"Frymëzohem në agim për të mbytur natën" poeti Petro Dudi U

Unë frymëzohem në agim
për të mbytur natën

Intervistë direkte në
Simpozium me poetin Petro Dudi, Zëvendës
President i Përgjithsëm i Lidhjes Internacionale “Pegasi “ Albania” anëtar i W.P.S,
në momentin e prezantimit të veprave të tij
“ Prezantim i Kavalierit”

Intervistoi: Shqiponja
Duro, Belgjikë

1. Fillesa ...
Shtysa dhe Vijimësia

Fillesa: Zëri i brendshëm.

Shtysa : Adhurimi i Zërit të brendshëm.

Vijimësia: Kënaqësia ime për ta pëlqyer
produktin tim poetik e shkrimor dhe njëkohësisht ndërgjegjja ime për nivel
artistik...

Si u zbulua talenti nga
vetvetja dhe pastaj nga të tjerët?...

Rasti i zbulimit ishte i çuditshëm... Një zë i brendshëm më foli dhe që më
pëlqeu. Një zë i brendshëm që u ripërsërit. Për këtë zë zbulova se ky ishte i
ndryshueshëm nga të tjerët. Ishte zë poetik dhe këtë zë e “inçizova” në shpirt,
e hodha në kartë. Dhe që atë ditë nuk iu ndamë njeri tjetrit, u zbulua një zë
në vetdije...Unë u merakosa për të se a do t’ju pëlqente të tjerëve, sikundër
më pëlqente mua. Pëlqimi apo mospëlqimi i artdashësit është vula e vlerësimit
të nivelit të krijimtarisë.

Niveli.... Ballafaqimi
dhe konkurrimi i vlerave... Një sentencë.

Tendenca e çdo krijuesi është përsosmëria e krijimit. Natyra e tij
arritja e përsosmërisë.

Çelësi magjik që përdorni për të krijuar dhe për të strukturuar poezinë...

Dhuntia natyrore... Frymëzimi nuk mjafton,... Duhet të bëhet detyra: Niveli
i lartë dhe shpirtërorja e gjetur, por
s’duhet harruar përgjegjshmëria dhe
përkushtimi për poezinë.

Poezia e shkurtër është një lule
që rritet dhe që çel njëherësh. Për një poezi të strukturuar
gjatë kërkohet presdispozitë poetike dhe poeti duhet t’i kërkojë vetes për ta
bërë si lule.

A kanë vepruar prangat,
kanxhat dhe ndoshta dhe “gijotinat” për ty?

Prangat ndaj meje kanë qenë të padukshme. I ndjeja, por s’më frikësonin. Këtë e
them me bindje.

A ndjehesh tani në këtë periudhë i lirshëm apo ke prapë
asmë?

Sot ky ambient tymnajë është mbytës, alergjik, asmatik, por shpirtin
e kam plot me bekim. Unë frymëzohem gjithmonë në agim. Pranë yllit të agimit
është një yll që gjithmonë më pëshpërit.

Konciziteti është i pranishëm në poezinë tuaj a u mundon shumë kjo të arrini aty ku ju
mendoni?

Koinciziteti është i natyrës sime. Ai jeton me mua, është produkt i
shpirtit tim krijimtar. Hedh, studioj dhe përsos. Para se libri t’i shkojë
sovranit bëj një përfytyrim vlerësimi me të mëdhenjtë: Unë dhe Ata. Është një
provim. Kur mbaroj një herë, kam dëshirë rileximi e rileximi dhe pas pikut
ndjej një sadisfaksion.

Ç’të pëlqen në Letërsi,
Art, veçimi?

Për poezi jam i etur, për filozofi i uritur.

Zanafilla e krijimtarisë sime është e lidhur me pikturën, penelin, të cilin
e pasoi them, suksesshëm pena.

Ç’nuk të pëlqen?

Nuk më pëlqen paaftësia dhe vetëmburrja e atyre që s’prodhojnë gjë dhe
shtiren sikur kanë produkt intelektual... më indinjon kusaria që e quajnë
“huazim”... E pëlqej tepër dhe natyrshëm të aftën dhe e vlerësoj në kulm atë...

A keni idhuj?

Nuk kam idhuj. Dua të arrij vetveten në një majë.

Ç’mendim ke për
letërsinë e traditës shqiptare... apo
ç’të ka mbetur në mendje?

Mua më mbetet në mendje cilësorja... Do përgjigjem shkurt me protagonistë:
vepra e Jakov Xoxës (Tolstoit shqiptar, siç e klasifikoj unë), Vath Koreshin,
të cilin edhe e kam njohur nga afër e quaj Turgenjev, Çehov në disa krijime të
tij... Kam pëlqyer në këtë letërsi shiprtin e madh atdhetar, demonstrimin e
virtyteve njerëzore, ruajtjen dhe krenarinë për gjuhën e pastër kombëtare, por
njëkohësisht vlerësoj produktin poetik, figuracionin, dinamikën dhe prozën
poetike të Ismail Kadaresë e Dritëro
Agolit, të cilët sollën një epokë të re
në letërsinë shqiptare... Si poet do të veçoja Xhevahir Spahiun për trajtimin
poetik te poezise krejt në mënyrë individuale.

