Mendim kritik për poeten Mimoza Ahmeti

Titulli: Mendim kritik për poeten Mimoza Ahmeti Sun Jan 31, 2010 10:22 pm

“Sa e këndshme e hidhur është të jesh njeri” (të jesh femër)

aludim mbi sentencën Majnser

nga Kristaq F. Shabani

Shkrimtar, poet

President i Lidhjes Internacionale të Poetëve, Shkrimtarëve dhe Artistëve “PEGASI” ALBANIA

Anëtar Nderi i Lidhjes së Shkrimtarëve dhe Artistëve Ndërkombëtarë (I.W.A) OHAJO SHBA dhe W.P.S (Lidhja e Poetëve Bashkëkohorë të Globit)

Titulli: Re: Mendim kritik për poeten Mimoza Ahmeti Sun Jan 31, 2010 10:23 pm

Kështu sentencizonte dikur poeti i madh gjerman, Karl Majsner, dhe ne duhet të “kontrakpuntojmë” ndryshe, duke i kërkuar të falur poetit, që ende ekziston në kujtesën memoriale të letërsisë botërore, duke e dyfishuar për kuptesë frazën e tij gjeniale për të dy gjinitë njerëzore.

Titulli: Re: Mendim kritik për poeten Mimoza Ahmeti Sun Jan 31, 2010 10:23 pm

“Sa e këndshme e hidhur është të jesh njeri” ( e sidomos femër *shtesa ime K.Sh).Ndoshta kërkohej një ngulmin dhe dalje në skenë aktrimi e një talent i tillë si e plotformuara, ndoshta krijesë hyjnisht me mendësi përparuese dhe të qëmtuarit e procesit jetësor si Mimoza Ahmeti. “Kërkohej një “bisturi” për realizim të procesit tej të rëndë “kirurgjikal-letrar” të daljes në pah të mendimit të guximshëm për të rizbuluar, rikonfirmuar, për të madhështuar dhe dalje nga skutimi, kuinta, dhe interpretim skenor libror i poetes, shkrimtares, me tendencë të theksuar psiko-analitik,estet dhe diagramues, Mimoza Ahmeti, për të dëshmuar sigurinë e zbulesës së “tablove “ të pazbuluara të një objekti feminal. E pajisur me një guximshëmri, e rrjedhur kjo nga

Titulli: Re: Mendim kritik për poeten Mimoza Ahmeti Sun Jan 31, 2010 10:24 pm

dhuntia e saj natyrore, nga forca meditative, nga niveli kulturor, nga kundrimi i thellë i relievit mendimor, nga përfitimi i një këndvështrimi qëmtues, me aftësinë e saj elektrizuese në tjerrjen e analizë - sintezës dhe daljen në përfundesë të mendimeve për ecuri kohore dhe sfilimit me gjithë gjeneralitetet dhe gjeneratorët e femrës, për ta parë atë me një sy madhor dhe zbulues… Vetë produkti i saj tërësor intelektual në fushën shkrimo - librore, vetë operimi me një shikim disasyresh dhe shumëdëgjues, e pajisur me një vrojtim të thelluar të veçantë, në protagonistim real dhe fantast, kanë sjellë që dallimi të jetë i dukshëm, i prekshëm dhe marrarendës, marramendës…

Titulli: Re: Mendim kritik për poeten Mimoza Ahmeti Sun Jan 31, 2010 10:24 pm

Vetëm veprat e saj të kohëfundit “Gruaja haluçinante” dhe“Ich liebe dicht, Adlia”

“love story” apo “Arkitrau”, roman i botuar para 16 vjetësh, nxjerrin në pah tendencën e zbulesës së vetive, virtyteve, karakteristikave të prera, të fizionomuara me dinamikë, që e kanë bazimin “plasdarm” në shpirtin, në kujtesën dhe në procesin tejet mendor të Mimozës qenie, shpirt, hapësirë – qiellore dhe të shndërrimit të saj në një “planet” tjetërsor” femëror, të ndrituar nga një diell tjetër, të drituar nga një hënë dhe yje të stisur posaçërisht për këtë hapësirë të mendimit, që atrakton me fanatizmin e karfosur, atakon me mendësitë e stacionuara, shket ngjalshëm e me dinamikë horizontale dhe vertikale…, duke përdorur dy trampolinë me koeficent të vështirshëm në tejhedhje…në këtë hapësirë mendore amalgamë…

