Kronika e Zezë

Qenan Ademi, 29-vjecari nga Maqedonia, është shpresa kryesore e Policisë së Kosovës për të zbardhur rastin e vrasjes së katërfishtë që ka ndodhur në komunën e Vitisë.

Qenani është lënduar në orët e hershme të mëngjesit të së hënës në rrugën Kllokot-Viti, ndërkohë që katër personat e tjerë që gjendeshin në veturë me të, kanë mbetur të vdekur në vend.

Bazuar në dokumentet që Policia e Kosovës ua ka gjetur viktimave në xhep, dy prej tyre janë shqiptarë nga Maqedonia dhe dy të tjerë nga Kosova.

Bardhyl Fetahu (1980) dhe Avni Zhaku (1981) nga Kosova si dhe Qemal Agushi (1983) dhe Qazim Bakija (1986) nga Maqedonia, dyshohet se janë qëlluar me 15 plumba.

Zyrtarë të Policisë së Kosovës sqarojnë për Express se në vendin e ngjarjes, ata kanë gjetur 15 gëzhoja të plumbave 7.62x39 mm, që i takojnë armës kallashnikov (AK-47).

Sipas tyre, vetura në të cilën ndodheshin viktimat, është e tipit Mercedes, me targa të Kumanovës, dhe në momentin e sulmit, ajo ka qenë në lëvizje.

Por këto janë vetëm disa të dhëna nga të cilat duket se është shumë e vështirë të krijohet qoftë edhe ideja përse ka ndodhur kjo vrasje kaq e rëndë.

Baki Kelani, zëdhënës i Policisë së Kosovës, shpjegon se Policia Rajonale e Gjilanit është duke u marrë në mënyrë intensive me këtë rast.

“Por deri më tash nuk kemi ende të dyshuar”, thotë Kelani për Express, pa dashur të japë shumë detaje në lidhje me këtë çështje.

Megjithëkëtë, ai e pranon se që nga momenti kur ka ndodhur vrasja, ata kanë kontaktuar me Policinë e Maqedonisë për të kërkuar të dhëna për dy shtetasit e tyre të përfshirë në këtë rast.

“Është procedurë pak më e gjatë derisa të na kthehen përgjigjet në kërkesat tona, duke përfshirë edhe atë për të kaluarën e këtyre viktimave”, thotë Kelani për Express.

Ai sqaron se në lidhje me të kaluarën e viktimave që janë nga Kosova, hetimet ende janë duke u bërë, dhe beson se tashmë trupat e pajetë u janë dhënë familjarëve për varrim, pas obduksionit të kryer.

“Presim edhe rezultatet e forenzikës dhe shpresojmë se pastaj do të kemi përgjigje në shumë pyetje në lidhje me këtë rast të rëndë”, shpjegon zëdhënësi Baki Kelani.

I kontaktuar nga Expressi, Ivo Kotevski, zëdhënës i Ministrisë së Punëve të Brendshme të Maqedonisë, e pranon se ata kanë marrë disa kërkesa nga Policia e Kosovës në lidhje me këtë rast.

“Ne u kemi kthyer përgjigje në lidhje me identitetet e tyre, ku tre prej tyre është konfirmuar se janë shtetas tanë”, thotë zëdhënësi Kotevski.

Sipas tij, nga gjurmimi i të kaluarës së këtyre tre shtetasve të Maqedonisë, është parë se përveç disa shkeljeve të imta të ligjit, ata nuk kanë të kryer ndonjë vepër të rëndë penale.

“Meqë rasti ka ndodhur brenda territorit të Kosovës, atëherë përgjegjësia për të gjitha hetimet i takon Policisë së Kosovës”, thotë zëdhënësi Ivo Kotevski për Express.

Ndërkohë, familjarët e viktimave thonë se ata nuk kanë ndonjë motiv që do t’i shtynte të mendonin për arsyet e kësaj vrasjeje të rëndë.

