Bashkimi Kombëtar
Mirë se erdhë në forum " Bashkimi Kombëtar "
Qëndro i lidhur me ne ! Disponim te këndshëm të kontribojm për kombin larg ofendimet dhe zënkat...
Bashkimi Kombëtar
Would you like to react to this message? Create an account in a few clicks or log in to continue.



 
ForumForum  PortalliPortalli  GalleryGallery  RegjistrohuRegjistrohu  identifikimiidentifikimi  

 

 Jeta e re - Një revistë letrare mbarëkombëtare

Shko poshtë 
AutoriMesazh
Mexhid Yvejsi
Anëtar
Anëtar
Mexhid Yvejsi

Male
Numri i postimeve : 429
Age : 70
Vendi : Gjakovë, Kosovë
Registration date : 04/05/2009

Jeta e re - Një revistë letrare mbarëkombëtare Empty
MesazhTitulli: Jeta e re - Një revistë letrare mbarëkombëtare   Jeta e re - Një revistë letrare mbarëkombëtare EmptySun Jan 29, 2012 11:24 am



Botime të reja: JETA E RE –

NJË REVISTË LETRARE MBARËKOMËBTARE


“Jeta e Re” është revistë letrare e cili doli në dritë për herë të parë në vitin 1949, në Prishtinë, nën kujdesin dhe udhëheqjen e Esad Mekulit.
Esad Mekuli ishte drejtues i saj nga viti 1949-1972. Numri i parë i revistës “Jeta e Re”, 1949, kishte 88 faqe.
Nga viti 1972, pas Esad Mekulit, “Jeta e Re” është drejtuar nga kryredaktorë të ndryshëm, ku vlen të përmendim figura si; Rrahman Dedaj në vitin 1973, Rexhep Qosja, 1974, Hasan Mekuli 976 – 1981, Ali Jasiqi 1982 – 2000, Sali Bashota 2001 – 2003.
I gjithë ky zhvillim ka kaluar nëpër peripecitë e tij dhe vështirësi të ndryshme, sidomos pas viteve 90-të ku u ndjenë më tepër dhe kjo çoi në zvogëlimin e numrave për vit, ku botoheshin vetëm 2 numra.
Me gjithe pengesat Jeta e Re vazhdoi të dilte deri në 2003-in dhe me një shkëputje tre vjeçare në 60-vjetorin e saj arrijnë të nxjerrin dhe një numër, për t’u ndërprerë më pas deri në 2010-ën kur kryeredaktor i saj zgjidhet Ag Apolloni.!
Gjatë historisë së saj revista letrare “Jeta e Re” përveç kryeredaktorëve që e kanë udhehequr atë, që ishin figura të rëndësishme të letrave shqipe, në përgatitjen e saj kanë dhënë kontribut edhe emra të shquar të letrave shqipe, të cilët kanë punuar si redaktorë të saj, siç janë; Vehap Shita, Anton Pashku, Azem Shkreli, Nazmi Rrahmani, Din Mehmeti, Ali Podrimja, Mensur Raifi, Mehmet Kraja etj.
Numri i ri revistës “Jeta e Re” për vitin 2011, Nr. 1 ka këtë përmbajtje:
Proza e huaj përfaqësohet me këta emra si:
Thomas Mann, James Joyce, Franz Kafka, Isaac Bashevis Singer, përkthyer nga; Avni Alija, Davjola Ndoja, Elvana Zaimi dhe Ervin Lani.
Ndërsa nga proza shqipe nga emra si; Sabahudin Haxhialiqi, Musa Ramadani, Beqë Cufaj, Primo Shllaku dhe Andrea Hila.
Në seksionin e poezisë, poezia e huaj përfaqësohet me këta poetë:
Thomas Stearns Eliot, Cesare Pavese, Vladimir Holan, Roman Kissiov, Mirash Martinoviç, përkthyer nga; Ag Apolloni, Manjola Brahaj, Trina Gojani, Mexhid Mehmeti dhe Smajl Smaka.
Kurse emra të poezisë shqipe, ku nuk mungojnë emra të rinj, për këtë numër janë; Musa Ramadani, Bedri Hysa, Ymer Gashi, Milaim Berisha, Gani Xhafolli, Kujtim Morina, Shani Pnishi, Bekri Murselaj, Selvije Rexhepi, Bujar Vërbovci, Besnik Jaha dhe Alban Nuredini.
Drama përfaqësohet prej; Eugene O’ Neill përkthyer prej Ben Apolloni dhe një tragjedi e Ekrem Kryeziut.
Në “Jetën e Re” Nr. 1 për 2011-ën gjejmë edhe intervistën e Oroson Ëelles-it të përkthyer prej Lavdie Lulajt, dhe intervistën e Musa Ramadanit.
Ndërkohë në pjesën e kritikës dhe esesë në gjuhë të huaj janë emra si; Ernesto Sabato, John Barth, Jean Starobinski, Kazuhiko Yamamoto, përkthyer prej; Flurans Ilias, Gëzim Aliut dhe Arlind Hysës. Ndërsa në pjesën e kritikës dhe esesë në shqip gjejmë emrat; Martin Camaj, Ag Apolloni, Sokol Zekaj, Gazmend Bërlajolli, Prend Buzhala, Halil Matoshi, Naile Demiri dhe Nexhmije Kastarati.
Revista letrare “Jeta e Re” Nr. 1, 2011, ka 465 faqe, me një numër të madh shkrimtarësh, poetësh, dramaturgësh, studiuesish e përkthyesish të shquar, shqiptarë dhe të huaj që do t’i ofrojnë lexuesit shumë kënaqësi estetike dhe informacion rreth problematikave dhe zhvillimeve gjuhësore e prirjeve letrare bashkëkohore.

Mexhid YVEJSI, Gjakovë


Mbrapsht në krye Shko poshtë
 
Jeta e re - Një revistë letrare mbarëkombëtare
Mbrapsht në krye 
Faqja 1 e 1

Drejtat e ktij Forumit:Ju nuk mund ti përgjigjeni temave të këtij forumi
Bashkimi Kombëtar :: Arti dhe kultura :: Art dhe Kulturë-
Kërce tek: