Vitamina C për të gjithë

Vitamina C për të gjithë.


A është e mundur që vitamina C të jetë ilaç për të gjitha sëmundjet? Jo, por merr pjesë në më shumë se 300 procese biologjike në organizëm, pra thjesht, vitamina C është supervitaminë!

Vitamina C është e nevojshme për sintezën e kolagjenit. Kolagjeni është albuminë që thjesht mund ta quajmë ngjitës-përbërës të trupit. Për shembull, gjendet në lëkurë, tetivë, kërcë, eshtra, dhëmbë, sy dhe në muret e enëve të gjakut.

Vitamina C është bashkëdyzim antioksid që lidh radikalet e lira dhe kështu mund të luajë rol në preventivën e sëmundjeve të rënda. Në mënyrë indirekte mbron vitaminën A dhe E, si edhe disa vitamina të grupit B, nga ndikimi i dëmshëm i oksidimit.

Vitamina C merr pjesë në metabolizmin e kolesterolit dhe në shndërrimin e kolesterolit në thartirë të vrerit dhe kështu zvogëlon nivelin e kolesterolit në gjak. Luan rol me rëndësi në bartjen e impulseve nervore dhe në masë të duhur ndikon në gjendjen tonë psikike.

Në organizëm zvogëlon rritjen e nivelit të hormoneve (kortikosteronit), që shkaton stresin dhe kështu marrja e rregullt e vitaminës C mund të mbrojë nga ndikimet e dëmshme të stresit.
Stimulon sistemin e imunitetit dhe ndihmon prodhimin e rruazave të bardha të gjakut dhe interferonit.

Përdorimi:

- në preventivën e infeksioneve virusale, bakteriale dhe këpurdhave
- influenca, hepatiti, herpesi, mononukleosa dhe bronkiti,
- në zvogëlimin e kolesterolit në gjak,
- ndihmon shërimin e shpejtë të plagëve dhe të lëndimeve,
- pengon formimin e qelizave të tumorit-kryesisht në traktin digjestiv dhe pasi është bashkëdyzim antioksidik neutralizon radikalet e lira
- ngadalëson plakjen, formimin e rrudhave në lëkurë dhe plakjen e përgjithshme të organizmit,
- ndihmon largimin e shpejtë të materieve helmuese nga organizmi, ndotjen nga ambienti, ujit dhe nga metalet e rënda,
- ndihmon pastrimin e organizmit nga mjetet dehëse, alkooli dhe nga tymi i duhanit,
- vitamina C ndihmon në preventivën e kataraktit, si dhe përmirëson gjasat për shërimin e tij,
- lehtëson simptomat e astmës dhe të sëmundjeve alergjike,
- zvogëlon mundësinë e ngjitjes së spermatozoideve, pra, në mënyrë indirekte pengon sterilitetin mashkullor,
- ndihmon shërimin e sëmundjes së sheqerit, si edhe ka rol të rëndësishëm në thithjen e hekurit,
Thithja - absorbimi: zhvillohet gjatë orës së parë dhe pas tri katër orësh largohet nga organizmi.

Dozimi i preferuar: mendimet janë të ndara

Nëse dëshirojmë që vitamina C të ndikojë si antioksidans, duhet që së paku të merren 150 mg në ditë, por duhet ta dimë edhe këtë se profesor Linus Pauling, nobelist dhe ithtar i bindur i vitaminës C, në ditë ka marrë 4.000 mg. dhe ka jetuar gati 95 vjet.

Është një mendim i përgjithshëm se tabletat kur nuk mund të zëvendësojnë në masë të duhur vitaminën C, që gjendet në pemë dhe në perime, në domate, në lakër etj.
Ndërsa, prej tetorit në maj, kur ka më pak pemë dhe zarzavate, e në ato ku fitohen nuk kënaq, është e domosdoshme t'i plotësojmë me shtesat e ushqimit. Edhe pemët e importuara jugore kanë sasi shumë të vogël vitaminash, ngase paketohen derisa janë të papjekura.

Vitamina C nuk guxon të mungojë në asnjë barnatore shtëpiake, sepse të gjithë anëtarët mund ta përdorin gjatë tërë vitit. Unë personalisht propozoj që vitamina C të merret në sasi të vogla, por mendoj se është e nevojshme që vitaminën C ta bartim në organizëm gjithnjë, sepse është pjesëmarrës i të gjitha proceseve biologjike. Si dozë preventive për pengimin e sëmundjeve, konsideroj dozën ideale 200- 500 mg në ditë.

