Adem Demaçi: Për politikë, pa klane

Titulli: ADEM DEMACI - MARATONOMAKU I SHQIPETAREVE Sun May 04, 2008 11:20 pm

Adem Demaci. Lindja e tij. Vitet e para te shkollimit. Hyrja ne rrugen e revolucionit. Arrestimi i vellaut te tij. Ademi fillon rrugen revolucionare. Mban kontakt te vazhdueshem me rinine revolucionare te Gjimnazit Sami Frasheri ne Prishtine. Punesohet si gazetar ne Rilindje. Arrestohet me pese vjet burigim per romanin e tij revolucionar 'Gjaperinjte e gjakut'. Dhe burgje e burgje e vite te tera do ta prangosnin Ademin e madh. 29 vjet burgjeve. Me shume se Nelson Mendela. Me teper se cdo Mendel tjeter. 29 vjet ne sherbim te kombit.

Bashke me Albin Kurtin nuk e pranuan marreveshjen kapitulluese te Rambujese. Jep doreheqje tok me Albinin nga pozita e drejtoirt politik te UCK - se, sepse disa komandante labile te UCK - se pranuan te kapitullojner ne Rambuje.

Pas vendosjes se regjimit shah e satrap te UNMIK - ut, baca Adem u anatemua skajshmerisht. Mediat filluan nje propagande jezuite kunder ketij tribuni te madh te ceshtjes sone kombetare.

Tash se fundi sa per ta lare fytyren, ne kohen kur Tadici hyn e del lirisht nga Kosova dhe qeveria e Thaqit i mban iso. Hashimi kreu i kesaj partie sa per ti dhene besueshmeri e poena politik vehtes, vendosi qe ti jepte pension baces Adem, veture dhe shofer personal.

Hashim Thaci qe deri dje thoshte fjale rrugacerie kunder baces Adem, tani po heqet si human kinse po e ndihmoj me para.

Forumist te nderuar, kjo teme ka nevoje per debat. Te debatojme. Cili eshte Adem Demaci per ju? Cka mendoni per te? Per rolin e tij? Per lojen e Thacit?

Anëtar aktiv Numri i postimeve : 737 Registration date : 02/04/2008

VIGANI I DURIMIT

( I kushtohet Adem Demaqit
Që kaloj 28 vjet në burgje )

Për ne –
Nëpër rrugët e ferrit kalove !
Patjetër u shndërrove jehonë,
Që zgjon e vezullon agime
Për rrugën e dritës sonë!

Dhe hyre përjetësisht
Në zemër të brezave !
Të të ruajnë sinonim durimi !
Për atë që se the në vepra,
E plotsoj – Qëndrimi!

Për të shpjeguar kur t’i pyesin :
Goli Otokët, Gradishkat…
Zemërzitë,
Do t’i kuptojnë vuajtjeqëndrimet Tua
Dhe do të zbehen nga poshtërsitë!

Ndoshta papritmas, pa kujtuar
Të qajnë ndonjëherë kameleonët !
Kur emrin tënd
Për lavdi, heroizëm
Ta shpalojnë në shekuj ciceronët !

Evropa plakë sërish mahnitet
Si dikur nga Gjergji, Qemali, Noli,
Rekordi botëror –
Demaqi i Llapit ;
Pajtimin – në zemrën tonë
E mbolli!

Qyshkur kohës së njeriut tonë
Për shqetësim –
Ia mbollën prapsinë,
Gjarpijt e gjakut në këtë zezonë
Laokontit shqiptar –
Ia morën lirinë .

Për anale të zgjimeve largpamëse
Spektri i dhunës
Diktoi trillime, etiketa,
Por, Ti qëndresa vigane –
E ndjenjave u ngrite
Vullkan i pamposhtur
Për padrejtësitë nga jeta !

Kush ta fali guximin
Për diagnozë,
Gjarpijt pijnë gjakun
Dhe hedhin helm e vrer,
Në trojet tona për simbiozë
Të ketë shumë dimër
Aspak pranverë !

Kush të ftonte për në Dasma?
Ishin hapat e rritës sonë!
Për Frymëmarrjen the : Plasa !
Vranë Rexhepin –
Poetin tonë !

Por nga vdekja su ligësove!
Rexhep Elmazi –
Jeton në brezëri,
Dhe mbete në burg
Sërish mendove :
- Është burrë –
Ai që mposht tradhëti !

Kush të mbante aq të fortë
Kush ta rriste krenarinë
Kush të trokëllinte në Portë
Që e mbyllën, që e ndrynë ?

Një ndërgjegje prej poeti
Qysh i ri,
Një ndërgjege prej një trimi
Për liri,
Një ndërgjegje – si t’i them :
E Agimit !
Që dhe në burgje u priu ndjenjave
Të Çlirimit !

18 qershor 1990

Titulli: Re: Adem Demaçi: Për politikë, pa klane Mon May 05, 2008 1:13 am

Adem Demaci ndodheshte në burgun më të madh në botë, që e njeh historia e njerëzimit - në burgun e Kosovës, ku më se dy milionë Shqiptarë nga regjimi hegjemonist-shovinist-terrorist janë zhveshur nga të gjitha liritë dhe të drejtat më elementare njerëzore e kombëtare. Si luftëtarit më të paepur për lirinë e mendimit, si mbrojtësit më këmbëngulës të lirive dhe të drejtave të njeriut, Paralamenti Evropian, më 10 dhjetor 1991, i dha Çmimin Saharov. Të theksojmë se këtë çmim deri më tash e kishin marrë: Saharovi, emrin e të cilit e mban, Dubçeku, Nelson Mandela, Marçenko, Aung Sun, disa nga të cilët (Mandela, Aung Su) u bënë më vonë edhe fitues të çmimit Nobel.
Me këtë rast, në Parlamentin Evropian, Demaçi tha se duke më nderuar mua, keni nderuar popullin tim të shumëvuajtur, por gjithmonë liridashës, paqedashës e krenar.
Më 1993, Klubi i Rektorëve Universitarë në Madrid i dha Çmimin Special për Paqe, kundër racizmit, ksenofobisë, për qëndrim paqësor e tolerant dhe për përpjekje për të ndërtuar një të ardhme të mbështetur në të drejtat e njeriut dhe në shumësi kulturore, që do t’u bënin të mundshme grupeve etnike të ish-Jugosllavisë të jetonin së bashku në paqe e harmoni... Dhe kjo ndodhi pikërisht në kohën, kur qarqet shoviniste serbe e akuzonin për luftënxitje?! Në shkurt të vitit 1994, pesë anëtarë të Parlamentit të Norvegjisë e kandiduan shkrimtarin Adem Demaçi për çmimin Nobel. Edhe në shtator u kandidua sërish për çmimin Nobel për Paqe, me ç’rast theksoi se ky është një nder për mua dhe një mirënjohje për popullin shqiptar.
Ndërkaq, më 14 dhjetor 1995 Adem Demaçit iu dorëzua Çmimi për të Drejtat e Njeriut i Universitetit të Oslos. Demaçi, duke shprehur falënderimin për këtë çmim, tha: Këtë mirënjohje nuk e kuptoj vetëm si mirënjohje të punës dhe të luftës sime për të drejtat e popullit tim, por edhe si dëshirë të qeverisë e të intelegjencisë paqedashëse norvegjeze që t’i tërheqë vëmendjen opinionit të gjerë ndëkombëtar për problemin e Kosovës.

