GJIROKASTRA LETËRSI "PEGASI" "Bota eshte e guximtareve"

Programi i veprimtarisë historiko - letrare:
“ Bota është e guximtarëve” Kapedan Çelo Picari
Data 11.09.2010, ditë e shtunë , ora 10.00- 12.30
Një ndalje poetike te Gurra e Picarit të pjesëmarrësve nga Gjirokastra, Përmeti, Tepelena, Saranda... (Poezi nga poetet dhe shkrimtarët pjesëmarrës për Veprimtari) Fotografi ….
** Ekspoze e librave te krijuesve picariotë dhe të autorëve të tjerë që kanë shkruar për Picarin
Ekspoze gjithashtu dhe të disa librave të PEGAS INTERNACIONAL
*Në sallën ku do të zhvillohet veprimtaria organizohet qerasje sipas traditës labe
*Ekspoze e librave te krijuesve picariotë dhe të autorëve të tjerë që kanë shkruar për Picarin
*Vogëlushë picariotë të veshur me kostum kombëtar futen në sallë (lokal) dhurojnë lule dhe kërcejnë një valle të kënduar tradite...
Kumtime të prezantimit
1. Fjala hyrëse:”Picari, një fshat me tradita të larta patriotike dhe me kontribut në historinë shqiptare”
Kryetarit të Komunës Picar, z. Shkëlqim Guçe
2. Referencë: “Eksplorimi i figurave madhore te identitetit kombëtar, një detyrë shkrimore e pambaruar...”
Kristaq F. Shabani President i Lidhjes së Krijuesve “PEGASI” ALBANIA
Anëtar i Lidhjes së Shkrimtarëve dhe Artistëve Ndërkombëtarë I.W.A (OHAJO SHBA)
Anëtar i Lidhjes së Poetëve Bashkëkohorë (W.P.S)
3. Kumtim: “Konturimi i figurës së Çelo Picarit ne veprën e M.Peçit e parë në kontëkstin historik dhe disa përfundime logjike qe dalin për figurën e Çelo Picarit”
Dr. Shyqyri Hysi, Universiteti “Eqrem Çabej” Gjirokastër
4. Kumt: “Si përjetësohet dhe trasmetohet në veprimtarinë shkollore figura e Çelo Picarit dhe bashkëluftarëve të tij” Drejtori i shkollës së mesme Gazmend Duro
5. Montazh letraro - artistik nga nxënësit e shkollës së Mesme Picar, (Shfrytëzohet substrati i librit) si dhe interpretim të krijime te nxënësve të shkollës për Picarin dhe [elo Picarin si dhe nga poetë të Picarit...
Murat Memallaj , mësues , poet W.P.S
6. “ Folkloristika e Picarit, epiqendërzimi i figurës së trimtë dhe të zgjuar të Çelo Picarit dhe bashkëluftëtarëve të tij, lidhësia e kësaj trimërie dhe me heronjtë e vendeve të tjera”.
Lifto Peçi, mësues i historisë

7. Ilustrim melodik: “Trimëria përjetësohet në këngë” Këngë nga grupi i këngës “GURRA E PICARIT” me objekt Picarin dhe Çelo Picarin si dhe dhe grupi i të rinjve...
8. Fjala e auditorit: Përshtypëzime me objekt nga libri, mendime, propozime per figurën e Çelo Picarit: Halil Bilaj,ish punonjës kulture në Picar, Hadër Mevlani poet, Dino Çiço W.P.S, Lumo Kolleshi W.P.S poet- Përmet, Agron Shele W.P.S, poet Murat Memallaj W.P.S poet, Muharrem Guçe, poet, Dr. Laver Stroka publicist, Islam Kalemi, poet Tepelenë, Elefteria Kallojeri W.P.S poete, këshilltarë, bashkëfshatarë e tjerë.
9, Intervistë me autorin…. Interviston publicisti Kristo Stoja.
10. Përshëndetje nga poetë, shkrimtarë, studiues nga vendi, diaspora dhe vende të ndryshme të Botës(Kosova, Mali i Zi, Maqedonia, SHBA, Belgjika, Zvicër, Greqia e tjerë)
Lexon Sekretari i përgjithshwm Agron Shele.

