"Seli në qiejt"poemth

Dua të zbukuroj faqet e Internetit të Forumit ”Bashkimin Kombëtar” me pomethin ”SELI NË QIEJT”, i ribotuar disa herë dhe në disa gjuhë, i cili ka fituar shumë çmime ndëkombëtarë, i përkthyer në shumë revista prestigjioze letrare dhe Antologji... është një dhuratë pë gjithë poetët e afirmuar dhe pasionantët e Letërsisë dhe pë mendimin e avancuar.... Pavarësisht nga paraqitja e ”parë” si dhe përkufizimi i Aristidh Koljas ” Poet i Elegancës” ju do të thoni fjalën tuaj dhe mund të ”rrëzoni” këtë hyrësi të çiltëruar.

Kristaq F. Shabani

President i Lidhjes Nderkombëtare të Poetëve, Shkrimtarëve dhe Artistëve ”PEGASI”ALBANIA

Anëtar i Lidhjes së Shkrimtarëve dhe Artistëve Ndërkombëtarë I.W.A (OHAJO) SHBA

Anëtar i Lidhjes së Poetëve Bashkohorë W.P.S

KRISTAQ F. SHABANI









“SELI NË QIEJT”









poemë

















Ribotim “MARIN BARLETI” TIRANË,2008







Kushtuar Presidentit të Shteteve të Bashkuara të AMERIKËS

Bill Klinton

* * *



Ideja e gjetur, trajtesa origjinale në këndvështrim, shpërthimi me vrull, gjetje të rrugëve të reja, gërshetimi shumëplanësh dhe befasim në përdorim figuracional, ndërtim kompozicional, me një muzikalitet mjaft të këndshëm…Ja disa risi të poetit.

Poema “Seli në qiejt” ikën nga “moda” poetike e Letërsisë shqiptare, udhëton në rrugë të panjohura, të cilat i kërkon vetë dhe i çan me një domethënie të vrullshme. Pjesëzat e saj të ndërtuara mbi një gjetje moderne janë në unison me atë që kërkon të trumbetojë fantastikisht me kërkim atë realitet, i cili mbretëron si një mbret i pakurorëzuar me skeptër, me një fshehje disi ylberore…

Një pasqyrë ku shihet një”President” i rizgjedhur i botës, befasohet nga që fytyra e tij fillon të shndërrohet në një hartë filmike të Botës, ku ajo lëviz në mënyrë marrarendëse…me njerëzit e saj të sotëm, psikozën e tyre, besimin e thyer dhe me syrin që nxjerr çudia…Shfaqen “aktet”e poemës që nga “Pozimi” e deri te “Blici” me një shtat që rritet dhe me një frymëmarrje që sa vjen dhe vjen dhe shtohet, kulmon e shpërndan lastarë poetikë domethënës. Gjuha e saktë poetike e kombinuar me një gjetje edhe në “përdorim të shenjave origjinale, hedh hapa e ngjit shkallë…”Pika e madhe” dhe “Piku i madh”…”Kënga shtet” dhe “Tragjedia shtet” e ndjekur nga një “Këngë barotizmi”, “Notat e të falurës”, që çngjyrëzojnë dhe arrijnë te “Trëndafili, dhëndër i Luleve”, i cili nxjerr lot nga petalet e tij e deri te një qen të krekosur për të dashurën e tij dhe të birin gjysmëqen , gjysmënjeri, të bëjnë të fantazosh dhe të meditosh… “Përralla e Yjeve” vetëm një presje larg “Shkallinave të rëndesës”…”Fraza arabe” dhe “E Verdhura e harlisur” sjell një “Sy të menduar” e një Sinoptikë, e cila rikujton e penduar,…Një

R. NXJERR SYRIN “ÇUDIA”



“Presidenti” qesh,

pasqyra në Hartë Bote shndërrohet

papritmas;

ca rrudha në ballë duken,

kapin për dore shqetësimin e plakjes…

HARTË “TEJÇMENDËSE”



“Presidenti” vrehet,…

Dallon në fytyrë ca gropëza,

ndien dridhje:

Diku kukuvajka

këndon me zë ligjërimi…

Në Hartën e Botës

konet e Vullkanit

flakë marrin,

kufijtë grinden,

Oqeanet s’e përmbajnë veten ,

Yjet vrasin…



Sadamët

ruajnë ende shkëputje tymnaje…

Arafatët dërsijnë

në misione paqetimi,

Jelcinët

zhduken e shfaqen në ekrane,…

Piramidat hedhin nga muret financiare

njerëz si kukulla druri.

