Bashkimi i trojeve shqiptare

Titulli: Re: Bashkimi i trojeve shqiptare Sun Feb 03, 2008 10:42 pm

E di se ata qe e perkrahin Zemen nuk ju pelqejn rrefimet e atyre qe shkruajn per UCK, sikur te kisha shkruajtur dy fjale per shallin dhe zemen do kenaqeshe ngase je nip i tyre, me vjen keq un nuk i takoj rangut tuaj ngase nuk e kam ne shpirt tradhtin si ju e ju te pa shpirt u duken skena keto te verteta qe i kam sjellur ne postimet e mija me larte po ja nese nuk din si flasin ushtaret e UCK eja dhe te tregoj kur te takohemi edhe e shef se kush flet per mua te tregoj e si shkruaj UCK ne shkruajm keshtu po nese nuk di une te shkruaj kemi djem e vasha qe dine te shkruajn me mire te rregullojn ty or nip i shallagjiut, si ka then Sulejman Voshi:
"Kemi edhe ne disa njerez te ditun e te shetitun qe flasin e shkruajn per atedheun tone". Ate ja ka then krajlit serb, e sa per pushk e dim se si luftojm po ti qelbesire nuk ke pse merzitesh per hallet e popullit tim larg duart nga faqja e lavdishme, larg nipat e Zemes qe lufuan kunder kombit si dikur qelbesirat Sinan Hasani e Ali Shukriu, shko shkruaj per Ivo Andriqet e Cubrilloviqet se atje e ke vendin ti, atje ju dekorojn juve bashk me Rrahmanin tuaj e Tahirin e Rugoven e shum e shum qelbesira si ata dhe ju.

Lavdi deshmoreve te kombit.

Titulli: Re: Bashkimi i trojeve shqiptare Mon Feb 04, 2008 12:42 am

Shteti i Kosoves e ka vulen e gjakut te deshmoreve te liris

Nderohet deshmori i kombit Zahir Pajaziti.
Ne shenje perkujtimi ne pervjetorin e renies se deshmorin Zahir Pajazitit,homazhe pran shtatores se tije kane bere eshe perfaqesues te insticuioneve qeveritare.

Lavdi deshmoreve.

Titulli: Re: Bashkimi i trojeve shqiptare Mon Feb 04, 2008 1:45 am

more zoniatdheut, more voglush!!!

nese dikush te besoi me at pralle qe rrefeve me lart atehere ata dot ishin ne banka te shkolles fillore diku ne cilkin e ultë por une kurrsesi sepse deshmoret e UCK nuk meritojne te ngelin anonim fare!
anonim i bejne anonimët si ti qe s'ke asgje reale ne asnje postim qe ke sjellur ketu, por vazhdo me turpin tend fminor se keshtu me mire te merr gjumi!

ushtaret flasin e shkruajne me ndryshe, shume me ndryshe se ti qe flet kopalla dhe zbrazesh nga mllefi me te fyera, ushtaret nuk fyejne, fyejne rrugaqët, te paedukuarit dhe ata qe s'kanë argumente per t'u mbeshtetur ne realitet!

te replikoj me ty nuk e meritoj sepse s'du te bie ne nivelin e nje femiu prandaj merru me prralla por lej te fyerat qe MJERISHT ky forum i lejon kur behen nga njerez te pershtatshem siq ti iu ke pershtatur.

Titulli: Re: Bashkimi i trojeve shqiptare Mon Feb 04, 2008 1:57 am

ky forum i lejon kur behen nga njerez te pershtatshem siq ti iu ke pershtatur.

besa-bese;se pari te pershendes,se dyti,
jashte teme je te lutem nuk ka te beje Forumi me debatet (replika.)vazhdo ne teme,ne replika po qe se don,por nuk ka te beje forumi ne kete teme.

Titulli: Re: Bashkimi i trojeve shqiptare Mon Feb 04, 2008 6:37 pm

o beton!!!

flm per verejtjen qe nuk ta pranova pozitivisht,
s'me befasojne verejtjet e tilla kur ne se paku njihemi goxha ...!

nese mendove se une nuk isha ne temë, me thuaj para meje cili ishte ne temë dhe titullin qe dikur me krenari i rreshtova ne kete forum, e rreshtova dhe vendosa ketu per deshmoret qe i njef mbare shqiptaria e jo per trillime te njerezve qe manipuluan e mundohen te manipulojne nen ombrrellen e UCK dhe veprave plot lavdi te tyre!

S'ka deshmorë anonim sot, ata jane krenaria dhe liria e shqiptarisë, ata nuk kane iniciale sepse nuk jan ne forume por ne altarë te lirisë!!!

nese ti beton tani me qenke bere edhe admin, mendon sse mundesh me m'dergue verejtje, verejtjet t'i kthej ty per mosperfillje te rregullores te k'ti forumi i cili edhe pse 3 muaj nuk e vizitova, s'paska ndryshuar dot, fare hiq, as ne tema, as ne shtim anetaresh, dmth. dikush ju shef, ju njef, ju pergjon dhe keshtu nuk behet bashkimi kombetar as ne fjale e as ne veper, pamvaresisht se kush gabon, thuaja sikur mua qe ma shkrove por nese i dallon emrat e anetareve, e ke gabim sepse pas meje nuk te perfillin e rrespektojne as te tjeret, si te tille ngelni shume prapa beton!

DMTH, ta nxorra gjumin me postimin tim jasht temes per t'i vezhguar edhe parashkruesit para meje qe ishin shume jasht temes me prralla shume te pakuptimta!!!

Prap isha jasht temes por njejt sikur ti qe ishe me at postim jasht temes , nese jemi te njejt dhe te barabart, mos e shly kete , let' qendron sikur postimi yt!

Titulli: Re: Bashkimi i trojeve shqiptare Tue Feb 05, 2008 1:21 am

Nëntëdhjetë e nëntë herë na i thyen gishtërinjtë
S’bëzamë!
Nëntëdhjetë e nëntë herë na e rrjepën lëkurën
Nuk ofshamë!
Nëntëdhjetë e nëntë herë na e thyen kurrizin
S’u rrëzuam!
Nëntëdhjetë e nëntë herë na i thyen brinjët
U mësuam!
Nëntëdhjetë e nëntë herë na e shtypën kokën
S’u përulëm!
Nëntëdhjetë e nëntë herë na e thyen mjedisin
S’u përkulëm!
Nëntëdhjetë e nëntë herë na i thyen këmbët
S’u gjunjëzuam!
Nëntëdhjetë e nëntë herë na e prenë gjuhën
Nuk belbëzuam!
Nëntëdhjetë e nëntë herë na poqën në hell
Hellin e fikëm!
Nëntëdhjetë e nëntë herë na shpuan në dell
E shuam zhigun!
Nëntëdhjetë e nëntë herë na përvëluan me valë
S’u përvëluam!
Nëntëdhjetë e nëntë herë na dogjën në zjarr
U farkuam!
Nëntëdhjetë e nëntë herë na ngrinë në akull
Nuk u ngrimë!
Nëntëdhjetë e nëntë herë na lanë të vdekur
U përtërimë!
Edhe nëntëdhjetë e nëntë herë të na zhdukin
Do t’luftojmë!
Edhe nëntëdhjetë e nëntë herë të na korrim
Do të fitojmë!

