhe ne gjendje me te keqe, sepse ne asgje nuk fitojme, ndersa objeketet e eksperimentimit paraprakisht njoftohen per eksperimentin dhe jo tregohet shuma e parase qo do e marrin pasi qe te perfundoje eksperimenti. Ndersa neve as qe na pyesin se a duam apo jo te behet eksperiment! Mjafton qe dikujt t'i shpik nje ide ne koke, dhe te vije te e realizoje ne Kosove me popullin tone. Fatkeqesisht!

Zoti na ruajt, e na dhashte te mbaren, e na mundesofte qe t'i vendojme ne pozita qendrore njerez te devotshem, e jo sahanlepires, interesgjinje, te korruptuar e te shantazhuar, te pandergjegjshem e si rrjedhoj te papergjegjshem sic i kemi pase qe nga pas lufta e deri me sot.

Me t'mira

Tek "shpik" duhet te jet "shkrep".

pavarsia e kosoves asht tash per tash gjysmake, se aparati shtetror i kosoves nuka qasje ne terotorin e kosoves shum ka enklava ne kosov dhe ne ato enklava shteti i kosoves ende ska qasje

njonidrenica shkruajti:

pavarsia e kosoves asht tash per tash gjysmake, se aparati shtetror i kosoves nuka qasje ne terotorin e kosoves shum ka enklava ne kosov dhe ne ato enklava shteti i kosoves ende ska qasje

Apo më e drejtë t'i themi "autonomi" supstanciale në kuader të...të !?!?!?!? të minoritetit serb ,e me këtë të vetë Serbisë!!!

Ja cfare thot A Demaci, per pavaresine e Kosoves...

Demaci: Enderra jone eshte liria e Kosoves dhe bashkimi kombetar


Personaliteti i shquar politik shqiptar Adem Demaci e konsideron vetem fillim shpalljen e pavarsise se Kosoves. Sipas tij: Shpallja e pavarësisë qe vetëm fillimi i procesit drejt pavarësimit të Kosovës. Ëndrra e shqiptarëve ishte çlirimi e bashkimi kombëtar, mirëpo për të sendërtuar këtë dëshirë të madhe popullit tonë i mungoi kapaciteti i nevojshëm. Pas kësaj ëndërre e dëshire të madhe filluam të vepronim e të punonim për sendërtimin e një ëndrre më të vogël – pavarësinë e Kosovës. Mirëpo, as kësaj here nuk patëm kapacitet të mjaftueshëm që ta fitonim vetë, me forcat tona, lirinë tonë të plotë. Ndonëse një pjesë e popullsisë që mori anën e UÇK-së u përpoq e u flijua pa kursim, megjithkëtë nuk arritëm që të liroheshim vetë, sepse pjesa më e madhe e popullsisë mori anën e atyre që predikonin durim e pritje të pafund dhe mosflijim! Prandaj, në fund u detyruam që të kërkonim edhe mbështetjen e faktorëve ndërkombëtarë. Kështuqë si rezultantë e këtij bashkëpunimi me faktorët e jashtëm sot kemi këtë Kosovë me pavarësi të shpallur, por me një realitet që është ende larg nga pavarësia.

Me pelqeje shum kjo qe ka thene, pradaj e solla ketu qe ta lex. dhe ju... !!

]Mund te them se tek ne ne shtetin tone jane ndrruar rolet e krereve te shtetit sa i perket njohjes se pavarsin se Kosoves
ku kryeministri Gruevski dy ditet e fundit eshte trhequr nga njohja e Kosoves,per nje kohe te gjate ku nga ana tjere persidenti Cervenkovski ka zbutur deklaratat gjegjesisht opinjoin.
ku Maqedonia ende nuk ka njohur shtetin e ri te kosoves si dhe mos implementimin e plote te marveshjes se Ohrit.
E do ju them qe jam shum skeptine qe shum shpejte do pranon Maqedonia Kosoven.....

se nuk ju kuptoj juve qe me kaq siklet e keni kapur kete 'do na njohe Maqedonia si shtet'.

