Përdorimi i emrit të Pejgamberit....

Përdorimi i emrit të Pejgamberit në produkt nxit polemika

Një tregtar lokal këtu ka ngritur polemika duke shitur hurmet duke përdorur emrin e Pejgamberit (paqja qoftë mbi të) në paketim.
Në paketim shkruan: "Ku janë njerëzit që thonë se ata e duan Pejgamberin (paqja qoftë mbi të) dhe e pasojnë Sunetin e tij." Duke e shtypur këtë në kopertinën e paketimit, tregtari thotë se ai i referohet haditheve të ndryshme, ose thënieve të Pejgamberit që këshillojnë njerëzit të konsumojnë hurme për shkak të dobive të tyre shëndetësore.
Shumë njerëz kanë përdorur Twitter-in për të kritikuar këtë metodë të marketingut të produkteve të muslimanëve duke përdorur urdhërat islame. Disa komentatorë thanë se tregtari është i interesuar vetëm në përfitimin e parave dhe është në gjendje të mashtrojë për shkak të kontrollit të dobët qeveritar.
Tregtari, ndërkohë, mbetet këmbëngulës duke thënë se kjo është një formë legjitime e marketingut. Ai tha se ai e ka projektuar vetë logon dhe se qëllimi është që të nxis muslimanët ta duan Pejgamberin dhe mësimet e tij.
Ai tha se ka produkte të tjera në treg, të tilla si llojeve të caktuara të kafesë, të cilat gjithashtu inkurajojnë njerëzit për të ndjekur Ligjin Islam.
Ai tha se ka lëshuar në treg tashmë një produkt tjetër duke përdorur të njëjtën metodë, e cila nxit njerëzit që të binden prindërve të tyre. Ai ka shtypur sasi të mëdha të kësaj logoje , tha ai.

Burimi: Arab News
Përktheu nga anglishtja:
Mexhid Yvejsi, Gjakovë

======================================================