11.Fjala e autorit
12. Fjala përmbyllëse, Dhenia e pasaportës së Pegasit autorit
Dreka e veprimtarisë (Këngë, valle , përshëndetje, dolli, dhurime librash bibliotekës së fshatit Picar nga Pegasi Internacional, autorë vendas dhe të huaj)
Gjatë përgatitjes së Drekës: Vizitë në ambientet e Komunës Picar të cilën e drejton një poet dhe artist (krijues), një bisedë e shkurtër. Evidentim dhe reklamimi i veprimtarisë së saj në organet e shtypit, median e shkruar dhe elektronike ( internet...)
Filmon veprimtarinë : Bastri Bihuci(Kameraman) Fotograf: J. Dede TV “Gjirokastra” Yllka Ponde W.P.S TV ALPO. Ekspozite fotografike ne mjediset e lokalit (Picari veprimtari, autori, librat)
Për veprimtarinë që do të zhvillohet do të njoftohen të gjithë anëtarët e Pegas Internacional në vend dhe në botë. Materialet e kësaj veprimtarie do të hidhen në internet http://pegasialëriters.tripod.com
Salla ku do të zhvillohet veprimtaria: Lokali i Namik Peçit (qendër Picar)
Sponsor te veprimtarisë historiko- letrare: Sponsor të veçantë, Autori, Komuna Picar
Lëvizja e pjesëmarrësve nga Gjirokastra në Picar dhe kthim në Gjirokastër fugoni me targa
Nisja: Lagjja 18 “shtatori” afër te lokalit të Kujtim Spahiut.
Në Votucë i bashkohet grupit nga Gjirokastra dhe poetët e shkrimtarët nga Përmeti dhe Tepelena.
Për LNPSHA “PEGASI” ALBANIA
Sekretari i përgjithshëm Z/Presidente për Diasporën Presidenti
/Agron Shele/ /Lediana Paja/ SHBA /Kristaq F. Shabani/

FTESË
Z, ZNJ, INSTITUCIONIT..................................................................................................
Më datën 11.09. 2010, ditën e shtunë, ora 11.00, në fshatin Picar organizohet veprimtaria historiko - letare: “BOTA ËSHTË E GUXIMTARËVE“ MBI BAZËN E LIBRIT ME TË NJËJTIN TITULL TË AUTORIT PICARIOT METE M. PEÇI.
Pjeëmarrja në këtë veprimtari është obligim, nderim dhe homazh.

LIDHJA NDËRKOMBËTARE E POETËVE, SHKRIMTARËVE DHE
ARTISTËVE “PEGASI” ALBANIA
KOMUNA PICAR
DREJTORIA E SHKOLLËS SË MESME ”SHYQO SINANI” PICAR

Mete Peçi

Bota e guximtarëve
KAPWDAN ÇELO PICARI

Monografi

Mete Peçi
“Bota e guximtarëve”
Monografi




Redaktor letrar: Kristaq F. Shabani I.W.A, W.P.S
Kopertina dhe arti grafik: Dashamir Vraniçi

Copyright Mete Peçi, 2009

Shtypur në Shtypshkronjën e Shtëpinë Botuese “Marin Barleti” Tiranë, 2009

Adresa e autorit
Mete Peçi
Tel. ++693816547
E-mail metepeci@yahoo.com

* *
Evidentimi i figurave kolorite të kontributit patriotik, mëmëdhetar merr edhe tashmë një rëndësi primare, pasi evidenton, plotëformon, atë pjesë traditore të shprehësisë, që shpesh herë me qëllim apo pa qëllim, lihet në mes të rrugës apo të udhëkryqit si një harresë e mjegulluar. Figurat potente me rol të pakontestueshëm në historinë e një populli çmohen dhe krijojnë atë mburrnajë të nevojshme popullore për “trimat” e lindur nga mitra popullore; peisazhohen në tablo mbajtmendëse dhe guximfolëse, të cilat shprehin identitetin e një populli, i cili, sipas meje, paçka nga risitë e shprehura edhe në bashkimet unikale mbetet identitet dhe krenimi për identitetin është i padiskutueshëm… Fizionomia, gjuha, psikologjia, temperamenti, personaliteti, tradita historike dhe ajo e gjithanshme, zakonet dhe gjithë procesi volitiv shprehin katërcipërisht prezantimin.

