Dy skicime interesante nga Astrit Reçka

Titulli: Re: Dy skicime interesante nga Astrit Reçka Fri Feb 19, 2010 11:06 pm

Aty për aty pashë sesi i shndritën sytë nga gëzimi dhe përnjëherë u çua në këmbë, si me komandë. Në moment vjen Abazi dhe i bëj me shenjë që mos ta vazhdojë bisedën. Ajo mori karafilin dhe vajti nga dhoma tjetër. Qëndrova dhe pak dhe u largova bashkë me Abazin, se do të takoheshim me disa shokë të tjerë, tek një lokal, ku rrinim përherë ne shqiptarët. Në fakt nuk njihja njeri tjetër nga Shqipëria në atë qytet, por kishte plot kosovarë dhe shqiptarë nga Maqedonia dhe Mali i Zi. Aulona më kishte futur një letër në xhep dhe më vonë pashë se ajo atje kishte pikturuar një zemër të ndarë në mes nga një karafil dhe dy inicialet e emrave te tyre M. dhe A.

Titulli: Re: Dy skicime interesante nga Astrit Reçka Fri Feb 19, 2010 11:06 pm

Të nesërmen takova Mirkën dhe i dhashë letren e Aulonës. Nuk besonte tek ato që i thashë. I dukej si një ëndërr.

- Ti bleve një karafil dhe ia dhurove nga ana ime?! - duke shprehur edhe habi edhe çudi. - Më duket e çuditshme, por si të vajti në mendje kjo punë!

Ne të dy flisnim anglisht gjithmonë me njëri - tjetrin, por, në ato momente, ai më foli shqip:

- Faleminderit, shumë faleminderit! Je i madh,… Me gjithmend je i madh!

Titulli: Re: Dy skicime interesante nga Astrit Reçka Fri Feb 19, 2010 11:07 pm

Më kishte thënë njëherë. Kishte mësuar shqip se kishte një mik shqiptar që në fëmijëri dhe venin dhe vinin dhe familjet e tyre mes njëri - tjetrit. Ndonjëherë, kur isha në punë i mërzitur, vinte dhe me shante shqip, vënçe, si i themi ne, dhe pastaj qeshnim me njëri- tjetrin sa dëfrenim me shakatë që bënim.Më vonë e mësova se miku i tij i ngushtë kishte qënë Trimi, djali i Abazit. Edhe ata kishin ardhur familjarisht në Gjermani dhe të dy familjet bëheshin sërish, por një ngjarje e hidhur i prishi këto marrëdhënie.

Titulli: Re: Dy skicime interesante nga Astrit Reçka Fri Feb 19, 2010 11:07 pm

Një vëlla të Abazit e kishin vrarë në Kosovë serbët në kohë trazirash dhe dalë nga dalë këto marrëdhënie u ftohën.

Një ditë i them Abazit, tek po pinim kafe bashkë, si për ngacmuar me një fjalë, si për t’i blerë mendjen:

- Djalë i mirë ky Mirka, apo jo?

- E kam parë se të pëlqen të rrish me të. I mirë është por, ç’e do se, - qëndroi një moment pa folur dhe vazhdoi, - është serb.

Titulli: Re: Dy skicime interesante nga Astrit Reçka Fri Feb 19, 2010 11:08 pm

- E çfarë ka të bëjë kjo, - i thashë.- Mbi të gjitha njeri apo jo?

- Eh, është histori e vjetër kjo.

Kisha parë me sytë e mi urrejtjen mes serbëve dhe kosovarëve atje dhe kisha dëgjuar për raprezaljet e serbëve dhe përkeqtrajtimet që bëheshin në Kosovë.

Më vonë, një ditë tjetër, më tregoi historinë e familjes të tij me atë të Mirkës dhe për vrasjen e vëllait të tij . Për prindërit e Mirkës më fliste me shumë respekt. Dhe historia e dashurisë së vajzës tij me Mirkën doli natyrshëm, por këto ishin pengesat që ekzistonin ndërmjet tyre që kjo dashuri ishte e destinuar të mos vazhdonte më.

Titulli: Re: Dy skicime interesante nga Astrit Reçka Fri Feb 19, 2010 11:08 pm

Aulona u sëmur dhe u shtrua në spital. Me një ndërhyrje të vogël timen, i kërkova Abazit që t’i jepte një mundësi Mirkës t’i bënte një vizitë në spital Aulonës.

- Nuk e di se çfarë të të them... Nuk vendos dot. Mos kujto se, unë jam ndonjë prapanik me kohën e turkut... Ti e kupton se në çfarë dileme jam: ta lejoj atë dhe të shkel mbi betimin ndaj vëllait tim, apo mos ta lejoj dhe të mbyllet kjo punë një herë e mirë. Edhe unë e kuptoj pse është e sëmurë vajza, por nuk e di se këto punë janë pak me zarar. Nuk e di, nuk e di... Nuk ta jap fjalën dot tani!... Të shohim, të shohim....

Titulli: Re: Dy skicime interesante nga Astrit Reçka Fri Feb 19, 2010 11:08 pm

Mbas disa ditëve më thotë si me gjysmëzëri:

- Po mirë, thuaj që të shkojë dhe ta takojë në spital atë.

Kaq tha dhe iu duk sikur u rrëzua gjithë bota.

E lajmërova Mirkën, pas pak, dhe i thashë fjalën që më kishte thënë Abazi.

E la punën në mes dhe fluturoi nga gëzimi. Iku direkt në spital me një tufë me karafila në duar.

Titulli: Re: Dy skicime interesante nga Astrit Reçka Fri Feb 19, 2010 11:09 pm

Të nesërmen e kishin vizituar edhe prindërit e Mirkës në spital Aulonën.

Nuk e di a bëra mirë, apo bëra keq, që u mundova që ata të bashkoheshin përsëri me njëri - tjetrin, por di që ata, të dy, Mirka dhe Aulona janë martuar; kanë dy fëmijë dhe jetojnë në Montreal, në Kanada sot duke dhënë një shembull të madh të paqetimit e duke u shndërruar në simbol të tolerancës...

“Chastel –R!“

» Letër e hapur Kacelares Merkel nga Astrit Reçka