“Nuk kemi ditur asgjë. Na thanë se është vrarë në orën 2 të mëngjesit. Djali im s`ka pasur asgjë me askënd, kujt borxh nuk i ka pasur”, ka thënë për Express, Sakip Fetahu, babai i Bardhylit të vrarë.

Edhe Efrain Bakija, kushëri i të vrarit Qazim Bakija nga Maqedonia, ka deklaruar për Express se nuk ka ndonjë ide përse ka ndodhur kjo vrasje.

GazetaExpress

Puke,Aksident Katastrofik,vdesin 6 persona 20 te
plagosur

Një ngjarje e rëndë ka ndodhur rreth orës 17:00 në aksin
Rrëshen-Fushë Arrëz, ku një autobus ka dalë nga rruga dhe ka rënë rreth
400-500 metra në një greminë.

Sipas informacioneve paraprake, dyshohet për 6 persona të vdekur mes të
cilëve edhe fëmijë, ndërsa nuk dihet ende numri i saktë i pasgjarëve që
ndodheshin ne automjetin e aksidentuar.

Mësohet se autobusi i drejtuar nga shtetasi Zef Marku, ishte nisur nga
Tirana drejt Fushë Arrëzit dhe ka rënë në lumin Fan i Madh në fshatin
Dom të komunës së Gjegjanit.

Të gjitha autoambulancat e Rreshenit janë angazhuar për të transportuar
të plagosurit në spital, ndërsa Ministria e Shëndetësisë ka vënë në
dispozicion mjete për transportimin drejt Tiranës të atyre që paraqiten
në gjendje të rëndë. Ndërkohë janë angazhuar edhe automjete civile për
transortimin e të plagosurve drejt spitalit të Rrëshenit dhe Pukës.

Dëshmitarë nga vendngjarja bëjnë të ditur se banorët e fshatit dhe
autoritetet janë vënë në lëvizje për të nxjerrë të plagosurit nga
gremina ndërsa sipas dëshimve në News24 numri i viktimave pritet të
rritet.

Pasagjerët kanë dalë nga dritaret gjatë momentit të rënies duke mbushur
zonën me trupa të plagosur, ndërsa numri i personave që udhëtonin në
autobus nuk bëhet ende i ditur.

Policia ka mbërritur menjëherë në vendngjarje dhe ka nisur hetimet për
shkaqet e këtij aksidenti të rëndë. Ndërkohë me urdhër të ministrit të
Brendshëm, Lulëzim Basha është ngritur një shtab emergjence për ngjarjen
e rëndë. Kreu i policisë së shtetit, Hysni Burgaj, zv.ministri i
Brendshëm, Avenir Peka dhe forca të shumta të RENEA-s kanë udhëtuar
drejt komunës Gjegjan






Ngushllim familjarve te viktimave....

Nuk jane shqiptare te vdekurit !

Po ceket tjeter kund , ata jane :
Josif Dinkoski (Hirurg) , Kiri Gorgonoski (Mjek) , Kire Gjorgonski ...
http://a1.com.mk/vesti/default.aspx?VestID=127294
edhe ketu
http://www.tvm.mk/struga/identitet-zrtvi.html

Gjuha dhe shkronjat jane Cirilice por ska rendesi , rendesi ka qe nuk jane shqiptare .

Gafurr Adili i shpëton një atentati në Durrës
12.09.2010, ora 00:45



Gafur Adili Të fundit nga kjo kategori
Ndeshja në Stamboll, sherri në Mitrovicë
Gafurr Adili i shpëton një atentati në Durrës
Milan humbet nga Cesena, Inter mposht Udinezen (VIDEO)
Zhgënjen Barcelona, fiton Reali (VIDEO)
Tërmet 5 ballësh në Korcë dhe Pogradec
Kreu i Frontit Demokratik të Bashkimit Kombëtar (FDBK), Gafurr Adili bëri të ditur se i ka shpëtuar një atentati të planifikuar nga struktura të shërbimit sekret të Maqedonisë. Ish-kreu politik i Armatës Kombëtare Shqiptare (AKSH), Adili i kishte shpëtuar këtij atentati, para disa ditëve në Durrës.

