Dy skicime interesante nga Astrit Reçka

Titulli: Re: Dy skicime interesante nga Astrit Reçka Fri Feb 19, 2010 10:45 pm

Tëre natën edhe një, edhe një lojë, gjer në orën dhjetë të ditës tjetër, në mëngjes. U alarmuan të tërë. Disa thonin se mos ishte rrëzuar gjëkundi; të tjerë thonin se mos e kishte ngrënë ndonjë bishë e egër mali dhe në fund, kur ky doli nga dhoma, u habitën të gjithë si kishte shpëtuar, se tërë natën kishte rënë dhe borë. Gruaja, sa e pa, iu hodh në qafë dhe filloi ta mbyste me të puthura. Njerëzit u mblodhën të gjithë pranë dhe po e shikonin si të habitur. Dikush mori guximin dhe e pyeti:

- Po hë, more trim, pa na thuaj pak si ia dole, si ia bëre, pa na thuaj pak....

Titulli: Re: Dy skicime interesante nga Astrit Reçka Fri Feb 19, 2010 10:45 pm

Kishte në këtë interesim një kuriozitet te veçantë...

Dhëndri i ri duke mos ditur gjë fare, se çfarë kishte ndodhur dhe gjithë ai alarm, që ishte bërë, i përgjigjet si me pompozitet:

- Në fakt, gjatë gjithë natës, u përpoqa shumë, një herë bëja sulm unë dhe ai mbrohej, një herë bënte sulm ai dhe unë e përballoja. Pothuajse, gjer në mëngjes ishim aty, aty, barazim,… Pastaj, në fund, ai u lodh shumë dhe unë ia bëra tetë me dy.

Titulli: Re: Dy skicime interesante nga Astrit Reçka Fri Feb 19, 2010 10:46 pm

Një duartrokitje e fortë e shoqëroi “epilogun” e rrëfenjës së tij dhe kjo sjellje triumfi e bëri të largohej në dhomë me nusen , e cila e kishte kapur dhe e shtrëngonte gjatë gjithë kohës, se mos i ikte prapë “gjahtar -shahisti”. Dhe këtë çuditëri ndodhie dhe ankthi e mori vesh ai nga nusja e tij në dhomë. Atë ditë nuk doli fare nga dhoma. Por më keqja qe se, të nesërmen, dhe gjer në fund të kampit, të tërë e shikonin si një fitimtar të madh, që kishte fituar. Dhe nami i doli se kishte mbytur ariun... Dikush tjetër thoshte ujkun, dikush çakallin.... dikush... Nuk mbaroin epiqendërzimet e këtij protagonisti të madh të “gjuetisë“. Dhe në fund, para mbarimit të kampit, i bënë një darkë madhështore.

Titulli: Re: Dy skicime interesante nga Astrit Reçka Fri Feb 19, 2010 10:46 pm

Por të vërtetën e dinim vetëm dy vetë, dhëndri i ri dhe partneri me të cilin ai luajti shah. Pra me një fjalë luajtën dymbëdhjetë orë shah! Një rekord loje në këtë lojë të pazakontë që të tërheq si magnet.

Titulli: Re: Dy skicime interesante nga Astrit Reçka Fri Feb 19, 2010 10:47 pm

Në fund Hermani, bëri një ndërhyrje “shahistike“:

- Kujdes se, këtu nuk je me ujkun në pyll, por me… Hermanin, zanatxhiun e shahut…

Titulli: Re: Dy skicime interesante nga Astrit Reçka Fri Feb 19, 2010 10:47 pm

- Der Meerwolf, (ujkun e detit) - iu përgjigja unë.

E dija se e kishte qejf këtë epitet meqënëse kishte punuar një jetë të tërë në det, në marinën tregtare, kapiten anije.

- Shah dhe mat!- tha Hermani me pozicion triumfatori, duke vijuar: - Dhe tani kërkoji të falur gruas sime, që më mbajte kaq gjatë…

U drejtua nga ajo dhe i tha duke qeshur: - E lodha tërë ditën dhe e munda tani në darkë edhe në praninë e një dëshmitari të madh si ty , Berta!