Po ju nuk shihni me shume se hunda juaj, per shkak se cmimi i njohjes se Kosoves se 'pavarur' nga Maqedono Bullgaria eshte aneksimi perfundimtar i 2500 ha toke ne Debellde. Keshtu do te jete puna edhe me Malin e Zi. Mali i Zi po i kerkon disa fshatra malore ne Bjeshket e Kelemendit duke na mashtruar menjefare lesh njohjeje, qe si sherben kujt.

Do ta njoh se nuke i bajne punet po te mos e njoh kosoven po kjo eshte loj Amerikane

jo argente mire e ka leka i madhe te jep kendej e te mer ne tjetren
ska nevoje me na njofte nje shtet artificial se nuk dote kee jete te gjate vet ai shtet e leme m be me njofte kosoven

Jo e thashe se amerika e ka planine e vete dhe mu pere kete nuke lejone qe maqedonia te pranoje kosovene si mendoni ju eshte rastesi qe ceshtja e shqipetarve ne maqedoni eshte e pa zgjedhur dhe se nuke mundete me u zgjedh po ka shume gjera te tjera qe nuke lejojne qe keta te behen maqedonia e ka pranuare kosovene si shtet po prete sinjalin amerikane .

JA genjeshtrat sllave qe ne po u duhet ti besojme e te mbaje shprese jemi be qe te presim maqedoet te njofendinjitetin tone kjo eshte e pa besueshme nje popull hiqe eshte bere dikush

zeriatdheut shkruajti:

jo argente mire e ka leka i madhe te jep kendej e te mer ne tjetren
ska nevoje me na njofte nje shtet artificial se nuk dote kee jete te gjate vet ai shtet e leme m be me njofte kosoven

Zeri, respekti im te takon ty. Pajtohem 100% me postimin tend. Neve nuk na nevojiten njohjet per artificializma. Neve na nevojitet njohja per natyralitet. Dhe ai natyralitet eshte Shqiperia Natyrale/.

...mashtrim kishte qene...

MUHAMETII shkruajti:

...mashtrim kishte qene...

Maqedonia eshte vete nje shtet artificial nuk munde te njoh nje shtet tjeter si natyral.dhe sa eshte e rendesishme te nje apo mos te nje maqedonia Kosoven ?

Nuk ka pavrasi pa bashkim.

pavarsija e kosoves asht si asht ,por serbija per milion vite ska qasje ne kosoven e lir

Demaci ka qene eshte dhe do te mbetet legjende. Ashtu si ka thene edhe eshte, kjo nuk eshte pavarsi.

Përse vendet arabe nuk e njohin pavarësinë e Kosovës?E shtunë, 13 Shtator 2008 15:15
Zhvillimet më të fundit në arenën diplomatike ndërkombëtare që kanë pasuar me çlirimin nga armata ruse të rajoneve të Osetisë Jugore dhe Abkhazisë nga Gjeorgjia, kanë rritur presionet në politikën ndërkombëtare ndaj atyre vendesh që mendonin se çështja e Kosovës do të zgjidhej me deklarimin e pavarësisë nga ana e saj dhe njohjen e perëndimit. Provokimi gjeorgjiano – amerikan ndaj rusëve në republikën e Osetisë së Jugut është përdorur si pretekst nga armata ruse për të çliruar dhe de-fakto aneksuar Osetinë e Jugut dhe Abkhazinë. Edhe pse mbrojtja që rusët i bënë Osetisë është dënuar fuqishëm nga shtetet perëndimore dhe satelitët e tyre më të vegjël, në arenën ndërkombëtare rasti i Kosovës po përdoret si një gur shahu, ku shtetet e fuqishme siç janë Rusia mund të ndërhyjnë, aneksojnë, "çlirojnë" dhe shpallin të pavarura ato vende dhe krahina ku popullatat vendase përballen me agresione dhe shtypje etnike. Përdorimi i Kosovës si preçedent nga ana e Rusisë për njohjen e pavarësisë së Osetisë së Jugut dhe Abkhazisë tashmë po gjen mbështetje ndërkombëtare. Një seri vendesh dhe entitetesh që kanë vuajtur nga presionet e perëndimit në këto vitet e fundit, që variojnë që nga Nikaragua, Bjellorusia, Venezuela, Bolivia, Saharaja Perëndimore, Nagorni Karabaku, Qiproja Veriore dhe një sërë ish-republikash sovjetike ose kanë shprehur simpatinë e tyre për pavarësinë e dy republikave gjeorgjiane dhe janë solidarizuar me Rusinë, ose i kanë njohur ato si të pavarura.