Nisma për të eksploruar sadopak apo sado thellë figura të ndritura, që nganjëherë tentohet të veniten, siç është rasti i Çelo Picarit, ndërmarrësi e autorit dashamirës ndaj faktit evident historik. Mete PeçI, është për t’u impulsuar.
Janë marrë dhe më parë disa nisma të shkurtra, të cilat rrëfejnë për kapedan Çelon, apo për bëmat e tij historike në letërsinë për fëmijë. Shumë dashamirës, krijues, autorë shkrimesh kanë hapur “sepetet” e arta të historisë dhe kanë gërmuar edhe për Çelo Picarin. Dhe s’ka si të ndodhë ndryshe. Çelo Picari është një figurë emërmadhe, e spikatur, e mençur, e zgjuar për kohën që jetoi, një kapedan popullor me një art të veçantë përballues ndaj kohës e mbushur me pushtim, robëri të tejskajshme, intriga e kurthe gijotinash, internime, eliminime makabre kundërshtarësh, surgjynosjesh… Një përballje e madhe e një populli të vogël që kërkon identitetin e vjedhur e të masakruar ndaj një Perandorie të madhe me ëndrra shekullore pushtimi e robëtimi… Një përballje që ushqim ka revoltën dhe protestën e trashëguar, e që krijohet e plotohet deri në shpërthesa të mëdha gjatë kohëve të mbarsura. Detyrimisht një kapedan vizionar për kohën, analitikën e saj, kërkon pa dyshesë një analizë të thellë të proceseve dhe fenomeneve. Dhe këtë e realizon bindshëm Çeloja, duke angazhuar vetveten, falë cilësive dhe talentit të tij si dhe profesionalizmit të krijuar në art drejtues kryengritës, falë pëqrgatitjes dhe shquarjes në

veprime angazhuese kundërluftuese ndaj pushtuesit. Emblematizmi i figurave pararendëse historike të shquara në fushën kryengritëse e angazhojnë dhe “diplomojnë” atë për të udhëhequr e vijësuar vërshimin e protestës dhe revoltës popullore. Por edhe përzgjedhja elementëve të tjerë kapedanë, lidhësia me figura madhore historike edhe në vendin fqinj e rreshtojnë Çelp Picarin në vijën e parë të rendimit të luftimit përballues dhe kryengritës, e bëjnë atë të shquajë dhe të përpunojhë taktika luftimi domethënëse përfituese dhe fituese.
Një nga pikat kyçe dhe që ka lojtur rol në suksesin e tij ka qenë kontakti, vlerësimi i masës së luftëtarëve, njohja e tyre emër për emër dhe studimi analitik i cilësive, karakteristikave të tyre. Vetëm një kapedan i tillë arrin përballjen dhe suksesin deciziv në teatrin e veprimit luftarak.

E kush mund të evidentonte bëmat, diplomacitë, përballjet, kundërshtitë, faktet, kurthet dhe intrigat ndaj tij? Kronikanët e kohës, por rol të madh evidentimi lot folklorika popullore, transmetimi gojor me një rol të madh, që është përcjellë memorialisht nga një brez në tjetrin dhe shkëlqimi i bëmës dhe efekti i kundërshtisë, i përballjes dhe i triumfit, vjen gjithësesi i shkëqimtë i përcjellur ndër kohëra. Vetëkuptohet që edhe folklorika në kushte e gjendje emocionale nuk mund t’i rezistojë emocionit shpërthyes, por duhet përmendur fakti që kanë qenë të shumta këngët historike të krijuara, por kanë qëndruar ato më të bukurat, më rezistentet, ato me më fakte evidente historike.
Kolori i krijimeve për Çelo Picarin si protagonist I kohës për të cilën jetoi dhe luftoi është i plotuar.

Argument bindës që e nxjerr protagonist n ëjetën politico-ushtarake si dhe në përballje Çelo Picarin janë figurat protagoniste të kohës me të cilat bashkëpunon, por edhe që përballet. Kjo jepet në monografinë e mete Peçit, n ndriçimin e kësaj figure përmase. Ali Pashë Tepelena, Marko Boçari, Zenel Gjoleka , Tafil Buzi, Sulltani, Kapodistria
Kalvari i internimeve, ardhur si rrjedhojë e intrigës dhe kurthit, balli i sulmimit, pjesëmarrja në evenimente historike, përleshja gjithmonë me “xhindin”dhe ridalje nga teatri i veprimit luftarak triumfues, posedimi i një titulli të lartë “Aga” popullariteti dhe besimi se fitorja niste që nga shpirti protestues dhe “rebel’ i Çelo Picarit, hyrje triumfale në Parlamentin grek me veshje të spikatur tradicionale shqiptare, një akt i pashembullt dhe befasues, trimëria për të mundur trimërinë, guximim për të nënshtruar guximin e kundërshtarit,

