EDHE KUR BUZËQESH - Gjakush TANA

V.I.P Numri i postimeve : 841 Registration date : 26/03/2008

K A T R A N I

Shpirtin të shkrumosur
e fut përjetë në shekuj!

Çdo gjurmë bardhësie
mundohet ta nxijë -
që kurrë t'mos ketë blerim !

Edhe kur buzëqesh
duhma e rëndë -
i rrjedh vrer nga shpirti ,
dhëmb i prishur - kohërat infekton !

Kur futet në shtigje
të ndjekë rritën e qetë
përpiqet të hapë plagë,
me fjalë dreqi,
me sy hutini!

Vetveten kurrë se beson
se në ujëra të turbullt noton,
se ujërat nga gurra i ndyn !

Groposet në baltë ,
ballsamoset,
kur mbi të ecin -
këmbët e sigurta,
këmbët e shpejta të rritës !__________________

V.I.P Numri i postimeve : 841 Registration date : 26/03/2008

KUNDRIM

Domethënie simbolike lëshohet nga lartësitë,
zbulon të vërtetën - reklamë !

Fëmijërisë plot arrna ia dorëzon lodrat
e botës së çudirave,
ku e humb durimin figura pa ndjenjë,
pa vlerë - me shfrim!

Rinia - maskë e çjerrë në rolin e çmendisë
interpreton Hamletin duke u end kotësive!

Në forcën e durimit fjalën mbajnë :
Një lutje - anatemë !

Në kutinë e zezë të hiteve
gërryen e gllabëruan dritat në sy,

dhe, kurrë se dallojnë verdhësinë
dhe, kurrë se ndjejnë blerimin !

V.I.P Numri i postimeve : 841 Registration date : 26/03/2008

PIKA KRITIKE

Në kohë pa kohë trashëgohet
lind pa dritë në sy,
dhe hy në veshë të shurdhër !

Kush e ndjek fatkeqësinë
ma mirë se egërsira ?

Nuk ndjen keqardhje!
Nuk ndjen mëshirë !

Në pikën kritike
krimin zbaton,
t' arrijnë në kulm -
emocionet vrasëse !

Në asnjë çast s'ka lindur
një zemër -
që hedh farmak në shpirt,

Një thikë -
dhembjes i vë pikë !

V.I.P Numri i postimeve : 841 Registration date : 26/03/2008

PËRSHËNDETJE

Stinët ikën !
Lan vrragë, lan rrudha !

Shtegtarët -
amanet - foletë e shkreta !

Asgjë s'braktisën pa ligj,
s'ndryshuan!

Asgjë s'krijuan pos datave
si shpifje !

Pastaj shekujt u ndrynë
si trille kujtimesh !

Kush ua lau mëkatet
se dijnë ujërat !

Kush ua fshehu bishtat
s'kujtohen malet !

Mirësevini !
U pret derë e hapur !

U pret një zemër !

Ilirinë - ka emër !

V.I.P Numri i postimeve : 841 Registration date : 26/03/2008

LOJA

As në ëndërr se merr lirinë
ta flakë pas shtatë kodrash,
ta presë pastaj -
shtatë shekuj në robëri !

Nusen e presin krushqit,
u vjen në zi !

Në këngë bijë trishtimi
jehon egërsi,
ku ndodhet melemi
për plagë - ëmbëlsi ?

Furtuna ndjellakeqe
ashk e gof mallkimi,
rokulliset drita
kurrë nuk del agimi !

Në ylber të shpresës
kallkan i mërgatës,
është loja e fatit,
- i ik shtërngatës !

V.I.P Numri i postimeve : 841 Registration date : 26/03/2008

PËRJETIM

Në shfrenim epshesh të marra
çdo gjë u përmbys, u përtha !
Kështjella u mposht në themel,
dhe në kulm - u nda !

Lirika e zverdhi domethënien
si gurra kur shterë,
gjarpërinjt kafshuan gjuhën
të mos bëjë poterë !

Në sofra humbi oreksi
i kulaqit të pjekur në hi !
Lëngonte e zverdhej rrita
ngujuar në robëri !

Çdo gjë mbeti pa jetë,
pa dashuri !
Kohë moderne - e shkretë,
Kohë - vetmi !