Në këtë situatë të koklavitur preçedentesh ndërkombëtare ku perëndimi me në krye amerikanët kërkojnë të krijojnë Kosovën si shtet satelit të tyre në Ballkan, por refuzojnë preçedentin rus, ndërsa rusët kërkojnë pavarësinë e Osetisë dhe Abkhazisë por refuzojnë njohjen e Kosovës, kanë krijuar një situatë shumë delikate për të ardhmen e shtetit të ri kosovar. Sot Kosova rrezikon të përfundojë në grupin e atyre shtetesh surrogate të arenës ndërkombëtare si Taivani, Saharaja Perëndimore, Nagorni Karabaku, Qiproja Veriore, Abkhazia, Osetia e Jugut, Transnistria, Somalilandi dhe Republika Demokratike Arabe e Sahravisë të cilat vuajnë për njohje ndërkombëtare dhe statusi i tyre ndërkombëtar mund të krahasohet me murin simbolik të Arafit, që Allahu përmend në Kuran, ku njerëzit nuk janë as në xhenet dhe as në xhehenem. Njohja e Kosovës vetëm prej 46 vendesh ku përveç Turqisë dhe disa vendesh perëndimore, shumë të tjera janë republika bananesh, ka krijuar një krizë të madhe për të ardhmen e Kosovës. Shteti i ri kosovar sot rrezikon të përfundojë në një izolim të njëjtë me atë që përballet Qiproja Veriore prej disa vitesh apo edhe Taivani.

Por pasojat e izolimin ndërkombëtar të Kosovës, sot duken edhe më të forta pas konfliktit ruso – amerikan që ka lindur në lidhje me preçedentet e Kosovës dhe Osetisë së Jugut. Ndërsa perëndimi refuzon njohjen e pavarësisë së Osetisë së Jugut dhe Abkhazisë, Rusia në anën tjetër refuzon njohjen e pavarësisë së Kosovës. Siç u pa në deklaratat e Konstantin Kosaçovit presidentit të Komitetit të Politikës së Jashtme të Dumës Ruse, Rusia, kërkon që të luaj shah me perëndimin, ku humbjen e Kosovës ndaj Serbisë, Rusia kërkon ta kompensojë me marrjen e Abkhazisë dhe Osetisë. Konstantin Kosaçovi deklaroi se Rusia do të jetë e gatshme të njoh pavarësinë e Kosovës nëse perëndimi njeh pavarësinë e Osetisë dhe Abkhazisë. Që Rusia po përdor kartën abkhaze dhe osete kundër Kosovës, u pa qartë edhe në ofertën që ministri i jashtëm abkhaz, Sergej Basma i bëri qeverisë së Kosovës kur deklaroi që:

"Nëse Kosova pajtohet të pranoj pavarësinë e Abkhazisë, atëherë edhe ne do ta pranojnë këtë republikë."

Ama siç shefi i diplomacisë së Abkhazisë deklaroi më të drejtë, Kosova sot nuk mund të pranojë dot një ofertë të këtillë pasi sipas tij "autoritet kosovare varen nga SHBA-të dhe NATO".

