Ezmerka me topuz

Titulli: Re: Ezmerka me topuz Wed Nov 05, 2008 11:38 pm

Dhe buzëqeshja fytyrën ndriti,

Zemra kërceu nga hareja,

ajo zemër që me muaj priti,

filloi rrahje ritmesh të reja…

Zana krehu flokët e arta,

një karficë tërfil me katër fletë,

i gjeti në kokë e marta,

fytyra vajzërore si flori shkëlqen…

Titulli: Re: Ezmerka me topuz Wed Nov 05, 2008 11:38 pm

Sikur dëgjonte trokun e kalit,

jepte sinjalin e ardhjes me flutur,

Uleshin bletë mbi lulen e Çajit,…

Qëndrim në polen, s’ka më bukur!

Titulli: Re: Ezmerka me topuz Wed Nov 05, 2008 11:39 pm

Dhe djali i dashuruar kërkonte

në çdo cep të Livadhit tërfilin,

vetes aq tepër i besonte,

sa s’mund të përmbante gëzimin…

Kaluan ditë, javë të tëra

dhe ja një ditë sytë diç panë,

nën ca fletë tërfili të lëna

shkëlqente syrin një fletë e rrallë…

Titulli: Re: Ezmerka me topuz Wed Nov 05, 2008 11:39 pm

U afrua, mbeti i mahnitur,

dora zgjatej duke u dridhur,

Tërfili me të katërtën e mitur

para dorës lëvizte i pabindur….

“E gjeta, e gjeta tërfilin!”

dhe vrapoi pa ditur se ku.

Titulli: Re: Ezmerka me topuz Wed Nov 05, 2008 11:40 pm

Në duar tundte sihariqin,

pasthirrmonte: “Ç’fat! Pu, pu!”

“Tërfilët” ngelën të ngrirë,

fuqitë e kërkimit u prenë,

Dora në pozicion të shtrirë…

Titulli: Re: Ezmerka me topuz Wed Nov 05, 2008 11:40 pm

Syhapur të gjithë mbetnë!

Dielli lëshoi ca “nuse” të reja,

Qiellit u shfaq një Ylber -urë,

Lajmi çante qiellin si rrufeja:

“Zanë e pahumbur tek ty nisem unë!”

Titulli: Re: Ezmerka me topuz Wed Nov 05, 2008 11:40 pm

3. PRITJE

Në dritare të pritjes çeli hardhia,

Hënat lëvizën gjallësisht të gjitha,

llamburiti në përrallë shtëpia,

vellobardhë u vesh Dita!

Titulli: Re: Ezmerka me topuz Wed Nov 05, 2008 11:41 pm

Dhe ia hipi në revan kalit,

Troku linte pas tymin e ikjes ,

rënkonte trupi i Qafës së Malit,

ecje fantazonte syrin e mikes…

Titulli: Re: Ezmerka me topuz Wed Nov 05, 2008 11:41 pm

Tërfili udhëtonte me zemrën,

rritej fletëza dita- ditës rritej,

Vajza krahëhapur me nënën priste,

Babai për tërfilin e “tij” habitej …

Titulli: Re: Ezmerka me topuz Wed Nov 05, 2008 11:41 pm

Vendosi në çast babai i zgjuar

sa të vinte trimi, dasma të ishte gati.

Gjithë krahinën kishte për të ftuar,

“Gëzimi” krahët e vellos hapi!

Titulli: Re: Ezmerka me topuz Wed Nov 05, 2008 11:42 pm

“Gëzimi” krahët e vellos hapi!

Kalonte revan trimi nëpër krahina,

Të dashuruarit i hidhnin lule në rrugë,

u mësoi ç’kuptim ka sakrifica,

Zemra për zemrën s’lodhet kurrë…

Titulli: Re: Ezmerka me topuz Wed Nov 05, 2008 11:42 pm

Rroba të ndritshme veshi Natyra,

qeshje mbolli në dritare - pritje,

atë që filloi të tregojë pasqyra,

nuk e kishte shquar në vite…

Titulli: Re: Ezmerka me topuz Wed Nov 05, 2008 11:42 pm

Ndali rrëfimin Profeti Thoma,

këtu ndala tregimin dhe unë,

Esmerka veten s’e përmban

dhe pyetje lëshon si lumë…

“Po pastaj, pastaj çfarë ndodhi?

