GJIROKASTRA ARSIM Risitë në ciklin e ulët nga MIRELA SINO

Risitë në ciklin e ulët
Nga Mirela Sino, Zev/drejtore e Shkollës
Në ciklin e ulët të shkollës sonë 9-vjeçare “Andon Zako Çajupi” po zhvillohet një punë e konsiderueshme për futjen e metodave të reja të mësimdhënies në çdo klasë. Është krijuar një traditë e mirë prej katër vjetësh, e cila e ka zanafillën me ardhjen në shkollën tonë të mësueses Suzanë Kane. Nën shëmbullin e këtyre mësueseve metodologjia “Hap pas hapi” zbatohet dhe në klasat e tjera të ciklit fillor me mësueset: Manjola Sinani, Mirela Tola, Luljeta Gjoni, Zamira Dono e Eldjona Mullai.

Cilat janë risitë e kësaj metodologjie? Ristitë e kësaj metodologjie shihen në radhë të parë te rezultatet e nxënësve, interesimi i tyre për orën e mësimit; fakti që ata ndihen aktorë të rëndësishëm në jetën e tyre shkollore. Së fundmi, që është dhe më kryesorja, ndryshimet shihen edhe në përparimin e nxënësve, në rezultatet e tyre në PME.

Një ndër të mirat e këtyre metodave është dhe integrimi ndërlëndor, i cili sjell një zhvillim optimal te nxënësit, duke harmonizuar talentet në lëndë të ndryshme. Nxënësit nuk lihen të lënë pas dore, por të rëndësishëm dhe të vlefshëm në çdo lëndë dhe kjo procedurë sjell mirëaktivizimin e tyre dhe pjesëmarrje tepër aktive në procesin mësimor . Puna në ciklin e ulët ka qenë një shembull i mirë vazhdimësie dhe për ciklin e lartë, që ka adoptuar mjaft nga metodat dhe integrimin ndërlëndor. Procesi mësimor ka ecur mirë në përgjithësi, falë interesimit të madh të mësueseve në ciklin fillor

dhe nga ana e prindërve. Një anë pozitive e prindërve është dhe frekuentimi i tyre në shkollë, i cili paraqitet i rregullt. Mësueset në ciklin e ulët janë mësuese të kualifikuara dhe mbartin një përvojë të mirë dhe të

gjatë pune në PME. Ato janë të kualifikuara dhe të çertifikuara. Gjatë PME ndihmesë kemi patur në sigurimin e bazës materiale nga shoqata “Save the children”, por edhe me zhvillimin e orëve ekstra për kontigjentin e fëmijëve me rezultate të ulëta. Një ndihmesë të veçantë në kualifikimin dhe trajnimin të mësuesve kanë dhënë edhe seminaret dhe trajnimet e ndryshme të zhvilluara nga përfaqësues të MASH, DRA dhe shoqatës “Save the children”.

Përvoja e mirë vazhdon të funksionojë edhe te shkolla jonë vartëse “Së bashku” që ndodhet në lagjen “Zinxhira”. Mësueset e kësaj shkolle kanë bërë dhe po bëjnë një punë të mirë, falë përvojës së mësueses Suzanë Kane, e cila bën mësim në këtë shkollë. Kontigjenti i kësaj shkolle është një kontigjent i larmishëm, ku ka mjaft nxënës romë dhe egjiptianë. Një punë e mirë po bëhet për të udhëhequr kontigjentin rom drejt dyerve të shkollës, për ta bërë atë pjesë aktive të jetës shkollore. Specifikat e atij komuniteti kërkojnë një punë të madhe edukative morale dhe materiale nga ana e mësuesve.

Jemi të bindur se do të vazhdojmë punën e filluar më sukses dhe me përkushtim në mënyrë që, të vazhdojmë të jemi, si gjithmonë, një shkollë e mirë, ku punohet dhe bashkëjetohet në harmoni.