Lavdi dhe qofte i perjetshem kujtimi per deshmoret .

Titulli: Re: Bashkimi i trojeve shqiptare Thu Feb 07, 2008 10:57 pm

more ti qenke rop qeni se un ste flas peralla e sjam voglush mor serb i flliqet po ja msn po ta jap dhe te tregoj edhe realitete mor rop qeni se me te njoft ta rjepi lekuren mor spiun i serbit po nese don e je bur dil e njifemi ateher te tregoj un ty se a jan trillime apo qka se juve vetem cevi pushkes ja u mbyll gojen

Titulli: Re: Bashkimi i trojeve shqiptare Fri Feb 08, 2008 2:54 am

Lavdi te gjithe deshmoreve te kombit....

Mu shterrshin syte nese pushoj
Lirin tende me enederrue
mallkue qofte gjaku im
nese m'vrasin pa luftue

Agim Ramadani

Bashkimi i trojeve shqiptare - Faqe 9 Agimi

Bashkimi i trojeve shqiptare - Faqe 9 Agimi

Bashkimi i trojeve shqiptare - Faqe 9 Komandantet

Foto e brigades 138 "Agim Ramadani".

Lavdi deshmoreve.

Titulli: Re: Bashkimi i trojeve shqiptare Fri Feb 08, 2008 3:00 am

lavdi deshmorve
por lavdi edhe per ata qe kan luftu me zemer e vullnet dhe jan gjall dhe kan metun te harrum
kan dhan ktynher livdo ose permendum sat jam gjall se kurt des ske qka me livdon e as qka me permend kshtu qe most ti harrojm edhe ata qe jan legjenda te gjall

Admin Numri i postimeve : 7564 Registration date : 13/08/2007

Lavdi të gjithë dëshmorëve të kombit e sidomos Agim Ramadanit i cili i ka shkruar ato vargje të mrekullueshme që i solli më lart Urata.

Titulli: Re: Bashkimi i trojeve shqiptare Fri Feb 08, 2008 3:52 am

Te nderuar e shume te respetuar te gjithe shqiptart ku do qe jeni ane e mbare botes ju pershendes.

Mendimi ime per bashkim kombetar eshte rruga qe t'ja filloim te hulumtoim sa me shume te thellohemi ne ide te reja pune prodhimi etj etj te kemi nje ekonomi fort kemi aryte edhe bashkimin kombetar,qe e gjithe bota te ket interesin tone te prodhimeve mendoj se aryhet shume lehet Bashkimi Kombetar,nuk ju intereson amerikes e Evropes bashkimi sa ju intereson interesi.

Admin Numri i postimeve : 7564 Registration date : 13/08/2007

Beton një atdhe i bashkuar me 8 milion banorë ka tjetër ekonomi, dhe tjetër ekonomi është kur në Shqipëri janë 4 milion, në Kosovë 2 milion, në Maqedoni 1 milion etj etj...
Nëse jemi të bashkuar me Shqipërinë ka edhe stabilitet në Ballkan, nëse mbesim të coptuar gjithmon do të ketë konflikte përmes të cilave do të përfitojnë edhe fqinjtë edhe fuqitë e mëdha në dëmin tonë.

Titulli: Re: Bashkimi i trojeve shqiptare Fri Feb 08, 2008 4:04 am

Na thuani ju lutem kam nje pyetje per te gjithe eshte mire te bashkuar te futemi ne EU apo dy shtete te ndara qe do te thote Shqipria vete e Kosova vete.?????

Dhe cilet jane pasurit dhe varferit e dy shteteve e jo nje Shqipri e bashkuar.??????

Cila eshte e ardhmja e Kombit Shqiptar ne bashkimin evropian.?!

Anëtar Numri i postimeve : 410 Registration date : 08/02/2008

Beton shkruajti:: Na thuani ju lutem kam nje pyetje per te gjithe eshte mire te bashkuar te futemi ne EU apo dy shtete te ndara qe do te thote Shqipria vete e Kosova vete.?????

Dhe cilet jane pasurit dhe varferit e dy shteteve e jo nje Shqipri e bashkuar.??????

Cila eshte e ardhmja e Kombit Shqiptar ne bashkimin evropian.?!

Bashkimi kombetar eshte nje c'eshtje e pa-realizueshme duke pare anen dhe ndjenjen kombetare qe ekziston te shqiptaret. Ne shquhemi vetem me fjale. Por Bashkimi Kombetar do "ndodh" nga faktori i kohes. Shqiperia dhe Kosova do futen ne BE ndaras, poashtu edhe Maqedonia dhe Mali i Zi (Serbi nuk dihet), keshtu qe tokat
shqiptare do jene pa kufij dhe cdo shqiptar mund te udhetoje pa problem te trojet e tij.

Titulli: Re: Bashkimi i trojeve shqiptare Sat Feb 09, 2008 7:25 pm

Ne rregull Ani.!!!

Edhe qe te futen ndaras cilet jane parimet e dy shteteve tona.!?
Sa deputet sipas mendimit tuaj kane te drejten te konkurojne ne BE nga nje Shqipri me 4 milion Banor' e nje Kosove me 2,5 million Banore .!!!!

Apo.!!!!

Ju ka ra ne mend qe Evropa ka mundesi te ndahet ne dy pjes siç beri Amerika Jugore me ate Peredimore .!!!

Po te jete e vertet nje Evrop e ndare ne 2 pjes a ka rrezike Populli Shqiptar jo i Bashkuar.!!!!

Vizitor

Shqiperia dhe Kosova do futen ne BE ndaras, qe dmth ti ken dy vende ( karrika), kjo eshte e pa mundur sipas mendimit time, nga ajo qe kam arriture te kuptoj se si shkon kjo pune...Por do te shohim.

Anëtar Numri i postimeve : 410 Registration date : 08/02/2008

Beton shkruajti:: Ne rregull Ani.!!!
Edhe qe te futen ndaras cilet jane parimet e dy shteteve tona.!?

Qe te kene marredhenije te mira si Angli me SHBA-ne dhe te zhduken sa me shpejte njerezit te tipit Maks Velo dhe politikanet shqiptare qe kundershtonin pavarsine e Kosoves para disa vitesh.

Beton shkruajti:: Sa deputet sipas mendimit tuaj kane te drejten te konkurojne ne BE nga nje Shqipri me 4 milion Banor' e nje Kosove me 2,5 million Banore .!!!!

Nuk ka rendesi sa deputet shqiptare marrin pjese atje, se perseri kurkush nuk do pyet Shqiperine, Kosoven dhe vendet tjera te ngjajshme(Rumanine, Qipron....) ne BE.

ps: Edhe une deshiroj qe Shqiperia dhe Kosova te bashkohen, por mos harro se kurre nuk pajtohen politikanet e Shqiperise se s'kane ndermend te ndajne pushtetin. Mbase ne nje te ardhme ndryshon dicka! -Insha-Allah!

Titulli: Re: Bashkimi i trojeve shqiptare Sun Feb 10, 2008 2:08 pm

Ani

Se pari "ju" apo "ti" merre cilen ta duash e ke hobi, permes nje shokut tend mundohesh ta krahasosh tere kombin shqiptar cka nuk eshte ne rregull sepse kategorit e njerzve ndryshojne dhe nuk mund te jene te gjithe te njejte, fakte i ke luftrat e nje pasnjeshme me armiqt e shumte grek, serb etj.
Tjetra cka nuk pin uje tek populli i jone shqiptar qe ti thua se ;"Shqiptari eshte kunder shqiptarit" ku ke te drejte te beshe ne shumes kso krahasimesh ne shumes, ka shqiptar kunder shqiptarit por jo si thua ti ne kete menyre Ani, sepse jane 8 milion dhe nga ky 8 milion mund te ket tradhtar dhe atdhetar por nje shifer e vogel eshte tradhtar kunder kombit dhe popullit por shumica e dojne Shqiperin nalt dhe me nalt ne menyren e vet te mendimit , politike, ekonomike , edukative etj.
Kurse per fund dua te them se nese nuk pajtohen politikisht Shqiperia dhe Kosova per ca gjera te vogla per ato madhore pajtohen dhe per ato te voglat vendos vota e popullit.
As ne Shqiperin e sotme me kta kufinje aktual populli nuk vendos per ca gjera por ne fund pajtohen per mes votes se popullit.

Admin Numri i postimeve : 7564 Registration date : 13/08/2007

Intervistë për gazetën javore “Focus” - 7 Shtator 2007

FLET AVNI KLINAKU, KRYETAR I LËVIZJES PËR BASHKIM (LB)

JANË PËR NDARJE
Ardian Zejnaj

Focus: Z. Klinaku, nisur nga deklaratat e fundit dhe rrjedhën nëpër të cilën po kalon procesi për statusin e Kosovës, kah mendoni se po ecim?

Klinaku: Ka kohë që çështja e statusit të Kosovës është duke vendnumëruar, sepse këto bisedime kanë filluar mbrapsht dhe jo ashtu siç duhet. Nuk po bisedohet për çështjen shqiptare, por vetëm për çështjen e Kosovës dhe atë në kufijtë e saj administrativë, ashtu si i kanë përcaktuar të tjerët. Ndërsa ne mendojmë se bisedimet kanë qenë dashur të fillojnë nga rregullimi i padrejtësive që i janë bërë popullit shqiptar historikisht. Prandaj, kjo çështje po vendnumëron e do të vendnumërojë.

Problemin “Kosova” e kemi krijuar vetë

Focus: Mirëpo, problemi është çështja e Kosovës, nuk është as Shqipëria dhe as çështja shqiptare.

Klinaku: Problemin “Kosova” e kemi krijuar vetë. Ai është problem i shqiptarëve dhe nuk ka vetëm problem të Kosovës, por ka një problem të çështjes shqiptare. Po të ishte shtruar ajo si çështje shqiptare, do të ishte shtruar si çështje e një kombi. Po të shtrohet vetëm çështja e Kosovës, ajo shndërrohet në një çështje të një lokaliteti dhe zgjidhja do të gjendet përsëri në suaza lokale dhe si e tillë ajo çështje trajtohet si çështje e Serbisë, madje edhe në Rezolutën 1244 në bazë të së cilës zhvillohen bisedimet.

Focus: Kush duhet të fajësohet që Kosova ka mbetur si çështje lokale dhe e pazgjidhur apo edhe më keq, që të mund të trajtohet si çështje e Serbisë?

Klinaku: Fajet, për mendimin tim, në këtë proces i kanë anëtarët e Grupit të Unitetit dhe në përgjithësi partitë politike që dominojnë në jetën politike shqiptare.

Focus: Por problemin e Kosovës nuk e ka krijuar vetëm Grupi i Unitetit, po ashtu, nuk mund të akuzohen gjithnjë të huajt, siç bëjmë me Evropën. Kemi faj edhe ne si popull që nuk kemi “prodhuar” lidership vizionar dhe të vendosur në kërkesat tona.

Klinaku: Këta faktorë gërshetohen dhe nuk mund të themi se ka faj vetëm Evropa apo dikush tjetër. Është e vërtetë që Evropa e ka miratuar pushtimin e Kosovës nga Serbia, por faji është edhe i nivelit të organizimit tek ne dhe nuk mund të ankohemi vetëm për të bërat e Evropës apo të dikujt tjetër jashtë nesh. Problemi qëndron edhe tek ne, sepse organizimi ynë bën që të tjerët të luajnë me fatin tonë.

Kërkojmë marrëveshje historike

Focus: Tani kemi edhe një proces të ri negociatash prej 120 ditëve për statusin e Kosovës. A prisni që ky proces të sjellë ndonjë risi apo përsëri do të ketë shtyrje?

Klinaku: Për sa i përket Lëvizjes për Bashkim, këto 120 ditë nuk kanë ndonjë rëndësi, madje do të kishim dashur që këto të zgjasin 1200 apo 12000 ditë, vetëm që të mos aplikohet Pakoja e Ahtisarit. Marrëveshja e Ahtisarit është shumë e dëmshme për popullin shqiptar, prandaj mendojmë se nuk duhet të aplikohet fare. Ndërsa, ajo çka mund të pritet pas 120 ditëve, do të jetë vetëm diçka më pak se Pakoja e Ahtisarit. Nuk do të ketë avancim, por vetëm zbritje në këtë proces.

Focus: Por, këtë pako me këmbëngulësi janë duke e mbrojtur liderët politikë të Kosovës.

Klinaku: Ajo është çështje e tyre. Unë mendoj se është shumë e dëmshme për popullin shqiptar, sepse, së pari nuk e njeh popullin shqiptar si komb fare, madje edhe shumë pak bisedon për shqiptarët si shqiptarë; ajo ë barazon 95% me 5% të popullsisë, vetëvendosjen deri në shkëputje nuk e lejon; sovranitetin e popullit shqiptar mbi këtë vend nuk e pranon; Serbia e kontrollon ende Kosovën përmes 5%-shit dhe për këtë mendojmë se është edhe jofunksionale dhe nuk mund të zbatohet në rrethanat tona.

Focus: Keni idenë se si do të mund të dilnim nga kjo status-quo?

Klinaku: Rruga më e mirë për të dalë nga kjo gjendje, ka qenë që populli njëzëri të artikulojë kërkesën për bashkim kombëtar dhe ajo t’u paraqitet instancave më të larta ndërkombëtare për njohje, së pari si komb dhe pastaj të drejtën për vetëvendosje dhe t’i drejtohen Serbisë, Malit të Zi, Maqedonisë për një marrëveshje historike, në qoftë se janë të gatshme për ta bërë dhe të zgjidhet kjo çështje përfundimisht. Kjo është një çështje që i takon jo vetëm popullit shqiptar, por edhe gjithë rajonit, sepse nuk mund të qetësohet ky rajon pa u zgjidhur çështje shqiptare.

Jemi servil, prandaj nuk jemi të “nxehtë”

Focus: Jeni të sigurt se shumica e qytetarëve, qoftë në Kosovë apo Shqipëri, e duan bashkimin?

Klinaku: Ne jemi të sigurt se ata e duan dhe kjo nuk diskutohet, sepse nuk ekziston një popull që nuk e dëshiron lirinë e vet. Mirëpo, unë mendojë se organizimi në këtë drejtim ka munguar, ndërsa partitë politike që kanë qenë në skenë, nuk kanë qenë të interesuara për këtë çështje, kanë qenë thjesht për interesa të veta personale dhe iu kanë përshtatur në mënyrë krejt servile kërkesave apo instruksioneve që u janë bërë nga faktorët ndërkombëtar dhe shpesh edhe nga pushtuesi.

