Krijime nga Tom Sojer

Te falemnderit o goce!

Dhe ne eshte syri yt ai mbi emrin tend, e paske ne ngjyren e syve te mi qe une e quaj "ngjyre marmallate". Hahahahahaha!

Syri eshte dera ku shfaqet shpirti i njeriut. Per te gjithe shqiptaret kam shkruar vjershen e meposhtme:

Pavaresia

Shiu paqesor brohoriti ne bulevardin
e qiellit
Urte e bute u grumbullua lagesht
mbi toke.
Parrullat e gjetheve rane
nga pemet
Mbrapa perdeve dhembet zbardhin
frikacaket.

Matane kufijeve grinden rete
ne veri
Ndezin cibuket me eshke
me masat
Kesule-grite te lartat male
krenare
I shtyjne tutje veriut me perbuzje
stuhite.

Ne bulevardin e te kaltres shprese
diell e shi
Ndertuan me merak e dashuri
me ngjyra
Ylberin e enderrave, ylberin e lirise
si zjarr
Flamurin tone te shtrenjte legjendar
kuq e zi.

13.10.2007 Shqiperi

Emigrantit

Jam gjethja e thate
Prej pemes keputur
Postjerja ere
Adresen kerkon
Lodhet era e ndalet te shplodhet
Griset canta me gjethet e pashperndara
Jam gjethja e tharre
Prej pemes keputur
Postjerja ere me merr
T'me gjej nje strehe.

Kur qerpiku qerpikun puth

Për një çast qerpiku qerpikun puthi
Unë fshehurazi të adhuroj
Të dua, në ç’vend, në ç’kohë
S’e di.
Heshtja e bukur llafazane
Pija e papirë
Zemra zemrës i flet
Duke shkruar lumturinë.

Një impuls

Një impuls i fundit
Për të të thënë të dua
Një impuls i mbetur
Për të të adhuruar
Një impuls i shterur
Shpirt i pa shpirt
Një impuls i vrarë
Nga një kapriçio a flirt
E ruaj impulsin e fundit
Për të të thënë të dua
Impulsi yt i mbetur
S’është për ty e mua
Një impuls jetim
Pret zemërdridhur
Të thuhet e vërteta
Të thuhet fjalë e hidhur
Një impuls me vlerë
Për ty e për mua
Me frymën e fundit
Të të them të dua.

tom sojer,keni poezi shumë të bukura,përgëzime dhe mundësisht kthehujuni kësaj rubrike kur keni mundësitë,përshëndetje dhe përgëzime.

Loja naive

Mes qerpikeve m'u var loti
Mes rrahjeve te zemres dhimbja m'u gremis
Shija e veshtrimit jeten ma rrudhi
Veshtrimi i fjaleve leshuar ne efir
Fjalet i lozim si balona
Leshojme e terheqim ne te zymten jete
Qeshim pa djallezi te etur neper lojra
Mes qerpikeve loti nis te varet
Dhe dhimbja gremiset mes rrahjeve te zemres
Leshojme e terheqim balonat ndjenja
Ne qiellin e miqesise pa te voglen brejtje
Shija e veshtrimit jeten ma rrudhi
Veshtrimi i fjaleve leshuar ne efir
Nga qerpiket loti u keput
Mes rrahjeve te zemres dashuria humbi.

18.01.2008 14 pm  Kmmsmzmlbdf

Mos thuaj lamtumire

Mos thuaj lamtumire, e dashur
Naten qofte, apo dite
Trupi ne te ikte
Buzeqeshja te qendroje
Perqafuar me veshtrimin e mallit te pashuar
Mos, e dashur
Mos thuaj lamtumire
Botes qe me zemer ndertove
Kenget qe bashke kenduam
Me fjale te pashkruara
Mos thuaj lamtumire
Per sa kohe qe emrat tane
Me qerpiket e njeri tjetrit shkruajme
Imazhet tona te njeriut te dashuruar
Mos thuaj lamtumire
Qendro pak me mua
Flatrat e engjellit te te blatoj
Mos ik!