Kush ka nevojë për dozë më të madhe ...

Në radhë të parë janë duhanxhinjtë, sportistët, të sëmurët, rekonvaleshentët, punëtorët me punë të rëndë fizike, si edhe ata që në vend të punës kanë strese.
Në familjen tonë është treguar efikas në rastet e ftohjeve, dhembjeve të fytit apo kur jemi të lodhur kryesisht marrja 1.3 deri në 5 tableta C- 1000, dhe kështu me preventivën efikase arrijmë të pengojmë dhembjet inflamatore, d.m.th., i ikim shërimit me antibiotikë.

"Telegrafi"

Si ta shëroni vetëveten?

"Mësohuni që ju vetë ta shëroni veten, këtë mund ta bëni, unë personalisht ende deri më sot askënd nuk e kam shëruar. Ftoni në ndihmë aftësitë e brendshme që t'ju shërbejnë nevojave tuaja shpirtërore dhe fizike ..."

▪ Kështu thoshte farmacisti i njohur francez nga Nansi, Emil Kue (1857-1926), që cilësohet si zbuluesi dhe praktikuesi i parë bashkëkohor i metodës autogjene të shërimit përmes autosugiestionit.

Zbulimi i fuqisë shëruese të autosugjestionit nga Kue, sikur e thotë edhe vet, ishte i rastësishëm. Deri sa punonte në barnatoren personale, erdhi një njeri dhe kërkoi nga ai një bar, që me rregulla ligjore mund të jepej vetëm me recetë të mjekut. Për të mos e refuzuar, Kue ia dha një shishe me ujë të distiluar duke e bindur se ky është bari më i mirë dhe e porositi ta përdorte sipas rekomandimit. Pas një jave, i njëjti njeri, po tani i shëruar, e falënderoi farmacistin duke i thënë se bari ka ndihmuar shumë. Pasi ka bërë edhe disa eksperimente, rezultatet ishin të njëjta. Pas shumë rasteve faktike, Kue thellohet në hulumtimin më të thuktë të këtij fenomeni, dhe, më në fund, themelon metodën e tij origjinale të quajtur "shërimi përmes autosugjestionit", e cila edhe sot e kësaj dite, nga psikologjia dhe psikiatria bashkëkohore pranohet si metodë efektive e quajtur "place-boefekti".

Metoda autosugjestive e Kues ishte tejet e thjeshtë dhe mbështetej në formulën "Nga dita në ditë, në çdo aspekt, jam mirë e më mirë". Këto fjalë duhet të thuhen nga 20 herë në ditë, dhe atë në mëngjes, posa të zgjoheni nga gjumi, dhe në mbrëmje, para fjetjes.

Kuptimi racional i autosugjestionit

Tanimë, nuk ekziston as dyshimi më i vogël, se njeriu si qenie e përsosur në Univers, ndërtohet nga dy komponente esenciale, që, si për nga kualiteti, ashtu edhe funksionalisteti, janë antipod i njëra-tjetrës.

Pra, jemi qenie fizike-materiale, dhe psikike-jomateriale, ose shpirtërore. Si qenie psikike, jomateriale, sërish ndërrohemi nga dy të kundërtat: pjesës së mendjes së vetëdijshme, objektive, dhe asaj të ndërvetëdijshme, ose subjektive.

Pjesa e vetëdijshme e mendjes tonë mund ta përshkruajë atë si racionale, inteligjente dhe e pjekur. Me pjesën tonë të vetëdijshme të mendjes ne jemi të vetëdijshëm për veprimet dhe mendimet tona. Mendja e vetëdijshme ka aftësi të sjellë vendime të pjekura dhe gjykimin e vetë duke saktësuar informacionet ekzistuese në çfarëdo situate. Në të kundërtën e kësaj, mendja e ndërvetëdijshme vepron në nivelin reaktiv, pa mundësi gjykimi dhe duke i pranuar të gjitha. Edhe kjo mendje e jona ka detrë që ta njohë rrethin e vet, por duke mos i shfrytëzuar të pesë shqisat ekzistuese. Me fjalë të tjera ndërvetëdija sheh me ndihmën e intuitës dhe paraqet selinë e të gjitha ndjenjave dhe deponë e kujtimeve tona.

