Neper metaforen e lotit vetmimtar nga Nertila Toska

Në udhëkryq, magjistar

Ti ishe magjistari
që krijoi magji,
vërejta që me shpirt
shkatërrove dashuri, …
Ike dhe këtu më le,
por zëri im larg
të ndoqi me thirrje:
“Kurrë,
kurrë,
mos u kthe!”
Dhe nëse kthehesh
s’do të gjesh atë
që ishte dikur,…
Tani shpinën
ta kam kthyer
dhe zemra
më është bërë gur.
Dhe kur kalimtarët
të shikojnë
do të më shohin
në Udhëkryq,
a ndonjë vend
që tani s’jam,
asgjë tjetër,
veç një kufomë,
në muzgun
(agimin) tend
të vjetër.

Mbyllje syri

Po mbyll sytë
dhe shpirtin e lodhur
nga të qarët,
se vetëm në ëndërr
takohen të ndarët...

* * *
Në zemër të kam,
në shpirt të mbaj,
Jeta m’u bregos
se më mungon ti,…
Vetëtin në qiell,
sa herë psherëtij.

“Reptile”

Gjarpër do të bëhem
trupin tënd do të rrethoj,
nëse do një tjetër,
dije, atëherë do të helmoj…

EKSTAZË

Dua buzët e tua
T’i “gjakos”,
dua trupin tënd
ta puth,
ta ledhatoj,
deri në pafundësi;
dua të më shtrëngosh
të më mbash në gji,…
Kur do të vijë ajo ditë,
një Zot e di?


Nëse do ta dish
se ç’është dashuria:
Vur buzët e tua
te buzët e mia.

Pse më le pa emër?

Dikur ishe buzëqeshje
shuaje çdo lëndim,
tani u bëre “plumb”,
vrave shpirtin tim…
Më mbolle plagë
në shpirt e zemër,
më le të jetoj pa emër.

* * *
Ai që të do
të thërret në emër,
dhe nuk konsumon
“o shpirt, o zemër”.

* * *
Po i mbyll sytë, o shpirt
i lodhur nga të qarët
se vetëm në ëndërr
takohet të ndarët…

* * *
Mbi qerpikun tënd
qëndroi një flutur,
të lutem trëmbe ,
të të puth syrin e bukur….

* * * *
Një zemër e plagosur,
një buzë e ngrirë,
mallkojnë njëra tjetrën,
pse thanë “Lamtumirë”…

* * *
Këputa një trëndafil
ra në këmbët e tua,
desha të të them “Më fal”,
por të thashë të dua”…

A e kupton kodin e dashurimit?

Të do ai
që të sheh në sy …
Të do ai
që të flet në emër
dhe jo ai që të thotë
“o shpirt, o zemër”
(me ton përmendësh).

Të ndihem princeshë

Të lutem rri sonte,
mos shko,
ma ndiej dhimbjen
në kraharor,
mbështetu , I dashur,
në gjoksin tim,
shikomi plagët
që s’kanë gjetur mjekim…
Ma fshij lotin
që për ty rrëshqet,
më rri pranë ,
të ndihem princeshë…

Dije, më këtej, s’del

Nuk e di çfarë të shkruaj,
nuk e di çfarë të them,
di që hyre në zemrën time
dhe prej andej nuk del…

Imitim nolian

Anës detit
i vetmuar,
Anës detit
i dashuruar,
Anës detit
i trishtuar,
anës detit
kaq i huaj…

Pranë detit
kënduar,
pranë detit
duke vuar,
anës detit
dua të vdes…
Deti
me Detin
merren vesh …
Thuaj dashurisë
Thuaj këtej
Thuaj dhe andej
Fundja le të presë…

Ah, kjo lemza!

Në të zëntë lemza
në këtë mëngjes,
kujto emrin tim
dhe ajo do të heshtë…

Kodi i dashurisë

Sa do të dëshiroja
të isha lot
dhe të rilindja
në sytë e tu.
Të kisha sy e faqe
si të tuat,
t’i mbështetja,
të shtoja të puthurat.


Merri sytë e mi
të lagura me lot,
merre zemrën time
tërë plagë
dhe atëherë
do të deshifrosh
kodin e dashjes.

Më parë ishim tre:
unë, loti dhe dashuria,
sot jemi prapë tre:
Unë ti dhe dashuria.

Vello * * *

Fustanin e bardhë
njëherë ta vishja,
të më shikoje ti,
pastaj le të vdisja,
Veç dy pika loti
për kujtim,
të m’i hidhje lehtas
në fustanin tim.

* * *
Merr një limon,
çaje me thua,
por mos e kafsho,
se brenda më ke mua…

Përsëri me dy simbole

Hapi sytë
e mos i mbyll,
unë jam hënë
dhe ti je yll,
kur të qesh unë,
jam zë,
mos kujto,
se do të të lë,…
Kur ti qan,
unë jam lot,
nuk të ndërroj
me asnjë në botë…

“Kërkoj dy sy”

Nga zemra del malli,
nga syri del loti,
sa të dua unë,
s’e di as vetë Zoti!
Ndoshta kisha frikë
të puthja buzët e tua,
dridhesha e tërë,
para fjalës “të dua”.
Por tani po e kuptoj,
kam nevojë për ty,
si njeriu i verbër
që kërkon dy sy…

Ti je barometër

Asqë mund
ta marrësh ndërmend,
Sesi në njëzet e katër orët e ditës
të kam në mend
dhe në rast se një minutë
mendjen nga ty e heq,
ndiej dhimbjen
më të madhe
në shpirt e në dej…

Ti më kërkon përbetimin,
të të them sa fort të dua
Ti e kupton je baraometër,
s’e ndien dashurinë e huaj…

Simbolet ngacmuese

Si mund të harroj puthjet e tua,
si mund të mos përfytyroj
të qeshurën e ëmbël
Dhe në rast se….
çdo ditë shoh diellin
dhe çdo natë Hënën…
Simbolet më ngacmojnë
të përmendem…

Po nisen

Si mund unë ta kem
mendjen te një tjetër,
kjo është e lehtë të thuhet,
apo të shkruhet në letër….
Tashmë në këtë
ngrohtësi plot ndjenja,
Më prit të paktën
deri sa të vijë e diela…