Humor politikë

biligoa;

te pergezoj per kete teme te qelluar ha ha ha edhe pse nuk i lexova te gjitha ,,disa qe i lexova ishin shume qesharake ..gjithesi do t'i lexoj te gjitha kure te keme kohe te duhur.

Respekt

Në këtë temë mund të vendosni humore të ndryshme në lidhje me politikën aktuale dhe politikanët tanë.

SALLA E KUQE

Spektakli në Kuvendin e fundit të LDK-së ishte shumë simbolik.
Cikli filloi dhe mbaroi në dhjetor, kur mbaron edhe viti.
Filloi si nuse e mbaroi si puse.
U prish imazhi i Sallës së kuqe komuniste dhe i simbolit të bashkim-vëllazërimit.
Kuvendarët e përskuqën edhe një herë Sallën e kuqe, sepse nuk mund të qëndronin më si nuse. Durimi kishte arritur fundin. Çarja ishte e pashmangshme. Por, askush s’e priste ashtu ndeshjen e tmerrshme të karrigeve.
Salla e kuqe u bë për dy orë arenë e toreadorëve. Tym e mjegull!
U desh të ndërhynte edhe policia speciale me kërbaç e lotsjellës.
Skilja e mundur iku para tërmetit, duke i lënë në zjarr luftëtarët e tij.
Iku Daci si gjenerali Mojzi!
Njerëzia rroku kokat: O Zot, o Zot, si nuk u erdhi keq para liderit të vdekur?! Si nuk u turpëruan para himnit e flamurit partiak?!
Ishte mbushur kupa. Shqiponja deshi të fluturonte, por ishte zënë në çark. Krahët e saj u përplasën e përgjakën! -tha një plak xhufurrak.
Jo, jo, ishin frymëzuar nga himni “Kur ra kushtrimi...” dhe bënë turr në mejdan!-ia priti një kaçurrel biramel.
Ju ka mbetur merak lufta se edhe ata trima janë. Ishte kjo beteja e fundit e Kosovës. I tregoi bukur botës se ende ka azganë!-foli një babaxhan.
Tash, pas betejës së humbur Daci po kërkon hise ndër fise.
Ik, more shtrigan, vetë e nise, vetë e bitise këtë nam!
Ku ke parë ti hise pas humbjes?Kjo s’është alkimi, po parti!
Do bëhemi demokraci e jo turmë e votave!- ia pret Ngadhënjimtari.
Salla e kuqe u çart si nuse. Shtrigë e tmerrshme!
Kush guxon të mbajë aty sërish kuvend?
Edhe fundit i erdhi fundi.
Pas fundit vjen fillimi i ri.