P. PIKA E MADHE DHE PIKU I MADH



Nga “Pika e Vrojtimit”

Bota duket e gjitha në pëllëmbë të dorës…

Në “Pikën e Vrojtimit” luhen matçet e Botës:

“Sheh…” në misione diplomatike,

“Shah …” në përplasje forcash,

“Matet” i përpunojnë analistët

e më të Bardhës Shtëpi të Botës…

“Presidenti” merr pozën,

blicet shkrepen me mendimin e thellë:

Ekranet dhe “menytë” do t’i mbushin…

Qeshja , sinoptikë e qetësisë së larme;

diç nuk shkon në kurmin e Botës

me shfaqje rrudhore:

Nevriku me temperaturë të lartë,

Homologëve u pëlqen

Njëshi i tyre ngjyrosh…,

Ti je “udhëtar” në atë që mbiquhet “Politikë”,

Dhëmbët ruaji nga etja e ngënies,

T.KËNGA SHTET DHE TRAGJEDIA SHTET



Në kurmin e Botës pasqyrë:

“Shtetet zihen për Detin,

grinden për emrin,

kacafyten për ndarjen,

shfryjnë për plakjen,

shtet u ngjajnë pleqve grindavecë…

Dikush i quajti vogëlushë të përkëdhelur,

Pinokë të gjallë me hundë prej “mishi”;

Shtetet ndërtuan mure,

Sistemet kthenin vithet,

karrikaturonin zeniet

në vrasje qeniesh pa faj,…

Ç’bënë Shtetet, mos bëftë kurkush!…”

***

“O brohorimë e pashpirt,

O klithmë e djalltë,

O fjalë e vrerosur,

O shpoti tronditëse,

O poshtërim tetëkëmbësh,

O…, o…,o!…”



Fytyrë me pudër vrasëse

shfaq Aktin e Ikjes së Fshehur

për të zgjuar Shuarjen…

Kombet nuk mbahen

në dhëmbë elementësh,

rrëshqasin,

sikur afrojnë Mosekzistencën,…

Faniten, papritmas,

i vënë gishtin ceremonisë…

Pema riçelet…

O. KËNGA E IKJES DHE KËNGA E TEJARDHJES



…”Barkat” kanë thyer lopatat,

por notojnë.

Kokëkthyer qëmtohet

“Kënga e Ikjes”

dhe “Kënga e Tejardhjes”…”

Odisetë e rinj do t’i presin Penelopat…,

në ditë ankthi,

hapur portat.

Guri me zë burri,

Fjala ka tingëllim metali:

“O Shtegëtar i gjorë, të vrau shteti, ik!”,

por refreni ka vetëm një fjalë Kombi:

“Kthehu!…”

“Cinizmi i shuarjes,

G.KËNGA E BAROTZIMIT



Ah, Ballkan, Ballkan kokëfortë

me “tre luftra”bote provokuar,…

Ç’temperament zjarr!…

Drurët duan njerëz të rriten,

Lulet kërkojnë njeriun të çelen,…

Hidh vështrimin në fqinjët e mençur

tek hapin dritaret fine;

Ajri ngroh gjokset e kombeve…

Njerëzit vetëm ikin,

Presidentët mburrin veten

për kthesat përmbysjet,

Kamuflimi ka tashmë të gjitha organet

dhe mendje “ të sofistikuar”…

E Bukura e Dheut e shfrytëzoi nderin,

vret të Nesërmen në Thembër të Akilit!

Ah, belbëzim i pritur nga Nënat!

Ah, ndjenjë që dredh Argjirot!

Ah, kur do të kthehen

“Rozafat, Konstandinët,

R. NOTAT E TË “FALURËS”



Në heshtje vrasëse

shet copat e kurmit të tokës

si të ishin bathë… e karrota,

Njerëzit nuk dinë

se kjo s’është toka e tyre,

Plani rrëmben,

mban peng në dhjetëvjeçarë,

Krahët shiten më pak se lodrat.

“ Një Arush kushton dy -tre më tepër…”

Edhe Hëna e kursen dritën

tek sheh poshtërsinë e trullosur:

“Një vajzë me sy mahnitës

një gungaç të pasur ,

kokërrjepur kërkon të barrëzojë…”

A.EH, TRËNDAFIL, DHËNDËR I LULEVE!



Presidenti bukurosh

në Pasqyrën-Hartë…

Pasqyra çudi…

nxjerr sozinë.

Në sheshet e shpirtit,

të Zgjuarit e Botës

u bien fanfarave të Moskamjes…







Një melodi të dhimbshme

s’e kapërcen dot kraharori;

Kërkesa migjeniane 1) “bredh”lëshuar

në tortuare frikësimi,

në lakuriqësi të jetuari,…

Lum, kush thuri i pari

rrjetën e merimangës së bardhë!…

Një qen krekoset për të dashurën

dhe birin gjysmënjeri!

Macja Princeshë jep pritje

për të zgjedhurin e zemrës së plagosur…

Telefonat, kurvarët më të mëdhenj të Globit,

lëshuar nga Frerët e turpit…

Ah,o të Pacipë të djallëzuar!…

Baret çajnë si tullumbace lidhjet e reja.

Në embrione çakordohen puthjet!…

1) fjalëe prejardhur nga emri ipoetit të madh , Migjeni.

M. PËRRALLA E YJEVE



I biri i “Yllit”

gostit zyrat t’i kalojnë në shtëpinë e tij

femrat e sistemit të rrëzuar,..

Taksitë venë e vinë,

premton fustan me lulka;

këpucë nga më tëpopmpuarat,

drekëza dhe darkëza

me njëmijë përralla brenda,