Focus: Ndoshta nuk janë kundër bashkimit, por nisur nga disponimi që tani po shihet, nuk janë as të “nxehtë” për t’u bashkuar, këtu ndoshta kanë ndikuar zhvillimet e periudhës së tranzicionit.

Klinaku: Shprehja nuk janë shumë të “nxehtë”, edhe pse tingëllon popullorçe, megjithatë e shprehë thelbin. Ata nuk mund të jenë shumë të “nxehtë”, pikërisht sepse janë servil e jo pse nuk e duan bashkimin; sepse shohin interesat e tyre në këtë çështje e jo të popullit; sepse në emër të një politike të hollë e moderne, heqin dorë nga interesi i vërtetë i popullit. Në fund të fundit, shikojeni gjendjen materiale të tyre dhe atë të shumicës së popullsisë dhe ju do të keni të qartë arsyen pse ata nuk janë të “nxehtë” të heqin dorë qoftë edhe nga plani katastrofal i Ahtisarit..

Focus: Ju theksoni bashkimin, por tre parimet e Grupit të Kontaktit e ndalojnë këtë gjë?

Klinaku: E vërtetë është, por kjo nuk do të thotë çdo gjë për një popull. Ne duhet të kemi parasysh se edhe gjatë shpërbërjes së ish Jugosllavisë, jo Grupi i Kontaktit, por e tërë bota ka qenë që të mos shkatërrohet Jugosllavia dhe që të ruhet integriteti i saj. Megjithatë, situata në terren i ka detyruar që ta ndërrojnë mendimin. Apo daljen në skenë të UÇK-së në fillim e kanë trajtuar si ekstremizëm apo terrorizëm, mirëpo pas ndryshimit të situatës në terren, edhe mendimi për UÇK-në ka ndryshuar. Nuk do të thotë që nuk ndërron mendimi edhe i bashkësisë ndërkombëtare në përputhje me ndryshimin e politikës tonë. Por politika e jonë po mundëson një gjë të tillë.

Nuk mund të ndahet Kosova, pa u ndarë të tjerët

Focus: Por nëse prishen tre parimet e Grupit të Kontaktit, atëherë mbi tavolinë do të luhet edhe me kartën e ndarjes së Kosovës?

Klinaku: Ne nuk jemi kundër ndarjes së Kosovës, madje edhe ndarjes së kujt do qoftë. Ne jemi vetëm që të respektohet parimi i kombeve për vetëvendosje dhe në qoftë se ai parim dërgon edhe në ndarjen e Kosovës, nuk ka asnjë problem. Por, mendoj se nuk mund të ndahet Kosova pa u ndarë Serbia. Nuk mund të ndahet Kosova pa u ndarë Maqedonia. Nuk mund të ndahet Kosova pa u ndarë Mali i Zi. Pra, parimi i vetëvendosjes nënkupton se kudo që ka një popull të caktuar që është shumicë dhe ka kompaktësinë territoriale, ekonomike, gjuhësore dhe kulturore, duhet të jetojnë në një shtet. Atëherë, pse të mos ndahet edhe Kosova?

Focus: Sipas kësaj del që ju jeni të pajtimit që të ndahet pjesa veriore, në shkëmbim të ndonjë pjese tjetër, natyrisht?

Klinaku: Kjo më shumë do të mund të trajtohej si këmbim territoresh dhe ne jemi kundër mënyrës së tillë të zgjidhjeve. Përsëri themi, se kjo do të duhej të bëhej mbi bazën e parimit të kombeve për vetëvendosje dhe ky parim nuk njeh zhvendosje me dhunim qoftë edhe deri në zhvendosje humanitare. Kur flasim për Veriun e Kosovës, duhet ta kemi parasysh gjendjen e para vitit 1999, sepse pas vitit 1999 shpërnguljet janë bërë me dhunë. Ndërrimi i strukturës atje është bërë dhunshëm dhe ajo strukturë nuk guxon të pranohet.

Focus: Futje në këtë proces nuk garanton se nuk do të ketë zhvendosje të dhunshme apo edhe të mos mund të cilësoheshin si të tilla?

Klinaku: Ato nuk mund t’i quajmë zhvendosje, mund t’i quajmë kthim të popullsisë në vende të veta. Për ato prona ende ekzistojnë pronarët e tyre dhe janë gjëra të freskëta ato. Kemi shumë shqiptarë që jetojnë në jug të Mitrovicës dhe që kanë prona në veri, ose ka edhe serbë që jetojnë në veri Mitrovicës dhe pronat i kanë në brendi të Kosovës. Këto janë gjëra të freskëta dhe nuk mund të trajtohen si zhvendosje, por kthim në vendet e veta.

Bashkimi institucionalisht dhe jo institucionalisht

Focus: Ju keni “Moto” bashkimin e shqiptarëve dhe trojeve të tyre, si e keni menduar këtë bashkim, në çfarë formë?

Klinaku: Ajo formë duhet të bëhet me mjete plotësisht paqësore. Fazën e parë të veprimtarisë sonë apo të realizimit të programit tonë e kemi trajtuar si institucionalizim të kërkesës dhe me këtë nënkuptojmë që populli shqiptar të aprovoj si kërkesë të vetën, të vetmen, bashkimin kombëtar dhe kjo të hyjë në institucionet e Kosovës, ndoshta edhe të Shqipërisë. Me këtë ne mendojmë se përfundon faza e parë e realizimit të programit tonë. Te faza e dytë mendohen mjetet tjera të realizimit, në qoftë se nuk jep rezultat faza e parë.

Focus: Kjo ideja juaj nuk përfaqësohet shumë nga liderë aktualë politikë. Në një situatë të tillë keni menduar ide alternative të vënies në funksion të programit tuaj?

Klinaku: Ne nuk shpresojmë fare që kjo do të vihet në jetë nga këta liderë politik. Ne mendojmë se është momenti që Kosova t’i rirreshtojë radhët, ta ndryshojë politikën e vet, në radhë të parë, në raport me vetveten, pastaj edhe me faktorët tjerë, qoftë në Ballkan apo në botë. Ta bëjmë një politikë më këmbëngulëse, jo politikë servile, siç janë duke bërë tani. Nuk shpresoj se këta do ta realizojnë një kërkesë të tillë, atë do ta bëjmë vetë.

Focus: Në çfarë mënyre?

Klinaku: Ne i kemi përcaktuar mjetet dhe metodat për këtë çështje dhe ato janë institucionale dhe jashtinstitucionale. Me mjete institucionale nënkuptojmë pjesëmarrjen në të gjitha institucionet, duke përfshirë këtu edhe zgjedhjet, si ato qendrore edhe ato lokale. Ndërsa me mjete jashtinstitucionale kemi nënkuptuar protestat, demonstratat, grevat dhe të gjitha format tjera të mosbindjes qytetare.

Presim të jemi forca më e madhe politike në parlament

Focus: Theksuat zgjedhjet. Nisur nga rregullat e reja për zgjedhjet, mendoni se mund të futeni të paktën në parlament, si parti e re që jeni?