Titulli: Re: Dy skicime interesante nga Astrit Reçka Fri Feb 19, 2010 10:47 pm

U ndamë, si dy miq të vjetër, dhe duke i dhënë fjalën Bertës se nuk do të rrinim më aq gjatë. Por ndërhyri përsëri në fund Hermani dhe tha duke qeshur:

- Të jap fjalën se sot nuk do të luajmë më! Hajde, natën e mirë, mik.

Natën e mirë! Dhe të dy me Blertën u ndanë nga unë me një buzëqeshje falënderuese në fytyrë.

Titulli: Re: Dy skicime interesante nga Astrit Reçka Fri Feb 19, 2010 10:48 pm

“Chastel – R!“.

Titulli: Re: Dy skicime interesante nga Astrit Reçka Fri Feb 19, 2010 11:00 pm

Skicimi ndjek skicimet....

Titulli: Re: Dy skicime interesante nga Astrit Reçka Fri Feb 19, 2010 11:01 pm

A KA DASHURIA NACIONALITET?...

Si shumë shqiptarë të tjerë, kisha emigruar jashtë shtetit. Punoja në një qytet të vogël, ndoshta me një page modeste, por me mundësi të mëdha për të mësuar dhe, sigurisht, për të prurë një përvojë të re në vendin tim. E vetmja gjë që më mungonte, natyrisht, ishte malli për familjen, miqtë dhe vendin tim. Aty, ku punoja kishte njerëz nga vende të ndryshme të botës dhe, brenda një kohe të shkurtër, hyra në brendësi si të punës, ashtu dhe në marrëdhënie me kolegët e tjerë.

Titulli: Re: Dy skicime interesante nga Astrit Reçka Fri Feb 19, 2010 11:01 pm

Ndoshta kjo ka të bëje me tipin tim paksa të hapur, si dhe me aftësinë time profesionale për të kapur gjërat shpejt dhe me pasion.Një ditë, një kolegu im më ftoi për kafe, mbas orarit të punës. Ne shkuam ta pinim kafen jashtë qytetit dhe udhëtuam me veturën e tij. Ai quhej Mirka dhe ishte serb nga Prishtina. Ishte rreth njezetë e tetë vjeç, i gjatë, simpatik dhe pak bjond

Titulli: Re: Dy skicime interesante nga Astrit Reçka Fri Feb 19, 2010 11:01 pm

Lokali ku u ulëm kishte pronar serb.

Mirka ia bëri me dorë pronarit të lokalit dhe ai u afrua drejt nesh duke na uruar mirëseardhjen. Mirka më prezantoi mua dhe tha :

- Alberti është kolegu im në punë dhe është shqiptar nga Tirana.

Titulli: Re: Dy skicime interesante nga Astrit Reçka Fri Feb 19, 2010 11:02 pm

Ndërkohë unë ndërhyra: - Shqiptar, thjesht dhe bukur shqiptar.

Dhe pronari, mbasi na pershëndeti, na tha :

- Sot jeni të ftuarit e mi specialë...., -qeshi dhe u largua.

Pyes kolegun: -Përse ne duhet të jemi të ftuarit specialë sonte?

Ai me thotë se këtu nuk para vijnë shqiptarë. Personalisht jam i zhveshur nga paragjykimet si nacionale, fetare ashtu dhe morale apo ekonomike qofshin ato.

Pronari i lokalit na prezantoi me tavolinat e tjera si të ftuarit e tij dhe duke iu drejtuar orkestrës i tha: - Një melodi shqiptare për miqtë e mi.

Mbas një pauze të shkurtër orkestra nisi të luante një serenatë korçare. Në atë moment, nuk e di sesi, por m’u kujtuan vitet e shkolles së mesme, kur ne dilnim mbasditeve vonë nga liqeni a ndonjë vend tjetër dhe këndonim.

Titulli: Re: Dy skicime interesante nga Astrit Reçka Fri Feb 19, 2010 11:02 pm

Dhe fillova dhe unë, të shoqëroja me zë të ulët orkestrën. Mbasi mbaroi kënga, pati një duartrokitje nga klientët e tjerë. Unë u ngrita në këmbë u drejtova drejt tyre duke i falënderuar për respektin që treguan ndaj nesh dhe i pyeta:

- Ku e keni mësuar këtë melodi?

