PICARI Gazeta Nr.1 PEGASI ALBANIA

“PICARI”
gazetë e pavarur periodike kulturoro- historiko - letrare, e përtremuajshme.
Botohet nën drejtimin e Lidhjes së Krijuesve “PEGASI” ALBANIA ,Gjirokastër
Viti i parë i botimit Nr.1 (001) muaji shtator 2010 Çmimi 30 lekë Euro 1

* * *
Guriçkat e bardha dukej sikur fjaloseshin njëra me tjetrën. Cërmërdelet hidhnin në eter aromën e tyre natyrore dhe kjo aromë shpërndahej në hapësirën qiellore të fshatit Koronë, në këtë pentagram qiellor, ku shkruheshin si në një papirues gjigand ndodhitë. Në pjesën ballore të pentagramit shkruhej historia e këtij fshati të panëpërkëmbur kurrë me ca herioglife, të cilat s’mund t’i lexonte dot dinaku. Ishte një papirues gjigand që në një faqe të tij të madhe kishte të shkruar historinë e kalimeve, e pushtimeve, e krimimit, e vrasjeve të pashembullta, e ikjes, e emigrimit, e copëtimit, e ndrydhjes, e protestës, e kryengritjeve, e lidhjes besa – besë, e lotimeve, të qarjeve, të elegjive, të dasmimeve, të këngëve, të epikës dhe të lirikës së bukur, të vetmes kujtesë, ku gërmat shqip copëtoheshin dhe priteshin mizorisht nga ardhësit e paftuar... guxonte të thoshte fjalët e saj më të mprehta që tronditnin kulme, ëndrra: trim, trimëri, trashëgimi, top, tetë, tokësor, tatë, por edhe tmerr, trazirë, tramundanë, tradhti, tradhtar...
Çuditërisht dy të kundërta në virtytshmëri: trim dhe tradhtar, trimëri- tradhti...
Në “papirusin” e Picarit ishte shkruar me gërmëzim të artë, por me një prerje që sillte cungim gërma “Sh” Shqipëri, shqiptar, shpresë, shtat, shqiponjë...shenjtëri, shenjtor, por edhe Shkulje, shkatërrim, shenjezim, shporrje, shkundje....

Në këtë papirues “herioglif” jetonin ata njerëzit me shpirt të mishtë dhe tek ta vinin dhunshëm të paftuarit të shprishin jetën e tyre të qendisur, sipas shijes të vetë në veshje, mbuloja, valle, këngë, elegji, krenime; të merrnin peng pjesëza të njerëzve që ishin në truallin e tyre, pasi në shpirtin e të ardhurve ishte një akt makabër: etja pushtuese.
Marrë nga libri i Kristaq F. Shabanit “Mëmëmbretërorja dhe Tetot”

Programi i veprimtarisë historiko - letrare:
“ Bota është e guximtarëve” Kapedan Çelo Picari
Data 11.09.2010, ditë e shtunë , ora 10.00- 12.30
Një ndalje poetike te Gurra e Picarit të pjesëmarrësve nga Gjirokastra, Përmeti, Tepelena, Saranda... (Poezi nga poetet dhe shkrimtarët pjesëmarrës për Veprimtari) Fotografi ….
** Ekspoze e librave te krijuesve picariotë dhe të autorëve të tjerë që kanë shkruar për Picarin
Ekspoze gjithashtu dhe të disa librave të PEGAS INTERNACIONAL
*Në sallën ku do të zhvillohet veprimtaria organizohet qerasje sipas traditës labe
*Vogëlushë picariotë të veshur me kostum kombëtar futen në sallë (lokal) dhurojnë lule dhe kërcejnë një valle të kënduar tradite...