Çka janë afirmimet?
Afirmimet janë fjalë apo fjali në formë të gjykimve apo konkludimeve me përmbajtje pozitive, që ne, të vetëdijshëm, përmes autosugjestionit i mbjellim në ndërvetëdijen tonë për të korrur më vonë rezultatet pozitive të saj. Kuptimet përmes fjalëve, sikur në bindje, krijohen si afirmim, po ashtu, dhe gjendja e jonë e lartë spirituale gjithnjë krijon realitetin pozitiv. P.sh. "Unë jam njeriu më i lumtur", "Unë pa kurrfarë pengese i realizoj qëllimet e mia jetësore", "Unë kam aftësi të pakufishme intelektuale", "Unë jam njeriu më i pasur në botë" etj. Ato, praktikisht duhet të kenë efektin e ndërrimit të gjykimeve dhe ndjenjave tuaja negative në pozitive. Ato janë mendime tuaja pozitive, të cilat pas përsëritjes së pandërprerë në mënyrë të natyrshme, e bëjnë punën e tyre: krijojnë ngjarje pozitive.

Një gram praktikë vlen sa një tonelatë libra!

Uluni në një vend të qetë, e nëse preferoni, mund ta bëni edhe të shtrirë. Merrni frymë thellë së paku tri herë dhe lëshojeni gradualisht ajrin. Më pas, koncentrohuni në të gjitha pjesët e trupit duke përjetuar relaksimin e plotë të tyre. Fillimisht, kjo procedurë bëhet pjesërisht, kurse më vonë, posa ta arrijmë eksperiencën e duhur, menjëherë mund të shkojmë me tërë trupin. Pasi të jemi relaksuar në tërësi, mbyllim sytë dhe me zë të ulët, së paku nga 40 herë, fillojmë t'i pëshpërisim me vete afirmimet që më parë i kemi përcaktuar.

Autosugjestioni, mund të praktikohet në çdo kohë dhe në çdo moment, kur ju jeni më të disponuar, por më shumë preferohet natën, para fjetjes dhe në mëngjes posa të zgjoheni. Edhe ky kusht nuk është i rastësishëm, sepse, pikërisht natën, para gjumit dhe në mëngjes, posa të zgjohemi, barrierat e filtrit të procedimit të sugjestioneve nga vetëdija në ndërvetëdije, janë më të hapura. Ky kanal i marrje-dhënies së ndërsjellë, ndërmjet dy kufijve ekstrem, kontrollohet nga EGO-ja jonë, e cila në këto situata konkrete fillon të kotet, duke e humbur ashpërsinë e kritereve të forta të përzgjedhjes së informatave që kanalizohen. Sa për kuriozitet, Hitleri, si anëtar besnik i një sekti magjizezë gjermane të quajtur "Tula", e ka ditur mirë këtë rrethanë, andaj janë të njohura fjalimet e tij të zjarrta ideologjike të mbajtura natën.

Tek formulimi dhe përmbajtja e afirmimeve, edhe një rrethanë është tejet e rëndësishme: ato duhet bërë në vetën e parë dhe, gjithnjë, në kohën e tanishme. (Unë jam...). Është ashtu, sepse ndërvetëdija jonë nuk i nënshtrohet ligjeve të logjikës hapësinor-kohor, ajo e njeh të tashmen dhe vetëm të tashme. Këtu edhe bëhen gabimet më të shpeshta në praktikë.

Përveç metodës së përshkruar si më lart, ekistojnë edhe disa mënyra të aplikimit të afirmimeve përmes autosugjestionit. Në praktikë, si tejet efikase është treguar edhe incizimi dhe dëgjimi i tyre nga kaseta. Kjo metodë e dëgjimit të kasetës, posaçërisht është i përshtatshëm kur keni pak kohë. Kasetën e përgatitur me afirmimin e incizuar, mund ta dëgjoni: derisa ngisni automobilin; i kryeni punët e shtëpisë, apo çfarëdo pune tjetër rutinore, e cila nukkërkon përqendrim të madh. Natyrisht, më së mirë është që kasetën ta dëgjoni në gjendje relaksimi, siç e përshkruam si më parë.