LNPSHA "PEGASI"POEZI NGA DORINA VEDRA MUSHI

LNPSHA “PEGASI” ALBANIA
VËMENDJE TALENTEVE TE RINJ...
KERKOHET MENDIMI JUAJ...

Sot lehtësisht mund të komunikosh dhe të zbulosh talentin, i cili për shumë kohë është "fshehur" nga përballja për të dalë në arenën poetike, duke patur një tulatje apo "frikim" të mirë.. Gjithsesi pas zbulesës dhe impulsit, nxitjes shpirtëzimi kryefjalëzon, synimi për të thënë se jam"dikushi" fillon thërresën e bukur me ndjenjë individuale. Sa të tillë dhe të tilla ka në hapësirën tonë "qiellore të ndjenjës"...Sa vëllimthe poetike janë në gjendje të "fjetur". Sa njerëz të talentuar s'kanë mundësi të lindin krijesat e tyre të bukuruara, për arsye financiare... sepse shpesh edhe ndeshen me redaktorë jo profesionalë, që °motivohen° të tillë, apo hyjnë nëkëtë proces redaktues apo lektorues me etje fitimi, duke sjellë në dritë libra pa nerv....
Pa ndihmesë, ata ato, çdo ditë hedhin ndjenjat e tyre të kaltra, të çiltra, fantazore, dinamike, qiellore, profetike, apeluese, përkushtuese, evidentuese.. Tulaten të dërgojnë poezitë e tyre në ndonjë organ letrar apo në ndonjë gazetë që, ndoshta, ka sa për të thënë një rubrikim poetik, ku redaktorët krejtësisht të paftë botojnë poezi të thata, prolikse, rakitike, të të njohurve dhe nuk zgjatin dorën te këta të talentuar të shumtë q ë i japin zjarrminë gjuhës gjeniale shqipe...A s'kemi nevojë ne për këta, këto? Sa telefonata, sa biseda të zhvilluara, sa shtim besimi ka ndaj nesh, kur kemi pasur dhe kundërti, por që janë fashitur në ajër si flucka sapunore... Jam i lumtur unë dhe gjithë bashkëpunëtorët e mi të LNPSHA "PEGASI" ALBANIA, të cilët janë të shumtë dhe po shtohen nga dita në ditë, që për 20 vjet s'pushuam së rreshturi së shkruari, së botuari, së komentuari, që selektuam , përzgjodhëm dhe ngritëm një Lidhje moderatore, e cila sot sfilon letërsisht, kur të tjerat u shpleksën, dështuan dhe nuk ishin të zonjat për konkurrimin e vlerave të vërteta... Analitika, prezantime, konferenca, takime, kuvende, referenca, shkëmbime vlerash universale, konkurrime dinjitoze dhe çmime, përgjithësime, botime antologjike brenda dhe jashtë vendit, anëtarësime, kumtime, manifestime, Simpoziume Kombëtare dhe Ndërkombëtare me objekt dhe ja tani përgatitje Kongresi Ndërkombëtar... Arritje .... Rritje dimensionale... Njohje anë e mbanë Botës...

*
Më përshtypëzoi një konstatim i shpejtë i një poeteje me emër që duke publikuar poezitë e pegaistëve në facebook dhe në faqe interneti të lidhjes tha shprehimisht:"Ju lumtë!..." Shqipëria ka poetë dhe lëtërsi të mrekullueshme..." Apo gjatë përgatitjes së Manifestimit 100000 poetë për "Një Botë Ndryshe", na cilësuan si programimi më i mirë... Natyrisht letërsia jonë duhet përkthyer më shumë...

Dhe sot po shpalos njerën prej tyre. Ajo është Dorina (Vedra) Mushi nga Gjirokastra ... Ajo thur poezi me pasion, fantazi , figurë dhe profeci, duke lodruar me fantazinë e saj në tema dinamike, ku pamja panoramike e moshave lëviz... Kundrimi i saj i syrit vëzhgon...,përsiat...

