"Dashuria, alfa dhe omega e jetës"nga Petro Dudi

1. Lulja s’ka nevojë për stoli.

2. Njeriu është tre në një.

3. Kush di të çmojë, di dhe të falë.

4. Vetmia ku s’ka këmbë njeriu është e frikshme.

5. Vetmia mes njerëzve është e dhimbshme.

6. Qengji dhe sikur të lehte, nuk do ndalonte ujkun të bënte gjëmën.

7. E keqja është se e keqja është bërë nënë.

8. Marrëzia gjithmonë është fodulle, fodullëku është një lloj marrëzie.Në të vërtetë nuk janë dijetarët e filozofët që rrokin të fshehtat e kuptimin e jetës, por

1. HUMORISTËT.

2. Shpresa i ngjet parandjenjës, po shumë herë s’është veçse guximi për atë që duhet bërë.

3. Gratë gjithmonë përsëritin gabimin: stolisen për sytë e botës e rrinë dosido para syve të burrit.

4. Kush përkëdhel veten, nuk i bën zemra të përkëdhelë të tjerët.

5. Nëse një ujk akuzon një ujk tjetër, s’do të thotë se është bërë i mirë.

6. Mos bën shaka me jetën se vdekja nuk fal.

7. Burrit tri gjëra i kanë lezet varur: kollarja, armët e brezit dhe ato të nënmesit.

8. Ç’i duhen dallëndyshes rrëfimet e harabelit për dimrin.

9. Mburravecëve nuk u teprojnë lëvdata për të tjerët, se i harxhojnë për vete.

10. Gënjeshtra vërtet i ka këmbët të shkurtra, po me kthetra të gjata.

11. Sa së prapi i marrin gjërat njerëzit, sikur Ezopi u tha: “KTHEHUNI NË DHELPRA”

12. Nëse lufta është 7 hile një trimëri, atëherë fitimtari del më hileqari.

13. Të dinte kali fisnik shpirtligësinë e kalorësit e kishte bërë copa.

14. Gjithmonë ka kurajo të tallet dhelpra me qenin që s’e kap dot.

1. Fodullëku i gjelit e bën dhelprën të zgërdhihet.

2. Kur bien trumbetat, bien dhe kambanat.

3. S’ka më të sinqertë se pasqyra.

4. Fati s’është menaxher i qejfeve tona.

5. Në rini fryjnë ca puhiza, që mund të kthehen lehtë në tufane.

6. Lumi ecën po edhe pret.

7. Beharin s’e bën gazmor kënga e gjinkallës.

8. Kush nuk puth kafshon, kush kafshon hungërin.

9. Gruaja, kollovari dhe mërgimtari, janë si zogjtë shtegtarë.

10. I rëndë borxhi, më e rëndë skllavëria, shumë më i rëndë përdhunimi.

11. Kur vjehrra e do shumë kollovarin, kot thonë se është më i zi se korbi.

12. Litari në fyt nuk është kollare.

13. Shpifja – trillim i shpifur.

» "Qestorati një legjendë", nga poeti Petro Dudi
» "Kostelacion" nga poeti Petro Dudi
» LETERSI GJIROKASTRA "PEGASI" PETRO DUDI
» PEGASI NR. 55 RRUGETIM PROFIL PETRO DUDI
» "Zoti Shok" liber nga autori Petro Dudi