Kumtime të prezantimit
1. Fjala hyrëse:”Picari, një fshat me tradita të larta patriotike dhe me kontribut në historinë shqiptare”
Kryetarit të Komunës Picar, z. Shkëlqim Guçe
2. Referencë: “Eksplorimi i figurave madhore te identitetit kombëtar, një detyrë shkrimore e pambaruar...”
Kristaq F. Shabani President i Lidhjes së Krijuesve “PEGASI” ALBANIA
Anëtar i Lidhjes së Shkrimtarëve dhe Artistëve Ndërkombëtarë I.Ë.A (OHAJO SHBA)
Anëtar i Lidhjes së Poetëve Bashkëkohorë (Ë.P.S)
3. Kumtim: “Konturimi i figurës së Çelo Picarit ne veprën e M.Peçit e parë në kontëkstin historik dhe disa përfundime logjike qe dalin për figurën e Çelo Picarit”
Dr. Shyqyri Hysi, Universiteti “Eqrem Çabej” Gjirokastër
4. Kumt: “Si përjetësohet dhe trasmetohet në veprimtarinë shkollore figura e Çelo Picarit dhe bashkëluftarëve të tij” Drejtori i shkollës së mesme Gazmend Duro

5. Montazh letraro - artistik nga nxënësit e shkollës së Mesme Picar, (Shfrytëzohet substrati i librit) si dhe interpretim të krijime te nxënësve të shkollës për Picarin dhe [elo Picarin si dhe nga poetë të Picarit...
Murat Memallaj , mësues , poet W.P.S
6. “ Folkloristika e Picarit, epiqendërzimi i figurës së trimtë dhe të zgjuar të Çelo Picarit dhe bashkëluftëtarëve të tij, lidhësia e kësaj trimërie dhe me heronjtë e vendeve të tjera”.
Lifto Peçi, mësues i historisë

7. Ilustrim melodik: “Trimëria përjetësohet në këngë” Këngë nga grupi i këngës “GURRA E PICARIT” me objekt Picarin dhe Çelo Picarin si dhe dhe grupi i të rinjve...
8. Fjala e auditorit: Përshtypëzime me objekt nga libri, mendime, propozime per figurën e Çelo Picarit: Halil Bilaj,ish punonjës kulture në Picar, Hadër Mevlani poet, Dino Çiço Ë.P.S, Lumo Kolleshi Ë.P.S poet- Përmet, Agron Shele Ë.P.S, poet Murat Memallaj Ë.P.S poet, Muharrem Guçe, poet, Dr. Laver Stroka publicist, Islam Kalemi, poet Tepelenë, Elefteria Kallojeri Ë.P.S poete, këshilltarë, bashkëfshatarë e tjerë.
9, Intervistë me autorin…. Interviston publicisti Kristo Stoja.
10. Përshëndetje nga poetë, shkrimtarë, studiues nga vendi, diaspora dhe vende të ndryshme të Botës(Kosova, Mali i Zi, Maqedonia, SHBA, Belgjika, Zvicër, Greqia e tjerë)
Lexon Sekretari i përgjithshëm Agron Shele.

11.Fjala e autorit
12. Fjala përmbyllëse, Dhenia e pasaportës së Pegasit autorit
Dreka e veprimtarisë (Këngë, valle , përshëndetje, dolli, dhurime librash bibliotekës së fshatit Picar nga Pegasi Internacional, autorë vendas dhe të huaj)
Gjatë përgatitjes së Drekës: Vizitë në ambientet e Komunës Picar të cilën e drejton një poet dhe artist (krijues), një bisedë e shkurtër. Evidentim dhe reklamimi i veprimtarisë së saj në organet e shtypit, median e shkruar dhe elektronike ( internet...)
Filmon veprimtarinë : Bastri Bihuci(Kameraman) Fotograf: J. Dede TV “Gjirokastra” Yllka Ponde Ë.P.S TV ALPO. Ekspozite fotografike ne mjediset e lokalit (Picari veprimtari, autori, librat)
Për veprimtarinë që do të zhvillohet do të njoftohen të gjithë anëtarët e Pegas Internacional në vend dhe në botë. Materialet e kësaj veprimtarie do të hidhen në internet http://pegasialëriters.tripod.com
Salla ku do të zhvillohet veprimtaria: Lokali i Namik Peçit (qendër Picar)
Sponsor te veprimtarisë historiko- letrare: Sponsor të veçantë, Autori, Komuna Picar