POEZI NGA DORINA (VEDRA) MUSHI,
GJIROKASTËR


1. Një krahërim për fluturim

Mos qesh,
kur sytë e mi
janë zhytur
në trishtim,...
oh , të lutem,
më jep një krah
për fluturim.

Të iki lart
me qiellin blu
të bëhem një,
s’do të rikthehem,...
Këtu në tokë,
s’premtohet asgjë.
Do të përpëlitem,
si e çmendur,
yjësinë lart
do ta bëj strehë,
më jep një krah
për fluturim,
s'ka ardhmëri ,
jo për ne këtu.
Më ler të lirë,
me hapësirën
fort të bie në përqafim,
mua më pret largimi,
jo, m ë s'do të kthehem..
Të lutem,
më jep një krahërim !

2. * FAT , FATBARDH
Në heshtësi
mund të gjesh
me mijëra fjalë,
por edhe fjala
s’e shpreh kaq qartë...
Në jetë,
po u nise në vjedhërim ,
dënohesh,
po nëse përvjedh zemrën,
quhesh fatmir!
S'ka gjyqësi
ta marrë përsipër,
krimin e bërë
në dashuri,
s'ka dënim,
s' ka burgim,
veç një vuajtje
brenda te ty.
Në heshtësi,
kërkoje dashurimin,
por mos u mundo kot
për ndonjë emër,
dhe pse do të motivohet
" hajdutëri",
do jesh fatbardh:
përvodhe një zemër!

3. Qëndrim ndaj një botë mizore

Bërtisja, barisja
nga vuajtjet e kësaj bote,
se s’la hipokrita
pa lindur e rritur...
Nënëmira mbarte në bark
pjella horrore,
ku dashurinë pa u fanitur
me duar kishin mbytyr.
Por kapem me forcë
mureve të jetës me frikë,
se dikush me dashje
do të më rrëzojë,
por jo, s’dorëzohem
kaq lehtësisht,
mbi zemrat e tyre
pak dashuri do të dritoj.
E nëse gjakun e damarit
do të ma pijnë,
prapë do riçohem,
do të rieci përpara
dhe sikur trupin
me mijëra copa të ma grijnë,
me gjakun tim
do t'ia çel zemrat e thara.
Në sakrifim gjithë jetën time
që të tillë qenie,
kurrë të mos lindi më nëna
dhe një ditë,
kur të mos ndodhem këtu,
të fali dashuri
dhe jo urrejtje zemra.

4. Në flakët e dashurisë


Flakës së dashurisë
me mijëra zemra bëhen hi,
ndaj bëji lutësi Perëndisë,
prushimin të ta ndezi në gji.
Flakës së dashurisë
gjaku vëlon në damar,
një pikëzim dashurie të të fal…
Flakës së dashurisë
krijohen tërmetet e zemrës,
ndaj lutju Perëndisë
se i dha jetësi femrës!
Në flakët e dashurisë
të gjithë do të digjemi
e do të shndërrohemi në hi...
Por sërish bëj ritualin,
lutju Perëndisë,
që të dha emrin e madh Njeri.

5. Gjithëçkaja ime...

Ëngjëjt lindin në qiell,
mrekullitë shfaqen në tokë,
je Ëngjëll, je mrekulli,
dy herë nëna s’të bën dot.

Yjet dalin në mbrëmje,
vesa çel në mëngjes,
Ti je yll dhe freski,
çdo ditë, të betohem
qerpikhapur do të të pres.

Ajri është i padukshëm
e lulet çelnojnë me gëzim,
Ti je ajri dhe lulja
frymon gjallisht shpirtin tim.

Ndjenjat përdalin nga zemra,
Librin e bleron poeti,
Ti je poet i zemrës
që në brendësi meje mbeti!

Diamanti kushton shumë,
Floriri më shumë vlen,
por ti je më shtrenjti ,
askush dot s’të blen!

Unikët mbeten të tillë,
Idealët në rrallësi i takon,
Ti je uniku, ti je ideali,
në botën tënde më fton…

6. Fjalësi zemre

*
Ti flasësh zemrës
me gjuhën e urrejtjes,
rrezikon ta kthesh
atë në gurë,
dhe kur të kërkosh
dashurinë,
nuk do të arrish
ta njohësh më kurrë!

