Gjuha arabe gjuha e katert me popullore ne bote

Gjuha arabe gjuha e katërt më popullore në botë

Rijad, Abdul Hannan Tago

Sipas Qendrës Ndërkombëtare të Gjuhës Arabe “Mbreti Abdullah” në Rijad, (KAICAL) ka zbuluar se gjuha arabe renditet e katërta në mesin e gjuhëve të mëdha ndërkombëtare.
Duke cituar një raport, KAICAL tha se sipas një studimi të gjuhëve, gjuha kineze është gjuha më e folur, më e përhapura në botë. Megjithatë, gjuha angleze është gjuha që është në vendin më të lartë në aspektin e numrit të vendeve që e flasin këtë gjuhë, që pasohet nga gjuha arabe.
Studimi zbuloi se megjithëse numri i gjuhëve që fliten në botë është 7102, vetëm në kontinentin e Evropës fliten 286 gjuhë.
Numri i përgjithshëm i gjuhëve që fliten në Azi është 2301, kurse në Afrikë fliten 2138 gjuhë, në rajonin e Paqësorit fliten 1313, dhe 1064 gjuhë fliten në Amerikën Veriore, Latine dhe Jugore.
Sipas studimit nga Ulrich Ammon, profesor i gjuhëve në Universitetin e Dusseldorf, rreth dy e treta e popullsisë së botës flet 12 gjuhë të mëdha.
Sipas Ulrich Ammon-it, i cili hulumtoi 15 vjet për të përfunduar projektin e tij, tha se 1.390.000.000 njerëz flasin gjuhën kineze, me të gjitha dialektet e saj; ndërsa 588.000.000 njerëz flasin gjuhën urdu, që pasohet nga gjuha angleze të cilën e flasin 527.000.000 milion folës dhe 467.000.000 milion banorë e flasin gjuhën arabe.
Spanishtja është gjuha e pestë më e madhe në botë të cilën e flasin nga 389.000.000 njerëz, pastaj vjen gjuha bengaleze të cilën e 250 milion folës.
Pjesa tjetër e gjuhëve janë: rusishtja (254 milionë folës ), gjuha portugeze 193 milionë, gjuha gjermane 132 milionë, gjuha japoneze 123 milionë, frëngjishtja 118.000.000) dhe gjuha italiane 67 milionë folës, sipas raportit të publikuar nga " The Washington Post "
Gjuha angleze flitet në 101 shtete, pasuar nga arabishtja në 60 shtete, frëngjishtja në 51 shtete, gjuha kineze në 33 shtete, gjuha spanjolle në 31shtete, gjuha perse flitet në 29 shtete, gjermanishtja flitet në 18 shtete, gjuha ruse në 16 shtete , gjuha malaje në 13 shtete dhe gjuha portugeze flitet në 12 shtete.

Burimi: Media e Lire

================================================== ====