LUBOTENI
Jo qe Hashim Thaçi duhet te vendose per Bacen Adem por kete dhimbje duhet e gjithe Evropa shtrige ta ndaje per Bacen Edem.Ku dhe e meriton çmimin nobel per drejtat e njeriut,qe gjithe jeten ja fali liris se popullit ,dhe te drejtave te botes demokratike te njerzimit.

Sipas mendimit time duhet te vendos per Bacen Adem e gjithe Evropa e jo Hashim Thaçi .Baca Adem e ka vendin aty ku deshiron ai vete te vendos aty , ku duhet te jet nderi dhe vepra e tij.Aty ku duhet te kuptuar veprat e tij , jo per te miren e popullit shqiptar ,por per te miren e gjithe botes Demorkatike.

Anëtar aktiv Numri i postimeve : 737 Registration date : 02/04/2008

VALMIR KLAIQI
Adem Demaçi: Për politikë, pa klane FOTO%20Adem%20Demaqi

Edhe pse i shtyrë në moshë, Adem Demaçi ende dëshiron të merret me politikë, por jo me parti e me klane që, sipas tij, interes e kanë vetëm pushtetin. Ai thotë se deri tani Kosovën e kanë njohur shtetet më të zhvilluara në çdo aspekt, ndërkaq për vendet që nuk e kanë njohur deri tash, sidomos ato nga Liga arabe, thotë se po koriten dhe po tregojnë se janë objekt manipulimi i forcave jo të mira dhe joprogresive të kohës së sotme. Demaçi mendon se për t’u faktorizuar shqiptarët në Ballkan, duhet të jenë më të organizuar dhe duhet t’i zhdukin dukuritë negative që i kanë brenda institucioneve

Anëtar aktiv Numri i postimeve : 737 Registration date : 02/04/2008

Lajm”: Kosovën e kanë njohur 38 shtete, në mesin e tyre janë vendet më të fuqishme të botës. A mendoni se në këtë kohë duhet të bëhet një lobim më i madh për njohjen?
Demaçi: Vetë fakti që kemi arritur te shifra 38 nuk është pak. Nuk ndihmon shumë këtu lobimi, sepse ata që bëjnë lobime (serbët), janë më të zot për këtë punë dhe kanë para më shumë se ne. Ata që po qëndrojnë anash, sidomos shtetet islamike e arabe, u koritën krejt, sepse e treguan veten se janë objekt manipulimi i forcave jo të mira dhe joprogresive të kohës së sotme. Por, edhe ata do të fillojnë t’i hapin sytë e ta kuptojnë se nuk janë në rrugë të mirë. Procesi i njohjes do të mund të zgjasë pak shumë, kështu që kjo është ajo faza transitore për të cilën shqiptarët duhet të jenë të përgatitur dhe të mos i japin zor tepër. Në mesin e këtyre 38 vendeve që na kanë njohur janë ato nga të cilat kemi më së tepërmi hajër, janë shtetet më të zhvilluara në çdo aspekt.

“Lajm”: Pas shpalljes dhe njohjes së pavarësisë së Kosovës dhe ftesës së Shqipërisë për të hyrë në NATO, a mendoni se tashmë shqiptarët janë faktorizuar në Ballkan?
Demaçi: Ende nuk jemi faktorizuar, sepse Shqipëria duhet të bëhet anëtare e NATO-s. Ajo duhet t’i kalojë edhe 10 vjet derisa shtetet evropiane të investojnë aty dhe ta ngrenë ekonomikisht. Ajo duhet të bëjë ende shumë punë për ta luftuar korrupsionin e shumë dukuri negative që i ka. Karakteristikë e shqiptarëve kudo që janë në Ballkan është shkalla e vogël e organizimit. Pastaj, kemi Greqinë dhe Serbinë, të cilat nuk duan që të faktorizohen shqiptarët dhe mbrapa tyre kemi një Rusi, fatkeqësisht edhe një Kinë, e cila nuk po e kupton si duhet fenomenin shqiptar në Evropë, kështu që nuk mund të faktorizohemi aq shpejt sa kemi dëshirë.

Anëtar aktiv Numri i postimeve : 737 Registration date : 02/04/2008

“Lajm”: Serbia ka paralajmëruar mbajtjen e zgjedhjeve lokale serbe edhe në Kosovë. A mendoni se institucionet e Kosovës duhet ta lejojnë mbajtjen e këtyre zgjedhjeve?
Demaçi: Duhet të jemi realistë. Duhet ta dimë se Kosova e ka një pavarësi të mbikëqyrur dhe fjalën e fundit për të e kanë forcat jashtë Kosovës, NATO-ja, OKB-ja. Dihet se ne administrohemi në bazë të një Rezolute 1244, të cilën pa e rrëzuar nuk mund të dalim në performancë tjetër. Do të na duhet edhe ca kohë për të vepruar vetë, e jo siç thonë disa dashamirë në Prishtinë që pas hyrjes në fuqi të Kushtetutës, më 15 qershor, shqiptarët do ta udhëheqin vetë Kosovën. Megjithatë, prapë do të mbesim inferiorë dhe në pozitën që duhet t’i dëgjojmë ata që ne i ftuam, sepse vetë si popull nuk patëm kapacitet që ta fitonim lirinë me forcat tona. Derisa të vazhdojë mbështetja që e kërkuam vetë, do të vazhdojë edhe fjala e fundit e tyre dhe përzierja e tyre në punë. Sot jemi në situatë që na vjen Boris Tadiqi (presidenti i Serbisë), ai tjetri e ai tjetri dhe nuk kemi forcë t’u dalim përpara dhe t’u themi: Mbrapa kthehu, se më nuk mund të hyni kur të doni në Kosovë.