Siç bëhet e ditur, dy agjentë të shërbimit inteligjent të Maqedonisë (DBK) janë arrestuar nga strukturat inteligjente të Shërbimit Informativ Shqiptar (SHISH) në Durrës, të cilët po planifikonin një atentat ndaj zotit Gafurr Adili nga Kërçova, me banim në Shqipëri.

Ngjarja konfirmohet nëpërmjet një komunikate edhe nga Sigurimi Kombëtar Shqiptar (SKSH), një ish-strukturë që i takonte ish- Frontit për Bashkim Kombëtar Shqiptar (FBKSH), organi politik i ish-AKSH-së, njofton agjencia INA.

FDBK kërkon që organet shtetërore shqiptare menjëherë të bëjnë publike hetimet e përfunduara për atentatin, ndërsa apelon që siç thuhet te kreu i BDI-së në Maqedoni, Ali Ahmeti, që të tërhiqet nga likuidimi i atdhetarëve shqiptarë.

o XHemo kam ndegjue prej Udheheqesve te FBKSH-AKSH se ky i trillon Atentatet me qellim qe me terhjek vemendjen e qytetareve sepse ska asnje anetare ,ka 6,7 veta prane vetes.
Dhe ky eshte bashkpunetore i sherbimeve mqedonase.

keshtu qe paraqitet edhe me shume nofka e ke lexue komunikaten e FBKSH -PRishtina dhe AKSH
Ky parqitet Bashkim MItrovica Hana Dielli Gjika ehsume tjere Sigurimi KOmbtare e plot emra te tjere dhe nofka a eshte vete ky psikopati.

Ky me pare ka pas rre edhe nje atentat nga Greket kinse..

PO me vone FBKSH ka zbulue se ka qene trillim nga ky vete.

PO seshte qudi se aq shume ka sha njerez ka ofendue ne baza familjare dhe nje dite ja hekin koken sepse i ka sha shume njerez me familje e kjo sjelohet te shqiptaret.
Ke ndegjue komunikatat e FBKSH-AKSH Kosova .
UKSH.
TE SHAIBK NE Gjernmani eshume njerez tjere Zerin ..
SEpse ky eshte baba i Rrenave dhe mashtrimeve ,me majte veten me para te huaja duhet me rre dyqysh....
Trillime te Adilit qe i njef e gjithe nshqiptaria...po spo ju shiten ma...

Sigurimi kombetare eshte vete G.Adili qe leshon komunikata ,qe te mashtron popullin se kinse ka edhe sigurime etj.a jan shpijunat e maqedonise te cilet bejne tregti shetitit poshte e nalte kane firma a e quajne veten AKSH..
Llogarit ti se me kane AKsh te burgosin menjehere e jo fir te hapesh.....e te sshetisesh i lire neper maqedoni..
Mos hap kesi tema te kota....SE askushe smirret me te ma...
Flitet se ate dite qe ka shkaterrue AKSH-FBKSH i ka marre 250.000 para e me shume nga sherbimi sekret i maqedoniuse te qafa Thenes kete e thojne ishe strukturat e Aksh -FBKSH:
Ky eshte shpijun i tyre.