Klinaku: Ne jo që do të futemi, por mendoj se së shpejti do të jemi forca dominuese në parlament. Të kemi mbi 50% në parlament dhe ta institucionalizojmë plotësisht këtë kërkesë. Nuk është e thënë që ajo të bëhet në këto zgjedhje, sepse ne vetëm sa jemi formuar dhe ka gjasa shumë të mëdha që të mos marrim pjesë fare pjesë në to, për shkak të mos përgatitjes sonë. Mirëpo, shpresojmë se së shpejti këtë do ta arrijmë.

Focus: Ju keni qenë pjesë edhe e disa partive tjera simotra, dhe tani jeni larguar duke krijuar parti të re. Mendoni se ato subjekte kanë “tradhtuar” idealet për çfarë ju jeni angazhuar?

Klinaku: Nuk mund të themi se i kanë “tradhtuar” idealet. Këtu ka pasur anëtarësim individual, nuk mund të themi ne, si Lëvizje për Bashkim, sepse kjo lëvizje është një organizatë krejtësisht e re, nuk ka të bëjë me fraksione, grupacione. Por, si individë është e vërtetë se kemi qenë dhe nuk mund të flitet për “tradhti” të idealeve në ato lëvizje, por mosgjetje të rrugës për realizimin e programit. Qëllimi ka mbetur ende i njëjtë, p.sh. me LKÇK-në qëllimi është plotësisht i njëjtë, por mjetet dhe metodat për realizimin e qëllimit ndryshojnë.
Focus: Ju flisni apo kërkoni bashkimin e shqiptarëve, ndërsa dy veta nuk mund t’i bëjmë bashkë, në këtë rast as ju nuk keni mundur të punoni bashkë me ish kolegët?[justify]Klinaku: E tërë historia botërore është e mbushur me përçarje e grindje dhe njëkohësisht me bashkime e unifikime e me ecje përpara. Edhe në rastin tonë nuk ka asgjë të jashtëzakonshme. Ne jemi të gatshëm të bashkohemi me të gjithë ata që çështjen e bashkimit e marrin seriozisht. Jemi të bindur se ne po hyjmë në epokën e bashkimeve, të unifikimeve, e të bashkimit të plotë të territoreve tona.

Rruga është mjet, por jo mali

Focus: Mos dëshironi të thoni me këtë se ata kanë zgjedhur politikën si mjet për realizimin e qëllimeve, ndërsa ju rrugën ose malin?

Klinaku: Jo, unë thashë se ne kemi në program mjetet institucionale dhe jashtinstitucionale. Rruga mund të quhet, por mali jo, në atë pjesën jashtinstitucionale. Jashtinstitucionale do të thotë ende paqësore, protesta, greva, demonstrata dhe mosbindje të ndryshme nga qytetarët, por jo mali.

Focus: Cili mendoni se është dhe ka qenë roli i Shqipërisë në këtë proces, nëpër të cilin ka kaluar Kosova?

Klinaku: Roli i Shqipërisë nuk mund të akuzohet. Roli i Shqipërisë gjithmonë, edhe historikisht, ka qenë rol mbështetës. Çdo kërkesë që është shtruar nga ana e popullit shqiptar, nuk gjen momente në histori, që ajo nuk është përkrahur, qoftë në Kosovë, Maqedoni, Mal të Zi apo Serbi dhe, edhe sot përkrahet. Nuk mund t’i bëjmë ata fajtorë pse përkrahin marrëveshjen e Ahtisarit apo kërkesën për pavarësi, sepse ajo ka qenë zëri dominues këtu.

vazhdon....

Admin Numri i postimeve : 7564 Registration date : 13/08/2007

....vazhdim nga intervista e kaluar.

Shqipëria po ndjek politikë parimorë

Focus: Duke parë pozicionin e saj dhe praninë e saj në të gjithë mekanizmat e rëndësishëm ndërkombëtar, nuk mjafton vetëm përkrahja. Do të duhej që ajo të jetë më aktive, më prijëse në çështjen e Kosovës, po kritikohet kjo diplomaci shqiptare?

Klinaku: Unë mendoj se atë rol edhe e ka luajtur, por ajo nuk mund të ndryshojë kërkesën tonë në asnjë mënyrë. P.sh. ajo mund të jetë për bashkim kombëtar, por ne mund të mos jemi për atë ide dhe ajo bie shumë keq përpara opinionit ndërkombëtar, para mekanizmave ndërkombëtarë. Në këtë rast do të nënkuptohej se ajo po kërkon territore dhe jo popullsinë. Prandaj, ajo duhet të jetë gjithmonë në mbështetje dhe jam parimisht me politikën që është duke ndjekur sot Shqipëria, që është një politikë vërtetë parimore, edhe pse ne mendojmë se është e gabuar. Ajo është e gabuar momentalisht, për shkak të gabimeve tona këtu. Edhe pse, ndoshta për shkak të pozitës së saj ekonomike, edhe atje ka natyra servilizmi. Por ne parimisht po flasim për politikën çfarë e ndjek Shqipëria dhe mendoj se ajo është politikë parimore në raport me Kosovën. Ndërsa ngjyrat e servilizmit janë të një natyre tjetër dhe ajo është në një gjendje të rëndë ekonomike dhe sigurisht që kjo e detyron që të ndjekë një politikë më servile, edhe pse nuk e përkrahim dhe nuk është e mirë një gjë e tillë.

Focus: Nëse nuk merremi vesh tani që jemi të ndarë, çka do të ndodhte nëse do të bashkoheshim, përsëri do të kërkonim të ndaheshim ose pse të harxhojmë në kërkesën tonë për bashkim, nëse nuk dëgjojmë njëri-tjetrin?

Klinaku: Nuk njoh rast në histori që ndonjë komb ta ketë bërë ndarjen e territorit të vet për shkak të grindjeve apo mosmarrëveshjeve politike dhe s’ka pse të na ndodhë kjo pikërisht neve. Madje grindjet politike në pluralizëm janë krejtësisht normale.

Focus: Bën pjesë brenda këtyre skenarëve, çfarë synoni ju, edhe kërkesa e kryeministrit të Shqipërisë, Sali Berisha, që të rishkruhet historia?

Klinaku: Kanë dalë deklarata të tilla, megjithatë nuk është ende politikë zyrtare në Tiranë. Politikë zyrtare e Tiranës është mbështetja e kërkesave të shqiptarëve këtu dhe këto kërkesa sot për sot janë të gozhduara në Pakon e Ahtisarit dhe tani për tani nuk ka lëvizje në atë drejtim, pavarësisht këtyre deklaratave.

Nuk duhet t’i bindemi bashkësisë ndërkombëtare

Focus: T’i kthehemi edhe një herë procesit negociator prej 120 ditëve. Çfarë prisni në fund të tij, prisni që institucionet tona të marrin ndonjë vendim apo do të vazhdojmë me deklarata?

Klinaku: Institucionet e Kosovës nuk mund të bëjnë një gjë të tillë, ato janë të paafta edhe për aq. Ajo është shumë pak, por janë të paafta edhe për atë. Sot ishte një deklaratë e shtetit zviceran që thotë, se nëse Kosova e shpall pavarësinë njëanshëm, ne i tërheqim trupat dhe kërcënime të tilla do t’u vinë vazhdimisht dhe nuk duan të lëvizin nga ajo pikë. Prandaj, nuk do të ketë shpallje të njëanshme, po themi të “pavarësisë”, në bazë të Pakos së Ahtisarit, që nuk është në fakt fare pavarësi.