14.01.2008  12.12 am  Mlbdf mzmsmysm

Pergezime per tom sojer.... na kenaqe me keto vargje qe ne vete ngerthejne nje cik mallengjim dhe here here na i thyejne buzeqeshjen per tna i kethyer serish.... je i paaritshem..... vetem vazhdo.... shendet suksese dhe lumturi

I thirra qiellit

Dhe thirra qiellin e heshtur
I kalter me frymen e saj
Me ngasherima lumturie te munguar
Me zemren qe me regetin pa faj
Dhe thirra qiellin e heshtur
Me sy te perlotur brenda syve te saj
Anija e mallit qe renkonka
Ne detin e ngrohtesise se saj
Ngarkuar me thesare dashurie
Qe me ty o shpirt i ndaj
Dhe i thirra qiellit te heshtur
I magjishem me frymen e saj.

31.01.2008 12.01 am  Mlbdf

I lindur per te sjelle vargje te mrekullushme permes te cilave ushqejme trurin me ushqimin me te pershtateshem.... jo cdo kush din te gatuaje kaq bukur ........... V a zh d o

Fli shpirti im

Fli me ngjyra, fli me muzike
Fli me zogjte dhe me syte e mi
Fli me kengen, fli pa frike
Fli buzeqeshur, e qete fli
Fli e perqafuar, me shpirtin drite
Fli e lumtur, plot dashuri
Fli per enderren, se zgjohesh nje dite
Magjia prishet e behet hi.

09.02.2008 09.00 am

Ti erdhe

Ti erdhe pa fjale
Prane shtratit te lendimit
Numeroja ditet monedha floriri
Te jetes me ty
U ule prane
Me pe ne sy
Mbeshtjelle me pelerinen e heshtjes
Krahet thurre rreth meje
Jargavan i ngrohte dashurie
Mbi fytyrat shikimet
Lule mbillnin
Frymet u perzjene
Nuk kishte njeri nevoje per alfabetin
Puthja e pare ishte e thjeshte
Nuk kishte puthje te dyte
Si te cmendura dy buzet
Shkarkonin dhe merrnin
Jeten e njeri tjetrit
Deri ne mengjes
Falemnderit
E dashur.

Mars 2008

I pa pare je Tomi veq suksese te uroj..shume poezi te bukura

tom sojer

Shpesh poetet duhet te levderohen se poetet jane sentimental, plus kete duhet te levderohen per shkak se ne kete menyre u japish edhe kuraje. Ty tom_sojer e meriton levdaten e plote per poezi :), me pelqeu ne vecanti poezia "Nje Impuls" dhe suksese!

Pergezime per tom sojer per keto poezi kaq te bukura.

Kur bie hiri i natës…

Kur prushin e madh diell
Hiri i natës e mbulon
Qetohet bota në ëndërra
Shpirtrat dalin të fshijnë
Hedhurinat egocentrike
Unë mbledh kockat e mendimeve
Në thesin e lëkurës sime të regjur
Në një qoshe të krevatit
Duke pritur lumturinë
Të vijë e thjeshtë
E bukur
E heshtur
E dashur
Engjëll
Si Ajo!
Sëbashku me muzikën.


Buzëqeshja ime

Buzëqeshja ime
Vjen në muzg
E shkon në ag
Sa ngadalë
Kjo tokë rrotullohet
Kalëruar stinëve
Shamifjala e ngrohtë
Krahëpenda e butë
Zemërflakta e kuqe
Buzëqeshja ime
E përlotur
Prej mallit
Vjen në muzg
E shkon në ag.

(4.1.08, 10.39 p.m.)