G.Adili bene qmos qe te ngrit veten e vete .
Siq thojne shoket ai perdore shume nika a eshte vete ai.
keto trillime ai i bene vetem qe tja mundesojne qe te merre shtetesine Shqiptare ne shqiperi.
Une vete kame qene anetare e FBKSH -AKSH ,po te gjitha kane qene rrena te nje grupi shume te vogel qe i ka perdore per interesa te veta ,keshtu ai jetone me parat e atyre anetareve qe pak kane dijeni se kushe eshte G.ADILI.
Vagabonde ,hajne rrence ,shpifes ,Primitiv i cili nuk ka lane shoke shoqe pa share ne menyre me primitive .
vetem pershkak se ata te menqurit nuk ju kane bindur urdherave dhe rrenave te tija.
Nuk eshte qudi qe ky i trillone edhe ne te ardhmen atentatet kunder tije sepse i ka humbe autoriteti ,qe edhe shtu se ka pase fare ne popull as te partit POLITike as te Qeverit ne Tirane as ne Prishtine as ne maqedoni.
Nuk eshte qudi qe nje dite dote hiqet qafet nga vete ata njerez qe ky i shane me familje ,i shane grate ,shoqet qe jane largue prej tije.
Dhe te thote se po e sulmojne sherbime sekrete te atij apo te ketije.
Pra ky njeri me shume nofka....
E ka njefare Mone Romunken qe tere diten shetit neper troje maqedonase e quan veten aksh.e qka jo po se burgosin maqedonasit -qudi moj ...pase athua se burgosin apo mos punojne per sherbime sekrete maqedonase -serbe ..
Mos u bani merak se asgje se gjen.

Policia e Korçës ka bërë të mundur arrestimin e një 57-vjeçari pasi ky i fundit nxirrte të bijën të prostituonte. Burimet nga policia e Korçës bëjnë me dije se në sajë të operacionit të koduar “Pazari” u bë i mundur arrestimi në flagrancë i shtetasit Fatmir Rushani 57 vjeç pasi ai nxirrte të bijën 19-vjeçare në rrugë dhe i gjente asaj klientë përkundrejt një shume të caktuar. Ndërkohë ndaj 57-vjeçarit u morr masa e arrestit dhe materialet i kanë kaluar prokurorisë së rrethit Korçë për hetime të mëtejshme.


Jo cdo njeri meriton te jet Prind?

Nëna gjen të vdekur katër fëmijët në shtëpi

DURRES-Katër fëmijë të mitur u gjetën të pajetë nga nëna e tyre sot në mëngjes në banesën e tyre ne Sukth të Durrësit.
Dy vellezer dhe dy motra, Robert Xheka, 13 vjeç, Vilson Xheka,11 vjeç, Kasandra Xheka 9-vjeçare dhe Nertila Xheka 6 vjeç u gjetën të pajetë ndërsa dyshohet paraprakisht se shkak mund të jetë bërë asfiksia nga tymi. Dyshohet se një vatër zjarri në banesë ka shkarkuar gazra helmues ndërsa fëmijët kanë qënë në gjumë. Policia ka mbërritur në vendin e ngjarjes dhe po kryen hetimet paraprake për të zbuluar shkaqet e kësaj tragjedie. Sipas të dhënave të para nga vendngjarja, fëmijët kishin ndezur një qiri në kushtet e errësirës, c'ka ka provokuar djegien e televizorit dhe krijimin e gazrave helmues.
Nëna e shokuar po merret në pyetje nga policia. IMesohet se prindi ka qënë në punë gjatë natës, pasi punonte si këngëtare në një lokal. Sipas nënës, fëmijët kur ka mbërritur në shtëpi kanë qënë të pajetë.
Detaje
Zana Xheka si zakonisht trokiti ne dere, por askush nuk ja hapi, atehere ajo hapi deren me celes por shtangu kur pa 4 trupat e vegjel te pajete neper krevate dhe divane. Klithmat e nenes zgjuan fqinjet qe njoftuan policine per ngjarjen e rende. Nga kqyrja e trupave u pa se nuk kishte shenja dhune ne trupa, vetem shenja bloze ne fytyre. Policia dyshon se nje qiri i lene ndezur ka krijuar nje vater te vogel zjarri qe eshte shuar, por qe ka prodhuar tym ne banese sa mund te kete asfiksuar femijet.
Mesohet gjithashtu se nena jetonte se bashku me 4 femijet dhe ishte ndare nga bashkeshorti per shkak te dhunes qe ai ushtronte mbi te dhe dhe femijet. Nena para pak kohesh madje kishte kerkuar dhe mbrojtje nga policia pasi bashkeshorti i kercenonte vazhdimisht. Per te mbajtur femijet ajo punonte si kengetare ne nje lokal dhe me te ardhurat menaxhonte shtepine dhe femijet qe deri pak ore me pare ishin ne jete.