Një prej atyre, që i binte fizarmonikës, me shumë dashuri m’u përgjigj:

- Jam studiues i muzikës ballkanike dhe serenatat korcare më pëlqejnë shumë.

Me thënë të drejtën, në ato momente, zemra m’u bë mal, dhe instiktivisht nxora nga xhepi 20 marka për t’i lënë tek orkestra, por ata nuk i pranuan ato, në asnjë mënyrë.

Titulli: Re: Dy skicime interesante nga Astrit Reçka Fri Feb 19, 2010 11:03 pm

Njëri prej tyre u çua në këmbë dhe tha :

- Ishte kënaqësi shume e madhe të luanim një muzikë kaq të bukur.

Orkestra vazhdonte të luante muzikë të bukur vazhdimisht dhe salla kishte marrë një pamje ambienti tepër festive. Dikur kam qenë valltar, sigurisht jo profesionist. Hyra shpejt dhe lirshëm në vallet e bukura sllave. Madje, në një moment, porosita orkestrën të luante një valle ruse “Hej lin gagalin, gama ja“.

Titulli: Re: Dy skicime interesante nga Astrit Reçka Fri Feb 19, 2010 11:03 pm

Orët po kalonin pa kuptuar dhe po shikoja një shqetësim te kolegu im.

E pyes atë: -Më duket sikur do të më thuash diçka apo jo!

Ai ndenji pak si mbi gjëmba dhe foli si nëpër dhëmbë:

- Jo, por, nuk dua të ta prish sonte këtë kënaqesi që po kalojmë bashkë. Ndoshta edhe unë nuk e mendoja gjithë atë mikpritje që na bënë. Unë shikoj që, ti ke qejf të rrish, se ti edhe vallëzon dhe futesh pa teklif në ambient, por mua më duhet të iki, se nesër jam në punë në mëngjes.

Titulli: Re: Dy skicime interesante nga Astrit Reçka Fri Feb 19, 2010 11:03 pm

- Atëherë, si të duash,- i thashë, - e lemë për herë tjetër.

Mesnata kishte kaluar dhe, mbasi u përshendetëm me pronarin dhe me orkestrën, u nisëm për të ikur, por pronari nuk e la Mirkën të ngiste makinën, sepse ai kishte pirë pak dhe porositi dikë tjetër të na çonte në banesë.

Para se të ndaheshim më drejtohet, sikur po me lutej:

Titulli: Re: Dy skicime interesante nga Astrit Reçka Fri Feb 19, 2010 11:04 pm

- E njeh mirë ti Abazin? (Me Abazin punonim tok të tre). Qe një burrë i mirë shumë. Në Kosove kishte punuar në punë me përgjegjësi, por ishte larguar prej andej, para disa vitesh me gjithë familjen dhe ishte stabilizuar. Kuptohet në një punë jo shumë komode për atë, por ishte shumë i kënaqur se kishte mundësi që t’i shkollonte fëmijët më mirë).

Titulli: Re: Dy skicime interesante nga Astrit Reçka Fri Feb 19, 2010 11:04 pm

- Unë e njoh, qëkur kam ardhur këtu në Ulm. Kam disa muaj që e njoh, madje më ka ftuar dhe dy herë në shtepi. E njoh familjarisht, të tre djemtë edhe vajzën, Aulonën, - dhe duke iu drejtuar pak si me qëllim jo të keq, i thashë: -Ti e njeh Aulonën, vajzë shumë e bukur dhe e zgjuar.

- Edhe unë i njoh,… I njoh shpejt që në Beograd. Me Trimin, (kështu e quanin djalin e madh të Abazit) kemi qenë në shkollë bashkë që nga klasa e parë dhe deri në gjimnaz. Kam dalë shumë herë në fotografi me atë; kemi festuar ditëlindjet bashkë, se kemi lindur në një ditë. Edhe familjet tona bëheshin shumë me njëri - tjetrin, por,... - dhe mori frymë thellë. - Këto rrëmujat që ndodhën i ftohën marrëdhëniet në mes nesh dhe unë nuk mund ta takoj sërish Aulonën,… Ti e kupton seç dua të them apo jo?

