Sa herë vjen Muharremi

SA HERÊ VJEN MUHARREMI



Sa herë vjen Muharremi

Re të zeza lëshohen mbi qiellin gri,

Zemrat dhimbshëm rënkojnë për Hyseinin

Trishtimi kaplon çdo të ndershëm njeri.



Sa herë vjen Muharremi

Sjellë lot,vajë e pikëllim,

Për Ehli Bejtin dhimbje kemi

Kujtojmë e qajmë me ngashërim.



Kujtojmë të Dërguarin kur pat thënë

Nipërit më janë si dy bebzat e syve,

Të çmendurit fjalëve veshin s`ua vënë

Në pellgje gjaku vallëzuan, me trofe kokat e tyre.



Sa herë vjen Muharremi

Qorbelaja,fantazmë ngritet përsëri,

Në palcë thikën e tradhëtisë ende e kemi

Nga dorë tinzare që s`ka fe as njerëzi.



Jo fe nuk ka, për atë që s`ka njerëzi,

Ka thënë urtaku i madh që moti,

Kur zemra e prishur reflekton ligësi

Çdo lutje, çdo vepër është punë koti.



Sa herë vjen Muharrem

Brenda egos bisha zgjohet, ulërinë,

Në Familjen e Pastër të sigurtë do jeni

Jashtë saj errësira ju përpinë



Koha prapa s`kthehet,një mister bartim ne,

E vërtetë e thellë n`zemrën e secilit njeri,

Aty ke Ehli Bejtin, si më e larta ide,

Dhe epshin lakmitar,si pushtues emevi.



Me zemër të pastër,me shpresë e dashuri

Ejani o njerëz në anijen e shpëtimit,

Kush don Pejgamberin dhe Familjen e Tij,

Nga terri ka dalur, në driten e amshimit.



Haxhi Ali SYLAJ, Gjakovë

Cito :

SA HERÊ VJEN MUHARREMI

Kush eshte Muharremi ?