Ora 13:14- Dëshmia rrënqethëse e nënës
Ajo është fare e vetme, katër fëmijët e saj nuk jetojnë më. Për News 24 rrëfen kthimin e fundit në shtëpi aty ku priste të gjente në gjumë "të vegjlit" e saj por i gjeti të vdekur. Mes dhimbjes e lotëve, në fytyrën e kësaj nëne të vetme lexohet qartë vuajtja e sakrificat e bëra në jetë për të rritur katër fëmijë, pa baba.

"Kam bërë shumë sakrifica për ta, po i rrita, po i lija vetëm kur ikja në punë, i mbroja se njerëzit i merrnin nëpër këmbë. Kur erdha në shtëpi kam parë vetëm vajzën e vogël sipër krevatit, e kam parë të mbuluar me gëlqere, nuk guxova më të shoh fëmijët e tjerë, fillova të bërtas, thirra komshijtë...aty ishte nxehtësi e madhe, ishin thyer xhamat“,- rrëfen ajo, ndërsa nuk nguron që në këtë ditë të fajësojë babain e tyre, i cili kurrë nuk ka sjellë në shtëpi asgjë për fëmijët, sic tha ajo.

"Ai fare nuk është përgjigjur për to gjithë jetën, as një copë bukë nuk ka prurë në shtëpi për kalamajtë, as një palë corape, unë punoja ditë dhe natë dhe kur shkoja në shtëpi ai më torturonte“,- shprehet Zana.

Mes lotëve, ajo sjell përsëri në kujtesë fëmijët e saj, "Katër fëmijët nuk ndaheshin nga njëri tjetri, ato ecnin vetë", por sot nuk janë më...
(d.b/BalkanWeb)
video: http://www.balkanweb.com/videoAlbum/popup.php?vIDCategoria=42&IDVideo=7532&va_id_video=7532

nje dite zie dhe pikellimi per krejt shqiptaret .Zoti i dergofte ne parajse

Përcillen në banesën e fundit, katër fëmijët e tragjedisë së Sukthit



KRUJË- Paraditen e sotme rreth orës 12:00 ka nisur në fshatin Tapizë të Krujës, ceremonia mortore e katër fëmijëve, që u gjetën të vdekur nga nëna e tyre në shtëpi. Lamtëmirën e fundit, nëna e tyre ua ka dhënë në gjendje shumë të rëndë shëndetësore, e shoqëruar nga një patrullë policie. Pas ceremonisë Zana Xheka është dërguar në shtëpinë e saj në Sukth, ku ruhet nga forca të policisë, pas shokut që pësoi, nga humbja e katër fëmijëve.
Rrëfimi
Zana Xheka tregon për News 24 se varrimi i fëmijëve të saj është bërë nga familjarët e burrit, të cilët as nuk kanë dashur që kjo e fundit të jetë e pranishme në varrim. Gruaja shprehet se kur ishin gjallë, vetëm ajo kujdesej për ta, ndërsa babai u kujtua vetëm kur i pa të vdekur .
“Policia më shoqëroi në varrim pasi ato kishin thënë se nuk do të më pranonin. Vëllai më tha që ti duhet të vish patjetër atje, edhe pse unë nuk doja. Nuk doja ta bënim varrimin atje, as kunetërit, as kunatat, as burri s'më kanë ndihmuar fare, që kur kanë lindur ato fëmijë, as vinin për takim, tani që vjen fundi vijnë i marrin për ti varrosur”,- shprehet nëna e shqetësuar.