Titulli: Re: Mendim kritik për poeten Mimoza Ahmeti Sun Jan 31, 2010 10:25 pm

Një nga pikat më të forta të saj në pasqyrimin narrativ të fenomenit jetësor të femrës është zbulesa e dinjitetit femëror, barazpesha në rolin etiko-moral dhe social, parashikimi i ardhmërisë së shtatzanuar, përshkrimi i magjisë femërore me gjithë kompleksitetin e saj të vrullshëm, qiellor, natyrformimin trupor dhe rolin, që luan në demonstrimin e vrulleve dhe karakteristikave si dhe në shfaqjen spektakël të këtij “malformimi” trupëror.

Titulli: Re: Mendim kritik për poeten Mimoza Ahmeti Sun Jan 31, 2010 10:25 pm

Personazhi femëror i botës shkrimore të Moza Ahmetit si tek “Gruaja haluçinante” ashtu edhe tek “Ich liebe dicht, Adlia” Love story” apo te “Arkitrau” ndryshon krejtësisht nga personazhet e krijuara deri më tash në përmbajtesën dhe trajtesën feminile. Ajo konturon dinamikshëm atë art magjik, atë plasticitet, atë folmëri, atë veprimtari aksion ndjenjësor, atë refleksion natyral dhe atë rol parësor, i cili të tërheq për elementët natyrorë dhe figurativë që mbart. E papritura e bukur e të ndodhurës, rastësia, paçka pozitive a negative e klasifikuar dhe e pakualifikuar në raport me realitetin apo “ligjin“ moral, dalje nga ky ligjësim “kanunor”, kthesë-sjelljet, transplandet, rrefenjëza për ilegalet apo fshehtësitë ngjarore, tejhumbjet, tejkthimet, këto të thëna me një stilizim e figurim vetiak duke përdoruar materie meditive, janë disa karakteristika të arkitekturës kreative të shkrimtares.

Titulli: Re: Mendim kritik për poeten Mimoza Ahmeti Sun Jan 31, 2010 10:26 pm

Personazhi femër është një botë me hapësirë të madhe, ku çdo botë ka një fizionomi, që duhet të dish ta kundrosh, të depertosh, ta eksplorosh (ishull-gadishullin shpirtëror) dhe në këtë “kontest viganor” të nxjerrësh në pah hidhur- ëmbël personalitetin femëror, që ka forcë tejet të pazakontë dhe polingjyresë. Modulet e krijuara prej saj në të tri librat, që analizojmë, kanë specifikën e tyre të trajtesës dhe një raport të ri me personazhin e seksit tjetër, të madhështuar e që kundron magjikshëm dhe në hutesë elementë prezentë të padallueshëm më parë nga syri, sado i vëmendshëm, gjë që e realizon me mjeshtëri vetë prozatorja. Këndvështrimi ahmetian

Titulli: Re: Mendim kritik për poeten Mimoza Ahmeti Sun Jan 31, 2010 10:26 pm

është tejet i profilizuar dhe kërkon të nxjerrë pahësisht elementë të paprekur më parë në personalitetin femëror. Ky është “çelësi magjik” autorial në këto vepra, të shkruara ndryshe në stil, format, trajtë, paraqesë… Këtë e dallon vetëm një sy thellësisht i mprehtë, I stërvitur, eksplorues. Mimoza e ndjen, e parandjen këtë “vorbull’ dhe lot fuqishëm me të, duke të elektrizuar me potencën fjalore (frazore) dhe në kuptimësinë e veshjes (“rekuizitës”) figurative. Ndaj produkti i saj dallohet nga lindja deri në mosperëndim, gjithëgjelbërues, mos pushim të ecurisë klorofiliane dhe të gjallëson.

Titulli: Re: Mendim kritik për poeten Mimoza Ahmeti Sun Jan 31, 2010 10:27 pm

Zbulesa e anëve të padukshme kërkojnë thellim, përpunesë, avancë mendësimore, natyrisht dhunti trajtese… Ajo, parasëgjithash përdor natyrshëm, pa sforco “modulin” e saj, të zhveshur nga shënja ortografike jetësore…, që kërkojnë tundimin, zbrapsjen, ndalesën, ecejaken, pa vendim të formuar vetjak, pëshpëritjet e opinionit grenzor. Lirshmëria mendimore shumëplanëshe është një nga kryefjalat e paraqitjes së modulit femëror.

