ANTITEMPULLI I QYQES, poezi nga Kristaq F. Shabani

Poezi pegasiane


Poezia e “thekur” sociale

ANTITEMPULLI I QYQES
“ Këngë” Qyqëzimi, modeli tjetër i kurthit...
Nga Kristaq F. Shabani

1.
Ne qetësinë time
të lëvizshme,
në një çast pritës
për të kundruar
“përrallën e fluturimit”,
në një sinjal të arritjes
“Fluturim të tej ëmbël...”
Kërkoja të kënaqja
një herë të vetme Syrin...
Prisja çudinë :
“140 pëllumba
të fluturonin ansamblisht
nga Tempulli
për në hapësirën e Sovranit,
Sovran- këmbëkëputurit për ecje ,
trullosur nga lëvizjet sizmike,
hapësirës trupore llavën përvëluese...
vullkanesh të rremë ...
Hapësirë e lënë bosh
nga shmangja
dhe spostimi meridian...
Grenuiçit i merreshin mend
nga tabletat e gëlltitura:
140 përnjëherësh ...
Ç‘kob i paskrumbullt!....

2.
Hëna thoshnin do të rriste madhësinë ,
Ylberet do të shfaqeshin shpesh
me ngjyrimet e çuditshme....
ora e qiellit
do të shpejtonte vrullshëm
lëvizjen e akrepave:
orë,
minutë,
sekondë...

3.
Befas:
U shfaq akti i kundërt
mbi sytë profetikë...
Fallxheshat mbetën stepur,
përplasën filxhanet e luluar,
në një thyerje tërë mllef...
s’u kishin dalë leximet
në parashikimet e vijave të kafesë;
Polet ngatërruan vetveten
dhe emërtimin....
Dita ndjeu azmën përnjëherësh ...
Mbi “Antitempull “
u ul një Qyqe kokëmadhe,
e personifikuar vetëm në përralla...

4.
Nuk na ndahet kjo qyqe,
tash njëzet vjet,
me të folurën e saj
“ku-ku-ku-ku”,
ku vetëm e bukur mbetet
ndarja e rrokësuar e ku –ku –së..
Nuk na ndahet
as në ngrënien
e thatë të mëngjesit,
As në pirjet e kafesë,
As në nevojat biologjike,
as në thurrjen e ëndrrave...
Qyqja drejton
seancat e meditimeve
me stilin e saj ...
quajtur nga servilpolitologët :
“I përkryer”...
Thamë se kishim shpëtuar,
Por kurthit
i flakërojnë kurthimet ...
A mund të shpëtohet
nga ky QYQËZIM
Ku gjembi shpon
varfërinë?!...

5.
U rrit zhgënjimi ,
teksa 140 korba dhe sorra
krejt të murrmë,
me fluturim “trajtë” korbi
dhe sorre
Me zërin korb
e turfullim sorre
me klithmim nisës,
frap zezuan Tempullin
e kthyer në Antitempull...
Hapësira u hirëzua,
u zezua Dita,
Retë stisën shiun
u shndërrua Vera
në një dimër të egër
plot ciklonesh
duke i kapur profetët në befasi...
dashuritë e vjetra në divorc...
nga etja...

6.
Koha lotonte mosarritjen ....
Pasardhësit nuk donin
të dilnin nga barqe nënash :
Grevonin brenda tij për borxhin,
tek i priste
në daljen e parë në publik...

7.
Pyesnin Profetët: Si mund
të shpëtohet nga kjo Qyqe,
nga këta korba sorranë ,
mbytës të Sovranit ,
humbës të fronit ?”
Pyetje pa përgjigje
e mbetur në një mol të braktisur
qyshkur nga prezencë anijesh...
Ah, Tempull i “Efesit” ,
po të ridjeg për famë Qyqja !
Qyqja, “stërmbesa e bariut famëdjegës
Erostrato ...