“I kam përcjellë pa dëshirën time. Atje vendosi dikush që nuk kishte bërë asgjë për fëmijët e mij. Për ata fëmijë kam bërë unë gjithcka dhe doja ti vendosja unë aty ku doja”,- rrëfen ajo.

Trupat e pajetë të fëmijëve janë tërhequr dje nga spitali prej xhaxhallarëve të fëmijëve, ndërsa nëna sqaron se ajo ndodhej në spital, në gjendje të rëndë shëndetësore dhe nuk donte që ata të varroseshin në Tapizë. Sipas saj varrimi duhej bërë në Sukth, aty ku dhanë edhe shpirt. “Unë nuk kam qënë në gjendje të bëj asgjë, isha në spital. Në polici më pyetën se ku do vendosja ti varrosja fëmijët, unë nuk e kisha me qejf që ta bënin varrimin në Tapizë, doja të bënim këtu. Ndodhi si ndodhi…ishte një fatkeqësi dhe unë doja ti varrosja këtu, sepse prej vitesh jetonim ketu, këtu kanë dhënë shpirt, këtu janë mësuar me shokët dhe shoqet…”

Mes lotësh Zana tregon, “e ndjej veten shumë keq që asnjeri, as njerëzit e mi nuk më ndihmonin se kujton që unë kisha faj”. Më tej, tregon se ka 6 muaj e ndarë nga bashkëshorti. “Ai është larguar nga shtëpia, nuk kemi bërë ndarje, pas katër muajve që kishte ikur nga shtëpia erdhi dhe filloi punë afër lokalit ku punoja unë. Atje punonte vetëm për vete, asgjë nuk sillte për fëmijët".

Gruaja e vetme, rrëfen vuajtjet e saj, ndërsa shton se “asnjëherë nuk ka marrë ndihmë sociale nga bashkia”. Madje shprehet se, “paguante 3 mijë lekë të reja qera”,- në shtëpinë ku jetonte me katër fëmijët. Ditën e tragjedisë, është nisur në punë e sëmurë, “por duheshin fituar para”,- rrëfen ajo,- “për të ushqyet fëmijët, që më përqafuan kur ika”.

Pas kësaj tragjedie ka folur edhe gjyshja e fëmijëve, sipas së cilës, këtyre vuajtjeve nuk u duhej shtuar edhe kjo tragjedi. “Vdekja e fëmijëve është një tjetër fatkeqësi e vajzës sime, e rritur jetime”,- shprehet e moshuara, ndërsa shton që “familjarët e dhëndërit nuk janë kujdesur kurrë për ta”.
Ngjarja
Robert e Vilson Xheka 13 dhe 9 vjec, Kasandra e Nertila Xheka 9 dhe 6 vjec u asfiksuan nga një vatër zjarri e krijuar në shtëpi. Nga mungesa e energjisë, fëmijët harruan ndezur një qiri, që shkaktoi edhe zjarrin në banesë. Ka qënë nëna e tyre, Zana Xheka që i gjeti të asfiksuar në orët e para të mëngjesit, teksa kthehej nga puna.

Në një rrëfim rrënqethës për News24 gruaja e vetme tregoi se nuk kishte asnjë ndihmë nga bashkëshorti për rritjen e tyre, madje, ky i fundit i dhunonte sa herë kthehej në shtëpi. Kjo ishte edhe arsyeja që gruaja kishte zgjedhur të jetonte vetëm me fëmijët e saj, në varfëri e skamje.

Video : Nena e femijeve http://www.balkanweb.com/videoAlbum/popup.php?vIDCategoria=42&IDVideo=7560&va_id_video=7560

Video : http://www.balkanweb.com/videoAlbum/popup.php?vIDCategoria=42&IDVideo=7563&va_id_video=7563

RREZIKOHEN JETET E BASHKEKOMBASVE TANE NE VERI TE SHQIPERISE !!

