Gjyq kundër PPSH-së

Gjyq kundër
Partisë së Punës


Mblidhuni të gjithë ,
miq edhe armiq;
Partinë e Punës
ta nxjerrim në gjyq !

Mblidhuni të gjithë,
në vathë të ballistëve;
t'u hedhim litarin
në grykë komunistëve !

Unë jam poeti,
nuk i bie anës;
ju jeni gjykatës,
unë jam asnjanës !

Moj Parti e Punës,
qënke skile e vjetër !
Vallë për mbiemër
s'gjete fjalë tjetër ?!

Punë, punë, punë...
eh, neve të mjerët !
Ne lindëm për qejf,
për punë janë të tjerët !

Moj Parti e Punës,
ç'të liga ke bërë !...
Shqipërinë e mbushe
me drita të tërë !

Ti më kot i fshihesh
plumbit dhe litarit;
i merr tokën beut
dhe ia jep fshatarit !

Ja, po ta fal prapë
tokën që më dhe,
vetëm që mbi qafë
të më hypë një be !

Ti, a s'e mban mend
kuptimin e përrallës ?!
Dua të jem prapë
bujku i Hanko Hallës !

Të kam pasur kundër,
s'të kisha më besë.
Unë besoj atë
që di të më shesë !

Të kam pasur kundër,
s'ma ke varur fare;
se ti je parti
vetëm shqipëtare !

Ishe e pabesë,
po kështu s'të dinim;
vetëm për pesë vjet
bëre rindërtimin !

S' më ke dashur kurrë,
ti moj fjalëkota;
dyzet vjet me radhë
më ushqeu "bota".

vazhdon ka përafërsisht edhe 50 strofa

Pergezime Sofra,poezi e mire,dhe mos ngurroni,vazhdojeni.

faleminderit Sofra per kete poezi te bukur ,me padurim presim edhe postimin e strofave te tjera .

Gjithashtu ju falënderoj edhe juve Shaban Cakolli dhe Arta, gjithsesi sa të gjejë pak kohë do të vazhdojë me strofat e tjera.

ja edhe dy strofa kaq kam kohë.

Ke guxim e flet
për ligje dhe plane,
sikur ti ke bërë
luftën partizane !

E na del përpara
si dash me kumborë;
gjoja se ke dhënë
me mijëra dëshmorë!

Sofra,ju duhet të pasuroni rubriken e letërsisë ,sepse e njihni këtë fushë.Ne kuptojmë kohën e ngarkuar tuajen,por herë,herë
gjinduni.

Patjetër i nderuari Shaban Cakolli por së bashku me ty bacën Adem, Tom Sojerin, Artën, Mickonjën ... e shumë të tjerë dhe të tjera bashkarisht ....

Faleminderit.

Bashkarisht gjethsesi,po po na mundon shume kjo kohe e kufizuar

Unë nuk të fal kurrë
dhe ti po më fale,
lumenjtë pse i ktheve
në hidrocentrale !

E më ligjëroje
me gjuhë bilbili;
po unë dua prapë
pishën dhe kandilin !

Unë nuk të fal kurrë
sa të jetë jeta,
pse thave moçale,
pse thave këneta !...

Gjoja më shpëtove
nga mikrobi i lig;
po unë kam dëshirë
të jem malerik !

Të jem malerik,
të kem helm në gjak;
tridhjetëvjeçar
të dukem si plak !

Sa të jetë jeta
unë nuk të fal kurrë;
ku kish gurë e gjëmba
pse i mbolle grurë !...

Kur prodhove bukën,
si s'të erdhi zorë ?!
Ne na shijon gruri
që vjen me vapor !

Ti nuk na e hedh dot,
dhepse shet të holla;
e ç'i desha unë
ato mijëra shkolla !...

Dua që të jem
një njeri me bisht!
Ç'më ka marrë malli
të firmos me gisht!

Unë nuk të fal dot,
dhe ti po më fale;
nuk i dua falas
shkolla dhe spitale !

Nuk më shpëton dot;
sot do të dënoj !
Ç'pate që me gruan
më bëre njëlloj ?!

Domosdo që kishe
një kauzë të zjartë;
vete dhe na hap
dhe shkollë të lartë !...

Ti qënkëshe kundër,
s'qenkëshe për popull !
Pse i bëre vëllezër
Vërmosh edhe Dropull !...

Unë ty patjetër,
duhet të të var !
Përse deputet
s'bëre një kusar ?!

Duhet që nga dora
të të marr kulaçin !
Si s'pate respekt
njëherë për rrugaçin ?!...

Duhet për kapistre
tëta rrëmbej kalin;
asnjëherë s'u bëre
ortak me vandalin !...

Duhet të ta vjedh
vezën nga tigani,
dhe pastaj të them:
Rroftë huligani !...

E na del përpara,
çdo ditë na gënjen,
kur thua: - liria,
i vetmi refren !

.......................vazhdon.

Ç'e duam lirinë?!
Liria është kob!
Dua të jem skllav,
dua të jem rob!

Nuk të njoha fare;
s'të dija të ligën!
Ç'pate që shqiptarit
i dhe republikën ?!