përdorimi i armatimit disponues me profesionalizëm, të bindin për thellësinë protagoniste të Çelo Picarit dhe krenimi picariot për birin e tyre të lindur në trojet e bukura, ku frymëmarrin, duhet të rritet më tej… E pse në Picar të mos ngrihet një “memorial “interesant, ku të madhështohet kjo figurë e madhështuar dhe Picari të marri atë që i takon nga që i ka dhënë historisë shqiptare? E pse të mos madhështohet ai që shumë herë koka iu afrua gijotinës turke dhe ajo s’qe në gjendje ta presë, siç veproi me të tjerë të mëdhenj të bëmave historike shqiptare që i intrigoi?!… Një çuditësi kjo historike, ku dhe pikëçuditsja vetë çuditet! Por kryefjala e këtij shpëtimi dhe vdekja e pavdekur me kokë të plotë ishte falë zgjuarsisë talentore të atij që dinte ta mbante kokën në supe…
Kristaq F. Shabani President i Lidhjes së Krijuesve “PEGASI” ALBANIA
Anëtar i Lidhjes së Shkrimtarëve dhe Artistëve Ndërkombëtarë I.W.A (OHAJO SHBA)
Anëtar i Lidhjes së Poetëve Bashkëkohorë (W.P.S)

Gjirokastër, Gusht 2009

Labëria është një trevë e gjerë, e cila fillon nga lumi i Vlorës, përfshi Himarën, gjithë bregdetin deri në Kalasë, afër Delvinës, pothuaj gjithë zonën e jugut deri te lumi Drinos e përfshin Vjosën. Fjala Labëri, sipas prof. Çabejit, vjen nga ilirishtja që do të thotë “ Me dalë në mal“ , me Laburu… Labëria është treva e Kaonëve të periudhës ilire që Tukididi e përmend në vitin 629 p. e. s. si “ fisi ilir i Epirit “. Ndërsa në mesjetë përmenden fiset arbëreshe të Korsvesejve, Krisjve, Risilejve, Plesejve etj. Nga shumica e autorëve pranohen ndarje të vogla të Labërisë: Kurveleshi, Rrëza e Tepelenës, Kardhiqi, Rrëzoma, Bregu i detit, Fshatrat e lumit të Vlorës, Gryka e Dukatit etj.

Kurveleshi një krahinë e pastër etnike e Labërisë përfshin 17 fshatra. Besimi fetar, sipas shumë studiuesve, ka qenë ortodoks. Një pjesë, që nuk e duruan dot sundimin turk shkuan në Zagori. Kurveleshi lartësohet nga një luginë e madhe e rrethuar nga disa lumenj.
Picari bën pjesë në Kurveleshin e Poshtëm. Lashtësia e Picarit duhet të ketë qenë shumë më e vjetër nga çka është shkruar ose menduar. Toponimet e ndryshme flasin për banime të lashta dhe të shumta si shpella e Boxhos (vendstrehim i lashtë), shpella në përroin e Visalait etj. Nga disa burime del se Picari është ndërtuar në vendin e quajtur “ Qafa e Kryqit“. Shumë versione të ndryshme ka sesi dhe kur është krijuar fshati Picar. Sipas disa të dhënave e veçanërisht nga data e gdhendur mbi portën e xhamisë së Picarit, ku shkruhej për krijimin nga vitet 1600 – 1700. Ai është krijuar nga banorë të ardhur.
Një gojëdhënë e vjetër thotë: “ Picari u krijua nga dy vëllezër të ikur për hasmëri nga fshati Lekdush. Këto familje quheshin Boxhaj dhe Skëndoagaraj. Kështu u formuan 2 mëhallat e para. Në mëhallën e Skëndoagaraj lindi edhe Xhelil Mehmeti ( i quajtur Çelo Picari ).

Njohuri për Çelo Picarin


Kush ishte?!