Lëvizja e pjesëmarrësve nga Gjirokastra në Picar dhe kthim në Gjirokastër fugoni me targa
Nisja: Lagjja 18 “shtatori” afër te lokalit të Kujtim Spahiut.
Në Votucë i bashkohet grupit nga Gjirokastra dhe poetët e shkrimtarët nga Përmeti dhe Tepelena.
Për LNPSHA “PEGASI” ALBANIA
Sekretari i përgjithshëm Z/Presidente për Diasporën Presidenti
/Agron Shele/ /Lediana Paja/ SHBA /Kristaq F. Shabani/

11.09. 2010
NË PICAR ORGANIZOHET NGA LIDHJA NDËRKOMBËTARE E POETËVE , SHKRIMTARËVE DHE ARTISTËVE “PEGASI” ALBANIA PREZANTIMI I LIBRIT “BOTA E GUXIMTAREVE” KAPEDAN ÇELO PICARI TË AUTORIT PICARIOT METE M. PEÇI
Fjala e Sekretarit të ërgjithshëm të Lidhjes NPSHA “PEGASI” ALBANIA, poetit dhe shkrimatrit AGRON SHELE Ë.P.S

TË NDERUAR BANORË TË FSHATIT EPIK DHE HISTORIK TË PICARIT!
Të nderuar kolegë, miq dhe poetë!
I nderuar Kryetar i Komunës!
Në kuadrin e veprimtarive të mëdha mbarë kombëtare dhe ndërkombëtare LNPSHA “PEGASI”Albania, pas Simpoziumit Ndërkombëtar “MUZA POETIKE PEGASI 2010” me objekt “MAGJIA EPËRKTHIMIT” E ZHVILLUAR NË DISA QYTETE TË Shqipërisë si Gjirokastra, Përmeti, Vlora dhe përfunduar në Tiranë, organizon sot në bashkëpunim me Komunën tuaj veprimtarinë historiko - letrare “Bota e guximtarëve” shprehje kjo profetike e një prej kapedanëve dhe patriotëve më të mëdhenj të kombit otnë, Çelo Picarit.
Të flasësh për jetën dhe veprën e pashembëllt të birit tuaj legjendar , Çelo Picarit është si të rrëfehesh para altarit të madhështisë “KURORË LABËRIE”.
Të flasësh për bëmat e kapedanit patjetër që do të rishikosh vendin që e rriti dhe e mëkoi me vlerat më të mëdha, të cilat më pas do të nëshkruanin historinë, atë histori që sot është kthyer në legjendë. Për legjendën përbetim të Çelo Picarit,kapedanit, “komb dhe flamur”, besë dhe liri”, nëpërmjet paltformës estetike letrare të autorëve pegasianë, është zgjuar interesi i shumë studiuesve dhe krijuesve vendas dhe të huaj, të cilët me mesazhet dhe përshëndetjet e tyre të përzemërta nga Kosova, Mali i Zi, Maqedonia, Turqia, Anglia, Zvicra, Gjermani, Belgjika, Amerika dhe Australia e largët, luten sot që të transmetonjnë përshënetjet e tyre më të përzemërta.
Të jesh sot mes jush, vendit që lindi një burrë dhe një atdhetar si Çelo Picari, është nder dhe krenari, prandaj në emër të të gjithë krijuesve ndërkombëtarë pegasianë, më lejoni dhe njëherë t’Ju uroj dhe përshëndes:
Mirë se erdhët në afreskun e profecisë “Bota e guximtarëve”!
Qoftë i bekuar vendi që lindi dhe rriti këtë luan!
Me këtë rast fjalën përshëndetëse ia japim Kryetarit të Këshillit të Kryesisë së Fashtit, zotit Dilaver Gorici

