Suedi: Kisha shndërrohet në xhami

Suedi: Kisha shndërrohet në xhami

Komuniteti musliman në Suedi është duke planifikuar që një kishë suedeze ta shndërroj në xhami, pasi kisha Pentecostale ka vendosur ta shesë objektin e kishës në qytetin Flen, në Suedinë lindore

Kisha në Flen është vendosur në tregun e pronave në nëntor të vitit të kaluar, pas së cilës Qendra muslimane "El Huda" vendosi ta blejë, me qëllim që ta kthej atë në xhami.

Vendimi për shitje erdhi pas bashkimit të dy bashkësive Pentecostale, gjë që objekti e kishës në Flen është bërë i tepërt.
Megjithatë, shitja e kishës një organizate muslimane nuk është diçka me të cilën anëtarët e kishës Pentecostale janë pajtuar aq lehtë. Zëdhënësja Kristina Blomqvist thotë se bisedimet kanë qenë të gjata për t’u marr ky hap.

"Më duhet të pranoj se kemi diskutuar shumë gjatë për këtë çështje, kishte mjaft zemërim në mesin e disa prej anëtarëve tanë, të cilët besojnë se ky është një gabim, në qoftë se merret parasysh statusi i të krishterëve në vendet muslimane", thotë Blomqvist.

Megjithatë, në fund ata vendosën se nuk ka asnjë pengesë që objektin t’ia shesin qendrës muslimane.
Ata konsiderojnë se nuk duhet t’i ndëshkojnë muslimanët në Suedi për shkak të pozitës së të krishterëve në vendet tjera.
"Ne, në këtë mënyrë vendosëm që ta tregojmë dashurinë tonë krishtere ndaj muslimanëve, dhe t’ju shesim ndërtesën tonë", tha Blomqvist.

Çmimi i këtij objekti është katër milionë korona (641.000 dollarë), dhe nga "Al Hude" thonë se këto para do të përpiqen t’i mbledhin nëpërmjet donacioneve.

Burimi: ISLAMGJAKOVA.net