LNPSHA "PEGASI"ALBANIA Retrospektiva: Enkelejda Fejzo…

Kur hidhte rrënjë “PEGASI”
Enkelejda Fejzo, një vajzë bukuroshe nga fizionomia dhe nga mendja. Në moshë fare të re shkroi një libër shumë interesant me titull intrigues: “ Kaq kohë që eci mprapsht’. Përmbajtja e këtij vëllimi ishte mjaft e larme dhe me një maturitet të parakohshëm, që tregonte se e ardhmja e saj, pa dyshesë, do të ishte bota shkrimore. Ishte një vajzë që çuditërisht trajtoi temën e feminilitetit, duke kapur momente të anëve të padukshme të kësaj bote, duke përdoruar me shumë aftësi zbulesën. Ishte një dhunti e Enkelejdës. Ajo ishte në gjendje të bisedonte me një dlirësi, çiltërsi dhe natyralitet. Mua më përshtypëzoi që në fillesë të kontaktimit dhe duke u nisur nga që

kthehesha nga Greqia , pas shumë vjetësh, i kisha vënë vetes detyrë të ideoja një grupim shkrimtarësh, poetësh , artistësh të rinj, të talentuar dhe kjo solli që në vitin 1998 iniciova dhe krijova Shoqatën Letrare “Pegasi”(korrik 1998) me qendër në Gjirokastër, e cila, më vonë, ngjiti shkallina “Lidhja e Krijuesve “ Pegasi” Albania(2002) dhe së fundi Lidhja Ndërkombëtare e Poetëve Shkrimtarëve dhe Artistëve “PEGASI” ALBANIA (prill 2009) e njohur sot pothuajse nga të gjitha organizmat letrare në të gjithë Botën… Nejse, le të kthehemi te Enkelejda, te kjo vajzë potente në mendim dhe në vjershërim. Më befasoi në qytetin e Memaliajt , ku miku im , shkrimtari , publicisti i njohur, Novruz Shehu, së toku me mësuesen e shkollës së mesme të Memaliajt, zonjushën Arlinda

Beqiri (sot në Kanada), prezantuan librin tim “PULSI I DHIMBJES” të botuar në Shtëpinë botuese ‘THAMIRIS” ATHINË(1997), ku edhe Enkelejda kishte një kumt të shkurtër, por shumë domethënës dhe kishte trajtuar me profesionalizëm pjesën e poezive të mia të këtij vëllimi , (i cili më bëri me shumë emër dhe u ribotua disa herë) që trajtonin e preknin personalitetin e femrës me një trajtë të re dhe logjikë të re. Më emocionoi me aftësinë e saj depertuese dhe trajtuese, ndaj, që nga ajo ditë e mbajta afër, sepse shikoja tek ajo një krijuese të talentuar. E papërtuar vinte në të gjithë veprimtaritë, që organizonim dhe jepte mendimet e saj faqas dhe me kompentencë; shkrunte mendime kritike në organin tonë letrar “PEGASI”, por mbi të gjitha ishte e etur dhe e vullnetshme për të vijuar studimet e larta. Shihni curriculumin e saj dhe mos u habitni. Shpesh me thoshte se do të mundohem të shkollohem si ju… Një ditë më tregoi disa tregime të saj. Një ndërthurje e bukur, një individualitet i rrallë me një stil vetiak… Përsëri buzëqesha si dikur për vjershat. “Je në një rrugë krijuese origjinale , - I thashë. Poetët e tjerë

Petro Dudi, Novruz Shehu, Lumo Kolleshi, Sazan Gjomema, Dhimitër Miti e të tjerë shihnin te Enkelejda Fejzo një krijuese të së ardhmes… Sa e sa prezantime librash, sa kumte, sa fjalë poetike, sa e sa publikime librash të autorëve vendas dhe të huaj... mori pjesë dhe tha fjalën e saj koncize Enkelejda apo siç e thërrisnim ne shkurt “Kela”. Ajo erdhi vijoi studimet në Gjirokastër në Universitet dhe punoi në një gazetë periodike dhe kështu prania e saj ishte e përhershme në veprimtaritë e bukura letrare.

