Të vritesh për një fjalë goje

Nëna kishte dalë për të paguar kaparin e lokalit ku pas një muaji do të gëzonte dasmën e djalit të saj të vetëm, por një nga burrat më të fortë fisit i tha të bëhej e fortë se djali e kishte lënë. Askush nuk mund ta përshkruaj dhimbjen e kësaj nëne. Djali i vetëm i kësaj familje u masakrua pak ditë më parë në mes të ditës në qendër të Paskuqanit në Tiranë. Të vritesh për kapriçot e gangsterit të fshatit.
Policia deklaroi se vrasja e 27-vjeçarit Ervis Sapaj në Paskuqan ndodhi pas një sherri banal mes tij dhe autorëve për parakalimin e automjeteve. Fillimisht Sapaj nuk ka pranuar të flasë me autorët duke vazhduar rrugën, gjë e cila ka irrituar më shumë dy personat e tjerë të cilët duket se nuk u lejonin vetes një shpërfillje të tillë, ndaj dhe nuk nguruan ta masakronin me kaçavidë në kokë të riun duke i shkaktuar vdekjen.
Autori kishte qenë i dënuar më parë për vrasje dhe lëvizte me kaçavida apo thika në brez, kjo nuk është shumë e rëndësishme per policine. “Të ruani njerëzit me precedentë penal” kujtohet tu thotë vartësve një herë në vit kur bëhen analiza Ministri i Brendshëm. Po në fakt polici nuk ka punë tjetër, por të ndjeke nga pas gjithë kohës njerëzit që kanë bërë vrasje, janë arrestuar kanë bërë pak vite burg dhe pastaj lëvizin lirshëm në rrugë dhe personi i parë që u kthen fjalën apo i shan nga “robtë e shpis” ata u ngulin thikën. Shqiptarët njihen si gjaknxehtë, por kjo nuk do e justifikonte atë ti marrë jetën tjetrit. Shumë djem zihen, plagosen, vriten, në kryeqytet pas të tilla incidenteve, asnjëra palë nuk fal, nuk zbutet. Njerëzit që kanë qenë jashtë e dinë që të huajt thonë shpesh herë më fal, këtu rrallë herë e dëgjon. Çfarë i bën Shqiptarët të mos falin? Të jenë kaq agresivë? Të vriten për një fjalë goje?

P.S. Për të pasqyruar më me shumë detaje ngjarjen, shkova në banesën e viktimës. Ishte një tmerr. Ende nuk kishin përfunduar montimin e dhomës së gjumit të djalit të vetëm i cili martohej më 15 shtator. E çfarë duhej më ajo dhomë gjumi. Dy gangasterë e masakruan e nuk e lanë të bëhej dhëndër. E përshkrova pak situatën për të treguar se çfarë pasojë sjellë egoja e këtyre djemve të rinj të cilët për një fjalë goje të vrasin njësoj sikur vrasin një mizë, kurse policia edhe pse e ndergjegjshme per rrezikshmerine e qindra krimineleve qe berdhin lirisht nuk ben asgje.

Autori: Klodiana Kotorri




Vrasje mesjetare “made in albania’, produkt shqiptar me shumice, kafsheri dhe pabesi, qe ne e quajme bureri.

Biligoa kjo eshte nje gje temrrshme, jam prekur shum kur e kam lexuar. nuk mund ti shtoj me shume se ci ke shtuar ti ne fund, sepse te gjtha jane te drejta. ne qytetin tim burgoseshin njerzit qe flisnin kunder ketij apo atij dhe kurre kriminelet e vertete qe diheshin nga te gjithe qe ishin vrases, perdhunues dhe rrembyes.