“Lajm”: Pra, thoni se edhe pas hyrjes së Kushtetutës në fuqi, Qeveria e Kosovës nuk do të mund t’i ndalojë zgjedhjet serbe dhe vizitat e paparalajmëruara të liderëve serbë?
Demaçi: Nuk do të munden institucionet e Kosovës t’i ndalojnë dhe do të bëhen kinse nuk po i shohin. Këtë e solli përzierja e Rezolutës 1244 me projektin e Ahtisaarit, të cilin, fatkeqësisht, shqiptarët me shtytjen e faktorëve të jashtëm u ngutën dhe gati të tërën e futën në Kushtetutën e shtetit. Dhe me këtë pako u janë dhënë serbëve aq shumë kompetenca dhe aq shumë të drejta që nuk i njeh historia askund në botë. Kjo pavarësi që e kemi tani do të zhvillohet ngadalë dhe dikur më vonë do ta lodhë faktorin serb. Atëherë do ta kuptojë edhe Rusia që s’ka përfitim nga kjo, por vetëm humbje nga përkrahja që i bën një regjimi mafioz e kriminal që udhëheq në Serbi. Bota po mashtrohet tash dhe po mundohet ta ndihmojë Boris Tadiqin kinse si faktor proevropian, por natyra e brendshme e regjimit serb nuk ka ndryshuar dhe nuk do të ndryshojë, derisa Serbia të kuptojë se nuk e ka më Kosovën dhe nuk do të mund ta ketë kurrë. Vetëm atëherë, pra, Serbia do të ballafaqohet me vetveten dhe populli serb atëherë do ta kuptojë se ka qenë i mashtruar tërë kohën dhe vetëm atëherë populli serb do t’i zgjedhë njerëzit e denjë që Serbinë do ta çojnë në ujërat demokratike dhe do ta shpëtojnë nga çetnikët e neofashistët.

Anëtar aktiv Numri i postimeve : 737 Registration date : 02/04/2008

“Lajm”: Ditëve të kaluara në Kosovë janë shfaqur njerëz me maska në fshatin Debëllde, në kufirin me Maqedoninë, ku Kosova rrezikon t’i humbë 2 500 hektarë tokë. Si mendoni se do të përfundojë ky proces?
Demaçi: Unë kam frikë se ajo punë ka marrë fund në momentin kur Serbia e zgjodhi kohën shumë delikate që të provonte nëse bashkësia ndërkombëtare do t’u rrijë atyre neneve të Rambujesë dhe neneve të Rezolutës 1244. Serbia i thirri maqedonasit, të cilët nuk u treguan largpamës se kjo do t’u hakmerret herë do kurdo. Ata bënë një krim në një territor të banuar gjithmonë nga shqiptarët, duke pranuar që ky territor t’u falet nga Serbia. Por, ky është problemi i Maqedonisë. E frika ime është se me pranimin e Pakos së Ahtisaarit, ne vetëm do të shpenzojmë kohë dhe mund, ngase kjo veç ka përfunduar që kur Kosova e pranoi këtë lloj pavarësie.

“Lajm”: Ish-kryeministri Ramush Haradinaj është liruar nga Gjykata e Hagës. Çfarë zhvillimesh mund të ketë tani në spektrin politik të Kosovës?
Demaçi: Me lirimin e Ramushit ndodhi një fitore e madhe e së vërtetës në botë, sepse propaganda serbe dhe përpjekjet e tyre ishin që ta bindnin botën se në Kosovë ka pasur një bandë, dhe se nuk ka pasur ushtri. Si strategji e tyre pra ishte që të dënohet Ramushi, Fatmiri (Limaj), tjetri e tjetri, në mënyrë që para botës të dalim ne fajtorë për atë çfarë ndodhi në Kosovë. Lirimi i Ramushit është një fitore e madhe, së pari për Kosovën, për UÇK-në, dhe atij ju dha një shans që ai të kthehet dhe ta vazhdojë jetën normalisht. E di që ka simpatizantë të shumtë, sepse të gjithë e dinë se ai ka luftuar shumë. Por, unë do ta kisha porositur Ramushin, si vëlla pak ma i madh, që luftën për pushtet, të cilën është duke e bërë, ta bëjë gjithnjë duke pasur parasysh interesin e Kosovës, sepse në të kundërtën do të dëmtohet edhe ai (Haradinaj), por edhe Kosova. Nuk guxojmë të përpiqemi të merremi me pushtet, duke e harruar çështjen kombëtare. Nëse Ramushi do të jetë në gjendje ta bindë popullin se ai prapë duhet të jetë kryeministër, atëherë kjo është në rregull.

Anëtar aktiv Numri i postimeve : 737 Registration date : 02/04/2008

"Lajm": Kryetari Fatmir Sejdiu, kryeministri Hashim Thaçi dhe ish-kryeministri Haradinaj ende nuk kanë gjetur kohë për t'u takuar. Si e vlerësoni ju këtë qëndrim?
Demaçi: Ata (Sejdiu e Thaçi) mund t'i kenë disa probleme ndërmjet tyre, e kjo nuk është në rregull, sepse dihet se ata janë angazhuar për lirimin e Ramushit me disa deklarata. Nuk bënë të merremi me këso punë periferike, të cilat mund t'i dijë kryeministri, kryetari dhe Ramushi, sepse nuk janë të rëndësisë së parë për ne. Krahu i luftës, menjëherë pas largimit të forcave serbe nga Kosova, u nda në disa blloqe e parti, e kjo nuk ishte në rregull. Me këtë dua të them se këto probleme nuk janë të sotshme, por janë qysh nga koha e luftës. Prandaj, them se ne nuk është mirë të merremi me ato punët e tyre.

"Lajm": Ish-bashkëpunëtori juaj, Albin Kurti, është kundërshtar i Pakos së Ahtisaarit dhe vazhdimisht e kritikon punën e institucioneve vendore e ndërkombëtare në Kosovë. Si e vlerësoni ju veprimtarinë e Lëvizjes "Vetëvendosje"?
Demaçi: Veprimtaria e Lëvizjes "Vetëvendosje" është ndërgjegjja politike e popullit shqiptar. Të gjithë ata që e duan Kosovën janë për vetëvendosje dhe ata e dinë shumë mirë që vetëm vetëvendosja dhe referendumi është ajo vula më e rëndësishme dhe e përhershme, e cila do ta përfundojë definitivisht fatin e Kosovës. Përpjekja për të bërë referendum në Kosovë është përpjekje në interes të kombit shqiptar, në përgjithësi, dhe Kosovës, në veçanti. Pra, mendoj se Lëvizja "Vetëvendosje" ka anë pozitive, sepse vazhdimisht na rri gati dhe nuk lejon të vihemi në gjumë dhe të mendojmë se Pakoja e Ahtisaarit është shpëtimi i Kosovës. Duhet ta dimë se kjo pako ishte një kompromis i paparë dhe një kompromis i tepruar, i cili u bë me qëllim që të joshej Serbia e të zbutej Rusia për ta tejkaluar Rezolutën 1244, të cilën me gjitha këto lëshime nuk mundën ta ndryshojnë. Pra, kjo ishte strategji e gabuar dhe këtu duhet të jemi të vetëdijshëm,
prandaj unë kam mendim të lartë për Albin Kurtin dhe bashkëpunëtorët e tij, sepse ata punojnë për interesin kombëtar. Tekefundit, Albini dhe shokët e tij janë një opozitë shumë e fortë në Kosovë, të cilët me mjete paqësore mundohen ta arrijnë një vetëdije të popullit tonë që të shkojnë drejt përfundimit sa më të shpejtë të këtij procesi.