Focus: A duhet pritur ende apo deri kur duhet të presim dhe të kemi “mirëkuptim” ndaj bashkësisë ndërkombëtare, që Rusia të pajtohet?

Klinaku: Jo, jo, në asnjë mënyrë. Ne duhet që situatën ta marrim vetë në duar tona e ta heqim këtë servilizëm nga politika jonë dhe t’i imponohemi botës, jo vetëm Rusisë. Në këtë rast, nuk është vetëm Rusia që pengon, ka edhe shumë vende tjera që na pengojnë dhe këtë e bëjnë pikërisht për shkak të servilizmit tonë. Ne jemi shumë të dobët në politikë dhe nuk jemi duke paraqitur asgjë.

Focus: Si t’u imponohemi?

Klinaku: Këtu bashkësia ndërkombëtare mbanë rendin dhe ligjin mbi një popullsi krejtësisht të nënshtruar. Ne mendojmë se nuk duhet t’i nënshtrohemi asnjë bashkësie, por duhet t’i imponohemi me kërkesat dhe zgjidhjet tona të preferuara, afatgjate, që sjellin paqe këtu. Ndryshe, ajo paqe mund të kërcënohet. Një komb i organizuar mirë dhe i madh , siç jemi ne shqiptarët, por që tani jemi të shpërndarë, është një kërcënim i madh në Ballkan dhe më gjerë.

Jemi në defensivë politike përballë Serbisë

Focus: Tani tingëllon sikur po kërcënohemi apo sikur po e shantazhojmë bashkësinë ndërkombëtare?

Klinaku: Mund të kuptohet edhe si kërcënim edhe si shantazh, por një gjë tanimë është e qartë për të gjithë: nuk ka qetësi e siguri në Ballkan pa zgjidhjen e çështjes shqiptare. Shqiptarët nuk e durojnë më robërinë.

Focus: Mendoni se kemi kaluar në defensivë politike si Kosovë përballë Serbisë?

Klinaku: Plotësisht, plotësisht. Kjo defensivë po na pengon dhe po na mban këtu.

Focus: Deri kur mendoni se do të vazhdojë kështu?

Klinaku: Deri në organizim. Ne duhet të organizohemi mirë si komb. Organizimi në suaza lokale, vetëm në Kosovë, nuk sjellë rezultate në atë drejtim. Nuk mund t’i bëjmë asnjë presion as bashkësisë ndërkombëtare dhe as vetë pushtuesve. Vetëm organizimi në suaza kombëtare mund t’i bëjë presion. E thashë, çështja shqiptare është e ndarë në disa shtete dhe pikë nevralgjike kanë Maqedoninë. Një kërcënim i mundshëm atje do të bëjë që çështja shqiptare të trajtohet ndryshe dhe jo kështu.

Focus: Nëse i shikojmë rrjedhat politike në Shqipëri, Kosovë, Maqedoni etj, atëherë shqiptarët duhet të presin gjatë deri sa të bashkohen ose do të na duhet rrugë dhe kohë e gjatë?

Klinaku: Po kush - na, është populli shqiptar që duhet të presë. Është populli shqiptar që duhet të pres organizimin e vet, të organizohet dhe t’ia sjellë vetes atë çka meriton dhe nuk do ta arrijë këtë derisa nuk organizohet. Mund të jetë rrugë shumë e gjatë, është e vërtetë.

Maqedonia si shantazh, por qëllimet janë serioze

Focus: Potencuat disa herë Maqedoninë në përgjigjet tuaja. Mendoni se ai vend mund të përdoret, qoftë nga Shqipëria apo Kosova, si element shantazhi ndaj dikujt tjetër, që, në fund p.sh. Kosovës, t’i jepet pavarësia?

Klinaku: Gjasa të tilla ekzistojnë. Pavarësia edhe mund të vijë, vetëm si një kompromis i tillë. Si një kompromis i një rreziku të një shpëtimi apo i një shantazhi, siç thoni ju, por kryesorja është se ne, si popull, po të ishim organizuar, situatën ndërkombëtare e kemi dhe do ta kishim plotësisht në favor. Ky mosorganizim dhe kjo defensivë politikë është duke na lënë këtu ku jemi.

Focus: Kishim tri luftëra dhe nuk u organizuam apo nuk u bashkuam, mendoni se në paqe mund të ndodhë kjo?

Klinaku: Mendoj se të tri luftërat dhe e gjithë historia duhet të na shërbejë si mësim e jo të dëshpërohemi nga ajo. Popujt e zgjuar mësojnë nga historia, pse të mos mësojmë edhe ne. Jam shumë optimist në këtë çështje.

Focus: Mos është gjithë ky fjalor për bashkim kombëtar, vetëm një mjet presioni ndaj bashkësisë ndërkombëtare që Kosovës t’i japin pavarësinë që kërkon.

Klinaku: Ky fjalor dhe i tërë organizimi që parashihet mund edhe të ndikoj ashtu siç thoni ju, që bashkësia ndërkombëtare të na ofrojë diçka më pak se bashkimi kombëtar, në këtë rast pavarësinë e Kosovës. Por ne nuk e bëjmë me këtë qëllim. Qëllimet tona janë plotësisht serioze dhe të vendosura.

(Shënim: Titujt dhe nëntitujt janë të redaksisë së gazetës “Fokus”)

Admin Numri i postimeve : 7564 Registration date : 13/08/2007

Angazhimi për Pavarësi nuk mund të prodhojë asgjë më tepër sesa produktin “Ahtisaari”

