SHQIPËRI NGA POETI ERUDIT DINO KOUBATIS

DINO KOUBATIS ,SALAMINE, ATHINE, GREQI
I NJOHUR NGA TE GJITHE , ERUDIT ,I CILI KA DHENE KONTRIBUT NE KETO RRUGETIME TE BUKURA PEGASIANE ...
KY SHKRIMTAR , KY ARTIST GJITHEPLANESH I KA KENDUAR ME POEZINE E TIJ EDHE SHQIPERISE,... KA SHKRUAR LIBRA PER SHQIPERINE DHE NJE PREJ SYRESH ESHTE "DUKE UDHETUAR NE SHQIPERI" NJE KRYEPUBLICISTIKE ....

KAM PASUR DESHIRE QE TE PERKTHEJA NGA GREQISHTJA POEZINE E TIJ, E CILA MUND TE QUHET NJE ODE KENGE.. ESHTE BERE NJE TENTATIVE PER TA PERKTHYER , POR THEM SE JO NE ATE SHQIPERIM POETIK TE DUHUR...

PO E SJELL TASHME PERKTHIMIN E KESAJ POEZIE PLOT NERV, PLOT DASHURI, KU DINO KUBATISIT, MIKUT TONE I KENDON SHPIRTI DHE ZEMRA...

KJO POEZI DO TE RECITOHET NE DITEN E PARE TE KONGRESIT NE TIRANE , NEUNIVERSITETIN "VITRINA" NG AAKTORET E TALENTUARA, ARTISTET E SHQUARA MERITA SMAJA DHE DANA XHAJ.....




DINO KOUBATIS


SHQIPËRI


Shqipëri,
Kapërceva lëndinalulet e tua
Kapërceva malet e tua,
njoha tokën tënde, lumenjtë e tu
Ndjeva çuditëesi nga natyra jote,
nga detet kaltërorë pikturues dantellash;
admirova greminat, kataraktet, lumenjtë
madhështoret fusha , gëmushat, ullishtet
dhe hapësirën qiellore tënde,
ngjasim mbulesembrojtese të popullit tënd
krenar e të fortuar.

Shqipëri,
Paksa dija për historinë tënde,
për popullin tënd, dija paksa…
Hapërova mbi rrugicat,
brenda rrugëve të tua,
jetova frymëmarrjen e shtëpive të popullit tënd,
njoha traditoren që koha gdhendi ,
ndjeva gazmendet , dhimbësitë
dhe të tuat virtyte,
përpjekjadën e një populli
që i përngjason vendit tim;
përndjeva drithmimin e tokave të tua pjellore,
thirrësinë e jetës buruese nga zemra jote, përjetova.

Shqipëri,
Fare pak dija për baltën tënde
Pak dija për damarët e tu.
Dëgjova këngëndjenjëshumën të zogjve endacakë,
U mahnita me murmuritjet e jetës në gjethezat e saj,
Sinfoninë qiellore të përrrenjve,
shushurimë e erës sjellëse të shpresimit të populli tënd,
Thith e frymëmerr tashmë, ajrin e lirisë;
Dëgjova gjithë fshehtësitë ditë - natë të natyrës
që të mban përkëdhelisht gjirit .

Shqipëri,
Dija pak për muzikalitetin tënd,
për odat e tua, dija fare pak .
Kundrova fushat e tua, qytetet e tua, fshatrat e tu
Pashë liqenet e tu, kopshtet , rrugicat, yjet,
netë të tëra kundrova,
profetizova ardhmërinë në kupën qirellore
edhe në hapësirat kozmike e dallova të ardhmen,
ndjeva se lexova në sytë e bijëve dhe bijave të tua
vërtetësinë, nderin dhe besëdhënien...


Shqipëri ,
paksa dija për popullin tënd,
pak dijeni kisha për shpirtin tënd
Hapërova, dëgjova, “vrapova“pashë shumë,
kuvendova, dëgjova, rashë në mendime,
këngërova këngën tënde
të dëshpërimit dhe të gazmendit.
Kërceva në ritmin e zemrës tënde
i bëra të miat problemet e tua ,
u mendova shumë për ato,
u drithërova nga emocioni,
derdha lot nga dhimbja,
bukën tënde e hëngra,
piva i ngazëllyer ujin tënd.



Shqipëri,
Ndjej siguri që të dua ...



E përktheu nga origjinali nga libri ”Duke udhëtuar në Shqipëri“
Kristaq F. Shabani, GJIROKASTER , ALBANIA