Edhe pse autoritetet kosovare dhe shqiptare nuk duan ta pranojnë këtë fakt publikisht, pra që sot autoritetet kosovare nuk janë përfaqësues të interesave të popullit kosovar, por vasalë të lojës së madhe të shahut ndërmjet SHBA-së dhe NATO-s kundër Rusisë, faktet që ne lexojmë nga Kosova vërtetojnë këtë. Për fatin e keq të shqiptarëve, politikanët e Tiranës dhe Prishtinës, sot, në konfliktin e ri botëror që ka lindur ndërmjet Perëndimit dhe Rusisë, po tregohen aq të dobët dhe naive intelektualisht saqë mua më ngjasojnë me Mehdi Frashërin dhe Xhaferr Devën të cilët u bënë kuislingë dhe vegla të bindura të nazistëve gjatë Luftës së Dytë Botërore, pa arritur që të kuptojnë politikën globale dhe pasojat që ajo do të kishte më pas për Kosovën dhe Shqipërinë. Lidhja vasaliste e politikanëve shqiptarë me amerikanët dhe NATO-n sot, është aq tragjike saqë çdo lexues i lirë e ka shumë të qartë që të dalloj që ministri i jashtëm abkhaz i cili i ofroi Kosovës njohje të anasjelltë të pavarësisë, duket që të jetë më i pavarur nga Moska për të ndjekur politikën e jashtme të vendit të tij, sesa politikanët kosovarë janë nga Uashingtoni dhe Brukseli.

Varësia e politikanëve por edhe e shumicës dërrmuese të gazetarëve shqiptarë dhe kosovarë sot ndaj Perëndimit mund të lexohet edhe në fjalimet dhe sjelljen e udhëheqësisë kosovare me në krye, kryeministrin Hashim Thaçi. Ky i fundit gjatë vizitës që bëri në Uashington këtë korrik 2008, pas takimit me presidentin Bush u zotua publikisht përpara Bushit dhe mediave botërore që do të luftojë fondamentalistët islamikë në Kosovë (dmth hoxhallarët dhe fenë e popullit të tij) dhe deklaroi se: "I kemi dëshmuar presidentit amerikan se ne kemi qenë aktorë dhe faktorë aktiv në luftën kundër terrorizmit dhe fundamentalizmit islamik...." Seç lidhje ka fondamentalizmi islamik me Kosovën e lirë, e cila sot kërcënohet nga rreziku i fondamentalizmit serbo-ortodoks në veri dhe ai katolik që po shfaqet kohëve të fundit në vend, këtë mund ta shpjegojë vetëm kryeministri Thaçi dhe presidenti Bush. Por ky i fundit ka shumë mundësi ta ketë ngatërruar Hashimin me Hamit Karzain e Afganistanit, siç gafoi edhe përpara disa vitesh kur nuk dinte se cili është kryeministri i Pakistanit. Ndërsa Hashimi ynë do të jetë lumturuar kur ka parë që Bushi nga një Hashim e ka kthyer në Hamit.

Servilizmi dhe idhujtaria e politikës kosovare ndaj Perëndimit arrin pozicione edhe më shpifarake kur dikush lexon veglat mediatike të perëndimit në Kosovë, si i vetëshpalluri analist, Beton Haxhiu i cili këtë shtator 2008 ju bën thirrje qytetarëve kosovarë në gazetën e tij Express që të tregojnë tashmë nëse Kosova duhet të rrijë me Islamin apo Amerikën, thua se Islami është hasmi i Amerikës në Kosovë. Llogjika e malësorit kosovar Haxhiu i ngjan pak a shumë llogjikës së kaubojsit Bush, i cili pas 11 shtatorit 2001 nisi të kërcënojë me pushkë në dorë të gjithë vendet e botës dhe ju thoshte "me ne – apo kundër nesh".