7. S'është mëkat

S' është kurrsesi pasuria ajo,
që të bën të lumton në jetë,
por ndjenja shpirtërore,
ruajtur si një thesar i shtrenjtë.
Jo në çdo rrahje të zemrës,
e gjen të strukur dashurinë,
se, nëse çdo rrahje
do të kishte ndjenjë,
lumturisht do të merrnim frymë.
Nëse "më fal" dimë të themi,
do të thotë edhe gabojmë,
e nëse zemra fort na rreh ,
po mësojmë të dashurojmë.
S' është mëkat të dashurosh,
kur dashurinë e fali Zoti,
por është mëkat mos ta pranosh,
kur në sy të gënjen loti.

8. Ti je emblema e jetës


Nënës

Një dorë e butë
përmbi lëkurë,
përkëdhelje
plot dashuri,...
Ikonë e gjithë kohërave,
vetëm Ti.
Çdo buzëqeshje jotja
e bën zemrën të ndalë,
në çdo hall,
në çdo shqetësim
edhe jetën tënde fal.
Një fjalë nga ty
më drithëron
dhe më deh,
ja këtu në gjoks,
Ti je emblema e jetës
Gjithnjë e blertë...

9. Profetike

Mos u grind
me shpirtin e një femre,
kur ai mbizotëron botën,
dhe kur pija shpejt të zë,
mos e kthe me fund gotën!
Fjalët lindin nga ndjenjat
ato s’kanë kufi,
por kur njeriu nxehet,
gjuha për ndjenjat
s’do t’ia dijë.
Bota rrotullohet,
por askush s'e sheh,
e kur arrin ta kuptosh,
veten më s'e njeh.
Sado me shpejtësi
të eci kjo botë,
veprat e tua
do të flasin
me aq brumë
sa ke në kokë,
Mos thuaj që di,
kur në të vërtetë
s'di asgjë,
se kur të dish,
nuk do të ketë vlerë më .

10. Ti Hesht...

Hesht...
Lere zemrën të lundrojë
në botën e dashurisë,
aty ku adrenalina
kap skajin me të lartë,
Ti hesht…
dhe pa i hapur mbyll sytë,
imagjino...
Ndihesh qenie me fat....
Hesht...
Lere gjakun në vena
të qarkullojë,...
shëëëëët....
si një memec
që s’ka fjalë,
se dashuria ty të ndryshoi,
të bëri të ndihesh:
Je gjallë!
Hesht...
e me duar prek...
Ndjeje, se s’mund të iki
ajo
që të jep jetë;
në gjoksin tënd
fort shtrëngoje
të madhen dashuri
në të vërtetë...
dhe pranë saj
gjithmonë,
kur të jesh,
pushtoje të gjithën,
por....
por...
por...
vetëm...
hesht…

11. Adhurimi flet me petale trëndafili

Do
të
mblidhja
gjithë
trëndafilat
e botës,
në petale
do t’i shndërroja
dhe ashtu lehtë,
butësisht,
nën këmbët e tua
do t’i shtroja
sigurisht .
Por s’ mjafton
dhe kjo
për të treguar
adhurimin,
e kam të vështirë
tw zgjedh krahasimin...
Je mbi gjithçka,
i shtrenjti im,
ashtu sikundwr
kam dashur
të të kem,
e dorën po të ma vësh
në kraharor,
e kupton,
se këtu brenda ke folenë.
Ndoshta
nuk kam lindur poete
dhe fjalët tek –tuk
i ngatërroj,
por veç një gjë të them
me plot gojën:
“Të dua”,
pa fund në adhurim!
Provo të dashurosh pa folur
dhe zemrën më dysh
do ta çash,
se ndjenja
shpirtin ka ngrohur...
E pamundur statike
ta mbash.

Rakel Vianna ‎1.
A krahërim para o vôo

Não ria,
quando meus olhos
são absorvidos
na tristeza, ...
oh, por favor,
Dê-me uma mão
para o vôo.