Kur një ditë poetes Mimoza Ahmeti i tregova librin e saj , ajo lexoi librin me kërshëri dhe më tha shpreshimisht: ‘Kristaq , përkrah mendimin tuaj. Është me të vërtetë poete interesante... “.
Por një ditë Kela jonë u shkëput , pasi u largua në Tiranë, dhe më vonë në Belgjikë, nga ku dërgoi edhe përshëndetjen për veprimtarinë e madhe festive “PEGASI DHE TALENTET E RINJ”. Kush e shtyu Kelën tonë të dërgojë këtë përshëndetje? E ngacmoi si duket përkrahja, që i është dhënë asaj , kur ishte e vogël dhe impulsimi që u kemi bërë talenteve të rinj ne gjatë gjithë ekzistencës... Dhe ne u kthyem në retropsektivën tonë të bukur

“ME ENKELEJDËN”, e cila tashmë do të jetë tepër aktive në Degën tonë të Brukselit, ku është dhe Sekretari i Përgjithshëm i LNPSHA, poeti dhe shkrimtari Agron Shele. Poetja dhe gazetarja Enkelejda Fejzo kam besim të plotë se do të punojë shumë për Pegasin, atje ku jeton dhe banon dhe do të sjellë vlera të reja kjo krijuese, një nga sekretaret e ngarkuar për punën me talentet e reja të Pegasit...Ajo rivjen, tashmë, kur ne kemi një përvojë të madhe, kemi organizuar Simpoziume Ndërkombëtare (tre të tillë) dhe po përgatitim të katërtin., kur kemi dhe anëtarë nga rreth 50 vende të Botës. E pret një punë e madhe ...
Mirupafshim, Enkelejda, në Prill 2011 në Simpoziumin madh Ndërkombëtar, që do të zhvillohet në Tiranë .

GËZUAR VITIN E RI 2011, ENKELEJDA JONË E DASHUR! Viti 2011 të jetë për ju dhe familjen tuaj viti i sukseseve dhe i ecurivetë reja si dhe i kontributit profesional dhe letrar.
KRISTAQ F. SHABANI I.W.A, W.P.S
PRESIDENT I LNPSHA “PEGASI” ALBANIA
Gjirokastër, Albania 30.12.2010

PERSHENDETJA e Enkelejdës për VEPRIMTARINË LETRARE “PEGASI DHE TALENTET E RINJ”


Të nderuar pjesëmarrës,
Të nderuar poetë,shkrimtarë, publicistë,dashamirës të librit, ku sot ndodheni të gjithë së bashku, në qytetin e gurtë dhe nuk lodheni asnjëherë t’i jepni dritë këtij qyteti nëpërmjet, fjalës dhe penës...Përshëndetja ime vjen sot me mall nga Belgjika, për këtë ambient të ngrohtë, të cilin e keni zbukuruar si dinë veë poetët ta zbukurojnë… thjesht, bukur dhe të pavdekshëm. Në këtë ditë të ftohtë dimri, vendosa të shkruaj një përshendetje malli dhe gëzimi njëkohesisht...Bora e bardhë është ulur afër banesës, ku unë banoj. Ndoshta edhe për këtë arsye gjithmonë më pëlqente të jetoja në periferi, larg zhurmës dhe stresit. Jam ulur tëq shkruaj këtë përshëndeteje, por qetësinë e kësaj nate të shurdhët, e prish përplasja e erës jashtë dhe tik-taku i orës në mur, edhe shpirti im i trazuar që u ngjan dallgëve të detit në dimër...E kanë trazuar kujtimet rinore, albumet dhe

ditaret, leksikonet e fëmijërisë dhe kujtimet e vjetra dhe të ëmbla, që s'harrohen kurrë... E kanë trazuar dhe s'më lënë të qetë. Rrugëdaljen e vetme e shoh që t’i rrëfehem dikujt, po këtu gjithëka është e huaj, e ftohtë, e askush nuk të kupton...Por zemra ime ndien që edhe ajo është juaja miq…,por kam ndier që dhe juaja ka qenë për të gjithë, e trazuar, jo e qetë, për këdo artist, apo njeri të thjeshtë që lë atdheun e jeton në një vend të huaj...Ndoshta edhe gabohem, por për këtë ju kërkoj ndjesë e, nese nuk gabohem, prapë kërkoj ndjesë, sepse realiteti nuk ma ndërron dot mendimin. E vërteta është jashtë atdheut tënd. Ndihemi gjithnjë "ILEGALË". Eh, ku ka më mirë, kur gëzon fatin e një aksesi shoqërie, ka kuptim gjithëka... Nëse i humbet ato, atëhere ndien keqardhje dhe demorializim total, edhe per planet, që mund të kesh.. Do më pyesnit, ndoshta:...”Ç’do të thotë kjo?”

Pergjigjen as nuk mundohem ta jap, sepse ju e dini...
..."Njeriu nuk heq dorë nga vendi ku i dhemb; nuk i heq sytë nga njeriu që dashuron, syri për të zgjedhur të bukurën, mendja të mirën, goja të ëmblën, zemra të dojë gjithmoneë atdhen, ku ka lindur". Kur mora penën isha vetëm 13 vjeëe dhe desha të bëja një vjershë për babin tim që kthehej vonë nga puna. Mërzitesha pse gjithnjë ai vonohej dhe kurrë nuk ishte me ne në shtepi... e shkrova vjershën dhe, në mesnatë, kur babi ishte kthyer e kishte lexuar... Ne mëngjes në çantën time të shkollës unë gjej një stilograf dhe një fletore ... Kështu nisa të shkruaj...Isha vetem 18 vjeëe ne vitin '99, kur u takova me z. Kristaq F. Shabanin në Gjirokastër. As nuk e njihja, as e kisha idenë se kush ishte. I drejtohem dhe i them se një shkrimtar më ka dërguar për të më lexuar poezitë e mia. Nëse kanë shpresë botimi apo jo... Ai më shikon, pasi i kishte lexuar disa nga poezitë e mia dhe me pyet: -Nga jeni ju, Enkelejda?

