Zbulimi i fundit, Sarkozi është grek

Grekët thonë se origjina e çdo gjëje është pak a shumë... greke! Por që
e tillë të ishte edhe origjina e presidentit francez, Nikolas Sarkozi,
këtu nuk i kishte shkuar mendja askujt. Natyrisht, përveç tre autorëve
grekë të një libri që sapo është publikuar në vendin fqinj. Libri "Unë,
nipi i një greku" hedh dritë për rrënjët greko-çifute të shefit të
Elizesë, familja e të cilit e ka origjinën nga komuniteti hebre i
Selanikut, shkruante dje gazeta izraelite "Haaretz". Ai është
prezantuar së fundmi në një konferencë ku ishte e pranishme ministrja e
Jashtme Greke, Dora Bakoyianni, ish-ministri i jashtëm socialist,
Theodoros Pangalos, ish-kryeministri Kostas Micotaqissi dhe ambasadorët
e Francës dhe Izraelit. Libri i shkruar nga tre autorët zbulon
origjinën e familjes së nënës së Sarkozisë, që ishte pjesë e
komunitetit hebre të Selanikut, dikur i quajtur "Jeruzalemi i
Ballkanit". Libri thekson se familja e nënës së Sarkozisë kishte ardhur
në Selanik nga rajoni francez i Provences. Stërgjyshi i tij, Mordechai
Mallah, i njohur si një argjendar i famshëm i Selanikut dhe
bashkëshortja e tij, Reina, kishin shtatë fëmijë. Një prej tyre ishin
Aaron, gjyshi i Sarkozisë. Në moshën 14-vjeçare, Aaron dhe nëna e tij u
larguan për në Francë, ku Aaron studioi për mjekësi dhe më pas shërbeu
si doktor i Luftës së Parë Botërore. Më pas ai u takua me një
infermiere, në Paris, dhe u konvertua në katolik për t'u martuar me.
Një prej vajzave të tyre, Andree Mallah, u martua me një refugjat
hungarez me emrin Paul Sarkozy. Çifti kishte tre fëmijë, një prej të
cilëve ishte edhe Nicolas. Paul Sarkozy u largua nga familja kur
Nicolas ishte vetëm 5 vjeç dhe për djalin u kujdes gjyshi. Nicolas
Sarkozi dhe vëllezërit e tij nuk i dinin rrënjët e tyre çifute deri kur
gjyshi i tyre vdiq, në vitin 1972. Libri i tre autorëve pretendon se
Benedict nuk u tregoi nipërve të vërtetën për origjinën çifute në
mënyrë që t'i mbronte ata, pasi kishte frikë nga Holocaust, në të cilin
gjetën vdekjen shumë anëtarë të familjes Mallah. Autorët shkruajnë se
në moshën 20-vjeçare, Nicolas Sarkozy udhëtoi drejt Selanikut për të
shitur pronat e familjes. Kryeministri grek, Costas Karamanlis i
paraqiti Sarkozisë një kopje të librit gjatë mbledhjes së fundit të
Këshillit të Ministrave të NER-së në Bruksel dhe premtoi edhe
përkthimin e tij në frëngjisht.


(GazetaShqiptare)

A ka gje qe nuk e kane then Greket qe eshte e tyre apo qe ka lind ne greqi..!!!

ha ha ha me kujtoj te mendoj ate qe thote kolapetriti qe edhe pe....si i pare ka qen grek hahahahhaha