Nga orteku i borës në Restelicë të Dragashit 9 të vdekur.
Gjenden edhe dy trupa të pajetë, shkon në 9 numri i të vdekurve


Lajmet e fundit që vinë nga Restelica bëjnë të ditur se ekipet e shpëtimit kan gjetur edhe dy trupa të pa jetë nga tre persona sa ishin të ngujuar në borë, duke quar numrin në 9 të vdekur. Ndërkohë po vazhdojnë kërkimet edhe për një të ngujuar.

Po vazhdon me intensitet të lartë kërkimi edhe për 3 persona të ngujuar pas Ortekut. Nga raportimet e fundit bëhet e ditur se përkundër pastrimeve të mëdha të borës ende nuk janë gjetur gjurmë nga 3 të ngujuarit.

Përveç numrit të madh të prestarëve të FKS-së në kërkimet që nga mëngjesi janë bashkangjitur vullnetarisht edhe shumë qytetarë të cilët po kërkojnë edhe 3 të ngujuarit. Mësohet se bëhet fjalë për një burrë, grua dhe një fëmijë.

Vazhdon kërkimi i tre të ngujuarve

Ndërkohë zyra e kryeministrit ka njoftuar se Kryeministri Hashim Thaqi në orën 11: 30 do të vizitoj Fshatin Restelicë.

Rreth orës 8:00 të mëngjesit njësitet e FSK-së kanë rinisur kërkimet edhe për 3 të ngujuarit të tjerë nga orteku i djeshëm që ka goditur fshatin Restelicë të Dragashit. Por fryma të mëdha po vështirojnë shkuarjen deri të vendi i ngjarjes. Kërkimet ishin ndërprerë rreth orës 03:00 të mëngjes për shkak të motit të keq ndërsa ato tashmë kanë riflliuar.

Në Restelicë të Dragashit, Shtatë të vdekur nga orteku i borës

Salim Jenuzi, kryetar i Komunës së Dragashit deklaroi se të gjitha viktimat janë të familjes Reka.

Më herët ekipet e shpëtimit kanë arritur të nxjerrin personin e parë me shenja jete nga dy shtëpitë e mbuluara prej ortekut të borës.

Deputeti Hamza Balje ka konfirmuar nxjerrjen e një fëmije nga njëra shtëpi në Restelicë dhe ka shtuar se ekipet e FSK-së po punojnë vazhdimisht në përpjekje për të nxjerrë edhe të mbijetuarit e tjerë të tragjedisë.

* * * * * *

Policia e Kosovës konfirmoi edhe viktimën e tretë nga orteku që ka goditur disa shtëpi në fshatin Restelicë të komunës së Dragashit.

Informacionet më të fundit nga komuna e Dragashit bëjnë me dije se ekipet që po ballafaqohen për t’i shpëtuar të mbuluarit nga bora në Restelicë, kanë nxjerrë dy persona pa shenja jete, ndërkohë që po punohet për t’i shpëtuar familjarët e tjerë që gjenden nën ortekun e borës. Shefi i policisë së Dragashit, Gëzim Zogaj, e ka konfirmuar për radion lokale ngjarjen tragjike në Restelicë, duke dhënë edhe bilancin e aksionit për shpëtim, deri në këtë orë. “Bëhet fjalë për ngërthimin e dy shtëpive të banuara nga një ortek i madh bore, ndërkohë që shtëpitë tjera, në të cilat nuk kishte banorë, nuk paraqesin urgjencë për intervenim. Deri më tani, janë nxjerrë dy kufoma, një mashkull dhe një femër, ndërkohë që dyshohet se brenda këtyre shtëpive ndodhen gjithsejtë 11 persona”

Kjo është vogëlushja e mbijetuar në Restelicë :

https://www.youtube.com/watch?v=y9HyvokDYoU&feature=player_embedded#t=0s