Ke bërë shumë të liga;
eh, ç'ke bërë ti !
Vete themelon
dhe shtetin e ri !..

Nuk të njoha fare;
s'kishe besë prej shoku !
Ç'të keqe na bëri
neve Ahmet Zogu ?!

Mbreti ynë i dashur,
plot me ideale,
i mbathi opingat
dhe luftoi n[ male !

Nuk të njoha fare,
se s'ke gjak nga imi !
Ç'të keqe na bëri
Benito Musolini ?!...

Nuk të njoha fare ,
se s'të mungon nderi !
Ç'të keqe na bëri
dhe Adolf Hitleri ?!!...

Pa dëgjomë mirë;
dëgjomë mua plakun:
Ata ishin engjuj,
ti ua pive gjaklun !...

Ke bërë shumë të liga;
ç' të të them më parë ?!
Për mijëra dëshmorë
ngrite lapidarë !...

Ke bërë shumë të liga;
eh, ç' ke bërë ti ?!
Pse nxorre në dritë
Nënën Shqipëri ?!...

Duhet që patjetër
të të fus në farkë,
se nuk more borxh
qoftë dhe një qindarkë !...

Dhe u thoshe llafin
gjithnjë si ta doje;
si nuk kishe turp
që pa borxhe rroje ?!

Në shekullin tonë
ngjyra blu e roze,
të jetosh i lirë
nuk është serioze !

Sa ke bërë ti,
akoma s'ti dinë !
Pse s' mbolle kufirin
vetëm me dafinë?!...

Ta mbillje kufirin
me dafinë të tërë,
se të gjithë ujqët,
qengja janë bërë !

Ke bërë shumë të liga;
eh, ç' ke bërë ti?!
Pse s' ja dhe vatanin
zonjës borgjezi?!...

Kur ajo prodhonte
bombën atomike,
pse s' bëre veç çarqe,
për ballo, pikniqe ?!...

Bombat dhe raketat,
kjo borgjezi zomja,
i ka për të vrarë
miza dhe mushkonja!

Qengjin kapital
dot nuk e kuptove;
hekur dhe beton
vëndion betonove !...

Për ne asnjëherë
s' menduan të liga
motër Europa,
hallë Amerika !

Sofra pergezime per poezite mjafte te mira shpresoj se edhe ne te ardhmen do kemi poezi nga ju

Respekt ..Kosovarja

Përgëzime Sofra për poezit ja na lindi edhe një poet i rij suksese.

Faleminderit Kosovare dhe Deli.

Dua t'ua bëjë me dije pasi që nuk e kam shkruar në fillim se këto vargje janë të botuara në Prill 1995 nga poet të Shqipërisë.




Për ne s'i zë gjumi
as ditën as natën;
plot me ëmbëlsirë
na e ruajnë pjatën !...

Për ne u kish mbetur
një merak i vjetër:
ja, po na ndihmojnë,
tani me të tepër !

Ishe e pabesë,
moj Parti e Punës !
Pse s'i le një shteg
vjedhjes edhe dhunës ?!...

Vallë përse duhej
të të kisha mike,
kur s' më hape kurrë
një shtëpi publike ?!...

Unë kërkoja shoshën,
ti më jepje sitën !
Ç' pate që ndalove
drogën edhe sidën ?!...

Ç' pate që ndalove
dhe të tjera helme;
këto mrekullira
të kohëve moderne ?!...

Ke bërë shumë të liga;
sa qimet në faqe !...
Unë kërkoja gjak,
ti më sillje paqe ! ...

Të gjitha sa bëre,
neve i përmbysëm;
edhe me golap
për në botë u nisëm !

Për në botë u nisëm
me zhurmë e me bujë;
kemi pa hesap
ajër, dritë, dhe ujë !

Zemrën tutje detit,
sytë nga perëndia;
një epokë të ndritur
jeton Shqipëria !!!!



13 mars 1991
Bilbil Labova

Epopeja e të 99-ave

Të thamë:<< U munde >>;
Ti na dalke div !
Papritur na thua:
<<Jam lokomotivë>>!...

Nëse është kështu:
Ani, lum zotnia;
Bujrum, ndaç si burrat,
Ndaç sulu me boria !

Është prapë ky popull
Që s'e duron beun;
Të kujton Herkulin
Kur shkuli Anteun!...

Bëre kushtetutë
De ore dreq de,
Po ky xhins mileti
S'qe ai që qe!...

Rrufe miratimin,
Të hedhim hendekun,
Se pastaj di Sala
Si ta tundë dybekun!

Sinqerish, të mirën,
President të desha,
Se askush s'e ndau
Çipinin nga bjeshka!

Dje kur të dhamë votën,
Thamë me një gojë:
Do dilje i bardhë
Si borë në Tropojë.

Sepse je shqiptar,
Dhe për Shqipëri,
Dua që Evropës
T'i shfaqesh flori.

Të gjithë e donim
Kryetarin tonë;
Po qe balli ar,
Supet janë argjënd.

Pershendetje te gjithve dhe ne vecanti ty sofra .
Dhe flm qe gjete pak kohe dhe na solle kete poezi te mrekullueshme.
Dhe nje here flm .