Admin Numri i postimeve : 7564 Registration date : 13/08/2007

Intervistë e Adem Demaqit, dhënë për Radion BlueSky

Dhe, te kapet lidhja, perse ne jemi sot keshtu si jemi. Te ndare ne gjashte cope, ne gjashte pjese te fundit te Evropes dhe pse endemi e sillemi keshtu ne kete menyre. Nese e lexoni me vemendje romanin, do ta kuptoni se kam bere perpjekje qe ta shkoqis dhe t’i shpjegoj ne menyre sa me te lehte e te kuptueshme, te gjitha ato qe neve na kane mbetur si mbeturina te kaluares sone te lashte e te lavdishme por, qe ate lavdi te dikurshme, ate burreri dhe ate sjellje te mire qe kane pasur iliret, te paret tane, para 3 – 4 mije vjetesh, e kemi pagur ne dhe po e paguajme, me kete vonese te madhe ne zhvillimin tone ekonomik, politik, arsimor, kulturor, shendetesor etj.."

Blue Sky: Romani juaj i fundit i botuar “Dashuria kuantike e filanit”, eshte shkruar ne bazen e komunikimit modern, por ngjarja zhvillohet ne retrospektive, e gershetuar me te tashmen. Pse e keni zgjedhur formen qe nente letra elektronike, t’ia dergoni personazhit Dardhe?

Adem Demaqi: I vetmi eshte personazhi Dardhe, qe eshte personazh i imagjinuar, kurse te gjithe personazhet e tjere qe permenden ne roman, te gjalle e te vdekur, jane real dhe nuk ka trillime aspak. Te gjitha ato perjetime, jam munduar qe t’i tregoj ne menyre sa me besnike dhe sa me objektive, pa kurrfare shtimesh dhe pa kurrfare mangesish. Me lehte me ka ardhur ne kete menyre, qe permes letrave te rrefehem para nje krijese qe une mendoj, se eshte e atille, e cila meriton qe une t’i rrefehem. Kjo eshte ajo Dardha, qe ne realitet nuk e gjen askund.

Blue Sky: Ne njeren nga te perditshmet tona, po botohen pjese nga romani juaj i pabotuar “Alb Prometeu”. Aty keni perdorur personazhe te mitologjise shqiptare, siç jane Zanat e Malit. Ato kane emrat e diteve te javes si: zana Marte, zana Merkure, zana Premte, zana Dielle, etj. Pse i keni perdorur keto personazhe ne dialog me Albin?

Adem Demaqi: Albi, ne te vertete ben dialog, takohet dhe rrin me vetedijen, ndergjegjen, mbamendjen, dashurine per kombin e vet dhe gjithe njerezimin. Kur Albi i pyet ç’fare jeni ju zanat, si jeni ju zanat, atehere edhe nena Zane d.m.th nena e atyre shtate bijave te saj edhe ato motra nga gjiri per Albin, ato pergjigjen qe keto jane vetedija, dija, mbamendja historike dhe dashuria per kombin e vet dhe per gjithe njerezimin. Ketu eshte perdorur mitologjia jone sepse ne i kemi zanat e malit. Dikush i quan shtojzovalle, disa oret e malit etj, ne menyre qe te behet mundesia e komunikimit dhe rrefimit te lashtesise sone si dhe te shpjegohen ne menyre sa me te kuptueshme disa gjera qe kane ndodhur dikur ose nuk kane ndodhur, sepse nuk ka pasur mundesi qe te ndodhin. Dhe, te kapet lidhja, perse ne jemi sot keshtu si jemi. Te ndare ne gjashte cope, ne gjashte pjese te fundit te Evropes dhe pse endemi e sillemi keshtu ne kete menyre. Nese e lexoni me vemendje romanin, do ta kuptoni se kam bere perpjekje qe ta shkoqis dhe t’i shpjegoj ne menyre sa me te lehte e te kuptueshme, te gjitha ato qe neve na kane mbetur si mbeturina te kaluares sone te lashte e te lavdishme por, qe ate lavdi te dikurshme, ate burreri dhe ate sjellje te mire qe kane pasur iliret, te paret tane, para 3 – 4 mije vjetesh, e kemi pagur ne dhe po e paguajme, me kete vonese te madhe ne zhvillimin tone ekonomik, politik, arsimor, kulturor, shendetesor etj.

Blue Sky: Kur do te botohet “Alb Prometeu” dhe ku do ta promovoni?

Adem Demaqi: Une nuk mendoj ta botoj derisa te shitet romani im “Dashuria kuantike e filanit”, sepse nuk qe t’i bej konkurrence vetvetes sime. E kam ndermend qe ta beje edhe nje zgjerim, sepse nga frika qe mund te dale i gjate, i kam bere disa hapa te medhenj. E kam rrefyer te kaluaren tone me disa kercime te medha dhe disa gjera i kam dhene qe mund t’i njohin vetem ata qe e njohin historine tone. Ka edhe te atille qe nuk e njohin historine tone, sepse historia jone nuk eshte mesuar ne menyre te rregullt. Keshtuqe, kam ndermend ta beje nje zgjerim te romanit. Jo te behet shume i gjere, por ne disa vende qe kane mbetur disa gjera te pa shpjeguara si duhet. Kur te vij koha e botimit, do ta zgjeroj edhe pak.

Blue Sky: Romani juaj i pare eshte “Gjarperinjte e gjakut”! Me pas keni shkruar romanin “Liber per vetemohimin” pastaj “Heli e Mimoza”. Ne vitin 2007 botuat romanin “Dashuria kuantike e filanit”. Cilin nga keto romane e konsideroni si me te arrituren tuaj?

Adem Demaqi: Une mundohem qe cdo roman qe e shkruaj, te jete me i mire se tjetri. Kjo eshte sikur puna e evladeve. Nuk mundet njeriu t’i dalloje evladet. Mund te them vetem se “Dashuria kuantike e filanit”, u ka pelqyer njerezve shume. Mirepo, une mendoj se keto romanet tjera p.sh. “Libri per vetemohimin”, njerezit tane kane pasur rast shume pak ta lexojne sepse ketu ne Kosove, jane shitur afersisht 2 mije ekzemplare kurse pjesa e shumte e ekzemplareve, eshte shitur ne diaspore. Atehere ishte atmosfera e tille politike qe te refuzohet ai roman dhe qe te anatemohet. Ka pasur zera e shkrime, madje kane angazhuar edhe disa shkrimtare te gjore e te shkrete qe kane thene, degjoni ky ka shkruar edhe ne gjuhen serbe. Thonin keshtu sepse aty ishte edhe dialogu me Sashen, qe ishte oficere i UDB-se. Meqenese dialogu qe zhvillohej ne gjuhen serbe, poshte ishte edhe perkthimi. Me fjale te tjera, eshte bere gjithçka qe ai roman te mos shperndahet dhe te mos lexohet. Te mos kete efekte per cka eshte shkruar. Aty ka gjera shume te thella dhe ne nje forme letrare e artistike, eshte pergatitur edhe kritika jone, qe kur erdhi koha, ajo shpertheu.

