Ecejak: TËRFIL ME KATËR FLETË … poemth

Ecejak: TËRFIL ME KATËR FLETË …

nga Kristaq F. Shabani


POEMTHI I ZINXHIRIT


1. X+y

Meditoj rrugës...
Lehin "qentë’...
Lehje e tejkaluar në 4/4…

2.k.

Prek humanen
në njësi tregtare ....
Lehin listat...
“Ham-hum, hum - ham” ...
Se si më ngjan
në këtë përhumbje,
ku këngëron kënga:
”Mish - mash, mash - mish...
me dy refrenë...

3. a x s = ”suk...”

“Metisët” gërmojnë “kazanet”..
Aty këtu
dhe ndonjë i bardhë i nxirë...
i lyer me bojë mosmirëqenie...
Shpallje për shfaqe teatri
asqë mund të mendohet më ...
Aktorët lëvizin të pirë,
si të çmendur ,
mbuluar nga flokët e stërmëdhenj...
Pauzistët lënë me keqardhje karriket...
Dhe thënia : ‘Ishtë dikur i mirë...”
Qesh me një prerje barku...”

4. R : M= sh

Zhurmojnë klubet
nga kafepirësit ,
të rinj kafepirës ...
të reja lyerllastuar për ballim
dhe nismim çnderimi...

5. P x p

...Ku e kanë fshehur nderin?
Ndën mengë?
Në buzëqeshjen shtirëse?
Në phashin tokësor?

U hodh në greminë
në një vdekshmëri 100%“
rrëfen statistika...
dhe loton syri i popullit ...

6. Algë ..... amebë

Gjuajtës seksivë
lehin "lajmet "...
Njeriu vlen sa një arush ....
i qendisur... tërë push ...
në një qendastëri tërësisht private
ku konturohet:
Kali i madh,
Kali i Drunjtë,
Luani pa pendë...
dhe Zonja e Parë...

7. V vetëm v.....

Koroboçkat gogoliane
tejvarrin “pamjen”
në një shelg lotues
qan ardhwrinë...
Dancojnë kalibrikisht
Salonet dhe bizhuteritë
e përvetësuara “gabimisht”.
Pretendim “mondan”
Simbolizojnë vetëm Alpet...

8. Y… i rënë kokëposhtë

Papritmas më zgjaten
dy duar lypsare…
Portofoli qahet
në lemeri të plotë....
“Aman , zotëri pesë lëkë! ...

Lypja ime e fundit ...
Se sot zgjidhet Presidenti
Hallet e lypsare në aktin e fundit..”.

8/1 Cigarciganet ...

Meitet thithin cigaret ...
Dyshoj për përmbajtjen...
Duhani a qenkërka kryefjalë?

9. G 2 dhe E …

Lajm i fundit :
“Evropa kërkon të futet tek ne…
Ndaj u stacionuan dy dekada…’
Analistët përqeshin vetveten
Tek shpërblehen për minutat ...
Imponimi i gazmohet bustit
në shtatore militante..

10.A.......O..... U Aoooouuuua!

Pesë ”të ikura nga rruga”
përcjellin shqetësimin:
Si do t’i ushqejnë fëmijët
e lindur në “maternitetin” e rrugës ?
Më “vjetrani” i Globit
partiton me klithmin ligji...
në një koncert rruge
me emër të huajtur…

11. SHMVK….

Ej, ti atje shkundu,
ç’më je kthye rnë shurdhmemec,
syverbër…
krahëprërë , këmbëprerë…
S’mësove kurrë
si e humbe pasurinë ,
ta pronësuan “syzet” ,
e ligjëruar përmes
moszgjuarësisë tënde...

Bindovilat po çjerrin faqet…
Grataçielat lëshojnë tymin
të akaparojnë qiejt...

12. G në Def...

Nëpër qiell uturon vargu migjenian
“A ke grusht?”
“Pse?”
“Në rrëznajë : Grushti i dorës mbytëse!”
Qesharakizëm : ”Njëshi e ka rritur qyshkur shtatin!
Meshohet tashmë në qiell...

E lutura e deformuar ikur nga Toka...

13. Doni.... i qetë dhe A. XH

Në këtë kasaphanë pa çelës
Numri... nën Njëshin e bukur
S’e ka idenë e simbolikës...
Zvarritet rrëshqanthi në rrugicën tërë myshqe...

14. Qeni im në gjenialiet ...

Meditoj rrugës...
Lehin qentë...
Një lehje e tejkaluar në 4/4…

Më afrohet qeni im Gjeni tinas,
më përshpërit në veshin e dhjathtë:
“Janë marrosur qentë,
s’njohin as identitetin e tyre “qen”!”

Qenushë të tjerë mblidhen në shesh:
“Kërkojnë të drejtat…
Një javë u ka munguar racioni i mishit”…
Qeni im “Gjeni’ më afrohet përsëri,
Do të më përsëritë diç në vesh…

15. Dy veshet në grindje…

Afroj përsëri të djathtin…
Më thotë prerë : “Jo të djathtin…
Të majtin….”
“E pse ? Ta dëgjoi i Djathti,
t’ia thotë të Majtit...”.
Qenushi im Gjeni :
”S’bien kurrë në ujdi...
Mashtrojnë: vetveten, njëri - tjetrin...”...

16. Sinoptika

Lehjet s’mund ta zgjedhin të parin e tyre…
Fytyrave ambasadore varur hajmalia…

17. K u l t u r i m ?!

Kulturimi ka emigruar,
Spostuar,
Shtatin rritur vemjet…
Arin e Verdhë e pickoi një bletë...
Kortezh apo .... vijim jete nën urdhër...
Mbetur me një bronke....

18. r r e t h

Kokëvarur ...pickohen ....
Rrethi i 13 ka hapur siparin...

18/1. Zinxhiri....

Një tellall me sa ka në grykë bërtet :
”Kush do zinxhirë nga ju qentë
t’i drejtohet
Qytezës së ZINXHIRAVE...
Mall i sjellë nga përtej deteve prej “floriri”...
Lirë dhe mirë…
Do të habiteni
në 100 vjetorin e Pavarësisë…
Nxitoni koncerti për violinë
dhe orkestër ju mirëseurdhëron…
E paraprit një lojë Ping-Pongu…
S..J…A…M…I…R…G…A
Një ikje përsëprapthi në 4/5”…

19. Pika, pikë …copë e çikë...

Kaq emra për kandidat
në një regjistër
”DASHAMIRËS”...
Regjistro dhe ti emrin ,
pastaj shmangu...
Telenovelë ADRIATIKU...
E ç’rëndësi kanë xhepzbraztët,
xhepgrisurit...?

20. Epilog

Lajmi fundit:
Hap sytë në këtë terr...
Dhe nëse sytë i ke të shkëlqimtë,
Ndihesh në verbërinë e Hashekut…
Po kërkojmë tërfilin me katër fletë!...
Ritual mbytës në rrojsirë:
Ham-hum, mah- muh, amh, uhm...
Hhaumn....
Qeni im "Gjeni" Qesh:
“Bashkoi dy veshët...
Mund ta bëja shumë mirë
dhe unë President!“
Gagaçët hapin buzët...