Fjala përshëndetëse e Kryetarit të Këshillit të Kryesisë së Fshatit, zotit Dilaver Gorici
Të nderuar poetë dhe shkrimtarë dhe të ftuar nga disa vende të Shqipërisë!
Të nderuar banorë dhe nxënës të fshatit tonë Picar!
Është nder për mua t’ju përshëndes, t’ju falenderoj për veprimtarinë që i kushtohet sot patriotit dhe birit tonë të madh kapedan Çelos. Dua fillimisht t’ju uroj të gjithëve : “Mirëseerdhët në Picarin tonë!”
Përshëndes autorin e librit të Mete Peçit, i cili na sjell sot kapedan Çelo Picarin me librin e tij monografik “Bota e guximtarëve”. Picari ka qenë gjithmonë një vend që ka kontribuar denjësisht në zhvillimet shqiptare dhe ka dhënë kontributin e tij në bërjen e kësaj historie. Ne sot krenohemi me atë ç’kemi dhënë dhe ç’kemi bërë , por edhe do të ngulmojmë për të ardhmen.

“Picari, një fshat me tradita të larta patriotike dhe me kontribut në historinë shqiptare”
Fjala e Kryetarit tëtë Komunës Picar z. Shkëlqim Guçe.
Të nderuar të pranishëm , të nderuar bashkëfshatarë!

Sot na jep rastin ky eveniment, kjo ceremoni, apo promovim monografië “BOTA E GUXIMTARËVE” ,kushtuar kapedan Çelo Picarit nga Mete Peçi, për të prezantuar dhe diçka jashtë brendisë së kësaj monografie. Çelo Picari është përkundur në djepin e trimërisë, të besës e bujarisë, në djepin e bëmave, traditave, dokeve e zakoneve, në këtë vend me histori e vlera, që e evidentojnë në këndvështrimin etnokulturor.
Trashëgimia nis me ritet e rralla, që kryen në lindje të fëmijëve, në fejesa, martesa, vdekjet, në hallet e dertet që përshkruhen më së miri nga krijimet e çastit, që në gëzime ......e quajmë e në vaje quhen ligjërime.
Dallimi nga zonat e tjera duket në mënyrën e të folurit, të kënduarit, në mënyrën e veshjes apo të ecurit me supe, që e bën Picarin të evidentohet me karakteristikat e veta në krahinën e Kurveleshit, ku ai bën pjesë.
Vetitë dhe virtytet e trimave dhe të mençurve, kanë bërë hije e kanë lënë gjurmë nëpër breza. Çelo Picari përjetësoi dhe përvetësoi nga këto vlera dhe mbeti figurë shembëllore për ne dhe ata, që do të vijnë.

Kjo zonë , ky vend me vlera të rralla të traditës e folklorit, në veçanti, e ka burimin nga thellësia e viteve për të thënë lashtësia ilire, që vëretohet edhe në toponimet si Mrezam, Gjiguca e tjerë. Gurgullima e gurrës së folklorit picariot i ka rrënjët po aq thellë. Të gjitha bëmat, pothuajse, janë të pasqyruara në tregimet , këngët, vallet, por edhe meloditë e rralla të instrumentave prej guri, druri e metali. Bejtexhinjtë, rapsodët apo krijuesit kanë nxjerrë në pah vlerat etnokulturore. Këta krijues nuk i kanë munguar Picarit. Kjo është prezente edhe në ditë e sotme me Mete Peçin.
Në vargjet e këngëve dëgjohen vringëllima e jataganëve, krisma armësh për liri, emra kapedanësh të sertë, portrete të labusheve, që ngjasojnë me yjet e bien erë trëndelinë. Traditat apo zakonet janë të transmetuara pareshtur nëpër evenimente, por sidomos në lëmenjtë e festivaleve folklorike rajonale kombëtare e ndërkombëtare.
Meloditë instrumentale, variantet melodike, forca dhe eleganca e valleve, ngjyra e bardhë, e zezë, e kuqe dhe e verdhë te meshkujt, si dhe ngjyra jeshile e kuqe e zezë dhe e verdhë te femrat, janë ruajtur në kostumet popullore.

