ZAGORIA "PERLA PROFIL I BISKUAR" Kristaq

33. Manifest i shpërndarë në qiell festimesh

Ç’poetikë e madhe u ngrit
e ngrihet për ty, o Zagoria ime,
Zagoria e të gjithëve…

Në arsyen e rilindur,
në ndjenjat e barrëzuara,
në mallin e rilindur
pas emigrimeve,
në largësinë e matur
me distanca hënash dhe diejsh,

në ngacmimin
që nuk u arrit te qëllimi,
manifest shpërndahet
në Shëntriadha, Shën Mëhillë,
Shën Sotirë, Shën Marira…

Pankarta e vëllazërimit
dhe karta e ndryshimit…

Të dhjetëve u shkëlqejnë sytë si yjet…
Dukesh sikur je zbrazur,
Por, Zagori,
je futur në shumë shpirtra,
dukesh sikur je plakur,

por lëshon aromë lirie
dhe e puthura
ka kuptim të trefishtë

34. Perlim kanat’hapur

Pas perdes …
madhështia
ngjyrimi të çudit…

O njeri, sa e gjerë,
e paanë është fantazia,
shpirti i bukurishëm të trondit…

Luginë e katër Grykave shfaqet,
luginë e ëndrrave të rralla.
Malet kapin me dorë qiejt,
shpaloset syve përralla…

Dy portrete jetojnë të bukura
Shfaqen të gjalla
Në kopertinën e dritës:

“ Perla e ‘38,
profil me bisqe të shpërthyera

Perla e 2005
Mjaltë e trëndelinë….

35. Ju lë vend për këngë pasardhësve…

Njerëz të mi të mirë,
ju që ia dini shpirtin poetikës,
thurni “mjaltë nga mjalta”
për Luginën…

Mbi të mori urash ylberesh…

Paraqitje e autorit Kristaq F. Shabani
sipas vlerësimeve të të tjerëve

…Ishte një nga gjasitë më të mëdha të jetës sime, që njoha një gjeni të tillë, poet të shekullit XXI, juve zoti Kristaq Shabani!…
Panajota Zaloni Hristopulu, poete Athinë

… Ju jeni padyshim poeti i Elegancës Shqipe… Me poezitë tuaja ju bëni të qeshë dhe vetë Egjeu…
Aristidh P. Kolja, studiues, Athinë

“…Kristaq F. Shabani dhe poezia e tij përbëjnë njëherazi një individualitet madhor e të spikatur dhe një rast të veçantë në Letërsinë e sotme shqipe. Kristaq F. Shabani është poet i letërsisë intelektuale dhe njerëzore. Këtij poeti krenar i shkon për shtat një lloj fisnikërie e veçantë”.
Thimio Peçi, studiues

“Trajtesa e fuqishme, vizioni dhe vargu filozofik i Shabanit i përket të ardhmes së Letërsisë”
Novruz Shehu, shkrimtar, poet

“Vizione të qarta me mendime të skalitura dhe thellësisht të thella,një mënyrë të shkruari shumë befasuese dhe filozofiko - profetike”…
Thoma Papa, publicist

Ngeleni një analist i shquar, prandaj edhe ju respektoj.
Boston , m ë 5 shtator 2001

I dashuri Kristaq!
… Me veprën tuaj për Zagorinë, juve do të mbeteni një patriot i nderuar dhe një shkrimtar e poet me mendim filozofik dhe do t’u vlerësojnë edhe brezat e ardhshëm për kontributin tuaj të çmuar për enciklopedinë “Intelekt 2001…”. …një punë mjaft e mundimshme, por njëkohësisht edhe shumë fisnike, që ju ia dolët me sukses, sepse në dy botimet e para me penën dhe dorën tuaj të artë i keni bërë një analizë të hollë shumë intelektualëve për vlerat e tyre dhe kontributin që kanë dhënë për Zagorinë dhe Shqipërinë edhe më gjerë në botë.
Ngeleni një analist i shquar, prandaj edhe ju respektoj. E kam të qartë se e ardhmja juaj do të jetë e shkëlqyer. Ju mbeteni simbol i Zagories, sepse ringjallët Zagorien, këtë thesar të vlerave njerëzore dhe intelektuale.
Dr. Koço Andoni

+ + +
…Vëllimi yt tregon se Zagoria është trevë krijuesish, me bijë ë bija madhështorë siç është vetë dhe s’ka për t’u harruar kurrë. Vendlindja me forcën e vet të papërballushme magnetike tërheq shpejtë a vonë bijtë e saj. Kthimi në të është kthim në vetvete. Besimi te virtytet njerëzore te dinjteti vetjak e shoqëror te përpjekjet për drejtësi e përparim është i qenësishën në mbarë vëllimin tuaj poetik.
Ilia Laska

Vlerësim universal

“Kristaq F. Shabani është një shkrimtar në fushën e letërsisë shqipe që sigurisht do të sjellë shumë në botën e intelektit, duke kapërcyer kufijtë e ngushtë të Atdheut të tij.

Në një epokë të zhvillimeve dramatike, politike dhe shoqërore që po kalon Evropa dhe, veçanërisht, Ballkani gjendet në “syrin e Ciklonit”t në prag të lindjes së klasë së re të quajtur Klasa e Re e Ndodhive. Mendimi i stërthelluar profetik dhe i shqetësuar i Shabanit udhëton nëpërmjet veprave të tij në një “botë të konture të reja”. Shqetësimi dhe optimizmi, pasiguria dhe siguria, objektiviteti dhe fantazia, realizmi dhe mitologjia, modernizmi dhe tradita, paraqiten në një ndërthurje përshtypëse në veprën e tij duke treguar aftësi zbuluese ku Shabani