- Nga Republika e Shqipërisë, - i them.
Qeshi dhe me drejtohet, duke më thënë: “Ju jeni poete, dhe që sot do të jeni anëtare e "Pegasi"(ashtu quhej në atë kohë Lidhja e Krijuesve). Dhe kështu lidhja jon nuk u shkëput, por vazhdoi gjatë duke sjellë edhe poetë e shkrimtarë të panumërt në gjirin e kësaj shoqate. Lidhja e Krijuesve “Pegasi”(tashmë Lidhja Ndërkombeëtare e Poetëve , shkrimtarëve dhe Artistëve “Pegasi” Albania, me qender në Gjirokastër dhe me dege në shume qytete të Shqipërisë edhe jashtë vendit, ka nje mirënjohje të jashtëzakonshme për punë talemtore, të palodhshme që ka bërë duke filluar që nga poetët e rinj, e deri te artistët e mëdhenj, duke i përkrahur, duke mos

i harruar, duke u nxjerrë ne pah potencën e madhe letrare. Gjithashtu detyrë e saj është qe ta ruajmë e ta njohim trashëgiminë e pasur që na kanë lënë stërgjyshërit e rilindasit tanë. Jam e lumtur që jam pjesëmarrëse e kësaj Lidhjeje dinjitoze, me horizont diagonal dhe horizontal.

Lidhjeje dinjitoze, me horizont diagonal dhe horizontal.
Të nderuar miq, në këtë veprimtari botuese!
Dëshiroja të merrja pjesë aty me ju, të lexonim poezi, të shkëmbenim dy fjalë, të tregojmë se mjaft u bëmë të egër me njëri - tjetrin, se dashuria ka vlerë për të gjithë, se me derën pa trokitur të mos ngelet asnjeri,se fjala, si thotë populli, thyen gur...
Per ju kam nje poezi, që për herë të parë po e publikoj...

Ku me mungon Atdheu im
Keneta sociale më doli diku
e papritur në jetë,
po tani e përkufizoj si vend,
ku më mungon shpirti i shenjtë,
dashuria,
ku më mungon atdheu im...
Dhimbja e pamundësive
tejpërshkrimi i imazhit të keq për ty,
rrezatimi i natyres tënde,
më trullosin e më lënë pa gjumë...
dhe këtu jam gjithnjë duke bërë
rrufepritësin e ndonjë lajmi nga ty ATDHE...
E dua pagjumësinë,
për një puthje të pafalur tënden,
për një shprit që nuk fle akoma,
për një qenie që të mendon pandalshëm,
duke kërkuar më të mirën për ty, Atdhe...

I uroj krijueses se re ANXHELA QIRUSHI suksese të mëtejshme dhe të mos tërhiqet nga vështirësit që i sjell jeta.
JU PERQAFOJ TE GJITHËVE, SA KILOMETRA JEMI !…
Me konsideratë të veçantë e të paharruar
28.12.2010

Belgium
ENKELEJDA ZENEL FEJZO
Tel:0032499889965
Mail:
ledi.ledi.ledi@gmail.com
fejzoenkelejda@yahoo.com
ledi1977@hotmail.com

BELGIUM
EDUCATION
Institute name & Location Degree Received Years of attendance (from-until)
UNIVERSITETI “KRISTAL” LAW 2005
UNIVERSITETI “EQREM ÇABEJ” Literature&Grammar 1996-2000
GJIROKASTER
UNIVERSITETI “EQREM ÇABEJ” Teacher 1996-2000
GJIROKASTER
High school “SALI NIVICA” Diploma 1991-1994
Albania Diplomatic Academy International Relation and Diplomacy Tirane-Albania

EMPLYMENT HISTORY
Employment dates 2006-2007
Company and location Prefecture
Position Specialities civil state
Employment dates 2005-2006
Company and location Albania Diplomatic Academy
Position Lecturer for Emigration causes
Employment dates 2003-2004
Company and location Albania Telegrafic Agency
Position Journalist
Employment dates 2000-2003
Company and location “HOSTENI” Satiric magazine
Position Relationships Manage
Employment dates 1999-2000
Company and location Newspaper “DITA JUG”
Position Journalist