Para subir
com céu azul
se tornar um,
não se repetem, ...
Aqui na terra,
s'premtohet nada.
Ele vai voar ao redor,
como um louco,
yjësinë up
eu confiarei;
Dê-me uma mão
para o vôo
sem futuro,
não para nós aqui.
Deixe-me livre,
com espaço
cai para abraçar com força,
espera-me embora,
não, m s não vai voltar ..
Por favor
Dá-me krahërim!
►Infelizmente meu amigo Kristaq Shabani ,no Brasil não é diferente, para publicar um livro, tem que ter dinheiro ou um bom padrinho... Temos no Brasil Grandes poetas que não tem condições financeiras!!!Agradeço as lindas poesias que me enviou...beijos

Venka Capa
Bërtisja, barisja
nga vuajtjet e kësaj bote,
se s’la hipokrita
pa lindur e rritur...
Nënëmira mbarte në bark
pjella horrore,
ku dashurinë pa u fanitur
me duar kishin mbytyr.
Por kapem me forcë
mureve të jetës me frikë,
se dikush me dashje
do të më rrëzojë,
por jo, s’dorëzohem
kaq lehtësisht,
mbi zemrat e tyre
pak dashuri do të dritoj.

SHkeputa keto vargje nga poezit e Dorines ,por me shume droje se te gjitha ishin te arira e te persosura per mendjen time qe jam nje lexuese e thjeshte , nje e apasionuar ne kete fushe , s me ngelet tjeter vec me shpirt ti uroje shume suksese ne rrugetimin e saj .

Deshira Haxhi I uroj suksese mikes dhepatriotes time!Respekt mik per ju!

Gjergj Nikolla Ju i nderuar poet Kristaqi,sillni vlera diamantesh poetike,dini t'i gjeni e t'i servirni ne syrin tone te madh...qe na jep natyrshmerine e njerezve qe shkruajne vertete me art e shpirt! Keshtu na ndodh dhe me kete talente te re qe jam i sigurte qe pas ketij publikimi do kete nje rritje te vrullshme e te merituar,...vazhdoni keshtu i nderuar poet i kendshem e mik i nje humanizmi jo vetem poetik,por shume njerezor! Ju uroj suksese ne keto prurje vlerash,kurse poetes rrezatim ndrites me shume se cdo here tjeter!

Drite Ademi Falemnderit, perveç emrit te bukur Dorina, dhe poezite qenkan perla:), suksese juve!

Nertila Sula Toska suksese te metejshme Dorina

Hasije Selishta Kryeziu Urime Dorina! Suksese!

Agron Shele Urimet me te perzemerta per krijuesen e re dhe te talentuar Dorina (Vedra) Mushi. Krijimet e saj flasin qarte per rrugetimin e sigurte drejt botes se madhe te artit, ku padyshim muza pegasiane do e ringreje ne te tjera qiejsh poezish. Lidhja Internacional "Pegasi" Albania, e ka patur ne themel te krijimit te saj evidentimin dhe perkrahjen e talenteve te rinj, dhe si e tille, ajo ka ditur ti orientoje drejt keto pena te brishta, shume prej te cilave sot jane vertet per ti admiruar dhe vleresuar per ate ç' ka kane dhene dhe japin per letersine tone kombetare.Eshte obligim i madh i Lidhjes Internacional dhe pergjegjesi e drejtperdrejte e Presidentit te nderuar Z Kristaq, qe talente te tille te mos bien me ne kurthin e plagjateve apo tregetareve te fjales artistike, por te lancohen dhe te vleresohen drejt dhe si te barabarte ne te gjitha konkurset kombetare dhe Nderkombetarete kesaj lidhjeje. Suksese poeteshes me te re dhe Mireseerdhe ne shtepine e poeteve dhe shkrimtareve Internacional "Pegasi" Albania!

Poetes i uroj suksese dhe urimet më të mira. Shkrimi juaj z. Kristaq më pëlqeu, ke shkruar nje fakt aktual, njohje mbi të verteten e letërsisë shqiptare sot. Ne dispora kemi nevoje për informata të tilla të mirëfillta. Ju përshëndes...