ZAGORIA "PERLA PROFIL I BISKUAR" Kristaq

Të vegjëlit
me gishtin tregues
tregonin në qiell vendin
ku ishte babai i tyre
dhe reja ua bënte qejfin vogëlusheve
duke konturuar
ustain e madh.

Sa ëndërr e ëmbël, e fanitur
ndoshta në hapësirën qiellore
të Luginës së Katër Grykave!
Sa ëmbël kjo këngë ninullash!
Dhe thirrja entuziaste
prekte qiellin e shpirtit:
“Mami, pamë sot babin në qiell!”
tek nxitonim të kapnim xixëllonja…

8. Ngacmimi i qiellit të bukur

Eh, moj Lugina e Katër Grykave,
u mësove me mungesat e njerëzve
dhe fëmijët i mësove
me mungesat e një prindi,
duke u luluar gjendjet!

S’i zinte gjumi “ djemtë”
me mendje të ngritur për shpresën ,
me mendje të ngritur për eliminimin,
për gdhirjen,
zbrazur thellësisht nga gjumi!

Nga ngacmimet e syrit të bukur…
Eh, kohë fatkeqe që përkundesh
në djepe të krijuara nga Bota!

9. Ardhje e vonuar

Një lule, një qiri...
Dhespinat, Konstandinat,
Vasillot, Thevronitë, Vasilikat
dalin nga vendi i prehjes.
U kanë ardhur bijtë
dhe urojnë mirëseardhjen lart:

“Sa të kam pritur, bir!
Ç’pritje, bir, sa e gjatë!”
Pritje më e madhe
se e Dhoqinës për Konstandinin…

Baladat u mbinë
dhe u rritën në tokën pjellore
të mendjes së Luginë së Katër Grykave
hyrëse dhe ikëse…

9. “Brumb” e “brof” në çelje të harruar

Bronket
sot japin e marrin ajër.
Dhëmbeli tullac ndihet i gazmuar.

Çajupi u jep urdhër gjithë luleve
të çelin, “brumb” e “brof” në çelje të harruar…
Vallëzojnë lulet,
kur u kthehen “pistilët” e mërguar!
Brati gazmon për ujët e ftohtë akull
dhe skeptrin e akullt ia vendos

në kokën e dafinizuar juria “Natyrë”,
duke i shkelur syrin Jankos dhe Bambullit…
Ndoshta nesër në Perlë
mund të konkurrojnë të gjitha “MISSET”…

10. …Urë harkore unazash

Urimi i kthimit
shpërthen në një këngë,
në një dollibash
të Luginës së katër Grykave,
më i bukuri emër,
qerasje me çepela e fiq të tharë!

Dhe një gotë raki mani e rrushi…
Në shtëpitë zagorite qeshin koridhët “faqekuq”
Në koralin e blireve bilbilojnë bilbilat…
Nesër ndoshta të gjitha vajzat e djemtë këtu
do të buzojnë fjalë dashurorësh,
këtu do t’i vënë unazat diamante
dhe do të nisin jetën në shtrate “perandorësh”!

Belbëzimet do vijnë rrjedhshëm
dhe kronikanët do të pasurojnë kronikat bukurane…

11. Dasma ëndërron petalisht

Një vajzë prek ëndrrën e saj,
lidh një fjongo të bukur,
si lidhin vajzat e dashuruara.

Thuret ëndrra
si tri petale të bukura,
kur bisedojnë bashkërisht…
Vello e nuses
zbukuron kostumin dhëndëror...
bardhësisht…

12. Ah, Hëna!

Ik – ardhjet nga Kontinentet e Botës:
Kapituj të mëdhenj të një jete të bukur.
Hëna s’e përdor më draprin e saj
për të prerë ëndrrat, por malet…

13. Ylberet gjithkund

Kthimi, pas një lidhje të bukur
a është qëndrim sinonim i tij?!
Ç’janë këto stacione të përkohshme?

Nisja quhet nisje, fusha s’ka mbarim…
Një shi, një vetëtimë bie mbi Luginë,
ikja nxjerr një ylber
në Kodër të Sinorit ,
tek Gjurmëmushka,

Katal,
në Qafën e Çajupit,
mbi Malëshovë,
mbi Kristofor,
mbi shkëmbin e Zhejit
jo shumë të qartë në ngjyra!

Dërrasa e Doshnicës
tregon akrepat e orës
mbi dorën “Doshnicë”
Urat e Pashait përshëndesin Kalanë ilire…

Shpërthejnë në kor
aromat e bimëve medicinale,
lumi vijon rrjedhjen ngjalshëm…
Ç’bukuri në Ujëvarë!
Nuset ndjejnë figurshëm krahët!

14. *** Lumturim polesh

“Të lumtë dora ,
të lumtë mendja!
Në disa gjuhë bote
zbret falënderimi si kalorës,
veshur me mëndafshin
e kënaqësisë dhe të shijes së Botës...

“Të lumtë!”
përsëritje në tejngopje
nga pronari i lokalit luksoz,
belgu i çuditur
nga servirja e menusë së preferuar,

parizieni i dehur nga kënaqësia
që shijon një shije të paparë;
çudia e ulur në sy Mbreti
nga ardhje deri në ikje,…