Maqedonia ndërmjet Evropës dhe Ev(g)ropës!

Të synosh në qëllim të mirë dhe ta duash gjallërimin është mase e qartë. Madje të punosh denjësisht për arritjen e këtyre qëllimeve fisnike, është më shumë se besnikëri. Por, ta përkrahsh dhe ta duash qëllimin sublim, e në të njëjtën kohë të punosh për të kundërtën e saj, është më shumë se demagogji. Pastaj, spontanisht rrjedhin hipokrizitë e radhës, kur disa njerëz me shume fytyra trumbetojnë dhe flasin për vendin e tyre të tej-varfër dhe të tej-korruptuar, që shumë shpejtë do t'i bashkëngjitet familjes së madhe dhe progresive evropiane. Trumbetuesit hipokrit harrojnë qëllimisht, se vendi i tyre ndoshta veç më gjendet buzë greminës. Me kësi lloj kontradiktash dhe anomalish, aktualisht është duke u ballafaquar Republika e Maqedonisë! Shumë njerëz në këtë shtet, u bënë të diplomua, magjistra dhe doktorë, në temën, "Integrimi i Republikës së Maqedonisë në Bashkimin Evropian", apo në tema të kësaj natyre. Por, gjithçka ishte e kotë në aspektin integrues shtetëror. Sepse, ata të cilën e kishin dhe fatkeqësisht ende vazhdojnë ta kenë në dorë timonin shtetëror dhe adresën e aderimit për në Evropë, si duket këtë timon shtetëror e kanë orientuar për në Ev(g)ropë. Po të ishin orientuar realisht drejtë Evropës, nuk do të ngurronin dot në realizimin dhe jetësimin e standardëve të cilët i kërkon Bashkimi Evropian. Aspak nuk është vështirë të plotësohen standardet të cilët i ka propozuar Këshilli Evropian, ku dihet mirëfilli se ky shtet nuk është hiq më i madh dhe i populluar sa një qytet i Gjermanisë, apo një familje në Kinë.
Kërkesën zyrtare për anëtarësim në Bashkimin Evropian, Maqedonia e ka dorëzuar më 22 mars të vitit 2004. Me këtë Qeveria e Maqedonisë e ka shprehur vullnet shtetërore dhe të qytetarëve të saj që të anëtarësohet në Bashkimin Evropian. Republika e Maqedonisë paralel me kërkesën zyrtare për anëtarësimin në BE, duhet t'i përmbush standardet, të cilët kërkohen nga BE-ja dhe që njëherit janë kushte fikse që një shtet të integrohen në këtë organizëm gjigant. Cilat pra, janë kushtet apo standardet që një shtet, konkretisht Maqedonia të bëhet anëtare e BE-së? Ato janë: kërkesa në Këshillin Evropian, të jetë i njohur ndërkombëtarisht (të mos jetë i kontestuar për diçka), realizimi i plotë i Marrëveshjes së Ohrit, reformat rrënjësore në sistemin politik dhe ekonomik, zhvillimin e institucioneve të shtetit të së drejtës, zhvillimin e ekonomisë së tregut, ndërtimin e marrëdhënieve të njëjta të mira me fqinjët dhe pjesëmarrjen aktive në të gjitha iniciativat rajonale, si dhe ca kritere shtesë që njihen si, "Kritere të Kopenhagës". Plotësimi i këtyre standardëve, Maqedoninë pa më të voglin dyshim do ta shpijnë në Evropë. Këtë, tashmë të gjithë po e dimë! Por, nuk duhet përjashtuar mangësitë në vetë sistemin integrues evropian, ku kemi lëshime dhe tolerime të qëllimshme për hir të interesave gjeostrategjike, siç ishte rastisi me Bullgarinë dhe Rumaninë. Fatkeqësisht, Maqedonia nuk e ka një epërsi të tillë strategjike, ku do t'i bëhet i mundur integrimi në BE, pa i plotësuar standardet dhe kushtet e propozuara nga Këshilli Evropian. Meqë ky shtet nuk e paska një fat të tillë strategjik, atëherë qenka i detyruar t'i plotësoj standardet e lartcekura. Por, vallë sa i ka plotësuar ky shtet kushtet dhe standardet për integrim në BE? Të gjitha unanimisht jemi të pajtimin dhe njëkohësisht jemi dëshmitarë se përpos kërkesës për anëtarësim në BE, Maqedonia asnjë standard tjetër nuk e plotëson. Ky shtet nuk është i njohur ndërkombëtarisht si tërësi (kemi konteste të ndryshme), Marrëveshja e Ohrit si duket është në çastet e fundit të jetës së saj (edhe pse asnjëherë nuk pati jetë të plotë dhe të shëndoshë), sistemet politike dhe ekonomike, jo që nuk kanë pësuar fare reforma, por në vazhdimësi janë duke e pjekur dhe vendosur sistemin monist partiak me vendimmarrje monopoliste politike, si dhe sistemi ekonomik është duke e përjetuar një centralizim që dikur i përkiste vetëm sistemit të shekullit të kaluar (ndërhyrja e kryeministrit në kompanitë e huaj SWEDMILK dhe EVN dhe shumë ndërhyrje centraliste tjera), zhvillimin e shtetit të së drejtës e dëshmojnë montimet klasike për burgosjen e shqiptarëve të pafajshëm, mbushja e gjykatave me lëndë të cilët i takojnë shekullit të kaluar si dhe mosrespektimi i asgjëje me vlerë, për paraqitjen dhe kuptimin e zhvillimit të ekonomisë së tregut nuk do na mjaftojnë fjalët, as Adam Smithi nuk do mundte ta shpjegonte këto mjegulla rreth situatës aktuale ekonomike, si duket në këtë shtet aktualisht është duke u vendosur dhe mishëruar sistemi i dikurshëm merkantilist, se sa Maqedonia i ka marrëdhëniet e mira me fqinjët e saj, për këtë mjaft qartë flasin dhe dëshmojnë kontestet e shteteve fqinjë ndaj këtij shteti, si dhe për kriteret shtesë të Kopenhagës do të ishte qesharake të flasim! Pra, ata të cilët pandehin dhe shpresojnë se Maqedonia në vitin 2041, më falni në vitin 2014 do të bëhet anëtare e BE-së, do ta gënjenin vetën mjaft rëndë. Sepse, me mendësinë, "dy hapa mbrapa, një pas" mundë të bëhesh sportistë i spikatur në vrapim për mbrapsht, por asnjëherë maratonist i suksesshëm me një shpejtësi konstante deri te caku final.
Pra, ne fare pa doreza dhe pa huti, mund të aludojmë se ky shtet me synim teorik drejtë Evropës, me automjetin rus, me nostalgjinë jugosllave dhe me hipnozën antike, praktikisht dhe realisht është duke shkuar drejt Ev(g)ropës. Shkaku i kësaj mendësie të mbrapsht, si duket edhe për varrmihësit do të jetë mjaftë vështirë!