Blue Sky: Ministri i ri i Kultures, z. Skender Hyseni, ka premtuar se prioritet gjate mandatit te tij do ta kete librin. Ai ka thene se vetem spanjollet lexojne me pak se shqiptaret. A pajtoheni me kete prioritet te ministrit, ju si shkrimtar?

Adem Demaqi: Une mendoj se z. Skender Hyseni, eshte njeri i mençur. Eshte njeri i zgjuar. Dhe besoj qe ka nje barre qe ka trasheguar nga nje minister, i cili nuk kishte te bente fare me kulturen. Ishte nje minister, i cili te jete minister i gangstereve dhe i dallavergjinjeve, do te ishte minister i mire, por per kulture nuk ishte. Por, e sollen ata, te cilet kane pasur deshire ta sillnin ne ate pozite dhe qeveria e kaluar nuk pati force qe te lirohej nga nje njeri i tille. Prandaj, ministri i tanishem, z. Skender Hyseni, tani ka nje barre shume te rende dhe mendoj se ky duhet te vazhdoje te punoje me forca qe ka, pikerisht aty ku ka filluar. Une besoj qe libri perfshine edhe dramen edhe teatrin. Skenari poashtu eshte njefare lloj libri. Do ta perfshije edhe filmin sepse ne si popull, ne shume pikepamje jemi te vonuar. Historine e kemi perjetuar me ngjarje te medha, me veprime te medha. Here me gabime e here pa gabime, por asnjehere nuk u perkulem dhe nuk u dorezuam. D.m.th, ne si popull, jemi material i shkelqyer qe te shkruajm libra, te bejme skenare, te bejme filma te mrekullueshem dhe seriale te mrekullueshme. Nuk them sa jane te kqinje ato seriale spanjolle, portugale e ne pergjithesi te botes etj, por une mendoj se ne kemi nevoje edhe per kulturen tone gjuhesore, per kulturen e vetedijen tone kombetare dhe per historine tone shume te bujshme. Kemi nevoje qe te kemi nje numer serialesh, ku do te pasqyrohej jeta jone e mundimshme por edhe e lavdishme drejt asaj ku jane popujt tjere. Ne jemi vonuar per shume kohe dhe tash nevojitet nje hap i shpejtuar, qe te mund ta arrijme boten sepse edhe bota eshte e interesuar qe ne te ecim perpara dhe aty ku eshte arti dhe kultura e zhvilluar, aty ka hajna me pak, ka kriminele me pak, ka njerez problematike me pak, etj. Prandaj z. Minister, ka prekur aty ku duhet dhe besoj se ndaj Lidhjes se Shkrimtareve do te kete nje mirekuptim dhe nuk do te lejoje sikurse u lejua deri tash qe Lidhja e Shkrimtareve, te jete nje OJQ, d.m.th nje organizate jo qeveritare, e cila s’ka rendesi qe i takon ta kete lidhjen e shkrimtareve prandaj edhe do te behet besoj, me intervenimin e tij dhe ndryshimit te ligjit, qe Lidhja e Shkrimtareve te kete nje buxhet te madh ose te vogel. Nje buxhet qe mund te planifikoje vitin ne te cilin hyn, me manifestime te ndryshme kombetare, lokale etj, te cilat duhet t’i udheheq Lidhja e Shkrimtareve dhe t’i botoje veprat e shumta, te cilat meritojne te botohen dhe te ribotohen.

Blue Sky: Ju keni qene i burgosur politik per vite te tera. A keni mundur te shkruani neper burgje?

Adem Demaqi: Neper burgjet tona atehere, une nuk kam pasur mundesi te shkruaj. Pata shkruar nje here fshehurazi, duke mos i treguar askujt qe kam shkruar. Shoku im, Xhafer Mamuxhiku, i cili momentalisht eshte i semure, i shtrire, ai i pati marre ato fletore ne te cilat une shkruaja dhe i pati nxjerr nga burgu. Une tash nuk e di ne dore te kujt jane. Ajo ka qene nje perpjekje e imja qe te shkruaja e te pershkruaja lufterat e Azem Bejtes, Shote Galices, Ahmet Delise e te tjereve. Ka qene ne forme si te drames, si te romanit, por une nuk kam kohe me qe t’i kthehem asaj problematike. Kjo ka qene e vetmja qe kam pasur mundesi te shkruaj ne burg brenda atyre 28 vjetesh. Ishte nje periudhe kur pas renies se Rankoviqit, pas rimatjes se denimeve tona, ne te denuarve politik ne Pozharevc, na bene bashke. D.m.th. nuk kishim kriminel qe te na spiunonin. Sepse zakonisht kriminelet, nga tre, kater, pese, na percillnin cdo njerin prej neve dhe cdo levizje tonen, cdo gje lidhur me ne, e informonin policine e burgut dhe pastaj ajo, ata i shperblente me shkuarje ne shtepi, me ulje denimesh etj, etj. Ne ate periudhe ne, e cila zgjati rreth nje vit e gjysme, kur patem mundesi te rrinim bashke, te denuarit politik edhe shqiptare edhe serbe, ishte edhe Mihajllo Mihajllovi atehere, nje politikane rus, jashtezakonisht i zoti dhe shume i gjithanshem, ne ate kohe e kam shkruar ate librin tim, kurse gjate koheve tjera qe isha ne burg, ka qene e pamundur te shkruaja.

Blue Sky: A do te thote mospajtim i perhershem me plaget e shoqerise, vepra e juaj letrare, qe e keni krijuar dhe po krijoni ne vazhdimesi?