Në vargjet e këngëve dëgjohen vringëllima e jataganësh, krisma armësh për liri, emra kapedanësh. Në tërësinë e tyre në këtë zonë e sidomos në Picar vlerat në tradita, zakone dhe folklori në përgjithësi janë qëmtuar e ruhen ngrohtë në prehërin e këtij vendi , djep i kapedanit Çelo Picari.

Presidenti i Lidhjes NPSHA “PEGASI” ALBANIA,
poeti dhe shkrimtari Kristaq F. Shabani
duke mbajtur kumtimin

* *“Eksplorimi i figurave madhore te identitetit kombëtar, një detyrë shkrimore e pambaruar...”
Evidentimi i figurave kolorite të kontributit patriotik, mëmëdhetar merr edhe tashmë një rëndësi primare, pasi evidenton, plotëformon, atë pjesë traditore të shprehësisë, që shpesh herë me qëllim apo pa qëllim, lihet në mes të rrugës apo të udhëkryqit si një harresë e mjegulluar. Figurat potente me rol të pakontestueshëm në historinë e një populli çmohen dhe krijojnë atë mburrnajë të nevojshme popullore për “trimat” e lindur nga mitra popullore; peisazhohen në tablo mbajtmendëse dhe guximfolëse, të cilat shprehin identitetin e një populli, i cili, sipas meje, paçka nga risitë e shprehura edhe në bashkimet unikale mbetet identitet dhe krenimi për identitetin është i padiskutueshëm… Fizionomia, gjuha, psikologjia, temperamenti, personaliteti, tradita historike dhe ajo e gjithanshme, zakonet dhe gjithë procesi volitiv shprehin katërcipërisht prezantimin.

Nisma për të eksploruar sadopak apo sado thellë figura të ndritura, që nganjëherë tentohet të veniten, siç është rasti i Çelo Picarit, ndërmarrësi e autorit dashamirës ndaj faktit evident historik. Mete PeçI, është për t’u impulsuar.
Janë marrë dhe më parë disa nisma të shkurtra, të cilat rrëfejnë për kapedan Çelon, apo për bëmat e tij historike në letërsinë për fëmijë. Shumë dashamirës, krijues, autorë shkrimesh kanë hapur “sepetet” e arta të historisë dhe kanë gërmuar edhe për Çelo Picarin. Dhe s’ka si të ndodhë ndryshe. Çelo Picari është një figurë emërmadhe, e spikatur, e mençur, e zgjuar për kohën që jetoi, një kapedan popullor me një art të veçantë përballues ndaj kohës e mbushur me pushtim, robëri të tejskajshme, intriga e kurthe gijotinash, internime, eliminime makabre kundërshtarësh, surgjynosjesh…

Një përballje e madhe e një populli të vogël që kërkon identitetin e vjedhur e të masakruar ndaj një Perandorie të madhe me ëndrra shekullore pushtimi e robëtimi… Një përballje që ushqim ka revoltën dhe protestën e trashëguar, e që krijohet e plotohet deri në shpërthesa të mëdha gjatë kohëve të mbarsura. Detyrimisht një kapedan vizionar për kohën, analitikën e saj, kërkon pa dyshesë një analizë të thellë të proceseve dhe fenomeneve. Dhe këtë e realizon bindshëm Çeloja, duke angazhuar vetveten, falë cilësive dhe talentit të tij si dhe profesionalizmit të krijuar në art drejtues kryengritës, falë pëqrgatitjes dhe shquarjes në veprime angazhuese kundërluftuese ndaj pushtuesit. Emblematizmi i figurave pararendëse historike të shquara në fushën kryengritëse e angazhojnë dhe “diplomojnë” atë për të udhëhequr e vijësuar vërshimin e protestës dhe revoltës popullore. Por edhe përzgjedhja elementëve të tjerë kapedanë, lidhësia me figura madhore historike edhe në vendin fqinj e rreshtojnë Çelp Picarin në vijën e parë të rendimit të luftimit përballues dhe kryengritës, e bëjnë atë të shquajë dhe të përpunojhë taktika luftimi domethënëse përfituese dhe fituese.