Faleminderit mickonja për përshëndetjen, ka kohë që ju i keni munguar forumit tonë, prandaj i kanë munguar edhe postimet tua që i shtjellon aq bukur dhe janë postime me vlerë për forumin tonë.

Jug-Veri vëllezër
Të na shohë bota;
Fishta hidhte firmën:
<<Quhem Gegë Toska>>.

Ndarja Jug-Veri
Është thikë kasapi;
Njëra presë-Athina,
Tjetra-Beogradi.

Nëse të qortojmë,
Shkarkon mal me halle;
Pastaj sipas shiut,
Ke behar për valle.

Dil zot vatanit,
Kurrë s'të hahet haku;
<<Flasunë>>, thuaj botës,
<<Flet një kombë,po hapu>>!


Bijtë e Labërisë,
Të gjerë sa deti,
Sikur i largove
Një nga një nga shteti!

Dhe pritëm premtimet
Se do vijnë nga vera;
Po na zuri dimri
Si dikur në shpella!

S'e patëm kështu,
Salo, t'u bëftë nëna,
Që një ndihmë evrope
Të mos futet brënda!

Merr helikopterë
Sa herë të çirret zëri;
Me to do shkonte dimrin
Kurvelesh i tëri !

Shqipërisë rriqrat
Po i pijnë gjakun;
Ti dole Atdheut
T'i ngulësh bajrakun !

Ç'i deshe nga pas
Ca njerëz soj gjarpër,
Që, t'i shihje ditën,
Të shfaqeshin natën ?!

Dole, lypje besë,
Me shkop të kanunit,
Që pas të të hidhnim
vallen e majmunit !

S' latë fëmijë, kopshte,
S' latë maternitete;
Mbushur plot mitingjet
Me firma nën vete !

Sarkazem te tille therese ne vargje tani po lexoj. Sofra, ke shkruar nje sarkazem te denje per derbejderet e sotem. Fute ne Youtube patjeter. Te pergezoj per te dhe te falenderoj se je njeri besnik e me shtylle kurizore.

Faleminderit Tom Sojer mik i nderuar, as unë nuk kam lexuar ndonjëhere të tilla vargje....

Pa, bërë vizita
Te dëshmorët tanë;
Dje sa dekorove
Ata që i vranë !!!

Djemtë po na ikin,
Hasmi vjen tek dera;
Dalngadalë dhe muret
Do vishen me ferra !

Ata përtej Jugut
Gjithë quhen Albanë;
Po nga barku i zbrazur
Thonë << quhemi Janë >>!!!

Ti veç ngjit tribunat,
Hyr e dil takimet,
Me një shtëllungë fjalësh
thure tërë fjalime !

Nga e merr pash zotin
gjithë atë buzëqeshje;
Hiq e vë fytyrë,
Si të ish qeleshe ?!

Deshe besë, kur fjalën
S' ma flet si burrë shteti;
ma thua së prapthi
si ta do lezeti !

Tek flet ngjan nishan,
Merr njëmijë trajta ;
Kokën në të djathtë,
Veshët në të majtë !

Dhe do besën nga unë,
Që nga tranzicioni
S' kam vrimë në rrip
E rroj me erë rigoni !

Eshte kenaqesi te lexosh keto vargje te mrekullueshme te thurura me mjeshtri te vecante te cilat ne vete ngerthejne realitetin e nje te kaluare dhe nje te ardhmje..... Sofra ju pergezoje dhe ju kam lakmi per kete talente.... shendet dhe suksese...

Edhe unë ndajë mendimin me Uratën,Sofra ka poezi të bukura dhe e përgëzoj.

Poezi vertet te bukura, pergzime e respekt

Ju pershendes

Nisi Tritan Shehu,
na shkriu të gjithëve:
rrëp-përtëp ndër dhëmbë
Rigon veç lajthitje !

Ali...Babë..Spahia
Klient i pazarit,
Çorbën e përçarjes
Ia ndan shqiptarit !

shkon misionar
Në Maqedoni;
Gjoja t'i bashkonte, I bëri lesh e li !...

Hajde" Koromane",
Pjetër Tomë me nure;
Si të ndriti faqja
Gradë kuesture !

Shih Hajdar Azemiin,
Zverkun rrath koker,
Qe sheleg i rjepur,
U bë dash milor !

Në grevë burgjedalët
E pritën si xhan;
ky u bëri hallvën
Si për ditë Bajram !

Dhe tha: " Kushtetutën,
Fati na e pruri.
Salon ta gjykojë
Gjykata që e vuri"!...

Kur i fliste baba
Për Kuvajt në bjeshkë,
Dhe këtë kushtetutë
Ia ka shtirë në veshë.

Thonë i tha malsori:
"More ti Salë vëllai,
Po zakonet tona
S' ti ka thënë babai ?!

Tek lyp besë, ti shkel !
kanun e të parë;
Vjen me armë në brez,
rreth e rreth ushtarë !...

Epo atë mendje
Kush ta dha aq bukur:
Të rrijë kushtetuta
Mbi vota të burgut ?!