Mona Agrigoroaiei: DILNI PREJ MOÇALIT TË PROPAGANDËS SË ZEZË

Në fjalorin ditor politik shqiptar, ndër deklaratave të politikanëve, në shtypin e gjerë, së fundi edhe në letrën plotkuptimëshe të zonjes Ekleva Reçi, botuar në gazetën "Shekulli" dhe "Dervina.com", përdoret termi "Shqipëri të Madhe".Ndihem e detyruar ende njëherë të tërheq vëmendjen se ky vlerësim është gjellë të kuzhinave propagandistike të Beogradit dhe Athinës që t'i paraqesin shqiptarët në sy të botës si inkriminues e të infektuar me të njëjtën sëmundje nacionalist-agresive të zgjerimit territorial pa fre mbi trojet që gjoja nuk janë të tyre! Pra, në bazë të reciklimit të termave "Serbi të Madhe", "Greqi të Madhe", etiketa "Shqipëri të Madhe" ka për qëllim që shqiptarët t'i prezantojnë si pushtues dhe veprimtarinë çlirimtare antikoloniale për çlirimin dhe ribashkimin e Shqipërisë - aktualisht në stazhin e luftës politiko-diplomatike –ta përdhosin si veprimtari zaptuese. Shqiptarët nuk vrapojnë pas fantazmës së "Shqipërisë së Madhë". Edhe sikur do të kërkonim trojet e Perandorisë së Ilirisë deri në Danub dhe Istër apo të shtrihemi në drejtimin e paraardhësve tanë më të lashtë – pellazgët, kjo assesi nuk mund të quhej "Shqipëri të Madhe". Por meqë ndër shekuj pellazgo-iliro-shqiptarët (që bartin një vazhdimësi etnogjenetike, antropomorfike, kulturoro-shoqërore të kthjellet) janë të tkurrur në shtrirjen e tyre dhe asimiluar, fillimisht nga popullata semito-egjiptiane e derdhur në trojet pellazgike (duke formuar ashtu popullin grek të vjetër, që sipas shumë historianëve objektive, si p.sh. Mati Aref, kanë përvetësuar gjuhën, arkitekturën, fenë dhe simbolet e pellazgëve) e deri të pushtuesit dhe kolonizatorët sllavë, ne nuk mund të kërkojmë ato troje. Ne kërkojmë vetëm çlirimin e katër vilajeteve shqiptare dhe ribashkimin e tyre në një shtet të vetëm kombëtar. Këto vilajete ishin:
1. Vilajeti i Shkodrës, prej të cilit malazezët shkeputën Plavën, Gucinë, Tivarin, Ulqinin etj.;
2. Vilajeti i Kosovës, i pushtuar fillimisht nga serbët, i copëtuar midis Serbisë (Lugina e Preshevës), IRJM (Lugina e Vardarit) dhe UNMIK-EULEX-it (Kosova e ngushtë, tani nën "pavarësi të mbikëqyur");
3. Vilajeti i Manastirit, pjesë së të cilës e kanë marrë sllavo-maqedonasit;
4. Vilajeti i Janinës, nën pushtimin grek.
Shqiptarët do të mund të akuzoheshin më të drejtë për skenarin e "Shqipërisë së Madhe" vetëm nëse do të derdëlliseshin – sipas parimit serbomadh "kudo ku ka një serb, është Serbi" – për pushtim të atyre trojeve ku ka komunitet shqiptar, p.sh. nëse do të kërkohen troje mbi Danubin, në Rumani, Ukrainë, apo në Itali (ku ka arbëreshë), Zvicër (ku ka mbi 200.000 shqiptarë), Gjermani, Francë, Amerikë, Australi etj. (!)
Pse serbët nuk kërkojnë një "Serbi Etnike", por kërkojnë një "Serbi të Madhe"? Sepse po të flisnin dhe kërkonin një Serbi Etnike, do të mbeteshin të ngushtuar vetëm në ish pashallekun e Beogradit. Të tjera troje janë treva të pushtuar me dhunë e forcë prej fqinjeve, në radhë të parë prej shqiptarëve. Pse grekët nuk kërkojnë një "Greqi Etnike", por kërkojnë një "Greqi të Madhe"? Sepse, po të kërkonin një "Greqi Etnike", do të duheshin të njohin pushtimet e trojeve shqiptare të Çamërisë, Kostur-Follorinë-Konicë (pashallëku i Janinës) dhe trashëgimtarinë e vjedhur kulturore, politike, shoqërore të shqiptarëve, pa të cilat një shtet grek do të ishte pamundur të ekzistonte. Prandaj, kërkoj me ngulm që termi "Shqipëri të Madhe" të hiqet me rreptësi nga fjalori politiko-diplomatik shqiptar. Edhe nëse do të ndodhet që dikush të bëjë gabimin ta përdorte, siç është ndodhur edhe në letrën e z. Reçi, duhet që mass-media të bëhet të ndërgjegjshme dhe të bëjë korrigjimin e duhur, qoftë duke e zëvendësuar me "Shqipëri Etnike" (term i përdorur nga FBKSH dhe strukturat e tij), "Shqipëri Natyrale" (term i përdorur nga analisti Koço Danaj) apo "Shqipëri të Ribashkuar", sepse në të kundërtën do të çonin ujë në mullirin e propagandës së ndyrë sllavo-greke.

22 Korrik 2008
Marr nga Radio Kosova e lirë

UNE SPO MUNDEM TI KUPTOJE KETA NJEREZ PERSE E THOJN DHE MUNDEN TA QESIN NGA GOJE E TYRE SHQIPERIA E MADHE UNE ME KETE E KUPTOJ SE ESHTE QE TI MARRISH DIKUJT TOKE E JO KJO NUK THUHET TEK SHQIPTARET PERVEQ SHERBETOREVE TE SLLAVO GREKEVE qe mundohen neper bote te qesin propagande se gjoja shqiptaret dojn toka te huaja jo jo ne dojmi vetem ato trojet tona qe padrejtesisht na u kane nda nje thenje e eduard gei kur u be coptimi i trojeve shqiptare ne vitin 1913 tha e dijmi se ju eshte bere padrejtesi shqiperis me kete por per ta qetesuar ballkanin u deshte ti coptojm trojet shqiptare e tani une e them padrejtesi po na eshte bere por per ta qetesuar ballkanin duhet te rikthehen trojet tona te shqiperise natyrale se perndryshe kurr zdo kete qetesi ne kete pjese te europes dhe se besoje se do mundet te kete ndonjher evrope te bashkuare perderisa nuk bashkohen trojet shqiptare mos harro kerkoje qka eshte e jotja mesoje dhe lufto per te per ribashkimin e trojeve tona