Një nga pikat kyçe dhe që ka lojtur rol në suksesin e tij ka qenë kontakti, vlerësimi i masës së luftëtarëve, njohja e tyre emër për emër dhe studimi analitik i cilësive, karakteristikave të tyre. Vetëm një kapedan i tillë arrin përballjen dhe suksesin deciziv në teatrin e veprimit luftarak.

Një përballje e madhe e një populli të vogël që kërkon identitetin e vjedhur e të masakruar ndaj një Perandorie të madhe me ëndrra shekullore pushtimi e robëtimi… Një përballje që ushqim ka revoltën dhe protestën e trashëguar, e që krijohet e plotohet deri në shpërthesa të mëdha gjatë kohëve të mbarsura. Detyrimisht një kapedan vizionar për kohën, analitikën e saj, kërkon pa dyshesë një analizë të thellë të proceseve dhe fenomeneve. Dhe këtë e realizon bindshëm Çeloja, duke angazhuar vetveten, falë cilësive dhe talentit të tij si dhe profesionalizmit të krijuar në art drejtues kryengritës, falë pëqrgatitjes dhe shquarjes në veprime angazhuese kundërluftuese ndaj pushtuesit. Emblematizmi i figurave pararendëse historike të shquara në fushën kryengritëse e angazhojnë dhe “diplomojnë” atë për të udhëhequr e vijësuar vërshimin e protestës dhe revoltës popullore. Por edhe përzgjedhja elementëve të tjerë kapedanë, lidhësia me figura madhore historike edhe në vendin fqinj e rreshtojnë Çelp Picarin në vijën e parë të rendimit të luftimit përballues dhe kryengritës, e bëjnë atë të shquajë dhe të përpunojhë taktika luftimi domethënëse përfituese dhe fituese.

Një nga pikat kyçe dhe që ka lojtur rol në suksesin e tij ka qenë kontakti, vlerësimi i masës së luftëtarëve, njohja e tyre emër për emër dhe studimi analitik i cilësive, karakteristikave të tyre. Vetëm një kapedan i tillë arrin përballjen dhe suksesin deciziv në teatrin e veprimit luftarak.

E kush mund të evidentonte bëmat, diplomacitë, përballjet, kundërshtitë, faktet, kurthet dhe intrigat ndaj tij? Kronikanët e kohës, por rol të madh evidentimi lot folklorika popullore, transmetimi gojor me një rol të madh, që është përcjellë memorialisht nga një brez në tjetrin dhe shkëlqimi i bëmës dhe efekti i kundërshtisë, i përballjes dhe i triumfit, vjen gjithësesi i shkëqimtë i përcjellur ndër kohëra. Vetëkuptohet që edhe folklorika në kushte e gjendje emocionale nuk mund t’i rezistojë emocionit shpërthyes, por duhet përmendur fakti që kanë qenë të shumta këngët historike të krijuara, por kanë qëndruar ato më të bukurat, më rezistentet, ato me më fakte evidente historike.