Po të flasim me gjuhën e prodhimit të produkteve mund të themi se tash jemi në prag të daljes në jetë të produktit politik të quajtur “Pavarësi e Kosovës”.
Produkti është projektuar në vitin 1990 nga Lidhja Demokratike e Kosovës. Është shpikur pa u bërë analizat e duhura se a kishte mundësi reale që të ndërtohej edhe një proces adekuat për finalizimin e këtij produkti.
Procesi i prodhimit të këtij produkti politik ishte konceptuar nga ideatori i tij si një proces paqësor me çdo kusht, duke u mbështetur vetëm në faktorin e jashtëm si përcaktues i çdo faze të procesit.
Projektuesi kishte premtuar se produkti do të ishte krejtësisht sipas aspiratës kombëtare të popullit shqiptar dhe do të realizohej shumë shpejt. Mjaftonte që populli të mos e bënte asnjë përpjekje të dhunshme dhe çdo gjë do të shkonte sipas projektit. Projektuesi ishte plotësisht i bindur për këtë.
Vitet ecnin dhe finalizimi nuk vinte. Mosrealizimi i premtimeve filloi të nxiste padurimin. Filluan edhe dyshimet mbi zotësinë e projektuesit për ta realizuar këtë projekt. Projektuesi i bindur në saktësinë e projektit të vet shpikte lloj-lloj marifetesh, së bashku me faktorin e jashtëm, për ta mbajtur durimin. Por edhe kjo nuk mund të zgjaste deri në pakufi. Populli kishte nevojë ta realizonte kërkesën e tij dhe nuk mund të besonte as përjetësisht dhe as symbyllas.
Populli filloi ta kërkonte një projektues të ri e të aftë për ta gjetur rrugën e duhur për realizimin e aspiratës së tij kombëtare. Pas fillimit të humbjes së besimit nuk vonoi shumë dhe projektin e jetësimit të aspiratës kombëtare (produktit politik) e mori përsipër Drejtoria Politike e Ushtrisë Çlirimtare të Kosovës.
Projektuesi i ri e kishte idenë fillestare që ta ndryshonte qëllimin politik që e kishte vendosur Lidhja Demokratike e Kosovës, sepse besonte se gabimi qëndronte pikërisht në vendosjen e gabuar të qëllimit. Pra, sipas projektuesit të ri, duhej synuar produkti politik “Bashkimi Kombëtar”,ndërsa procesi duhej të bazohej në mjete dhune që ishin të ligjshme, sepse nuk kishte rrugë tjetër për realizimin e kësaj kërkese krejtësisht të ligjshme. Kështu vendosi projektuesi i ri dhe në parim kishte të drejtë.
Projektuesi i ri eci për pak kohë pas këtij koncepti, por që në pengesën e parë të zhvillimit të procesit u tërhoq.
Tërheqja nga qëllimi i Bashkimit Kombëtar, si i vetmi produkt politik që duhej synuar, u arsyetua se ishte një vendim i domosdoshëm i kohës dhe rrethanave. Me këtë hap praktikisht edhe projektuesi i dytë u katandis në idenë e projektuesit të parë dhe pothuaj në momentin e marrjes së këtij vendimi mori edhe vendimin që të bashkëvepronte e të bashkëjetonte me projektuesin e parë, me Lidhjen Demokratike të Kosovës.
Në heshtje dhe pa i kërkuar njëri-tjetrit falje për fyerjet dhe sharjet e bëra reciprokisht, dy projektuesit u bashkuan dhe në rrugë e sipër bënë së bashku mjaft ndryshime në përkufizimin e qëllimit politik (produktin e synuar) që e kishin proklamuar vetë.
Pak nga pak produktit politik “Pavarësi e Kosovës” iu hoq krejt përmbajtja e premtuar nga dy projektuesit tashmë të bashkëdyzuar dhe mbeti vetëm forma e produktit.
Ishte një forcë jashtë tyre që i shtynte këta projektues ta hiqnin përmbajtjen në vazhdimësi, deri sa e sollën këtë produkt në një emër pa përmbajtje. Ajo forcë jashtë tyre e vlerësoi saktësisht qenien pakurrizore të projektuesve dhe me pak shtytje i detyroi ata të hiqnin dorë nga përmbajtja. Pavarësia e premtuar humbi çdo element të pavarësisë kombëtare siç ishte premtuar në fillim.
Kishte një forcë që e diktonte procesin e prodhimit të produktit politik të synuar. Kjo forcë dalëngadalë i detyronte vetë projektuesit të zhvishnin kërkesën politike nga elementet kombëtare shqiptare. Vetë procesi i kishte mbërthyer projektuesit që të pajtoheshin me zhveshjen nga elementet vitale qenësore kombëtare të projektit të tyre. I tillë ishte procesi që sa më shumë të bënin lëshime projektuesit, aq më shumë e lavdëronin projektin e tyre për t’ia bërë popullit sa më të ëmbël e më të pranueshëm. Aq më tepër projektuesit e ndjenin veten krenarë që ishin shpikës dhe zbatues të këtij procesi. Proces tejet interesant dhe çudibërës.
Tash pas zhveshjes së plotë të përmbajtjes kombëtare të aspiratës së shqiptarëve (produktit politik të kërkuar nga populli) procesi i prodhimit të këtij produkti po përfundon. Produkti që u projektua si Pavarësi e Kosovës, i kthyer për pak muaj si Bashkim Kombëtar dhe i rikthyer sërish në Pavarësi po del nga procesi përfundimtar i prodhimit si produkt Made by Ahtisaari.
Sido që të jetë, angazhimi për Pavarësi nuk ka asnjë mundësi ta ndërtojë një proces të mirëfilltë që do të përfundojë në diçka më të mirë se produkti “Made by Ahtisaari”. Nuk ka mundësi të prodhojë më shumë se kaq politika që nuk bazohet në shkaktarin e problemit: në çështjen e pazgjidhur shqiptare në Ballkan. Ky është maksimumi që mund të arrijë angazhimi për zgjidhje parciale të çështjes së pazgjidhur shqiptare.

Sabit Gashi

Vizitor

,,Bashkimi kombëtar duhet bërë, ky bashkim imponohet si domosdoshmëri për zhvillimin normal, stabilizues dhe të sigurisë që i takon kombit. Mirëpo, për ta bërë këtë, shqiptarët duhet kuptuar se Piemont i idesë së bashkimit duhet të jetë Tirana. Çdo përpjekje që bëhet pa u kuptuar kjo, është vetëm në funksion të asaj që ideja të ekzistojë…!’’ Mr. Ukshin Hoti

Titulli: Re: Bashkimi i trojeve shqiptare Wed Feb 20, 2008 4:21 am

Sikur fmija qe qan per nane, qanë Prishtina per Tirane;
i çon t'fala Shkupi Ulqinit, ka ardh dita e bashkimit.

Titulli: Re: Bashkimi i trojeve shqiptare Wed Feb 20, 2008 4:47 am

"Focus: Deri kur mendoni se do të vazhdojë kështu?

Klinaku: Deri në organizim. Ne duhet të organizohemi mirë si komb. Organizimi në suaza lokale, vetëm në Kosovë, nuk sjellë rezultate në atë drejtim. Nuk mund t’i bëjmë asnjë presion as bashkësisë ndërkombëtare dhe as vetë pushtuesve. Vetëm organizimi në suaza kombëtare mund t’i bëjë presion "

Per mendimin tim , kjo qe i nderuari z.Klinaku ka ceke ne kete rast eshte ajo qe do te duhej te ndodhte pikerisht ne vitet '90-ta , kur u zhvilluan edhe ngjarjet dhe lufta ne Kosove . Sot kemi nje realitet tjeter ,rrethana te tjera te cilat duhet te dijme t'i shfrytezojme ne favorin tone dhe te interesave kombetare dhe edhe ne kete rast mendimi i cituar me lart i z.Klinaku , mendoj qe eshte baze per nje bashkim mirefillt ,

Koordinimi dhe krijimi i politikave kombetare ne kete drejtim , mund te shpiejn me bindshem tek institucionalizimi i kesaj qeshtje qe do te ishte hap i rendesishem ,

shume e sakt..

Klinaku: Mendoj se të tri luftërat dhe e gjithë historia duhet të na shërbejë si mësim e jo të dëshpërohemi nga ajo.

Nderime

Admin Numri i postimeve : 7564 Registration date : 13/08/2007

EDHE NË GJUHËN DIPLOMATIKE, PSE JO HAPTAZI, SHQIPËRI ETNIKE?