Ç’mund të na thush për
letërsinë e kësaj periudhe?

Ka prodhueshmëri e llojshmëri. Vlerësuesi më i saktë është
artdashësi.

A keni ndonjë qëllim
final në veprimtarinë tuaj krijimtare si çdo krijues?

Gjithë veprimtaria ime kam kërkuar dhe kërkoj të përshkohet nga një
humanizëm i thellë dhe një nivel i lartë artistik për të përcjellë mesazhe
Njerëzimit.

Faleminderit Kavalier...

Fjala përshëndetëse në
Simpoziumin Ndërkombëtar “Magjia e Përkthimit”

Përmet 8 prill 2010

Të dashur krijues,
poetë, shkkrimtarë , ju Perëndi të vogla të artit!

Të dashur përkthjyes
virtuozë!

Të dashur artdashës!

Sot është një moment i
veçantë ngazëllues që jemi mbledhur së toku për artin këtu, në vendlindjen e Përmeti dhe të gjithë Shqipërisë, poetit
Naim, Frashëri, të dijetarit të madh Sami Frashëri, në vendlindjen e
magjistarit që bënte gurin të fliste, të skulptorit Odise Paskali; në
vendlindjen e “Caruzos“ së Shqipërisë, këngëtarit Mentor Xhemali; në
vendlindjen e bariut të madh të melodive, që pushtojnë zemrën dhe qiejt, të
klarinetistit Laver Bariu e tjerë.

Sot jemi të ngazëllyer
se midis nesh kemi penat e shquara të ardhura nga disa vende: Angli, Turqi,
Greqi, Qipro, Mal i Zi, Bosnjw-Hercegovonw, Maqedoni, Kosovw, Belgjikw nga
krijues emigrantw shqiptarw e tjerw.

Ne artistët flasim me
gjuhë, flasim me shpirt, nëpërmjet veprave.

Në këtë botë kaq të
trazuar, Kryengatërrestari - Paraja, ose “djalli” i shpikur, ka marrë zvarrë
miliona shpirtra njerëzish dhe ka vrarë miliona e miliona jetë njerëzish. Për
lakmitarët dhe grabitqarët kapitali më i shtrenjtë është “shenjtëria” e tij, Perandor “Paraja”. Për ne artistët
kapitali i shenjtë është Krijimtaria, që shpreh Dashurinë, Dëshirën, Gëzimet, Vuajtjet dhe Aspiratat Njerëzore.

Lakmitarët dhe
grabitqarët për ta patur vetëm për vete Kapitalin – “Parapashanë”, shtyhen me
bërryla dhe kacafyten keqas, duke përdhosur shpirtin njerëzor. Ne artistët
kapitalin tonë - Krijimtarinë ua darovitim me shumë bujari gjithë Njerëzve.

Parallinjtë mburren dhe mburren, madje dhe media servile
nuk i kursen lulurinat dhe miklimet. Ata janë e janë shumë të pasur nga xhepi ,
(por të varfër e shumë të varfër nga shpirti).

Ne artistët jemi shumë
e shumë të pasur nga shpirti e të varfër
e shumë të varfër nga xhepi.

Më duhet të them se
dashuria dhe prirja për krijimtari janë privilegj nga natyra. Më duhet të them
se aureola e Krijimtarisë është Poezia
që gjallon e rrezaton.

Shpirti i poetit nëpërmjet
krijimtarisë është si një dritë që ndriçon, duke u përtërirë dhe që përtërihet
duke ndriçuar.

Ne jemi Misionarët e së Ardhmes, që qëndrojmë dhe do
të qëndrojmë në ballë të shoqërisë njerëzore për prosperitetin e bukur të saj.

Më lejoni të përshëndes
gjithë miqtë tanë poetë, shkrimtarë, përkthyes në këtë vatër, që prushëron, që
ngroh dhe ndriçon.

Më lejoni të përshëndes
krijuesit këtu dhe kudo, që ecin me frymëzim dhe pasion në udhën e Korifejve të
Artit.

Më lejoni të përshëndes
përkthyesit pasionantë – sozitë e krijuesve, për përkushtimin madhor e kontributin e paçmueshëm.

Më lejoni të përshendes gjithë artdashësit,
poseduesit dhe vlerësuesit sovranë të veprave.

Më lejoni të përshëndes
poetin, shkrimtarin e talentuar dhe
Sfidant, Kryetarin e Lidhjes Internacionale “PEGASI”, ideatorin, organizatorin
dhe promotorin e Simpoziumit, Kristaq F. Shabani, i cili, me një gjetje
brilante dykuptimore e quajti “MAGJIA E
PËRKTHIMIT”.

Uroj nga zemra vepra sa
më dinjitoze, përkthime sa më të spikatura!

Ju faleminderit!

» PROFIL PEGASI INTERNACIONAL POETI PETRO DUDI
» "POETI" Nga PETRO DUDI (kushtuar poetit Arben Duka)
» "Qestorati një legjendë", nga poeti Petro Dudi
» "Kostelacion" nga poeti Petro Dudi
» LETERSI GJIROKASTRA "PEGASI" PETRO DUDI