Titulli: Re: Dy skicime interesante nga Astrit Reçka Fri Feb 19, 2010 11:04 pm

Më sytë që po fillonin t’i mbusheshin me lot më tha papritur: – Unë e dua atë,… E kupton,… Ne kemi shumë vite që duhemi dhe i kemi dhënë fjalën njëri – tjetrit… Çfarë të bëj unë tani?! Edhe prindërit e mi e dinë. Dhe ata e njohin Aulonën. Unë e kuptoj që është e vështirë kjo punë, por ç’faj kam unë që atje ka trazira dhe,…

- Unë e kuptoj shumë mirë se ju duheni,… Nuk e di sesi do ndërhyj, por them se kjo punë kam besim se do të rregullohet…. Po me Trimin takohesh apo jo?

Titulli: Re: Dy skicime interesante nga Astrit Reçka Fri Feb 19, 2010 11:05 pm

- Me rri pak ftohtë edhe ai. Ndoshta nuk e lënë dhe atë të flasë me mua. Vetëm një përshëndetje të thatë bëjmë. Shpesh mundohet që të më hapet, por përsëri kthehet nga mendja. Edhe unë dua që t’i flas, se ai e di shumë mirë se sa duhemi ne, por,...

- Natyrisht ka gjithmonë një ”por“, por dikush duhet të çajë akullin. Mirë, hajde tani, natën e mirë dhe pafsh ëndëra të bukura, -i thashë.- Takohemi nesër në punë.

Titulli: Re: Dy skicime interesante nga Astrit Reçka Fri Feb 19, 2010 11:05 pm

- Natën e mirë dhe faleminderit dhe mos i thuaj gjë Abazit për këto budallallëqe, që të thashë, se më vjen turp nga ai, - u përgjigj Mirka dhe ndenji ashtu në këmbë, pa lëvizur disa çaste.

U shtriva ashtu siç isha me gjithë rroba në krevat dhe ndenja një copë herë, duke i ngulur sytë në tavan. Fillova të mendoja shumë gjëra përnjëherësh.

Titulli: Re: Dy skicime interesante nga Astrit Reçka Fri Feb 19, 2010 11:05 pm

Herët në mëngjes më doli gjumi. Bëra një dush, pothuajse me ujë të ftohtë, dhe dola për të pirë një kafe në një lokal aty pranë. Mendova t’i bëja një vizitë në shtëpi Abazit, meqënëse atë ditë ishte Njëzete e Tetë Nëntori, Ditë e Pavarsisë. Mendova dhe për një dhuratë simbolike. Kisha marrë një punim në bakër të Skënderbeut. Me atë rast thashë mbase më jepej edhe mundësia të flisja edhe me Aulonën vetë, pastaj me ata të tjerët. Por këto punë donin shumë kujdes, sepse mund të ndikonin, mbase edhe për keq.

Titulli: Re: Dy skicime interesante nga Astrit Reçka Fri Feb 19, 2010 11:05 pm

Nga dreka mora dhe një tortë të vogël dhe një karafil të kuq. E dija se kosovarët i donin shumë karafilat. Më pritën me shumë respekt dhe, mbasi u pyetëm për gjërat e zakonshme, filluan si gjithmonë nga armatimet që kishte Shqipëria. A do të futej në luftë, në rast agresioni nga serbët, dhe shumë gjëra të tjera. Aulona ishte sëmurë dhe ishte shtrirë në një divan.

Titulli: Re: Dy skicime interesante nga Astrit Reçka Fri Feb 19, 2010 11:06 pm

- Ka një javë që është kështu. As ha dhe as do të pijë, -sugjeroi e ëma e saj,… Është katandisur si mos më keq,… Kockë dhe lëkurë është bërë.

Në nje moment ngela vetëm me Aulonën dhe i thashë me të shpejtë:

- Karafilin ma dha Mirka të ta jepja, - dhe, si për ta provuar pak, vazhdova,-Eshtë djalë i mirë ai e njoh,… Punojmë bashkë të tre, unë Abazi dhe Mirka.

» Letër e hapur Kacelares Merkel nga Astrit Reçka