Titulli: Re: Mendim kritik për poeten Mimoza Ahmeti Sun Jan 31, 2010 10:27 pm

Duke transplantuar në “organikën mendimore “ mendimin e saj avancues, penelatën aftësore të pikturimit, ndjenjësinë dhe melodramacitetin e këngës të performuar ndryshe vokalisht me “bazament përpunues”, mbi kurmin e traditës, ajo vesh e florizon personazhin treplanësh (mendim, penel, ndjenjë të këngëzuar) dhe malformon personazhin femër, që i nevojitet ambientit, mjedisit, rrethit që, pa prezencën e saj, dështon sigurisht; krijon moralitetin e ri pa karficime, por shembëlltyrë reale e këtij realiteti që sfumon, ngec, stonon në koralin akrobat të një kohësie tjetër.

Titulli: Re: Mendim kritik për poeten Mimoza Ahmeti Sun Jan 31, 2010 10:27 pm

Për shkrimtaren të ndërliksurit e narrativitetit me tablo në përmasa, në dukje të vogla, dallgëzojnë, baticojnë, ankorohen në bregdete natyrorë “feminilë”, ku absorbohen mrekullitë natyro-njerëzore dhe riafirmohen energji për të korsuar në jetë natyrale bukurore, pa recetativitet e formalizëm.

Titulli: Re: Mendim kritik për poeten Mimoza Ahmeti Sun Jan 31, 2010 10:27 pm

Të trajtuarit e femrës në pozicionin, që kërkohet të jetë dhe jo në “shah-matet” e rëndonta të tundimit, të abstraksionit, të pengimit, të kryerjes së gjithëfunksioneve magjike, është një leksionim i principtë, një zhveshje e “mburojës” kanunike, një shpalosje për ku fillon vlera dhe ku duhet të shkojë ajo…, ku gatuhet risia dhe si duhet të influencojë ajo në progresivitetin shoqëror.

Titulli: Re: Mendim kritik për poeten Mimoza Ahmeti Sun Jan 31, 2010 10:28 pm

Trajtesa e të qenurit nënë, shfaqja aktoreste e dinamike për dhëmbëshuri e dashuri kreative në ekzistencë e përkujdesja kujtesore e kujdesive dhe në mosekzistencë, i ndesh në përshkrimin e anëve të fshehta të feminilitetit, në komunikimin pa dridhje qerpiku, në shfaqjen, shfaqësimin, shpalosjen e vlerës së shpirtit të madh dhe e kapjes në kurthim dinamikë të mashtresës, të frikësimit, të kremastimit, të dinakërisë pa lindur…

Shkrimtari apo shkrimtarja duhet “të sakrifikohet” figurativisht për të bërë zbulesa të botës të tij, të saj duke fituar një natyrshmëri të besueshme dhe duke i personifikuar personazhe e saj, të tij me botën e paanë dhe të madhërishme.

Titulli: Re: Mendim kritik për poeten Mimoza Ahmeti Sun Jan 31, 2010 10:28 pm

A duhet të qëndrohet në heshtësi për këto plane, që duhet të shfaqen dhe të interpretohen me trajta të mprehta skenike (filmike) apo të publikohen para pushtimit mediokër të servirjeve rakitike e aspak terapike të shoqërisë sonë në ecje të trishtë, e cila ka nevojë për një terapi të fuqishme drite, të cilën e zotërojnë Mençuria dhe të Mençurit…

Titulli: Re: Mendim kritik për poeten Mimoza Ahmeti Sun Jan 31, 2010 10:28 pm

Vijon mos publikimi i artit të vërtetë të fjalës edhe në televizione tashmë të nivelit në rrjet dhe në “gjeografi” të mëdha kapëse, falë zhvillimit teknologjik, ku ekspozimi i vlerave të botës shkrimore cungohet, apo produkti letrar i nivelit të lartë nuk ekspozohet, por kujdeset për ndonjë libër rrallëdalë të ndonjë gazetari apo gazetareje, që është e punësuar në këto televizione e që e shton përmbajtjen e gjinisë më të madhe të të shkruarit me mesazhe erotike të stisura…

Titulli: Re: Mendim kritik për poeten Mimoza Ahmeti Sun Jan 31, 2010 10:29 pm

E vërteta letrare, ajo që peshon me dinamikë dhe ngjall hapësirë shpirtërore, nuk zihet me gojë.

