INTERESANT NË FUQI TE TRETË nga Kristaq F. Shabani

INTERESANT NË FUQI TE TRETË
nga Kristaq F. Shabani

Një miku im sot më tha: "Dua të pi ilaçe, të kap hapësirën qiellore...Hapësira qiellore të jetë vetëm imja..."
Në sytë e tij pashë krejt Globin pronë të tij ... Globi ishte futur komplet me përmasat gjigande në bebëzën e syrit të kaltër... I shkreti Glob, i miri Glob!... Dhe brenda syrit të tij mendonte dy polet, tropikun, meridianët, paralelet...
U mendova fare pak dhe i thashë shprehimisht: "Kot të pish ilaçe... Ti, qysh tani, e ke pushtuar hapësirën qiellore..."..
"Ashtu?" më pyeti me sytë “Glob”...
"Por ,te këshilloj diçka...".
"Çfarë?...".
"Bëj një të mirë..., bamirësi".
"Ma thuaj, i nderuar..." .
"Pi ilaçe të shërohesh e të shëndoshësh ilaçet , të cilat vuajnë...".
"Këtë , po e dëgjoj , për herë të parë ... Qenka interesant! Ne pijmë ilaçe gjithmonë me mendimin se na shërojne ato, por që të pijmë ilaçe të shërojmë ilaçet (medikamentet) nuk më kishte vajtur mendja... Do ta provoj...Faleminderit !" Dhe u ndamë ...
Pas 30 minutash, pas ndarjes, bie telefoni im dhe dëgjoj këtë fraze: "Ishte, sikundër më the... Ilaçet që piva e ndjejnë veten tashmë shëndoshë...".
Dhe mbylli telefonin...
*
Une ndjeja kenaqësine e provës...
Ilaçet po kuronin vetveten...

Gjirokastër, 11.02.2013