Ka mbet as te Shpija as te Stani

maqedonja jo por ne jem ma afer gropes sepse ata poi arrisin qellimet e veta po e shprazin maqedonin; aste nji shqiptar spo rrin te gjith po e marrin boten ne sy nga fukarallaku ata po i arrisin qellimet, por ne???

Kosova lindore fiona n´pozit ma te keq esht e kum cek ma heret ,se kto liberalizime te vizav jan ber ne kordinim me serrbin , dhe me nji koh te caktuar na bin ne nji pozicion shah mat ,apo pora njiakti te kryer ska me shqiptar atje fare dhe thojn skem shka te flasim ,ta shohim kjo esht prapavija e ktyre ......

kto jan politika tekurdisura qe te lihet vendi ne duar te atyre qe na eksplatojn ne aspektin global, kjo esht pa pergjegjsi e injorantve tan ne kordinim me sllav mir jan tue lujt rrolin politikualt tan veq perpara!

Sopoti’, Gjykata e Apelit nuk e përfill raportin e grupit parlamentar?!

15/03/2010

Jozyrtarisht mësohet se Gjykata e Apelit në Shkup ka hedhur poshtë kërkesën e shtatë të akuzuarve për rastin e ‘Sopotit’ dhe ka lënë në fuqi vendimin e Gjykatës së shkallës së parë për dënimin e këtyre personave.
Vendimi pritet që të nënshkruhet nga trupi gjykues brenda kësaj jave.
Kërkesa në Gjykatën e Apelit ishte parashtruar nga pala mbrojtëse e shtatë të akuzuarve, nga 11 gjithsej. Për rastin e ‘Sopotit’, 6 persona janë dënuar me nga 15 vjet burg, ndërsa njëri me 14 vjet. Vendimin e Gjykatës së Apelit nuk e kanë marrë ende avokatët mbrojtës.

Me këtë vendim, Gjykata e Apelit nuk ka marrë në konsideratë raportin e grupit të punës së formuar nga Parlamenti, që kishte grumbulluar dëshmi për pafajësinë e të akuzuarve për rastin e ‘Sopotit’. /alsat-m/

http://alsat-m.tv/lajme/vendi/30825.html

*****************************************************

Apeli vërteton: Një shekull burg për sopotasit

15/03/2010

Gjykata e Apelit ka vërtetuar dënimet e shkallës së parë për të burgosurit e rastit të Sopotit, të cilët janë të dënuar me 150 vite burg.

Lajmi bëhet i ditur nga burime të kësaj gjykate, dhe se është komunikuar për disa media maqedonase. Një burim i gjykatës për Kanal 5 ka kumtuar se trupi gjykues ka vërtetuar dënimet për shtatë të dënuarit e Sopotit, nga gjithsej 11 të dënuarit, për mjetin shpërthyes të vendosur në vitin 2003 në dalje të fshatit ku humbën jetën dy ushtarë të NATO-s dhe një banorë civil.

Gjykata e Shkupit në mungesë me nga 15 vjet burg ka dënuar gjashtë banorë të Sopotit: Samet Limanin, Shaqir Sulejmanin, Afrim Ukshinin, Bashkim Ukshinin, Selman Jahiun dhe Musa Klaiqin, ndërsa i arrestuari Zenel Klaiqi është dënuar me 14 vjet burg. Vendimi i gjykatës pritet të komunikohet gjatë ditëve në vijim.

Për rastin e Sopotit është formuar komision i posaçëm parlamentar dhe miratuan një raport, i cili flet për shkelje të të drejtave të njeriut dhe kërkohet përsëritja e procesit gjyqësor. (INA)