Kolori i krijimeve për Çelo Picarin si protagonist I kohës për të cilën jetoi dhe luftoi është i plotuar.
Argument bindës që e nxjerr protagonist n ëjetën politico-ushtarake si dhe në përballje Çelo Picarin janë figurat protagoniste të kohës me të cilat bashkëpunon, por edhe që përballet. Kjo jepet në monografinë e mete Peçit, n ndriçimin e kësaj figure përmase. Ali Pashë Tepelena, Marko Boçari, Zenel Gjoleka , Tafil Buzi, Sulltani, Kapodistria
Kalvari i internimeve, ardhur si rrjedhojë e intrigës dhe kurthit, balli i sulmimit, pjesëmarrja në evenimente historike, përleshja gjithmonë me “xhindin”dhe ridalje nga teatri i veprimit luftarak triumfues, posedimi i një titulli të lartë “Aga” popullariteti dhe besimi se fitorja niste që nga shpirti protestues dhe “rebel’ i Çelo Picarit, hyrje triumfale në Parlamentin grek me veshje të spikatur tradicionale shqiptare, një akt i pashembullt dhe befasues, trimëria për të mundur trimërinë, guximim për të nënshtruar guximin e kundërshtarit, përdorimi i armatimit disponues me profesionalizëm, të bindin për thellësinë protagoniste të Çelo Picarit dhe krenimi picariot për birin e tyre të lindur në trojet e bukura, ku frymëmarrin, duhet të rritet më

tej… E pse në Picar të mos ngrihet një “memorial “interesant, ku të madhështohet kjo figurë e madhështuar dhe Picari të marri atë që i takon nga që i ka dhënë historisë shqiptare? E pse të mos madhështohet ai që shumë herë koka iu afrua gijotinës turke dhe ajo s’qe në gjendje ta presë, siç veproi me të tjerë të mëdhenj të bëmave historike shqiptare që i intrigoi?!… Një çuditësi kjo historike, ku dhe pikëçuditsja vetë çuditet! Por kryefjala e këtij shpëtimi dhe vdekja e pavdekur me kokë të plotë ishte falë zgjuarsisë talentore të atij që dinte ta mbante kokën në supe…
Kristaq F. Shabani President i Lidhjes së Krijuesve “PEGASI” ALBANIA
Anëtar i Lidhjes së Shkrimtarëve dhe Artistëve Ndërkombëtarë I.W.A (OHAJO SHBA)
Anëtar i Lidhjes së Poetëve Bashkëkohorë (W.P.S)
Gjirokastër, Gusht 2009

Picarioti Altin Setar Haruni, një djalë energjik dhe me vizion ndërmerr nismën e madhe




