TRIUMF PEGASIAN

TRIUMF PEGASIAN


ÇMIMIN E PARË NË TAKIMIN E POETESHAVE SHQIPTARE NË VUSHTRRI E "RRËMBEN" POETJA E TALENTUAR PEGASIANE, SHQIPE HASANI.....
TE LUMTË , SHQIPE!



Poetja pegasiane, Shqipe Hasani, mposht të gjitha konkurrentet e Takimit të Poetëshave të Vushtrisë... duke triumfuar me çmimin e parë... , ashtu, sikundër dhe me çmimin e parë në Simpoziumin e tretë Ndërkombëtar ”Lirizmi në letërsi dhe në Artin bashëkohor” Tiranë – Prishtinë, prill 2011..


Rishfaqet ne faqen pegasiane , poetja e mirënjohur Shqipe Hasani, Prishtinë , Kosovë, anëtare e LNPSHA “PEGASI" ALBANIA , qysh nga viti 2010.

Poezia fituese


Shqipe HASANI

Psalm i Kleopatres

Të mërkuren e shenjtë do të më vënë
Në skenë, si Kleopatren.
Pse hyra në legjenden e kurorës?
Pse lava sytë ëndrrat që i pashë?
Pse putha pa mëshirë diellin e dashurisë?
Të enjten do të më këndojë si Kleopatra!

Aq më bënë xheloze,
Se të premten e zhvirgjërimit,
Do të më zgjosh me fustan të gjakut,
Do të më bësh roje nën flokun e gjatë,
Do të më fshehin në shtratin e trëndafiltë,
Deri sa të të dua gjithë natën
E mos të nginjem.

Gjithë javën tjetër qaj dhe gjykohem,
Që s’të kam njohur më pare,
Me shpirtin e prushtë të Çezarit.

Dikur të bëhemi fitimtarë të vjeshtës,
Të pijmë verën e dasmës,
Të ringjallim betejën e dashurisë,
Për vitet e ikura.