A u bë dasma e çiftit të dashuruar?

Ku vajti tërfili që trimi solli?

Trimi me Zanën sa vjet jetuan?”

Titulli: Re: Ezmerka me topuz Wed Nov 05, 2008 11:43 pm

A mund të flas për Parajsën,

kur aortat i mbush gjak gëzimi,

kur nusja kalon vajzën

dhe pas vitit vjen cicërimi?”

Titulli: Re: Ezmerka me topuz Wed Nov 05, 2008 11:43 pm

Shtëpia u mbush me katër të bukur,

sinonim i fletës së tërfilit

dhe Hëna në mbushje e lumtur

ishte barrëzuar nga lajmi i Trimit!

Dhe bashkë një shekull të gjithë,

çdo agim i faleshin Perëndisë,

dhe erdhi papritur një ditë,

Çifti në minutë mbylli sytë!

Titulli: Re: Ezmerka me topuz Wed Nov 05, 2008 11:44 pm

Sot e kësaj dite në epitaf

nuk kanë shkruar emër dhe vite,

veç të gdhendur një tërfil të rrallë

me kalë “Pegasi” në mite!

Titulli: Re: Ezmerka me topuz Wed Nov 05, 2008 11:45 pm

* * *

Mori frymë thellë Esmerka,

mora frymë çlirimi dhe unë,

“Livadhi i Fletës së katërt”

u zhduk papritur si yjtë!

Titulli: Re: Ezmerka me topuz Wed Nov 05, 2008 11:45 pm

4.NDARJE…Ç’TRIST?

I keni ndier ndarjet fizike

përvëlojnë zemrën si prush,

Pale, të mos takohesh me vite

nuk përfytyrohet , jo s’mund…

“Nesër në Lezet nisem,

dhe një lot iu rrokullis,

Nesër unë do të mpihem

sytë e mi a do të kenë dritë?

Titulli: Re: Ezmerka me topuz Wed Nov 05, 2008 11:45 pm

Po sikur urë e Dhimbjes, urë,

të rrëzohet, kur unë të kaloj,

nesër ditën e shtunë,

Lajmin e zi si të ta dërgoj?”

Titulli: Re: Ezmerka me topuz Wed Nov 05, 2008 11:46 pm

“Në daç ma dërgo me Diellin,

në daç me Ylberin ma dërgo,

në daç ma dërgo me Qiellin,

vetëm lajm mirin ma ço…”

Titulli: Re: Ezmerka me topuz Wed Nov 05, 2008 11:46 pm

“Po sikur, po sikur të ndodhë,

Val’ e Vjosës të më rrëmbejë,

e sikur të kërkojë të lozë

të më futë në shtrat thellë?”

Titulli: Re: Ezmerka me topuz Wed Nov 05, 2008 11:46 pm

“Mos u bëj kaq nazike,

moj Ezmerka me Topuz,

Vjosa nuk është aq nevrike,

Dashuritë s’i mbyt kurrë…”

Titulli: Re: Ezmerka me topuz Wed Nov 05, 2008 11:47 pm

“Po sikur, po sikur

më e madhja po të ndodhë?!

A mund ti, o djalë,

të më vendosësh kurorë?”

Titulli: Re: Ezmerka me topuz Wed Nov 05, 2008 11:47 pm

“Një kurorë do të vë

me tërfil me katër fletë,

pas kurorës që do të lë,

do ngjallesh si Krishti vetë!”

Titulli: Re: Ezmerka me topuz Wed Nov 05, 2008 11:47 pm

Qeshi shpirtërisht Esmerka,

qeshja lotin e largoi,…

“Ku të vesh ti, do të vi…”

Fjala si dritë ndriçoi…

» GJIROKASTRA LETERSI "PEGASI" "EZMERKA ME TOPUZ"