V.I.P Numri i postimeve : 841 Registration date : 26/03/2008

L I D J A E N G U S H T Ë

V.I.P Numri i postimeve : 841 Registration date : 26/03/2008

DOMETHËNIA E HESHTJES

Nuk ishte lum
që shndërronte shtratin -
në rrjedhë pa kohë,
as uratë që priste -
t'i faleshin mëkatet !

Pa barë i shëronte plagët
që hapeshin në shpirt,
guacë e ndrydhur -
nisej në shtigje
kurrë të kaluara !

Edhe në gjuhën e gurit
mbishkrimet e vdekura ringjallë !

Nga shekujt e harruar
me heshtje zgjidh nyjet
të kuptohen misteret,
kohërat, dhe yjet !

V.I.P Numri i postimeve : 841 Registration date : 26/03/2008

ASGJË S'KTHEHET !

Asgjë s'kthehet ,çdo gjë ik
lindjes - vdekja i afrohet,
nismë e re , trishtim i ri !

Syri n'terr - kërkon bardhësi !

Nata merr e s'jep asgjë
gjurmët mbesin shfaqen prapë
i vjen ditës erë barot !

Se merr vesh qeni të zot !

S'kthehet hapi që kap zërin
rrezja shpresë - s'ka gjallëri !
Këngë e vaj - uratë mallkimesh !

I mbjellin ca zemër zi !

V.I.P Numri i postimeve : 841 Registration date : 26/03/2008

U R A T A

Në paskajshmëri - pa përcaktime
viteve u kërkova lartësi !

E di vetë kah ngjitem,
se di vetë ku bi !

Kurrë si ndjeva shëtitë, dëfrimet
të prehen në gëzime, qetësi

Të murosur e gjeta heshtjen
që shekujve u rrasej në gji !

Çfarë durimi në këtë uratë ?!

- Iliria - pastë jetë të gjatë !
Blerim i shekujve ... gjatë...!

V.I.P Numri i postimeve : 841 Registration date : 26/03/2008

NË NIVEL

Pa ngatërresa në parashikime
hip e zbrit në shkallë,

As në sjellje - në jetë cikërrime
për të mbetur gjallë !

Ç'bën ajo që s'lind , e s'vdes
Pa zërin në tel ?

Prapa perdes - për një ves
Kosova - nivel !

Poezitë : Urata dhe , Në nivel , u botuan më 01.04.1986, në revistën e studentëve, Bota e re, Prishtinë

V.I.P Numri i postimeve : 841 Registration date : 26/03/2008

DAMARËT E ZËRIT

Në jetë -
s'pushuan tiktakët
për hapin në kohë !

Lartësitë -
kurrë s'preken -
pa shkallë , pa ballë !

As shpresa -
kurrë s'ndrydhet
se vdes në rritë ,

Jehona -
s'rrin dot ,
pa zbuluar thellësitë !

Gërmadhat e shekujve
bëhen ugarë,
kushtrimi -
zgjon vdekjet në damar !

V.I.P Numri i postimeve : 841 Registration date : 26/03/2008

ZEMRA KËRKON ZEMRËN

Gjeth i zverdhur lëkundet
degë e tharë tundet !

Era përvesh llërët
ta hedhë në humnerë !

Rrënja e thellë s'dridhet
si zogu në ferrë !

Fryn veriu e hidhet
shpirti i mpirë - vdes!

Zemra kërkon zemrën
ta puthë çdo mëngjes !

V.I.P Numri i postimeve : 841 Registration date : 26/03/2008

DHËMB I BARDHË!

Në dhëmbin e bardhë
rrënjë e sëmurë -
rënkon!

Krimbi ec e bren brendinë
gjuha -
ndryn fshehtësinë !

Buzëqeshja e ngrohtë
i falet -
zemrës që ringjallet !

Dhëmb i bardhë mbahet,
nofullës -
nuk i ndahet !

Rrënja derdh gjakun,
krimbi -
bren konakun !

» BALADË PËR FJALËN E LIRË - Gjakush Tana - Uskana
» Edhe student edhe deshmore...
» GJIROKASTRA I BUZËQESH DIELLI nga Kristo Stoja
» Pse rritet numri i muslimaneve ne bote?
» Edhe un jam Kosov?