Thënësia troç me art apo me bazim është prezente te veprat e mësipërme, ku unë si krijues, estet, janë pozicionuar në këndvështrim, që shpesh herë “stacionarët” , sidomos për “Gruan haluçinante”, mund t’u duket si një tejavancim, marrarendje, marramendje, një “gravure” e parakohëshme. Posedimi i njerëzores, i konturimit është pronë vetiake, por edhe në shërbesë në drejtimin e pastër të përdoresës. Në këtë vepër shkruhet dhe me skicim (në fundesë të librit) për të dhënë detaje praktike të feminilitetit.

Titulli: Re: Mendim kritik për poeten Mimoza Ahmeti Sun Jan 31, 2010 10:29 pm

Në këto vepra vihet re një angazhim total i mendimit për të zbuluar qenien femër, për të evidentuar tejhollësitë e saj, për të gërmuar në personalitetin e saj, për të vënë pikën mbi “i” në pjesëmarrjen e saj në progresivitetin shoqëror, në qenien e një dore të fortë në të e jo në mundesën “mesjetariste “ të përdorimit të saj si mjet rëshqitës, mirësjellës në aspektin e “frazeologjizmit” biologjik, e shmangies totale nga krenimi.

Titulli: Re: Mendim kritik për poeten Mimoza Ahmeti Sun Jan 31, 2010 10:29 pm

Shkrimtarja Mimoza Ahmeti kërkon me vullnetin e saj, guximin intelektual të shprehur nëpërmjet leksion- trajtesës së saj, ndryshueshëm nga të tjerët apo të tjerat, ndryshimin e pozicionimit, e këndvështrimit dhe vendosjen e normave dhe normimeve të reja të pjesëmarrjes së krijesës femër në luajtjen e rolin posedues aktiv për të mirën e ardhmërisë, pasi është ajo “furrnalta” dhe “shkollësia” e produkt-sjelljes së qenieve, përkujdesjes së rritjes së tyre.

Titulli: Re: Mendim kritik për poeten Mimoza Ahmeti Sun Jan 31, 2010 10:30 pm

Një ilustratim domthënës për çka u shpreh më sipër:

“Me gjithë hidhërimin që kalova atëherë nga kjo gjë, mund të them se përfundimi ishte diçka ideal kisha hyrë në sfera të larta përjetimesh, i përkisja një tjetër zemre dhe drite, ndryshe nga ajo që njerëzit i përkasin në përgjithësi, dhe ky privilegj më jepej mua pikërisht, aq shumë mua, saqë nuk mundesha t’ia përftoja apo t’ia dhuroja dikujt, aq sa më në fund e kuptova se gjëra të tilla që u ngjajnë merekullive nuk mund të shpjegohen edhe as të jepen, sepse ato vetëm ndodhin, dhe është i lumtur ai të cilit i ndodhin”. (Arkitrari, faqe 3 botim i vitit 1994 )

Titulli: Re: Mendim kritik për poeten Mimoza Ahmeti Sun Jan 31, 2010 10:30 pm

“…E qeshura ime u përhap dhe tani unë qeshja thjesht me mënyrën si qeshnin ata, ndërsa ata qeshnin se qeshja unë, dhe të gjithë qeshnim si të marrë dhe kjo më bënte të qeshja edhe më shumë edhe e ndieja veten midis njerëzve aspak të huaj, që ishin të zakonshëm, ashtu si unë, por që nuk më tërhiqnin. Dhe nuk e kuptonin se pikërisht nga kjo, nga fakti se nuk më tërhiqnin, unë vazhdoja të qeshja me ta dhe ata me mua….”