Emri i vërtetë i Çelo Picarit ka qenë Xhelil Mehmet Bega. Ka lindur më 1801 në fshatin Picar të Kurveleshit. Rridhte nga një familje e varfër. Xhelili ishte i biri i Mehmetit dhe Xhikos. Ka përdorur dy mbiemra, emrin e babait dhe emrin e fshatit të tij. Ndërsa Mehmeti, xhaxhai (Mahmuti) dhe gjyshi (Seferi) kanë përdorur mbiemrin Bega. Çelua s’ka pasur vëllezër.

Kishte vetëm një motër Salihenë, e cila ka qenë e martuar në fisin Çarçanaj të Fushëbardhës së Gjirokastrës. Çelua, pasi njohu pak veten, u mor si gjithë shokët e tij me ruajtjen e bagëtive. Ai kishte tetë xhaxhallarë të shquar për trimëri në të gjitha krahinat. Bijtë e kësaj dere ishin luftëtarët me emër si: Veliko Jaçe, Latif Elmazi, Kalo Hadëri etj. Shumë herë i kishin hapur telashe pushtuesit turk. Jo më kot gjyshin e Çelos, Seferin, për tetë bijtë e tij trima, rapsodi popullor i këndonte:
…Sefer Bega, Sefer Bega,
kazani me tetë vega…
Një nga vendet që këta trima kanë lënë gjurmë, i cili mban emrin “ Buza e Sefer Agait “, ndodhet në afërsi të fshatit Luzat; është me emër nga pozicioni i tij gjeografik, terren mjaft i thepisur. Çelua bridhte mbas dhive me atë shkathtësinë dalluese nga shokët e fëminisë, madje shokët e thërrisnin “ Çelo Bruci “, ngaqë mbante krahëve gjithmonë një bruc të vjetër, të babait, që Xhika ia kishte rregulluar pas trupit. Prindërit e Çelos donin ta ruanin

nga ndonjë hakmarrje e vjetër dhe e largojnë nga fshati për t’i dhënë edhe shkollë, ku e dërguan tek miqtë e vjetër të tyre, te Mehmet Topulli, në Gjirokastër. Por për fat të kqe, nuk ishte e përshtatshme ajo strehë, pasi u diktua nga armiq të familjes së tij. Jo vetëm u shpëtoi plumbave, por shtriu përdhe dy prej armiqve, që tentuan ta vrisnin. Kordhëtari i ri për të shpëtuar nga hakmarrja, me ndihmën e bashkëfshatarëve të tij, Abas Thana e Karafil

Sinani, që ishin me Ali Pashë Tepelenën, arrin të futet në oborrin e Pashait në Janinë. Për t’u

futur brenda nuk ishte e lehtë, pasi pashai i merrte në një provim të vogël. Kështu Çelua me pallën e të jatit do të hynte tek Veziri. Kaloi midis dhjetra rojeve të armatosura. Aliu përplasi duart dhe dha urdhër për ta kapur, por Çelua nuk u tremb. Ai me gjakftohtësi nxori pallën dhe mori pozicion për vetmbrojtje me shpatë në dorë. Atëherë Veziri vuri buzën në gaz dhe iu drejtua rojave që ta lejonin, duke thënë : “ Ky bën për mua! “ Çelua në oborr mësoi shumë shpejt mjeshtërinë e luftës dhe u shqua midis fëmijëve të tjerë të oborrit si Marko Boçari, Odise Andruco, Thanas Dhiako etj., kapedanë të ardhshëm të Greqisë. Çelua dilte shumë herë fitimtar në lojërat ushtarake, që organizoheshin. Lëvizjet e tij të zhdërvjellta, dora e sigurt në përdorimin e shpatës, nuk mund të mos binin në sy të Ali

Pashës, i cili i entuziazmuar nga kurveleshasi i vogël i vuri emrin “ Çelo Palla “. Çelua mori disa virtyte të larta tipike si: thjeshtësinë, dashurinë për shokët. Ai çmonte shumë shokët e vegjëlisë, që kishte bredhur me ta me gjysmë opingë në shkrepat e Kurveleshit. Nuk fliste kurrë për trimëritë e tij. Trupi i tij i gjatë e i bëjshëm, i fortë si lisi e i shkathët e gjithmonë i gatshëm për beteja.