Adem Demaqi: Une jam munduar dhe mundohem. Vepra ime patjeter duhet te kete nje porosi. Une mundohem qe porosia te jete ne menyre artistike. D.mth. porosia ime gjithmone eshte politike, por mundohem qe ajo te shnderrohet ne ndjenja. Do te thote, ajo cka mendon njeriu me arsyen dhe mendjen e vet, te shnderrohet ne ndjenja dhe te preken ndjenjat e njeriut. Vetem ne ate menyre, vepra behet artistike dhe behet e pranueshme dhe e kapshme nga lexuesi dhe publiku dhe luan rolin qe duhet ta luaj. Une mendoj, se te ne eshte per te ardhur keq, ajo fjala e z. Minister Skender Hysenit, qe vetem spanjollet lexojne me pak se shqiptaret . Nuk e kam ditur se ka edhe popuj tjere qe lexojne edhe me pak se ne. Po me habit qe nje popull me nje kulture te lashte, me njerez qe kane mahnitur boten me shkrimet e tyre, me punet e tyre ne te gjitha fushat, sic jane spanjollet, qe lexojne me pak se ne. Mirepo, ai e din me mire kete pune sepse s’ka arsye ta thote nese nuk do te ishte keshtu. Populli yne qe lexon pak, une nuk e fajesoj, sepse njerezit i kane kryer shkollat ne menyre solide, shkel e shko, duke qene te perndjekur e te penguar nga regjimet, te cilat gjithnje me qellim kryesor politik, paten qe ne pikepamje te dijes e te vetedijes, te na lene prapa dhe leximi eshte nje nga menyrat me te lira dhe me te kapshme qe njerezit ta zgjerojne dijen dhe kulturen e tyre. Keta na penguan.Mundohem dhe sot ta kuptoj, por nuk mund ta kuptoj, qe kultures sone nuk i jipet rendesi shume e madhe. Une e di se nuk ka para qe te mbyllen te gjitha kerkesat cka duhen, por une jam deshmitar i atyre shpenzimeve te hatashme qe jane bere per disa spektakle, te cilat per veten e vet, kane qene te mira por, ato spektakle kane qene te shkurtra, te shpejta kurse ne duhet te veprojme dalengadale dhe te veprojme dhe te godasim thelle, ne menyre qe ta ngrisim nivelin e shikuesit dhe te lexuesit, nivelin e pjesemarresve te shoqerise sone sa me shume dhe sa me larte me veprime te ngadalshme, duke forcuar shkollimin, d.m.th sistemin e edukimit. Duke i motivuar te gjithe arsimtaret dhe mesuesit, te cilet punojne me nxenesit dhe duke kerkuar prej tyre, nese ka mundesi shoqeria t’i shperbleje deri dikund, duke kerkuar prej tyre me shume. Sot s’ka cka te kerkohet me shume dhe duke ngritur ne pergjithesi dijen, e cila eshte baza e vetedijes. Duke ngritur pastaj vetedijen,e ngritet edhe aftesia e organizimit dhe vet organizimit. Organizimi eshte forca ne levizje. Pa organizim, nuk ka force te mjaftueshme per te ndryshuar shoqerine tone dhe per te ecur perpara. Keshtuqe, te gjitha keto jane te lidhura njera me tjetren dhe nese shkeputet kjo, atehere jane deshtimet tona dhe ja ku jemi ne sot, te fundit te Evropes. Sigurisht qe ka popuj tjere neper Azi, neper Afrike etj, por nuk eeshte mire qe jemi te fundit te Evropes sepse jemi nje nga popujt me te lashte te Evropes. Te gjithe keta popuj ketu, greket sipas zbulimeve me te reja historike, kane ardhur pas neve, kurse te gjithe keta popujt tjere, qe i njeh Evropa si popuj te medhenj dhe si popuj qe kane luajtur role etj, kane ardhur me vone dhe neve ilireve na kane gjetur ne keto hapesira. Bizanti si nje krijese helene, pastaj Roma si nje krijese latine etj, na kane ardhur ketu dhe na kane mbuluar me permbytje. Eshte permbytja sllave p.sh fillon ne shek VI dhe VII, pastaj vijne njesite e shumta ushtarake mongole, qe perfundojne deri ne Hungarine e sotme, Bullgarine dhe Turqine e sotme. Te gjitha keto jane fise mongole, te cilat kane shtrire pushtetin e tyre ne keto vise tona. Dua te them se ne jemi me te vjetrit ketu dhe nuk eshte mire qe pse jemi me te vjetrit, te jemi me te fundit. Njeriu nganjehere mendon se c’fare ndodhi me ne? Nese do ta lexoni romanin, do ta shihni se aty behet fjale se kush jemi ne. Ne jemi ata pasardhesit e atyre ilireve, te cilet nuk iu nenshtruan asnje pushteti. As pushtetit helen qe ishte neper ato koloni te ndryshme buze detit, nuk iu nenshtrua. As pushtetit romak, i cili perfshiu dhe permbyti Ilirikun dhe kaloi duke krijuar perandorine e madhe romake deri ne Afrike etj. Nuk iu nenshtruam as permbytjeve sllave, te cilat ishin te medha e te shumta. Nuk iu nenshtruam as perandorise otomane. Turqit ishin fis mongol dhe kaluan ne islamizem. D.m.th nuk iu nenshtruam as atyre dhe ne jemi ata, te cilet jetuam maje maleve dhe maje shkrepave dhe atje shpetuam veten tone, por edhe u demtuam shume sepse nuk u lagem nga kulturat e ketyre civilizimeve te medha boterore per arsye se civilizimi helen, romak dhe islam, jane civilizime te medha boterore, te cilat luajten dhe po luajne rol ne hapesirat boterore. Ne jemi pra ata, te cilet shpetuam pjeserisht duke u helenizuar nje numer i madh dhe duke u romanizuar nje numer i madh. Ne fjalorin tone gati 20% te fjaleve jane me origjine latine. p.sh kamisa ( kemisha), digitus ( gishti), populus ( populli) etj. Pastaj kemi nje numer me pak te fjaleve sllave, jo shume turke etj, etj. Por shpetuam gjuhen tone, sintaksen tone dhe jeten tone, duke mbetur shume pak sepse na asimiluan por edhe na vrane sa here na zune. Ne roman, gjithashtu eshte ajo qe bene bullgaret ne fillim te shekullit IX deri ne perfundim te shekullit te X. I vrane te gjithe ata ilire qe i gjeten dhe i masakruan. Ajo pakice qe mbeti, ia dha majave dhe shpetoi. Pra ne jemi ata qe nuk e zhvilluam kulturen dhe dijen, mbetem te manget ne kete aspekt mirepo, shpetuam identitetin tone. Pra, beme nje pune shume te madhe, te cilen e paguam shume shtrenjte dhe tash duhet t’i kthehemi vetvetes qe ta zeme boten, aty ku kemi mbet prapa.

Admin Numri i postimeve : 7564 Registration date : 13/08/2007

Blue Sky: Ju keni qene kundershtar i vazhdueshem i politikave serike. Kohet e fundit po merreni vetem me shkrime. A do te thote kjo qe keni zgjedhur lapsin per te shprehur pakenaqesite e kohes?

Adem Demaqi: Lapsi per mua gjithmone ka qene nje mjet qe te ndikoje sa te jete e mundur ne hapesiren shqiptare dhe jo vetem ne kete hapesire, sepse une kam dhene edhe nje numer te madh intervistash ne hapesiren serbe. Kam dhene disa intervista te rendesishme ne televizionin e Beogradit, televizionin e Serbise ne pergjithesi. Kam pasur disa intervista te rendesishme dhe duele me disa njerez ne Evropen e Lire. Jane te njohura disa duele qe kam pasur edhe permes Zerit te Amerikes, ku kam pasur mundesi t’i mbroje jo vetem interesat e shqiptareve por edhe te te gjithe atyre qe perpiqen per lirine e tyre. Tash e kam lapsin, e kam fjalen me te cilin une mundohem te kontribuoje sa te mundem, qe populli im te mos mbetet i fundit i Evropes. Por, te ec sa me shpejte perpara dhe ta ze Evropen, ne menyre qe te barazohemi me te tjeret ne Evrope. Evropa na ka lene neve te zbrazet. Evropa na ka lene neve te rezervuar sepse ne Evrope nuk ka kontestim se a jemi ne shqiptare apo nuk jemi, a jemi me te lashtet e Evropes apo nuk jemi. Ketu nuk ka kurrfare kontestesh. Shkenca e Evropes e ka pastruar kete pune dhe eshte liruar nga te gjitha ato histori, te cilat shkruheshin me porosi sipas kerkesave dhe deshirave te regjimeve te ndryshme, te cilat ishin ne fuqi dhe mundoheshin ta benin te bardhen te zeze dhe te qitnin fare nga historia faktorin ilir dhe faktorin shqiptar.