8.
Cili do të jetë vallë
Aleksandri rindërtues?!

9.
Qajnë të “dyja” Afërditë – Diana
deri atëherë ...

Poezi e botuar, viti 2012

Perikli Shuli E deri atehere !!!!!! Me qyqe neper qiej te vrenjtuar, ne kataklips , tundohe, barkbosh degjojme; ciklone nga deti me kohe te mire, pabesi... ne mengjes , si kuti te nje kolie te mbushur me shkrepse te dala mbi uje... Dhe ne rremujen e kesaj papastertie,frike .. se ndoshta, nje sorre ka shpetuar, po zeri saj , do te jete i ngjirur., ...Pellumba çohen ne fluturim. Keta nuk ngrihen nga filxhanet e kafes, a tempujt e pabesise , po nga zeri i birbilit , qe u çua te laj syte, nga universitetet qe dalin dallandyshe , nga ardhja pa kthim ne dhe te huaj, akrepat e ores te ngelur, takuar; Grenuici te filloje dhe nje here nga e para ...... Ne horizont re te bardha , duken .... 1....2....3..... Pentagram....Muzik pa kompozitor. Te faleminderit miku im, Kristaq, eshte nje poezi perle.... Respekt Kili...!

Begzad Baliu Urime Z. Kristaq, nje zgjedhje dhe nje gjetje e detajuar per vete historine.

Jorgo Telo SHPOTITJET METAFORIKE me dimensionet e goteskut simbolik pasojne njëra-tjetrën ng strofa në strofë nga vargu në varg, ku pasazhet mesazhore tronditëse drithërojnë shpirtin e çdo lexuesi të ndjeshëm edhe mesatarisht... Lëre njerëzit me ndjeshmëri sipërore... Mjerë gjithkush që hera e ka pozicionuar jashtë Antitepullit...! Nderimet e mia, KRISTAQ!

Gjergj Nikolla ‎140 pellumbat vitin tjeter do zevendesojne keta te tashmit qe as pendet nuk i kane te tilla,kane shume pigmente qe mua me irritojne e ma bejne iten krejt te shkurter...
Respekte PEGASIAN...

Lulzim Hajdari E bukur, domethenese dhe realtive, Krahasim perfekte ..dhe sinjalizues... [Po desha te pyes miqte ne pergjithsi. Nderrimi tek neve ekziston si Vizjon, e Mendim..dhe larg Veprimit...Sepse po keta 140 pellumba pa pupla e pa bisht krejt..e pa Veze ...do te kunkurojn vitin tjeter...E per keta 140 do te shkojm te jargezuar e me buzeqeshje drejt kutiave te Zeza..e do perzgjidhen perseri Po nga Dora jone....Kjo ka 22 vjete qe ndodh ..Eshte faktike....dhe I keni aty ne qender.... Ju flm..

Gentjan Banaj Besoj se eshte nje kengezim perfekt i realitetit social, kesaj shoqerie qe ne per dreq e jetojme perdite. Besoj, dhe kete e argumentoj katerciperisht qe eshte nje poezi antologjike ne universin e saj. Gjithcka qe ajo ngerthen, kuptim, ide, mesazh, gjindje, plotnine e 7 diteve, ngjyrave, urdheresave etj e realizon mrekullisht mire ne stil, gjuhe, figuracion etj. urime, mbreselenese dhe e kendhsme per cdo lexues ne kete realitet te mirefillte poetik-artistik....Urime.

Kristaq Shabani Ju faleminderit te gjitheve te kane shprehur pelqesen per kete poezi "te thekur" sociale, por ne veçanti atyre qe jane shprehur per te si: Perikli Shuli,Aferdita Kraja,Begzad Balliu, Jorgo Telo, Boriçi, Merita Smaja,Gjergji Nikolla, Lindita Prenga, Gentian Banaj. Lulezim Hajdari,. Pres mendime te tjera per kete krijim...