Aftësitë e Çelos

Në vitin 1821 pikërisht, kur Çelua kishte mbushur 20 vjeç, Ali Pasha kishte mundur të realizonte bashkimin e shqiptarëve me grekët dhe i kishte shpallur luftë “ Portës së Madhe“ , Turqisë. Çelua ishte caktuar komandant në kalanë e Tepelenës bashkë me Veis Vasjarin. Në atë kohë duket se kishte dalë mbi Marko Boçarin, pasi populli i këndonte:
Marko Boçari suljot,
qan e të këput me lot,
se me Çelon s’e dil dot,

është djalë picariot.

Marko Boçari

Forca të mëdha turke sulmuan Shqipërinë nga toka dhe nga deti. Sipas burimeve arkivore në Tepelenë, armiku pësoi një disfatë të madhe nga forcat e Ali Pashës, të udhëhequra nga Çelua e Veizi. Pas çdo luftimi populli gjente kohën që të shprehej me këngë:
Kalaja në Tepelenë,
bir o bir, o Ali Pashë
ç’i mban trimat levendë.
Bir o bir, o Ali Pashë ( Rëfreni )
kapedan Çelo Picarë,
o Asllani Veis Vasjarë…
Me tërheqjen e trupave të Aliut nga Tepelena, Çelua kalon në Janinë, ku mbrohej Ali Pasha. Në ato beteja Çelua plagoset. Me gjithë plagët që kishte marrë, ai nuk tërhiqet, duke sulmuar në krye të 300 djemve kurveleshas, duke hyrë nga brenda në Janinë e duke detyruar turqit të tërhiqeshin jashtë qytetit. Turqia, mbas shembjes së shtet pashallëkut autonom të shpallur nga Ali Pashë Tepelena, më 5 shkurt 1822, dërgoi në Shqipëri me

dhjetra ekspedita ndëshkimore osmane, për të vënë në jetë reformat e saj centralizuese në administratë e ushtri. Edhe vendi ynë do të administrohej me njerëz që kishin kombësi turke. Në atë kohë shtetet e mëdha kishin një potencial ekonomik dhe ushtarak të fortë. Këto mund të ktheheshin në pika mbështetjeje për shtetet e mëdha europiane për të sulmuar perandorinë turke. Në këto rrethana popullsia e krahinave jugore të atdheut vendosi t’i përgjigjej pushtuesit osman me grykën e pushkës. Historiani grek, A. Psalidha, në vlerësimin e drejtë që u bën shqiptarëve e asaj kohe në Europë shprehet: “Shqiptarët si njerëz të zhdërvjelltë që janë, filluan të diskutojnë rreth ngjarjeve të Europës…”.

Në këtë kohë mund të themi se. me gjithë fanatizmin e fesë dhe me gjithë interesat e kundërta, që kishin shqiptarët me njëri-tjetrin, u treguan para gjithë botës se ishin tjetër kombësi. Me zgjuarsinë e tyre hynë menjëherë në kuptimin e ngjarjeve dhe i kuptuan ato në mënyrë të drejtë. Sundimtari i ri i Turqisë do të përdorte edhe forma të reja si e si të eleminonte krerët e kryengritjeve, që ishin bërë ferrë e tyre. Ky pasha me maskën e amnistisë mundi të hedhë në dorë shumë luftëtarë të Ali Pashë Tepelenës. Një pjesë të mirë i vrau, i burgosi dhe i internoi nëpër vendet e largëta të perandorisë së madhe osmane, kurse luftëtarët e rinj të Aliut si: Halit Frashërin, Myftar Qafezilinë nga Kolonja, Çelo Picarin, Veliko Jaçen nga Picari i Kurveleshit, Asllan e Kapllan Kucën nga Progonati, përsëri nga Kurveleshi etj. , së bashku me forcat e tyre i mori me vete. Komanda ushtarake turke, ish luftëtarët e Ali Pashës, i vinte nën një mbikqyrje të rreptë. Ajo nuk kishte besim tek këta komandantë shqiptarë. Oficerët osmanë e kishin akoma të freskët qëndrimin burrëror të këtyre trimave shqiptarë që, së bashku me kapedanët grekë, nën komandën e Ali Pashës, u kishin dhënë, sa herë dërmën hordhive të shumta osmane para dyerve të kalasë së Janinës. Stambolli e kishte të qartë se shumë prej trimave shqiptarë si Çelo Picari me shokë ishin rritur në oborrin e Aliut me udhëheqës të kryengritjes greke nga më trimat,