Blue Sky: A ka letersia shqipe kandidate te denje per çmimin Nobel per Letersi?

Adem Demaqi: Aspirante per çmimin Nobel ka. Njerez qe bejne çeshte e mundur qe t’i pelqejne Evropes dhe botes. Qe te shkruajne ashtu si i ka enda Evropes dhe botes. Qe te bejne 100 akrobacione te ndryshme, qe dikush ne Evrope te thote: ja ia japin ketij zoteriut ose asaj zonjes çmimin Nobel. Une mendoj qe çmimin Nobel nga shqiptaret, do ta marre ai, i cili do te jete sa me shume shqiptar. Kultura evropiane dhe arti evropian, ka nevoje per nje art autentik shqiptar. Nuk ka nevoje per ata, te cilet kopjojne dhe imitojne e bejne 100 perpjekje qe dikush dikujt ne Evrope t’i pelqeje. E para e punes eshte qe ne t’i pelqejme kombit tone, qe permes krjimeve tona, shkrimeve tona ne te gjitha fushat d.m.th nuk them vetem per letersi, eshte fjala edhe per pikture, per muzike etj. ne muzike p.sh, shqiptaret kane arritur lartesi te medha, por neve na mungon menaxhimi dhe plasmani i ketyre te arriturave qe kemi ne fushen e muzikes, ne fushen e baletit, ne fushen e drames. Eshte fajtore varferia jone, prapambeturia jone dhe eshte fajtor jo kontinuiteti yne politik, i cili per shkak te politikes involvoi shume ne artin tone se beheshin shume pengesa qe arti jone te njihej nga bota dhe te depertonte ne bote. Dihet p.sh se c’fare shpenzimesh te medha jane bere nga e Shqiperise per te perkthyer vepra, te cilat per ata te diktatures komuniste, mendonin se jane ne favor te tyre dhe shkojne ne favor te tyre. Kurse, Lasgush Poradeci, nje kolos i poezise shqiptare dhe i asaj evropiane, per fajin tone nuk njihet sa duhet as te shqiptaret. U kur nuk njihet tek shqiptaret, e kur nuk i jipet vendi i merituar tek shqiptaret, nuk kemi si ta fajesojme boten pse nuk e njohin Lasgushin. Prandaj, jemi ne fajtor ose eshte fajtore historia jone e hidhur, neper te cilen kaloi populli yne. E te gjitha keto, do te mund te tejkalohen me perpjekje te medha dhe me nje zotesi te dirigjimit te drejtimit te qeverisjes dhe te qeverisjes se kultures veçanerisht. Prandaj, une i uroj z. Skender Hysenit, ministrit tone te ardhshem, qe te kapet me keto mangesi te medha. Tash une si qytetar i thjeshte ndoshta i lejoj vetes shume qe t’i propozoje qe te hyje ne bisedime te drejtperdrejta me ministrin e kultures se Shqiperise, ose me te tjere te njejte ne te gjitha hapesirat shqiptare. Nese mundemi edhe ne hapesiren arsimore, te unifikohemi qe nga “Abetarja” deri tek librat shkollore. Te unifikohet edhe kultura dhe te qarkullojne krijimet tona, te cilat nuk njihen ne Shqiperi. Atje njihen vetem neper disa klane. Tash per tash, ne dore kete pune e kane vetem disa klane. Bashkohen klanet e Kosoves me klanet e Shqiperise dhe ata i bejne disa bashkepunime, ata zgjedhin se cilat libra duhet te botohen etj. Andaj e peson ne te vertete kultura shqiptare, kultura kombetare dhe e peson i gjithe populli yne per shkak te nje numri te vogel te pseudo intelektualeve dhe pseudo patrioteve, te cilet fale rrethanave te posaçme, kane hyre dhe kane zene vend ne hierarkite e ndryshme te shteteve te pjeseve ku ata jetojne. Vende qe mund te luajne role qe nuk u takojne dhe qe e demtojne kulturen shqiptare.

Blue Sky: Keni qene kryetar i Lidhjes se Shkrimtareve te Kosoves. Na tregoni diçka per pervojen tuaj aty.

Adem Demaqi: Rastesisht u ndodha aty dhe nuk desha t’ua prish qejfin, por u be mire se fitova nje pervoje, te cilen po te mos e kisha provuar, nuk do ta besoja qe ishte ashtu puna ashtu siç ishte. Ende kam frike se shkrimtaret jane te lene me nje ane dhe nuk u jepet rendesia qe ata kane. Ketu p.sh ekziston PEN QENDRA. Me shume PEN Qendra ka perkrahje financiare te nxjerra nga burime te ndryshme nga Kosova. Ministri i kultures me shume perkrahte p.sh Gjakoven sesa qe perkrahte festat tona, te cilat mundoheshim t’u japim karakter kombetar, t’i perkujtonim shkrimtaret tone etj, etj. Pra, neve nuk na financonte, na pengonte qe te financoheshim edhe ato pak qe duhej te na jipte, nuk na jipte, sepse i kishte disa inate personale e ndoshta mendonte te ishte mire me gjakovaret e te prishej me kosovaret. Por, kryesorja eshte qe kjo ka rrjedhur nga keq menaxhimi i fondeve ne Ministrine e Kultures. Prandaj, edhe njehere po them se shkrimtaret tane, jane trajtuar si shoqeri joqeveritare, si nje OJQ, qe eshte absurde dhe e pakuptueshme qe nje fushe kaq e rendesishme e krijimtarise se librit dhe te gjitha ato qe perfshin libri dhe shkrimi, te trajtohen ne kete menyre d.m.th sikur shkrimtaret nuk i duhen askujt dhe le te mbeten gjalle ashtu si te munden dhe le te behen si gjynah qe dikush do t’u ndihmoje e do t’i financoje here pas here. Pra, them qe pervoja ime aty eshte shume e hidhur dhe tash prape jam si anetare i kryesise se shkrimtareve te Kosoves sepse disa jane larguar dhe nuk kane pare ndonje interes te madh qe te jene aty. Une shkoj zakonisht aty ku nuk ka ndonje perfitim, por qe mund te bej dicka. Prape jemi ne situate qe duhet te perpiqemi dhe une besoj se porsa te forcohet, te behet kushtetuta, te behen ligjet, te kalohen disa faza te domosdoshme qe t’i leme rahat keta ministrat tane. Une besoj se do te behemi nje grup dhe do te shkojme tek ministri qe eshte me i autorizuari, do te shkojme edhe te kryeministri nese ka nevoje qe ta nxjerrim Lidhjen e Shkrimtareve ne rruge te mbare, ta vendosim aty ku e ka vendin. Jo ta leme Lidhjen e Shkrimtareve, ne meshiren e lloj lloj individeve, te cilet bejne dallavere ne kurriz te shkrimtareve e qe mundohen ta pengojne punen e tyre.