Titulli: Re: Mendim kritik për poeten Mimoza Ahmeti Sun Jan 31, 2010 10:30 pm

Mendimi kritikor sot tepër rakitik dhe i pankonturuar apo arkitekturuar nuk mund të kapë e të trajtojë profile të tilla, që paraqesin një panoramë shpirtërore, panoramikë fiziko - feminale aktive në konstrukt e në mendim, pasi shpesh reklamimi i femrës ngushtohet në paraqitjen e jashtme, në konturet e saj harmonikë bukurorë, duke harruar atë bukuri të prezencës bukurore shpirtërore. Rëndom në Konkurse bukurie të niveleve të mesme apo të larta bëhen pyetje dhe përgjigjet janë standarte, të dala nga trure “speciale”, që u mësojnë”vajzave“ konkurrente përgjigjen befasuese për këndvështruesit, kudo që ndodhen, paçka se ato janë në mosha në formim. Ky sfilm, pra është i njëanshëm dhe nuk vjen si rrjedhojë e një studimi hapësirëgjerë dhe shumëplanëshe të BUKURIADËS PREZENTE në një shoqëri të zhvilluar apo në një shoqëri në ecje. A nuk do të duhej të merrej parasysh “aftësia kirurgjikale e poet -shkrimtarit estet dhe dinamik? Këtë nuk e sjell apo e realizon gjithçka e tërësisht truri, por ekplorimi, i cili është i pranishëm e mbizotërues në veprat e mësipërme.

Titulli: Re: Mendim kritik për poeten Mimoza Ahmeti Sun Jan 31, 2010 10:31 pm

Dua të theksoj se një vepër është një podium jetësor, ku ka veçanësinë e saj dhe sfilimi personazh.

“Rrëmbyesja” e çmimit Penda e Artë në San Remo, “e quajtura nga kritika italiane “rrëmbyesja e çmimit e zbritur nga “bjeshkët”, e lirishmja mbushamendëse në emisionet e shumta televizive, e papërballueshme nga drejtuesit e emisioneve dhe gjeturia momentale e frazimit dinamik është përditore në apelimin e saj të sinqertë për të jetuar plot frymëmarrje jetën femra shqiptare me një plotformim dhe një këndvështrim ndryshe përjetesës së sotme, duke moduluar gjithçka e duke u nisur nga energjitizmi dhe aftësia feminile për bashkëshoqërim progresiv të realitetit stonant e të mërzitshëm.

Titulli: Re: Mendim kritik për poeten Mimoza Ahmeti Sun Jan 31, 2010 10:31 pm

Qëllimi i kësaj paraqitje nuk ka paraqitjen substrative të librave, por paraqitjen e realitetit me një objeksion të ri dhe të magjishëm.

Shoqëria jonë sot ka nevojë për të tillët që mund ta përfaqësojnë në mënyrë dinjitoze në ecurinë që kërkojmë në kaq vjet “stacionimi” akrobat dhe mosarritës të synimit. Ndaj këtij procesi dhe individualiteteve të tilla që shpejtojnë procesin s’duhet të kemi trëmbje, pasi ata “japin dorëheqjen”, kur dhuna mund lirinë e mendimit dhe të veprimit, për t’i tërhequr veshin fort jo vetëm liderëve , por edhe shoqërisë. Dhe këtë proces të vështirë të dorëheqjes shembullore e japin vetëm të Zgjuarit që zgjojnë mendjet e vonuara.

Titulli: Re: Mendim kritik për poeten Mimoza Ahmeti Sun Jan 31, 2010 10:31 pm

Ilustrim nga

“Ich liebe dicht, Adlia” love story

…

-Adele…

-Adlia! Prindërit më quajtën Adlia!

- Sa emër i bukur!-thirra unë nga një shokim fonetik.

- Ju duket i bukur?- pyeti ajo në një lirizëm të trembur.

- Pambarimisht i bukur.

- Çudi, - tha ajo dhe u kredh në mejtime. - Ju jeni e vetmja që më pelqekeni emrin.

“Adlia, Adlia, - pëshpërita unë, - Adlia”.

Dhe isha e lumtur që më në fund emri shkrihej me imazhin. (faqe 49)

…. Gjithmonë, kur të lexoni rrëfenjën njerëzore do të gjeni gra në kalim, figura tranzite që dekorojnë për një çast tregimin e një burri, por edhe nëse nuk ndodh kështu ta zëmë që gjithë rrëfenja i endet një gruaje, në fund të fundit, nuk kemi lexuar gjë tjetër veçse tregim me një burrë….

» Mirela Qerimi, mendim kritik per "Diell i paperënduar"
» OPINION per Poeten, Opinionisten KOZETA ZYLO ,Nga Jorgo TELO
» Penetrimet e fillestarizmit kritik te Raimonda Moisiut
» C'mendim keni per Deshmimtaret e Jehovait?Fe apo sekt?
» Penetrimet e fillestarizmit kritik te Raimonda Moisiut