Servilizmi i kosovarëve dhe shqiptarëve në përgjithësi ndaj perëndimit po shihet në veçanti edhe në komunikimin që politika dhe gazetaria kosovare ka zgjedhur kundër botës arabe dhe islame, sidomos pas 11 shtator 2001. Kosovarët e vegjël që nuk shohin dot më larg sesa Kampi i Bondstillit, lojën e madhe globale ruso – amerikane të shahut dhe nuk e kuptojnë që këta janë thjeshtë gurë shahu në këtë lojë që mund të shiten në çdo moment, kanë rënë në një idhujtari të atillë ndaj mikut të fortë amerikan, sa kishin rënë edhe gjyshërit e miqve tanë kosovarë në kohën e Divizionit SS Skënderbej kur bënin be e rrufe për Hitlerin dhe kujtonin si Hitleri do të jepte jetën për Kosovën dhe Shqipërinë. Në këtë gusht 2008 psh. kur shoqëria civile kosovare organizoi konferencën "Kosova dhe Bota Arabe", politikanët kosovarë, përveç përfaqësimit shumë të ulët që bënë në këtë konferencë ku as që denjuan që ti falenderojnë dhe të ju kërkojnë arabëve njohje të shtetit të tyre; bënë gafa edhe më të mëdha me sjelljen fëminore të kryeministrit të Kosovës, Hashim Thaçi. Kur ky i fundit ishte pyetur nga gazetarët për kritikat e Veton Surroit në adresë të politikës së jashtme kosovare e cila po neglizhon dhe injoron vendet arabe dhe myslimane, nga të cilat Kosova ka nevojë që të njihet - ky i quajti vendet arabe dhe myslimane si "adresa të dyshimta".

Por arroganca e kosovarevë dhe shqiptarëve ndaj popujve arabë dhe islamikë dhe adhurimi i tyre servil ndaj perëndimit lexohet edhe në shumë shkrime që botohen në Tiranë. Prifti katolik Ardian Ndreca psh. në Gazetën 55 të datës 8 shtator 2008 arabët i fyente me terma aq racistë dhe të turpshëm për një prift katolik, saqë ai të kujtonte fjalimet e Hitlerit kundër popujve semitë. Ardian Ndreca i cili në Universitetin Pontifik Urbaniana në Vatikan duket se është bërë ekspert i racave shumëngjyrëshe që studiojnë në këtë universitet, thoshte ndër të tjera:

"Kah na dolën "vëllezën" arabët? Cila shkencë na nxjerr ne vëllezën me ta? As gjuha, as raca, as etnia nuk na bashkojnë me ta... Rezultati i gjithë kësaj historie asht se nuk mund të ecim ma si pula pa krye tue kërkue aleanca boshe, të cilat vetëm na damtojmë – siç na kanë damtue, pse ndihmë prej tyne s'na ka ardhë kurrë. Kemi nevojë për nji frymë të re në politikë, për ndryshime ma rranjë."

Ndërsa gazetari i së përditshmes italiane, Gazeta Shqiptare, Gert Shella sulmonte deklaratën e sekretarit të përgjithshëm të Konferencës Islamike, Ekmeledin Ihsanoglu i cili ju kërkon kosovarëve që ti mbushin mendjen botës arabe dhe islame se ata janë muslimanë duke thënë që:

"Pohime të tilla të diplomatit islamik, të sjellin në mendje dikotominë Dar al Islam, Dar al Hrab (Tokë paqeje ose Tokë lufte). Dhe, për të jetuar në paqe në shtetin e tyre të ri, kosovarët duhet të afirmojnë muslimanizmin e tyre. Në të kundërt, ata fare mirë mund të vijojnë të mbeten të ekspozuar ndaj rrezikut të luftës dhe urrejtjes që gjithmonë iu ka ardhur nga kufijtë e tyre verilindorë. Me hizitimin e tyre, që me sa duket ka prapavijë religjoze, vendet islamike po i spastrojnë terrenin diplomacisë Ruso-Serbe në përpjekjet e veta të etshshme për të penguar, madje kthyer mbrapsht, procesin e njohjes së Kosovës."



Arroganca kosovare dhe shqiptare kundër botës arabe dhe islame është aq e dhimbshme saqë emisari amerikan pranë Organizatës së Konferencës Islamike, Sada Cumber ka vënë në pah që: "Që nga viti 1990, përveç ndonjë vizite në Turqi, liderët kosovarë nuk kanë qenë të interesuar të krijojnë kontakte me shtetet me popullata myslimane. Përfaqësuesit e institucioneve kosovare nuk kanë bërë asnjë vizitë zyrtare në shtetet myslimane në Azi dhe në Afrikë, përveç një pjesëmarrje në Konferencën e Shteteve Islamike që është mbajtur para disa muajsh në Senegal, ku ka qenë i pranishëm ministri i Arsimit, Enver Hoxhaj."