Blue Sky: Z. Demaqi, faleminderit. Te urojme shendet dhe suksese te metutjeshme ne krijimtarine tuaj.

Adem Demaqi: Faleminderit edhe juve. Permes juve, i pershendes te gjithe ata qe interesohen per kulturen tone.

Titulli: Adem Demaçi: Për politikë, pa klane Mon May 12, 2008 10:14 pm

O nje BAC ka kosova bre i dhasht zoti jetë edhe 50 vjet , eshte nje burr i madh shqiptar, nje njeri qe gjithe jeten ja kushtoi qeshtjes kombetare , nje burr qe nuk ju frigohet qfardo sfide qoft ajo qe eshte ne interes te kombit .
kudo qe e lypi vendi kurr nuk i tha jo po gjither po dhe vetem po , eshte legjend e gjall, simbol kombetar.
Por un frigohem se do na denoj dhe zoti neve se shum pak e perkrahem ket mrekulli qe na dhuroj zoti . Deshira ime eshte qe bacen Adem Demaqi ta shof njeher ne krye te vendit dhasht zoti te behet kjo.

Anëtar i Besueshëm Numri i postimeve : 1106 Registration date : 07/05/2008

Adem Demaci eshte legende e shqiptarise... mjere per popullin tone qe nuk eshte ka din ta vleresoj kete njeri te madh...

Anëtar aktiv Numri i postimeve : 782 Registration date : 20/03/2008

Për mendimin tim Adem Demaqi ka natyrë sakrifikuese, rebeluese dhe kryengritëse, mirpo ska lidhje me politike. Atij kurr nuk i dihet, sepse nuk ka pasur asnjëher politikë te konsoliduar dhe profilizuar. Në politikë është njeri i paparashikueshëm (kur t'i vijin ato te vetat merr qendrime te pallogaritura më parë, që është vështir ti dallosh se a janë budallaki apo largëpamësi).

Titulli: Re: Adem Demaçi: Për politikë, pa klane Thu May 22, 2008 1:08 pm

A -------- Adem
D -------- Demaci
I --------- I
D -------- Denoi
A -------- Armiqte
S -------- serb

Adem Demaci - Adidasi ishte, eshte dhe do te mbetet maratonomaku revolucionar i shqiptareve. Vepra e tij heroike i kapercen cdo kufi te se mundshmes. Adem Demaci eshte palca e revolucionit shqiptar.

Titulli: Re: Adem Demaçi: Për politikë, pa klane Thu May 22, 2008 1:16 pm

xhavo_ shkruajti:: Për mendimin tim Adem Demaqi ka natyrë sakrifikuese, rebeluese dhe kryengritëse, mirpo ska lidhje me politike. Atij kurr nuk i dihet, sepse nuk ka pasur asnjëher politikë te konsoliduar dhe profilizuar. Në politikë është njeri i paparashikueshëm (kur t'i vijin ato te vetat merr qendrime te pallogaritura më parë, që është vështir ti dallosh se a janë budallaki apo largëpamësi).

Ej, xhavo djalo e tepruat me te madhe kesaj rradhe. Je ne vete cfare thua apo i thua vetem sa per te ndezur debat ne kete teme. Duhet ta dish qarte se baca Adem asnjehere (shyqyr dhe fatmiresisht) nuk eshte rrasur ne politiken zyrtare, politike e cila kushtezohet nga serviliteti dhe puthadoresia. Te tille jane te gjithe politikanet ordinare te Kosoves.

Duhet ta dish mire, ore Xhavo djaloshi se eshte fenomeni i paparashikueshmerise ai qe prodhon politike te njemendet, te qendrueshme dhe te shendetshme. Paparashikueshmeria eshte arma me e fuqishme ndaj armikut. Gjera qe te gjithe i dime. Vetem parashikueshmeria eshte vdekje ne politike, per shkak se armiku te njeh, te kontrollon, nuk ka frike prej teje, te ka nder duar. Te parashikueshem jane te gjithe zuzaret politikane te Kosoves, te cilet as ne Wc nuk shkojne pa lejen e Tina Kajdanovit dhe Rykerit dhe peter Feithtit dhe kujt e kujt tjeter.

Te gjitha veprimet e baces Adem jane veprime te menduara mire, te miremenduara, qe i kapercejne permasat e shekujve, qe jane me te mira se cdo veprime te politikes qullashe te Kosoves.

Titulli: Re: Adem Demaçi: Për politikë, pa klane Thu May 22, 2008 2:30 pm

luboteni shkruajti:: A -------- Adem
D -------- Demaci
I --------- I
D -------- Denoi
A -------- Armiqte
S -------- serb

Adem Demaci - Adidasi ishte, eshte dhe do te mbetet maratonomaku revolucionar i shqiptareve. Vepra e tij heroike i kapercen cdo kufi te se mundshmes. Adem Demaci eshte palca e revolucionit shqiptar.

paskam nise ta harroj kete gje

keto kane qene ne vitet e 90 dikund, apo jo

Titulli: Re: Adem Demaçi: Për politikë, pa klane Thu May 22, 2008 4:04 pm

legjend e gjall edhe 24 ore te rrish duke shkruar nuk mjafton per te ,

LUBOTENI vella shum shkrime te mira po bene ama secilen tem qe po e hap pa marr parasysh se me qka ka te baj ajo tem ti ka fundi gjithmon po ke kungja per kryeministrin ton te nderuar HASHIM THAQIN .

kam nje pytje poer ty LUBOTENI
1. A eshte nje gje e keqe ajo qe beri hashim thaqi per bacen adem - penzion, vetur , shofer ????

2. Qka ta merr menja qka duhet me ba qeveria per bacen adem ??

Hashim Thaqi ti shoki jem eshte ai qe gjithmon ahste mundu me ofru ngat vetes bacen adem si ne kohen e UCK-se si atsh siu gjithmon sa kryeministra i pat kosova mbas luftes sa kryetar e asnjeri sberi asgje per te por tash ahste bash ky hashim thaqi qe ti s eke merak hiq skam qka me te ba se ti po me duket qe qenke ne ate partin qe kan ne rend te pare si pik e par KOMUNIZMIN e ku ta di une .

rrespekte per te gjithe

fi2a1

» ROMAN N Ë N A SH E G Ë E PESË GOCAT Adem Demaçi
» Baca Adem Demaçi,Armiqt nuk mallkohen me fjal!
» politikë
» Politikane apo matrapaz politike
» Profilizimi i partive politike në Kosovë