“Të ndërhyjmë urgjentisht për krijimin e mjedisve sportive, riparimin, rikonstruktimin e ambientev e të brendshme si dhe rrethimin me mur të shkollës së mesme “Shyqo Sinani” të Picarit.
Pas veprimit konkret të ndihmesës së dhënë për fëmijët e kopshtit të Picarit duke marrë masa për pajisjen e këtij kopshti me lodra, tavolina, magnetofon dhe tapet, atë e shqetëson një problem tjetër i madh, i cili shpaloset në materialin e mëposhtëm.
“Mua më dhimbset godina e shkollës, ku kam marrë arsim. Më ka shqetësuar vazhdimisht kjo ekzistencë e kulturimit dhe arsimit, e cila është në gjendje jo të mirë, për një fshat me tradita arsimi, siç është fshati ynë Picari. Më kanë shqetësuar gjithmonë shumë probleme të shkollës si ambientet e brendshme dhe ato të jashtme sportive, po kështu edhe rrethimi i shkollës me një mur kufizues. Unë marr nismë që nga fondi im finaciar të vë në shërbesë të këtyre mjediseve dhe të këtij rikonstrukturimi shumën prej 100.000 lekësh të reja (1 milion lekë të vjetra). Natyrisht që, me një sasi të tillë nuk mund të realizosh atë, që unë kam në mendje dhe që përmenda më lart, por, me këtë rast, duke zhvilluar idenë dhe nismën time dua t’u bëj thirrje të gjithë biznesmenëve, të cilët origjinohen nga fshati ynë të kontribuojnë finaciarisht për të realizuar këtë objektiv të madh, që do të na nderonte të gjithëve.
Për këtë mendoj se duhet të bëhet një punë individuale dhe kolektive e organizuar më së miri.
Të hapet një llogari bankare “SPONSORIZIM” me siglën : “Ndihmë financiare për Shkollën e mesme të Picarit” dhe kontribuesit, duke ditur numrin e llogarisë të derdhin kontributet e tyre në bankë. Po kështu me gjithë banorët e Picarit, kudo që ndodhen, të intesifikohet puna që të të jepet kontribut, sipas mundësisë financiaire të secilit. Për këtë të krijohet një komision në qytetin e Gjirokastrës , ku kontributet të shënohen, të jepen dëftesa për të vërtetuar kontributet dhe e gjithë vlefta të derdhet në numrin e llogarisë. Duke vepruar kështu energjikisht do të grumbullohet sasia e nevoshme e parave për të filluar dhe për të çuar deri në fund këtë nismë.
Natyrisht, për të realizuar këtë duhet të veprohet energjikisht, shpejt dhe me aksion për të siguruar shumën, por njëkohësisht është e mira që të bëhet dhe projekti nga specialistët me origjinë nga fshati ynë, një projekt ky , i cili të realizohet po nga ndërtuesit me origjinë nga fshati ynë Picar.
Vetëm kështu mund të arrihet të realizohet kjo ide.
Kështu ne do të mundësojmë një ndryshim rrënjësor në fshatin tonë në lidhje me arsimin. Ky është një hap i parë, i cili duhet të thellohet më tej. Fshati ynë ka nevojë për ndihmën tonë dhe ne kemi nevojë që të përmirësojnmë infrastrukturën dhe objëektet social-kulturore të tij. Në këtë drejtim më shumë duhet të bashkërendohet edhe me përfaqësinë vendore, komunën dhe këshillin e fshatit.
Shënim i redaksisë së gazetës “PICARI”
Kjo nismë e picariotit Altin Setar Harunit duhet të përkrahet nga të gjithë, pasi është një nismë që ka të bëjë me zhvillimin e fshatit tonë . Morëm përsëri kontakt me nismëtarin dhe ai u shpreh për gazetën: “U hap Llogaria bankare “Sponsorizim” në INTESA SAN PAOLO BANK Nr. Llogarisë 94073138003, Lagjja “18 Shtatori” Gjirokastër. Ndaj s’duhet pritur , por duhet vepruar. Inxhinieri i Ndërtimit i cili do të zbatojë projektin është z. Meleq Karabina nga Picari.

THIRRJE
DREJTUAR GJITHË BIZNESMENËVE DHE BASHKËFSHATARËVE PICARIOTË,
KUDO QË NDODHEN
Të nderuar bashkëfshatarë! Fshati ynë Picar ka nevojë për kontributin tonë në drejtim të përmirësimit të objekteve social - kulturore e sidomos të shkollës së tij të mesme “Shyqo Sinani”, e cila ka nevojë për rikonstruktime të brendshme, por edhe për krijimin e mjediseve sportive si dhe për rrethimin e saj me një mur rrethues, për të arritur në parametra bashkëkohore. Ka ardhur koha që ne të kontribuojmë në këtë drejtim. Unë vetë, duke parë këtë gjendje, do të kontribuoj me një shumë të konsiderueshme
1 milion lekësh të vjetra (1.000.000). Ju ftoj dhe juve të jepni kontributin tuaj, sipas mundësive finaciare. Le të hapim një llogari bankare”SPONSORIZIM” dhe në siglën “Ndihmë financiare për Shkollën e mesme të Picarit” të mbledhim shumën që nevojitet për të operuar, natyrisht mbi bazën e një projekti të hartuar. I ftoj të gjithë të kontribuojnë për fshatin tonë PICAR , duke krijuar fillimisht një komision të posaçëm për të operuar me sinqeritet dhe dinjitet në të gjitha procedurat e nevojshme dhe në grumbullimin e shumës që nevojitet.
Me respekt
ALTIN SETAR HARUNI
Mob. 0692454522
Adresa: TAVERNA “LABËRIA”
LAGJJA “18 SHTATORI” GJIROKASTËR