Një herë, në një takim privat dhe shoqëror që kam pasur me një politikan të rangut të lartë të lidershipit kosovar, të cilit, për shkaqe të kuptueshme nuk do t’ia zbuloj identitetin e plotë, e pyeta si miku-mikun dhe pa dorëza: Pse politikanët tanë kosovar dhe mjaft sosh edhe nga viset tjera të trojeve shqiptare, në takimet diplomatike ndërkombëtare me delegacionet e shteteve të huaja, nuk kanë guxim që haptazi para tyre,ta shpalosin aspiratën tonë historike si popull: Bashkimin e të gjitha trojeve etnike shqiptare në një shtet unik, bashkim ky, që patjetër dikur duhet të ndodhi në këto hapësira? Ai, vetëm më shikoi me buzëqeshje dhe pa kurrfarë hamendje u përgjigj shkurt dhe bindshëm: Sepse, edhe pa ju thënë haptas, ata e dinë mirë këtë realitet!
Pas kësaj përgjigje të sinqertë të mikut tim politikan, mbretëroi një heshtje e nemitur e cila u thye shpejt nga po ai vetë: “Kur, para disa kohe, si anëtar i një delegacioni kosovar, pata nderin që zyrtarisht t’i bëjë një vizitë SHBA-së, gjatë një takim protokollar të mbajtur me disa kongresist, para nikoqirëve tanë të këtij rangu të lartë politik dhe shtetëror amerikan, në mes tjerash, ne tentonim që me çdo argument t’i kundërvihemi idesë së propaganduar të politikës serbe, se pas shpalljes dhe njohjes ndërkombëtare të Kosovës si shtet, më vonë shqiptarët do të kenë aspirata për krijimin e një “Shqipërie të madhe”. Menjëherë pas këtij termini të takimit tonë zyrtar, në një kotej rasti të organizuar nergut për ne, mu afrua një kongresist dhe, pa një-pa dy, ma bëri një pyetje të papritur për momentin: pse ju politikanët shqiptar gjithnjë po tentoni që me çdo kusht të na bindni se populli i juaj nuk e dëshironit bashkimin kombëtar, kur kjo është një kërkesë e natyrshme dhe çdo diplomat i arsyeshëm e di mirë se një shkrirje e tillë patjetër duhet të ndodhi dikur?”
Nuk ka fare dyshim se këso gafe edhe mund t’i falen lidershipit të ri dhe të pa përvojë kosovar, i cili, gjithnjë para “kolosëve” të huaj të diplomacisë perfide ndërkombëtare, po tregon ndjesinë e theksuar të kompleksit të vlerës së ultë dhe inferioritetit të tepruar. Por, kurrsesi nuk i kuptoj deklaratat të pamatura, të pakuptimta, absurde dhe të panevojshme publike që kohën e fundit, me një intensitet të shpeshtuar, po i bëjnë disa përfaqësues të lartë politik të shtetit tonë ndërkombëtarisht të njohur-Shqipërisë. Një shembull kësisoj më të freskët e kemi tek interviste e kryeministrit shqiptar, z. Sali Berisha, dhënë këto ditë agjencisë së lajmeve Austriake „ Die APA- Austri Presse Agentur“, në të cilën, ai në mes tjerash deklaronte: “ ...edhe pas pavarësisë, Kosova nuk do të bashkohet me Shqipërinë”, Ai, madje në këtë intervistë shkoi edhe me larg duke theksuar: “...nuk do të ndodhë kurrë as bashkimi i të gjithë shqiptarëve në rajon”?!!
Aspak nuk e marr vesh dot se çfarë janë ato motive psikologjike apo politike që e kanë shtyre kryeministrin Berisha të bëjë një prononcim të tillë publik, por nëse ai për momentin një veprim të tillë e ka vlerësuar si strategjik dhe të nevojshëm, atëherë i them haptas se ka bërë një gabim trashanik dhe të pafalshëm kombëtar, gabim ky që në të ardhmen mund t’i kushtoj shtrenjtë, në rend të parë, para elektoratit të arsyeshëm shqiptar që ia ka dhënë votëbesimin të jetë në pushtet; e, mos të flasim fare për dëmin moral të krijimit të një hipoteke të pashlyeshme në biografinë e tij, njollë kjo që shumë lehtë mund ta rreshtoj atë në rangun e një figure bashkëkohore politike me kontribut më të dyshimtë kombëtar.
Zoti Berisha duhet ta di patjetër se askush nga opinioni i arsyeshëm gjithëshqiptar, si dhe ai ndërkombëtar me përvojë, intimisht nuk ka besuar në sinqeritetin e përmbajtjes së saj. Përkundrazi, ajo në prapavijë ka prodhuar efekte kontra-produktive, duke e paraqitur atë si njeri hipokrit dhe burrështetas naiv dhe të papjekur sa duhet për atë post.
E ashpër pak, por duhet të jetë i tillë ky vlerësim, sepse, një politikan i nivelit të lartë shtetëror, alla Sali Berisha, në këso pyetje të paevitueshme të një gazetari me eksperiencë, ose është dashur që të jetë konkret dhe ta shpalosi haptazi synimin tonë historik si popull për një shtet etnik, ose, nëse i ka munguar ky guxim, ka mundur të jap një përgjigje me të tërthortë dhe më diplomatike, duke lënë gjithnjë të hapët që kjo në kontestin logjik të nënkuptohet.
Unë aspak nuk dyshoj se ky biri i Tropojës kreshnike nuk e di të vërtetën paradoksale të kësaj deklarate, por ende nuk po mundem me i ra fije se nga cili “baba sheh” ka marrë bekimin për një veprim të tillë denoncues. Ishalla jo nga ata, tek të cilët më shkon mendja mua në këto momente?!
E pra, sa për fund zotëri Sali Berisha, edhe pa qenë i sigurt se ky artikull do t’ju bie në sy, duke mos e thënë haptas identitetin e tij, do ta “shpijunojë”një ministër tuajin, i cili së bashku me grupin e delegacionit të shtetit Shqiptar, të udhëhequr nga kryetari z. Bamir Topi, ishte këto ditë në vizitë miqësore në Kosovë. Gjatë ditës së tretë të qëndrimit në vendin tonë, ky delegacion i madh shtetërorë, në mes tjerash vizitoi edhe Prizrenin dhe Kompleksin memorial historik të Lidhjes Shqiptare të Prizrenit. I entuziazmuar nga ajo se çfarë kishte parë aty, një ministër i juaj aktual dhe protagonisti i këtij “shpijunumi” tim, deklaroi haptas para kamerave të një TV lokale të Prizrenit: “Pas gjithë asaj çfarë pash në këtë muze, vërtet ndjehem tepër i emocionuar. Posaçërisht më la përshtypje harta e Shqipërisë etnike nga ajo kohë. Eee...sa toka na ishin marrë neve nga fqinjët! Por, nuk duhet të ketë dyshim, do t’i kthejmë patjetër ne ato!”
- Po zoti ministër i Berishës, do t’i kthejmë patjetër ne ato!- them unë - dhe ju kisha lutur që këtë kërkesë të natyrshme të popullit tonë, t’ia përcillni shefit tuaj kryeministër.
I thoni atij se në mesin e atyre shqiptuarve sikur deklaron ai “të paktë që e kërkojnë Shqipërinë etnike”, jeni edhe ju një partizan i ri neofit pushtetar”!

Adnan Abrashi

» Bashkimi i trojeve shqiptare
» Hartet Trojeve Shqiptare
» Lidhja e Prizrenit
» Bukuritë natyrore të trojeve Shqiptare
» Bashkimi ben fuqine!