Pergezime Tom i papar je suksese.

me te vertet koha esht e pakte per te qendruar ketu edhe per ti lexuar keto poezi te bukura ndoshta me qindra her ti lexoj sdo me behen bajat peregzime ,e sidomos poezia ''nje impuls ''shume bukur vazhdim te mbar

Puth heshtjen

Më lejo të të puth heshtjen
Lule të mbledh në sytë e tu
Vija e flokut ndarë mbi ballë
Po më flet më shumë se ti
Lejomë flokët të t’i kreh
Me gishtat e mallit tim
Folezën time do ta ngre
Nën qerpikët e vështrimit.

Le të vijë nata

Le të vijë nata
Pelerinat e muzikës
Le të fëshfërijnë mbi krahët tanë
Maskat tutje janë hedhur
Flasim me gjuhën e syve
Prej shpirtit ndizen dritat
Në ballon tonë të parajsës
Me flatra tunduese
Le të vijë nata tjetër.

Njeriu i kthyer si çorape

Njerëzit jan’ xhveshur si çorapet
Nga ana tjetër janë kthyer
Fëlliqësia e fshehur brenda
Faqen e botës zhul ka lyer
Njerëzit janë si zorrët e holla
Hedhur diku mbi një ferrë
Për të ushqyer qentë e lagjes
Për të ndezur ndonjë sherr
Brenda jashtë si çorapet
Skrupuj s’ka më mbi tokë
Grahmë e keqe mbi botë hapet
Nuk ka më mik e nuk ka më shok.

Nuk jam gati , zemër!

Unë nuk jam gati, zemër
Dhe kurrë nuk do të jem
Të pranoj apokalipsin
Që t’i dhimbshëm propozon
Di që dielli do të shuhet
Shiu i lagur do të bjerë
Akullnajat e acarta
Do ta ngrijnë zemrën e mjerë
A mundesh vallë ta përballosh
Ëndërrën tënde të harrohet
Mrekullinë ta shikosh
Gjysëm-vdekur tek largohet?
Nuk mund të ketë më fitimtar
E as të mbijetuar
Në dashuri, ëndërra ime
Ka vetëm të munduar
Jo, nuk jam gati, jeta ime
As sot as jet’ e mot
Apokalipsi në do të vijë
Dashurisë çdo t’i thotë?

Nuk të them se sa të dua!

Jo, nuk të tregoj se sa të dua
Nuk të them të dashuroj
Shpirt, nuk dua të të tremb
Filizë e dobët ndaj stuhisë
Uraganit gjakpirës dashuri
Jo, nuk të tregoj se sa të dua
Të mos e dish, do ish’ më mirë
Këtë gjë, ti, engjëlli im
Një ditë do ta kesh kuptuar
Në krahët e tjetrit kur të jesh
Se kemi qënë të dashuruar
Hyjnisht si vetëm ne.

Sytë e mi a i shikon?

Sytë e mi a i shikon
Mjaftueshëm pranë që t’i ndjesh?
Lotët ti a i ke pirë
Të kuptosh dhimbjen para se të flesh?
Them dot nuk e ke parë
Veten të shkrirë në vesë
Me shpirtin avulluar
Dora dorën kur e prek
Sytë e mi a i shikon
Buzëqeshjen time ëndërronjëse?
Ndryshe nuk do ta dish kurrë
Ç’është një zemër dashuronjëse.

Jam pema jote e vitit të ri

Jam pema jote e vitit të ri
Dashuria jote mbi të ka ndezur
Mijëra drita shumëngjyrëshe gëzimi
Zëri yt pambuk ka zbardhur pemën
Këngët zilka të qeshjes tënde
Lumturisht bredhin mbuluar kanë
Vatra e ngrohtë e shpirtit tënd
Plot me prush dashurie
Pemës ja shton vezullimin
Rënduar nga malli
Jam pema e jote e vitit të ri
Hedhur rrënjë në zemrën tënde
Llamburit në mesnatë
Kënga ime, kënga jote
Nuk e di dhe për sa kohë
Nga 1 në 10
Vallë cila është dashuria jote?